ᒨᓯᓯ ᐂᑉᐸᖏᑦ 27:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᑕᒪᒃᑯᐊᓗ ᓇᐸᔪᐃᑦ ᐃᑦᔪᕐᓁᑦᑐᕕᖕᒦᑦᑐᑦ ᑲᓱᕐᓯᒪᐅᑎᔪᒃᓴᐅᕗᑦ ᐃᑳᖓᔪᖃᕐᓗᑎᒃ ᓯᐅᓪᕕᕆᓂᒃ, ᓂᒃᓯᖏᓪᓗ ᓯᐅᓪᕕᕆᐅᖕᒥᓗᑎᒃ ᑐᓐᖓᕕᖃᕐᓗᑎᒡᓗ ᑲᓐᓄᔭᓂᒃ.

ᒨᓯᓯ ᐂᑉᐸᖏᑦ 27:17 Iomraidhean Croise

ᒨᓯᓯ ᐂᑉᐸᖏᑦ 27:16

ᐃᑎᕐᑕᕐᕕᓪᓚᕆᖓᓕ ᑖᓗᑕᖃᕐᑐᒃᓴᐅᒋᕗᖅ ᓴᓂᒧᑐᓂᖃᕐᑐᒥᒃ ᐆᒃᑑᑎᓂᒃ 10ᓂᒃ, ᖃᓪᓗᓈᕐᑕᑦᓯᐊᕙᖕᒥᒃ ᓵᑦᑐᒥᒃ ᑐᖑᔪᕐᑐᖃᕐᓗᓂ, ᐊᐅᐸᓪᓚᕆᒃᑐᖃᕐᓗᓂᓗ, ᐊᐅᐸᕐᑐᖃᕐᓗᓂᓗ ᓄᕕᕐᓵᒃᓴᒥᒃ, ᑖᒃᑯᐊᓗ ᑕᕐᓯᕐᓱᕐᓯᒪᓗᑎᒃ ᒥᕐᓱᕐᓯᒪᔪᓂᒃ, ᓇᐸᔪᖃᕐᑐᒃᓴᐅᕗᕐᓕ ᓯᑕᒪᓂᒃ ᑖᒃᑯᐊᓗ ᑐᓐᖓᕕᖃᕐᓗᑎᒃ ᓯᑕᒪᓂᒃ.

ᒨᓯᓯ ᐂᑉᐸᖏᑦ 27:18

ᐃᑦᔪᕐᓁᑦᑐᕕᒡᓕ ᑐᑭᒧᑦ ᑕᑭᓂᖃᕐᑐᒃᓴᐅᕗᖅ ᐆᒃᑑᑎᓂᒃ 50ᓂᒃ, ᓴᓂᒧᑐᓂᖃᕐᓗᓂᓗ ᐆᒃᑑᑎᓂᒃ 25ᓂᒃ, ᐳᕐᑐᓂᖃᕐᓗᑎᒡᓗ ᐆᒃᑑᑏᖕᓂᒃ ᒪᕐᕉᖕᓂᒃ ᐊᕝᕙᕐᒥᒡᓗ. ᑖᓗᑕᖏᓪᓗ ᖃᓪᓗᓈᕐᑕᑦᓯᐊᕙᐅᔪᒃᓴᐅᕗᑦ ᓵᑦᑑᓗᑎᒃ ᑐᓐᖓᕕᖃᕐᓗᑎᒡᓗ ᑲᓐᓄᔭᓂᒃ.

ᒨᓯᓯ ᐂᑉᐸᖏᑦ 38:28

ᐊᒥᐊᒃᑯᒋᔭᖏᓪᓗ ᓯᐅᓪᕕᕇᑦ 30ᓂᒃ ᑭᓗᒍᕌᓂᒃ ᐅᖁᒤᓐᓂᓖᑦ ᐸᔧᓕᐅᓪ ᓴᓇᓚᐅᕆᕔᑦ ᕿᕋᑦᑕᖅᑯᑎᒃᓴᐅᓪᓗᑎᒃ, ᓇᐸᔪᓄᓪᓗ ᓂᕕᓐᖓᕕᐅᔪᓄᑦ ᓂᒃᓯᒋᔭᐅᓪᓗᑎᒃ, ᐅᓕᒋᔭᐅᔫᓪᓗ ᖃᓕᐊᕈᑕᖓᑕ ᐋᖅᑭᒃᓯᒪᐅᑎᒋᓪᓗᓂᒋᑦ.

ᒨᓯᓯ ᐂᑉᐸᖏᑦ 38:30

ᑕᒪᒃᑯᓄᖓᓗ ᑐᐱᐅᑉ ᐃᑎᕐᑕᕐᕕᖓᑕ ᑐᓐᖓᕕᒃᓴᖏᓐᓂᒃ ᓴᓇᓚᐅᕐᐳᖅ ᐊᑕᓂᐅᑉ ᓇᔪᒐᒃᓴᖓᓄᑦ, ᑐᓂᕐᕈᓯᕐᕕᒡᓗ ᑲᓐᓄᔭᖅ ᓴᒡᕙᓯᒡᕕᒋᔭᖏᓪᓗ ᑲᓐᓄᔭᐅᒋᓪᓗᑎᒃ, ᑐᓂᕐᕈᓯᕐᕕᐅᓪᓗ ᓱᓇᑐᐃᓐᓇᒃᓴᓕᒫᖏᓐᓄᑦ ᐊᑐᓚᐅᕆᕔᑦ.