ᒨᓯᓯ ᐂᑉᐸᖏᑦ 26:36 - ᐊᒡᓔᑦ ᐃᑦᔪᕐᖕᓁᑦᑐᑦ

³⁶ “ᑐᐱᐅᓪᓕ ᐃᑎᕐᑕᕐᕕᖓ ᑖᓗᑕᓕᐅᕐᑕᒃᓴᕆᕙᑦ ᖃᓪᓗᓈᕐᑕᑦᓯᐊᕙᖕᒥᒃ ᓵᑦᑐᒥᒃ ᑐᖑᔪᕐᑐᒥᒃ, ᐊᐅᐸᓪᓚᕆᒃᑐᒥᒡᓗ, ᐊᐅᐸᕐᑐᒥᒡᓗ ᓄᕕᕐᓵᒃᓴᒥᒃ; ᑕᕐᓯᕐᓱᕐᓯᒪᓗᓂᓗ ᒥᕐᓱᕐᓯᒪᔪᓂᒃ.

ᒨᓯᓯ ᐂᑉᐸᖏᑦ 26:36 Iomraidhean Croise

ᓴᒧᐃᓕ ᐂᑉᐸᖏᑦ 7:6

ᑍᒪᓐᖓᓂᑦ ᐃᓴᕆᐊᓕᒥᐅᑦ ᐊᐅᓪᓚᐅᑎᓚᐅᕐᓯᒪᒐᒃᑭᑦ ᐄᑦᔨᑉᑎᒥᑦ ᒫᓐᓇᒧᑦ ᑎᑭᓪᓗᒍ ᐃᓂᖃᓚᐅᕐᓯᒪᓐᖏᓚᖓ ᐃᒡᓗᒥᒃ, ᐊᐅᓪᓚᖃᑕᐅᖃᑦᑕᓚᐅᕐᐳᖓᓕ ᑐᐱᕐᒥ ᐃᓂᖃᕐᓗᖓ.

ᐃᓐᖏᕈᑎᑦ 78:60

ᑐᐱᕐᔪᐊᖅ ᑐᒃᓯᐊᕐᕕᒃ ᓮᓗᐊᒦᑦᑐᖅ ᕿᒪᓚᐅᕐᐹ, ᑐᐱᓕᐊᕆᓚᐅᕐᑕᓂ ᓇᔪᒐᕆᔪᒪᓪᓗᒍ ᐃᓄᐃᑦ ᐊᑯᕐᖓᓐᓂ.

ᒨᓯᓯ ᐂᑉᐸᖏᑦ 26:31

“ᑖᓗᑕᒃᓴᒥᒡᓗ ᓴᓇᔪᒃᓴᐅᕗᑎᑦ ᕿᐱᓯᒪᔪᒥᒃ ᖃᓪᓗᓈᕐᑕᑦᓯᐊᕙᖕᒥᒃ ᑐᖑᔪᕐᑐᒥᒃ ᐊᐅᐸᓪᓚᕆᒃᑐᒥᒡᓗ, ᐊᐅᐸᕐᑐᒥᒡᓗ ᓄᕕᕐᓵᒃᓴᒥᒃ; ᓴᓇᑦᓯᐊᕈᓐᓇᕐᑐᒧᓪᓗ ᓴᓇᔭᐅᔪᒃᓴᐅᕗᑦ ᓯᕈᐲᒻᖑᐊᖅ ᐃᓴᕈᖃᕐᑐᖅ,

ᒨᓯᓯ ᐂᑉᐸᖏᑦ 27:16

ᐃᑎᕐᑕᕐᕕᓪᓚᕆᖓᓕ ᑖᓗᑕᖃᕐᑐᒃᓴᐅᒋᕗᖅ ᓴᓂᒧᑐᓂᖃᕐᑐᒥᒃ ᐆᒃᑑᑎᓂᒃ 10ᓂᒃ, ᖃᓪᓗᓈᕐᑕᑦᓯᐊᕙᖕᒥᒃ ᓵᑦᑐᒥᒃ ᑐᖑᔪᕐᑐᖃᕐᓗᓂ, ᐊᐅᐸᓪᓚᕆᒃᑐᖃᕐᓗᓂᓗ, ᐊᐅᐸᕐᑐᖃᕐᓗᓂᓗ ᓄᕕᕐᓵᒃᓴᒥᒃ, ᑖᒃᑯᐊᓗ ᑕᕐᓯᕐᓱᕐᓯᒪᓗᑎᒃ ᒥᕐᓱᕐᓯᒪᔪᓂᒃ, ᓇᐸᔪᖃᕐᑐᒃᓴᐅᕗᕐᓕ ᓯᑕᒪᓂᒃ ᑖᒃᑯᐊᓗ ᑐᓐᖓᕕᖃᕐᓗᑎᒃ ᓯᑕᒪᓂᒃ.

ᒨᓯᓯ ᐂᑉᐸᖏᑦ 28:15

“ᓴᒡᕕᖕᒥᐅᑕᓕᐅᕐᑐᒃᓴᐅᕗᓯ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᓐᓄᑦ ᐊᑐᕐᑕᐅᖃᑦᑕᕐᓂᐊᕐᑐᒥᒃ ᖃᐅᔨᓇᓱᐊᕐᕕᖕᒥ ᒎᑎᐅᑉ ᐱᔪᒪᔭᖓᓂᒃ, ᓴᓇᓯᒪᑦᓯᐊᕐᑐᒃᓴᐅᕗᖅ; ᑭᐊᑎᒃᓴᐅᔪᑎᑐᑦ ᑐᓂᕐᕈᓯᕐᑎᑦᓯᔨᓄᑦ ᐃᐹᑦᑎᒥᒃ ᐊᑎᓕᒃᑎᑐᑦ; ᓴᓇᔭᐅᔪᒃᓴᐅᕗᖅ ᒎᓗᒥᑦ, ᑐᖑᔪᕐᑐᒥᓪᓗ ᐊᐅᐸᓪᓚᕆᒃᑐᒥᓪᓗ ᓄᕕᕐᓵᒃᓴᒥᓪᓗ ᐊᐅᐸᕐᑐᒥᑦ, ᖃᓪᓗᓈᕐᑕᑦᓯᐊᒥᒡᓗ ᓵᑦᑐᒥᑦ ᓴᓇᓯᒪᓗᓂ ᑍᒫᒃ ᓴᓇᓯᒪᔪᒃᓴᐅᕗᖅ.

ᒨᓯᓯ ᐂᑉᐸᖏᑦ 28:39

“ᐂᕉᓂᐅᑉ ᐅᕕᓂᕈᖓ ᓄᕕᕐᓴᕐᓯᒪᔪᒃᓴᐅᕗᖅ ᖃᓪᓗᓈᕐᑕᑦᓯᐊᕙᐅᓗᓂ ᓂᐊᖁᖓᑕᓗ ᐃᒻᒧᑎᖓ ᖃᓪᓗᓈᕐᑕᑦᓯᐊᕙᐅᔪᒃᓴᐅᒋᕗᖅ, ᑕᑦᓯᕈᑎᒋᔭᖓᓗ ᖃᓪᓗᓈᕐᑕᖅ ᑕᕐᓯᕐᑐᕐᓯᒪᓗᓂ ᐊᒡᓚᒃᓯᒪᔪᒃᓴᐅᕗᖅ.

ᒨᓯᓯ ᐂᑉᐸᖏᑦ 35:11

ᑐᐱᖅ ᓯᓚᑉᐱᐊᖓᓗ, ᓂᒃᓯᖏᓪᓗ ᓯᓇᕐᔪᒃᓯᐅᑎᖏᓪᓗ, ᐃᑳᖓᔪᖏᓪᓗ, ᓇᐸᔪᖏᓪᓗ, ᓇᐸᔪᖏᑕᓗ ᑐᓐᖓᕕᒃᓴᖏᑦ;

ᒨᓯᓯ ᐂᑉᐸᖏᑦ 35:15

ᑐᓂᕐᕈᓯᕐᕕᒃᓮᑦ ᐃᓯᕐᓗᐊᕐᓂᑎᑦᓯᕕᒃᓮᓪᓗ ᓂᐅᒃᓴᖏᓪᓗ; ᓇᐹᕐᑑᓪᓗ ᐅᕐᓱᖏᑦ ᒥᖑᐊᕐᓯᒍᑎᒃᓮᑦ; ᑎᐱᑦᓯᐊᕆᒃᑐᓪᓗ ᐃᓯᕐᓗᐊᕐᓂᑎᑦᓯᒍᑎᒃᓮᑦ; ᐃᑎᕐᑕᕐᕕᖓᑕᓗ ᑖᓗᑕᒃᓴᖓ, ᑐᐱᐅᓪᓗ ᒪᑐᒃᓴᖓ;

ᒨᓯᓯ ᐂᑉᐸᖏᑦ 36:37

ᑐᐱᐅᓪᓕ ᐃᑎᕐᑕᕐᕕᖓ ᑖᓗᑕᓕᐅᕐᑕᐅᒋᕗᖅ ᖃᓪᓗᓈᕐᑕᑦᓯᐊᕙᖕᒥᒃ ᓵᑦᑐᒥᒃ ᑐᖑᔪᕐᑐᒥᒃ, ᐊᐅᐸᓪᓚᕆᒃᑐᒥᒡᓗ, ᐊᐅᐸᕐᑐᒥᒡᓗ ᓄᕕᕐᓵᒃᓴᒥᒃ ᑕᕐᓯᕐᓱᕐᓯᒪᓗᓂᓗ ᒥᕐᓱᕐᓯᒪᔪᓂᒃ.

ᒨᓯᓯ ᐂᑉᐸᖏᑦ 38:18

ᐃᑎᕐᑕᕐᕕᓪᓚᕆᖓᓕ ᑖᓗᑕᖃᕐᐳᖅ ᖃᓪᓗᓈᕐᑕᑦᓯᐊᕙᖕᒥᒃ ᓵᑦᑐᒥᒃ ᑐᖑᔪᕐᑐᖃᕐᓗᓂ, ᐊᐅᐸᓪᓚᕆᒃᑐᖃᕐᓗᓂᓗ, ᐊᐅᐸᕐᑐᖃᕐᓗᓂᓗ ᓄᕕᕐᓵᒃᓴᔭᐅᓪᓗᓂ, ᑖᒃᑯᐊᓗ ᑕᕐᓯᕐᓱᕐᓯᒪᓪᓗᑎᒃ ᒥᕐᓱᕐᓯᒪᔪᓂᒃ. ᑐᑭᒧᓪᓕ ᑕᑭᓂᖃᕐᐳᖅ 9ᓂᒃ ᒦᑕᓂᒃ, ᐳᕐᑐᓂᖃᕐᓗᓂᓗ 2ᒦᑕᓂᒃ, ᑕᒪᒃᑯᐊ ᑖᓗᑍᑦ ᐊᖏᓂᕆᔭᖏᑎᑐᑦ.

ᒨᓯᓯ ᐂᑉᐸᖏᑦ 39:29

ᑕᑦᓯᕈᑎᒃᓴᖏᓪᓗ ᖃᓪᓗᓈᕐᑕᑦᓯᐊᕔᑦ ᓵᑦᑐᑦ ᓴᓇᓯᒪᕗᑦ ᑐᖑᔪᕐᑐᒥᒃ ᐊᐅᐸᓪᓚᕆᒃᑐᒥᓪᓗ ᐊᐅᐸᕐᑐᓂᒡᓗ ᓄᕕᕐᓵᒃᓴᓂᑦ, ᑕᕐᓯᕐᑐᕐᓯᒪᓗᓂ ᐱᐅᓴᕐᓯᒪᕗᖅ ᐊᑕᓂᐅᑉ ᒨᓯᓯ ᑍᒫᒃ ᐱᖁᓚᐅᕐᒪᒍ.

ᒨᓯᓯ ᐂᑉᐸᖏᑦ 39:33

ᑐᐱᕐᓗ ᒨᓯᓯᒧᑦ ᐋᑉᐹᑦ ᓱᓇᑐᐃᓐᓇᒃᓴᓕᒫᖏᓪᓗ, ᓂᒃᓯᖏᓪᓗ, ᓯᓇᕐᔪᒃᓯᐅᑎᖏᓪᓗ, ᐃᑳᖓᔪᖏᓪᓗ, ᓇᐸᔪᖏᓪᓗ, ᓇᐸᔪᖏᑕᓗ ᑐᓐᖓᕕᒃᓴᖏᑦ;

ᒨᓯᓯ ᐂᑉᐸᖏᑦ 40:5

ᑐᓂᕐᕈᓯᕐᕕᒃ ᒎᓗ ᑕᕝᕗᓐᖓᕐᑕᒃᓴᕆᒋᕙᑦ ᐃᓯᕐᓗᐊᕐᓂᑎᑦᓯᕕᒃᓴᖅ ᐊᖏᕈᑕᐅᓯᒪᔪᕐᑕᓕᐅᑉ ᐃᒃᓯᕐᕕᐅᑉ ᓯᕗᕌᓄᑦ, ᑐᐱᐅᓪᓗ ᐃᑎᕐᑕᕐᕕᖓᓄᑦ ᑖᓗᑕᒃᓴᖓ ᐃᓕᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 16:10

ᐊᓐᓄᕌᕐᑎᓚᐅᕐᐸᒋᑦ ᑕᕐᓯᕐᑐᕐᓯᒪᔪᒥᒃ ᑲᒥᒃᑎᓪᓗᑎᓪᓗ ᐃᖃᕐᑎᐅᔮᖕᓂᒃ, ᐊᓐᓄᕌᕐᑎᓪᓗᑎᓪᓗ ᖃᓪᓗᓈᕐᑕᑦᓯᐊᒥᒃ ᓵᑦᑐᒥᒃ ᐱᐊᒃᑐᒥᒡᓗ ᖃᓪᓗᓈᕐᑕᒥᒃ ᓯᓚᓪᓕᕐᑖᕐᑎᓪᓗᑎᑦ.

ᒨᓯᓯ ᓯᑕᒪᖏᑦ 3:25

ᒌᕐᓲᓂᐅᑉ ᕿᑐᕐᖓᖏᑕ ᐱᔭᒃᓴᖏᑦ ᑐᐱᕐᔪᐊᒥ ᐃᓚᖏᑦ ᐃᒤᑦᑑᓚᐅᕐᐳᑦ, ᑐᐱᕐᔪᐊᖅ, ᐅᓕᖓᓗ, ᑖᓗᑕᕐᔪᐊᕐᓗ ᐃᑎᕐᑕᕐᕕᒃ ᑐᐱᕐᔪᐊᑉ ᑲᑎᒪᕕᐅᑉ ᐃᑎᕐᑕᕐᕕᖓ,

ᒨᓯᓯ ᓯᑕᒪᖏᑦ 9:15

ᐅᓪᓗᒥ ᑐᐱᕐᔪᐊᑉ ᓇᑉᐸᕐᑕᐅᕕᖓᓂ, ᓄᕗᔭᐅᑉ ᑐᐱᕐᔪᐊᖅ ᐅᓕᓚᐅᕐᐹ, ᑐᐱᖅ ᐊᖏᕈᑎᑕᓕᒃ; ᐅᓐᓄᖕᒥᑦ ᐅᓪᓛᒧᑦ ᑎᑭᓪᓗᒍ ᑐᐱᕐᔪᐊᑉ ᖁᓛᓃᓚᐅᕐᐳᖅ ᑕᐅᑦᑐᖃᕐᓗᓂ ᐃᑯᒪᑎᑐᑦ.

ᔪᐊᓇᓯᐅᑉ ᐊᒡᓚᖏᑦ 10:9

ᐃᑎᕐᑕᕐᕕᐅᕗᖓ; ᓇᓪᓕᐊᑦ ᐅᕙᒃᑯᑦ ᐃᑎᑐᖅ, ᑖᓐᓇ ᐱᐅᓕᔭᐅᓂᐊᕐᐳᖅ, ᐃᑎᕐᓗᓂ ᐊᓂᓗᓂᓗ ᓂᕿᒃᓴᓕᖕᒥᒃ ᓇᓂᓯᓂᐊᕐᐳᖅ.

ᔪᐊᓇᓯᐅᑉ ᐊᒡᓚᖏᑦ 14:6

ᔩᓱᓯᐅᑉ ᐅᖃᐅᑎᕚ, “ᐊᖅᑯᑕᐅᕗᖓ, ᓱᓕᔫᓪᓗᖓ, ᐃᓅᓯᐅᕗᖓ; ᑭᓇᒥᒡᓘᓐᓃᑦ ᐊᑖᑕᒧᐊᕐᑐᖃᕈᓐᓇᓐᖏᓚᖅ, ᐅᕙᒃᑰᕐᓗᓂ ᑭᓯᐊᓂ.