ᒨᓯᓯ ᐂᑉᐸᖏᑦ 27:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ “ᐃᓴᕆᐊᓕᒥᐅᑦ ᐱᖁᔭᒃᓴᕆᕙᑎᑦ ᐃᓕᖕᓄᑦ ᕾᑦᓯᖁᓗᒋᑦ ᓇᐹᕐᑑᑉ ᐅᕐᓱᖏᓐᓂᒃ ᐱᐅᓂᕐᐹᓂᒃ ᓇᓂᕈᐊᒧᑦ ᐅᕐᓱᒃᓴᐅᓂᐊᕐᑐᓂᒃ, ᓇᓂᕈᐊᑦ ᐋᖅᑭᒃᓱᕐᑕᐅᔪᓐᓇᖁᓪᓗᒋᑦ ᑍᒪᓐᖓᓪᓗ ᐃᑯᒪᓕᖁᓪᓗᒋᑦ ᑕᕝᕙᓂ.

ᒨᓯᓯ ᐂᑉᐸᖏᑦ 27:20 Iomraidhean Croise

ᐃᓐᖏᕈᑎᑦ 23:5

ᓂᕐᕆᕕᖕᒥᒃ ᓂᕆᓂᐊᕐᑕᓐᓂᒃ ᐋᖅᑭᒃᓱᐃᕗᑎᑦ ᐊᑭᕋᕐᑐᕐᑎᒪ ᑕᒃᑯᐊᓐᓂ. ᓂᐊᖁᕋ ᓇᐹᕐᑑᑉ ᐅᕐᓱᖓᓄᑦ ᑯᕝᕕᕆᕙᑦ; ᐃᒥᐅᑎᒐ ᐊᒡᓛᑦ ᑕᑕᓗᐊᓕᕐᐳᖅ.

ᒨᓯᓯ ᐂᑉᐸᖏᑦ 25:6

ᓇᓂᕈᐊᓪᓗ ᐅᕐᓱᒃᓴᖏᓐᓂᒃ, ᓇᐹᕐᑑᓪᓗ ᐅᕐᓱᖓᑕ ᒥᖑᐊᕐᓯᒍᑎᐅᑉ ᑎᐱᑦᓯᐊᕆᒃᓴᐅᑎᖓᓂᒃ, ᑎᐱᑦᓯᐊᕆᒃᑐᓂᒡᓗ ᐃᓯᕐᓗᐊᕐᓂᑎᑦᓯᒍᑎᒃᓴᓂᒃ,

ᒨᓯᓯ ᐂᑉᐸᖏᑦ 27:19

ᓱᓇᑐᐃᓐᓇᓕᒫᑦ ᐊᑐᕐᑕᐅᔪᑦ ᑐᐱᕐᒥ, ᑐᐱᐅᓪᓗ ᓄᖃᕐᕕᖏᑦ ᑕᒪᕐᒥᒃ, ᐃᑦᔪᕐᓁᑦᑐᕕᐅᓪᓗ ᐱᑐᒡᕕᓕᒫᖏᑦ ᑲᓐᓄᔭᐅᔪᒃᓴᐅᕗᑦ.”

ᒨᓯᓯ ᐂᑉᐸᖏᑦ 35:28

ᑎᐱᑦᓯᐊᕆᒃᓴᐅᑎᓂᒡᓗ ᓇᓂᕈᐊᓪᓗ ᐅᕐᓱᒃᓴᖏᓐᓂᒃ, ᓇᐹᕐᑑᓪᓗ ᐅᕐᓱᖏᑦ ᒥᖑᐊᕐᓯᒍᑎᒃᓮᑦ, ᑎᐱᑦᓯᐊᕆᒃᓴᐅᑎᓪᓗ ᐃᓯᕐᓗᐊᕐᓂᕐᑎᑕᒃᓮᑦ.

ᒨᓯᓯ ᐂᑉᐸᖏᑦ 35:8

ᓇᓂᕈᐊᓪᓗ ᐅᕐᓱᒃᓴᖏᓐᓂᒃ, ᓇᐹᕐᑑᓪᓗ ᐅᕐᓱᖓᑕ ᒥᖑᐊᕐᓯᒍᑎᐅᑉ ᑎᐱᑦᓯᐊᕆᒃᓴᐅᑎᖓᓂᒃ, ᑎᐱᑦᓯᐊᕆᒃᑐᓂᒡᓗ ᐃᓯᕐᓗᐊᕐᓂᑎᑦᓯᒍᑎᒃᓴᓂᒃ,

ᒨᓯᓯ ᐂᑉᐸᖏᑦ 39:37

ᓇᓂᕈᐊᓪᓗ ᑐᓐᖓᕕᒃᓴᖏᑦ ᒎᓗᐃᓐᓁᑦ, ᖃᐅᒻᒪᖅᑯᑎᒃᓮᓪᓗ, ᓱᓇᑐᐃᓐᓇᒃᓴᓕᒫᖏᓪᓗ ᑕᒪᕐᒥᒃ; ᓇᓂᕈᐊᒃᓮᓪᓗ, ᓇᓂᕈᐊᓪᓗ ᐅᕐᓱᒃᓴᖏᑦ;

ᒨᓯᓯ ᐂᑉᐸᖏᑦ 40:4

ᑕᕝᕗᖓ ᐋᖅᑭᒃᓯᔪᒃᓴᐅᒋᕗᑎᑦ ᓵᒥᒃ ᓱᓇᑐᐃᓐᓇᒃᓴᖏᓪᓗ ᐱᖃᓯᐅᑎᓗᒋᑦ. ᓇᓂᕈᐊᖃᕐᕖᓪᓗ ᑕᕝᕗᓐᖓᕐᒥᓗᒋᑦ ᓇᓂᕈᐊᓪᓗ ᓇᓂᕈᐊᖃᕐᕕᖕᓄᑦ ᐃᓕᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:4

ᑖᒃᑯᐊᒡᓗ ᒪᕐᕉᒃ ᓇᓗᓁᕐᓯᔩᒃ ᓇᐹᕐᑑᕘᒃ ᐅᕐᓱᒃᓴᓕᖕᓂᒃ ᐸᐅᕐᖓᓖᒃ ᓇᓂᕈᐊᓪᓗ ᑐᓐᖓᕕᖏᒃ ᒪᕐᕉᒃ ᓄᓇᕐᔪᐊᓕᒫᑉ ᐊᑕᓂᖓᑕ ᓵᖓᓃᑦᑑᒃ.

ᐃᓗᐊᕐᓮᔩᑦ ᐊᒡᓚᖏᑦ 9:9

ᓇᐹᕐᑐᖅ ᐅᕐᓱᒃᓴᓕᒃ ᑭᐅᕗᖅ, ‘ᐅᕐᓱᖅ ᐅᕙᓐᓂᑦ ᐱᔪᖅ ᓴᒃᑯᑕᒃᓴᕆᕙᕌ, ᑕᒪᑐᒨᓇ ᒎᑏᑦ ᐃᓄᐃᓪᓗ ᐅᐱᒋᔭᐅᑦᔪᑎᒃᓴᕆᕚᑦ, ᓇᐹᕐᑐᐃᑦ ᖁᓛᑦᑎᒍᑦ ᑕᑯᒃᓴᐅᖁᓪᓗᒍ ᐊᓄᕆᒧᑦ ᐊᐅᓚᔪᖅ?’

ᓴᒧᐃᓕ ᓯᕗᓪᓖᑦ 3:3

ᒎᑎᐅᑉ ᓇᓂᕈᐊᖁᑎᖓ ᐃᑯᒪᑎᓪᓗᒍ ᓱᓕ, ᓴᒧᐃᓕ ᓇᓪᓚᖓᓪᓗᓂ ᓯᓂᒐᓱᓕᕐᑎᓪᓗᒍ ᐊᑕᓂᐅᑉ ᑐᐱᖓᓂ, ᑕᕝᕙᓂ ᒎᑎᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓᑕ ᓇᔪᕐᑕᖓᓂ.