ᒨᓯᓯ ᐂᑉᐸᖏᑦ 26:33 - ᐊᒡᓔᑦ ᐃᑦᔪᕐᖕᓁᑦᑐᑦ

³³ ᑖᓗᑍᓪᓗ ᑖᒃᑯᐊ ᓂᕕᓐᖓᕐᑕᒃᓴᕆᕙᑎᑦ ᑐᐱᐅᑉ ᖁᓛᖓᑕ ᐊᑎᑦᑎᐊᖓᒍᑦ ᓂᒃᓯᖕᓂᒃ ᖃᖓᑕᑦᔪᑎᖃᕐᓗᑎᒃ, ᑕᕝᕗᓐᖓᐅᑎᔭᒃᓴᕆᕙᓪᓗ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓ ᐱᖁᔭᓂᒃ ᑎᑎᕋᕐᕕᒋᓯᒪᔫᖕᓂᒃ ᒪᕐᕉᖕᓂᒃ ᐅᔭᕌᖕᓂᒃ ᐃᓗᓕᓕᒃ ᑕᕝᕙᓂ ᑖᓗᑕᐅᑉ ᐅᖓᑖᓂ ᐃᓂᖃᖁᓪᓗᒍ; ᐃᑦᔪᕐᓁᑦᑐᕕᒡᓗ ᐃᑦᔪᕐᓁᓐᓂᕐᐹᕐᓗ ᐊᕕᒃᑕᐅᓯᒪᖁᓪᓗᒋᒃ ᑕᒪᑐᒧᖓ ᑖᓗᑕᕐᒧᑦ.

ᒨᓯᓯ ᐂᑉᐸᖏᑦ 26:33 Iomraidhean Croise

ᐊᑕᓃᑦ ᓯᕗᓪᓖᑦ 6:16

ᐃᒡᓘᑉ ᕿᓐᖑᐊ ᓵᑦᑐᓂᒃ ᕿᔪᖕᓂᒃ ᓰᑕᕆᓂᒃ 30ᓂᒃ ᐃᑎᒐᖕᓂᒃ ᑕᑭᓂᓕᖕᒥᒃ ᓇᑎᕐᒥᑦ ᖁᓛᓄᑦ ᐃᓗᐱᐊᕈᑦᑎᕐᐹ, ᑕᕝᕙᓂᓗ ᕿᓐᖑᐊᓂ ᐃᓗᕙᓯᖕᓂᕐᐹᒥᒃ, ᓴᓇᕗᖅ ᐃᑦᔪᕐᓁᓐᓂᕐᐹᒥᒃ ᑍᔭᐅᔪᒥᒃ.

ᐊᑕᓃᑦ ᓯᕗᓪᓖᑦ 8:10

ᑐᓂᕐᕈᓯᕐᑎᑦᓯᔩᑦ ᐊᓂᑎᓪᓗᒋᑦ ᐃᑦᔪᕐᓁᑦᑑᑉ ᐃᑦᔪᕐᓁᓐᓂᕐᐹᖓᓂᑦ, ᐊᑕᓂᐅᑉ ᐃᒡᓗᖓ ᓄᕗᔭᒥᒃ ᑕᑕᑕᐅᓚᐅᕐᐳᖅ.

ᐊᑕᓃᑦ ᓯᕗᓪᓖᑦ 8:6

ᑐᓂᕐᕈᓯᕐᑎᑦᓯᔩᓄᑦ ᐊᑕᓂᐅᑉ ᐊᖏᖃᑎᒌᒍᑎᖏᑕ ᐃᒃᓯᕐᕕᖓ ᐊᒡᔭᕐᑕᐅᕗᖅ ᑐᒃᓯᐊᕐᕕᒡᔪᐊᑉ ᐃᓗᐊᓄᑦ ᐃᓕᓪᓗᒍᓗ ᐃᓂᒃᓴᖓᓄᑦ ᐃᑦᔪᕐᓁᓐᓂᕐᐹᒧᑦ, ᓯᕈᐱᒻ ᐃᓴᕈᓖᒃ ᐊᑕᓄᑦ.

ᑯᕉᓂᑲ ᐂᑉᐸᖏᑦ 3:8

ᐃᑦᔪᕐᓁᓐᓂᕐᐹᕐᓗ ᓴᓇᕚ; ᑕᑭᓂᖓ ᐃᒡᓗᒧᑦ ᓈᒻᒪᒃᓯᓕᕐᓯᒪᓪᓗᓂ ᑕᑭᓂᖃᕐᐳᖅ, ᑐᑭᒧᑦ 30ᓂᒃ ᐃᑎᒐᖕᓂᒃ ᓴᓂᒧᓪᓗ 30ᓂᒃ; ᐃᓗᐊᓗ ᖄᐹᕈᑦᑎᕐᐹ ᒎᓗᒥᒃ 50,000ᐸᐅᓂᒃ ᐅᑯᒤᓐᓂᖃᕐᑐᒥᒃ.

ᒨᓯᓯ ᐂᑉᐸᖏᑦ 25:16

ᑕᕝᕗᖓᓗ ᐃᒃᓯᕐᕕᖕᒧᑦ ᐃᓕᔪᒫᕐᐹᒃᑭᒃ ᐅᔭᕌᒃ ᒪᕐᕉᒃ ᐱᖁᔭᓂᒃ ᑎᑎᕋᕐᕕᒋᓯᒪᔫᒃ ᐃᓕᖕᓄᑦ ᑐᓂᔪᒫᕐᑖᒃᑲᒃ.

ᒨᓯᓯ ᐂᑉᐸᖏᑦ 26:32

ᑖᒃᑯᐊᓗ ᓂᕕᓐᖓᕐᑕᒃᓴᕆᕙᑎᑦ ᓯᑕᒪᓄᑦ ᕿᔪᖕᓄᑦ ᑎᓴᒃᑕᓄᑦ ᐊᑬᑦᓯᐊᓂᒃ ᐊᑎᓕᖕᓄᑦ ᒎᓗᓂᒃ ᓯᓚᑉᐱᐊᓕᕐᓯᒪᔪᓄᑦ, ᓂᒃᓯᖕᓄᑦ ᒎᓗᓄᑦ ᖃᖓᑕᑦᔪᑎᖃᕐᓗᑎᒃ, ᑐᓐᖓᕕᖃᕐᓗᑎᒃ ᓯᑕᒪᓄᑦ ᓯᐅᓪᕕᕆᓄᑦ.

ᒨᓯᓯ ᐂᑉᐸᖏᑦ 27:10

ᓇᐸᔪᖃᕐᓗᓂ 20ᓂᒃ ᑖᒃᑯᐊᓗ ᑐᓐᖓᕕᖃᕐᓗᑎᒃ 20ᓂᒃ ᐊᑐᓂᑦ ᑲᓐᓄᔭᐅᓗᑎᒃ, ᓇᐸᔪᖏᓪᓕ ᓂᒃᓯᖃᕐᑐᒃᓴᐅᕗᑦ ᓯᐅᓪᕕᕆᓂᒃ ᓂᒃᓯᒡᕕᖏᓪᓗ ᐃᑳᖓᔪᑦ ᓯᐅᓪᕕᕆᐅᖕᒥᓗᑎᒃ.

ᒨᓯᓯ ᐂᑉᐸᖏᑦ 27:21

ᑐᐱᕐᒥ ᑲᑎᒪᓕᕐᑎᓪᓗᓯ, ᑖᑦᓱᒪ ᐃᑦᔪᕐᓁᓐᓂᕐᐹᑉ ᐱᖁᔭᓂᒃ ᑎᑎᕋᕐᕕᒋᓯᒪᔪᕐᑕᓕᐅᑉ ᓯᓚᑖᓂ, ᐂᕉᓂᐅᑉ ᐃᕐᓂᖏᑕᓗ ᑖᒃᑯᐊ ᓇᓂᕈᐊᑦ ᐋᖅᑭᒃᑕᒃᓴᕆᕔᑦ ᐃᑯᐊᓪᓚᒡᓗᒋᓪᓗ ᐊᑕᓂᐅᑉ ᓵᖓᓂ. ᐃᑯᒪᓕᖁᓪᓗᒋᑦ ᐅᓐᓄᒥᑦ ᐅᓪᓛᒧᑦ ᑎᑭᓪᓗᒋᑦ. ᑕᒪᓐᓇᓗ ᐱᖁᔨᑦᔪᑎᒋᔭᕋ ᑍᒪᓐᖓᑦ ᐊᑐᕐᑕᐅᖏᓐᓇᕆᐊᖃᕐᐳᖅ ᐃᓴᕆᐊᓕᒥᐅᓄᑦ ᑭᖑᕚᖏᓐᓄᓪᓗ.”

ᒨᓯᓯ ᐂᑉᐸᖏᑦ 36:36

ᑖᒃᑯᐊᓗ ᓂᕕᓐᖓᕐᑕᐅᕗᑦ ᓯᑕᒪᓄᑦ ᕿᔪᖕᓄᑦ ᑎᓴᒃᑕᓄᑦ ᐊᑬᑦᓯᐊᓂᒃ ᐊᑎᓕᖕᓄᑦ, ᒎᓗᓂᒃ ᓯᓚᑉᐱᐊᓕᕐᓯᒪᔪᓄᑦ, ᓂᒃᓯᖕᓄᑦ ᒎᓗᓄᑦ ᖃᖓᑕᑦᔪᑎᖃᕐᓗᑎᒃ, ᑕᕝᕙ ᑐᓐᖓᕕᓕᐅᕆᕗᑦ ᓯᑕᒪᓂᒃ ᓯᐅᓪᕕᕆᓂᒃ ᓇᐸᔪᐃᑦ ᓇᐸᑦᔪᑎᒃᓴᖏᓐᓂᒃ.

ᒨᓯᓯ ᐂᑉᐸᖏᑦ 40:21

ᑕᕝᕙ ᐃᒃᓯᕐᕕᒃ ᑐᐱᐅᑉ ᐃᓗᐊᓄᐊᕈᑎᕚ ᐊᕙᑖᒍᓪᓗ ᑖᓗᑕᓕᐅᕐᓗᓂᐅᒃ. ᑕᕝᕙ ᑍᒤᓕᐅᕐᓗᓂᐅᒃ ᐊᖏᕈᑕᐅᓯᒪᔪᕐᑕᓕ ᐃᒃᓯᕐᕕᒃ ᑕᓕᑎᑉᐹ, ᐊᑕᓂᐅᑉ ᑍᒫᒃ ᒨᓯᓯ ᐱᖁᓚᐅᕐᒪᒍ.

ᒨᓯᓯ ᐂᑉᐸᖏᑦ 40:3

ᑕᕝᕗᖓᓗ ᐃᓕᔭᒃᓴᕆᕙᑦ ᐊᖏᕈᑕᐅᓯᒪᔪᕐᑕᓕᐅᑉ ᐃᒃᓯᕐᕕᖁᑎᖓ ᐃᓗᓕᖃᕐᑐᖅ ᐱᖁᔭᓂᒃ ᖁᓕᓂᒃ ᑖᑦᓱᒪᓗ ᐃᒃᓯᕐᕕᐅᑉ ᓯᕗᕌᒍᑦ ᑖᓗᑕᓕᕐᑕᒃᓴᕆᕙᑦ.

ᐃᓯᑭᐊᓕᐅᑉ ᐊᒡᓚᖏᑦ 41:4

ᐃᒡᓗᕈᓯᕐᓗ ᐆᒃᑐᕋᕐᒪᒍ ᐊᖏᓂᖓ, ᐊᑦᔨᒌᒥᒃ ᐊᖏᓂᖃᕐᐳᖅ 34ᓂᒃ ᐃᑎᒐᖕᓂᒃ ᑐᑭᒧᑦ ᓴᓂᒧᓪᓗ, ᑕᒪᑐᒪᓕ ᐅᖓᑖᓂ. ᑖᑦᓱᒪ ᐅᖃᐅᑎᕚᖓ, “ᑖᓐᓇ ᑕᕝᕙ ᐃᑦᔪᕐᓁᓐᓂᕐᐹᖅ.”

ᒨᓯᓯ ᐱᖓᔪᖏᑦ 16:2

ᐊᑕᓂᐅᑉ ᒨᓯᓯ ᐅᖃᐅᑎᕚ, “ᐊᖓᔪᐃᑦ ᐂᕉᓂ ᐅᖃᐅᑎᒍᒃ ᐃᑎᕈᒪᓕᕈᓂ ᖃᖓᑐᐃᓐᓇᒃᑯᑦ ᐃᑎᖃᑦᑕᖁᖏᓪᓗᒍ ᐃᑦᔪᕐᓁᕐᑐᕕᖕᒥ ᐃᑦᔪᕐᓁᓐᓂᕐᐹᖓᓐᓄᑦ ᑖᓗᑕᐅᑉ ᐅᖓᑖᓃᑦᑐᒧᑦ ᐃᓱᒪᒋᔭᐅᔪᓐᓁᕐᕕᐅᑉ ᐃᒃᓯᕐᕕᐅᑉ ᓵᖓᓄᑦ, ᐃᑎᕈᓂ ᖃᖓᑐᐃᓐᓇᒃᑯᑦ ᑐᖁᓂᐊᕐᒪᑦ, ᐅᕙᖓ ᓴᖅᑭᖃᑦᑕᕋᒪ ᓄᕗᔭᒥ ᑖᓗᑕᕐᔪᐊᑉ ᐃᓱᒪᒋᔪᓐᓁᕐᓯᕕᐅᑉ ᖁᓛᓂ.