ᒨᓯᓯ ᐂᑉᐸᖏᑦ 26:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᑖᒃᑯᐊᓗ 20ᐅᔪᑦ ᐊᕙᓗᒃᓮᑦ ᑐᓐᖓᕕᒃᓴᖏᓐᓂᒃ ᑐᓐᖓᕕᒃᓴᓕᐅᕐᑐᒃᓴᐅᕗᓯ ᓯᐅᓪᕕᕆᓂᒃ 40ᓂᒃ, ᐊᑐᓂᑦ ᐊᕙᓗᒃᓴᖅ ᐊᑕᐅᓯᖅ ᒪᕐᕉᖕᓂᒃ ᑐᓐᖓᕕᖃᖁᓪᓗᒍ ᑲᐱᒃᑎᓯᒪᓂᖏᖕᓄᑦ ᑖᒃᑯᐊᒃ ᑐᓐᖓᕕᖏᒃ ᐋᖅᑭᑦᓯᐊᕐᓯᒪᐅᑎᒋᔭᐅᖁᓪᓗᒋᒃ.

ᒨᓯᓯ ᐂᑉᐸᖏᑦ 26:19 Iomraidhean Croise

ᒨᓯᓯ ᐂᑉᐸᖏᑦ 26:17

ᑖᒃᑯᐊᓗ ᐊᑐᓂᑦ ᐊᑦᔨᒌᒥᒃ ᑲᐱᒃᑎᕝᕕᓕᐅᕐᑕᒃᓴᕆᕙᓯ, ᑖᒃᑯᐊ ᐊᕙᓗᒃᓮᑦ ᐃᒻᒥᖕᓄᑦ ᑲᓱᑦᓯᐊᕈᓐᓇᖁᓪᓗᒋᑦ ᑲᐱᒃᑎᓯᒪᑦᓯᐊᕐᓗᑎᒃ. ᑖᒃᑯᐊᓗ ᕿᔪᐃᑦ ᐊᕙᓗᒃᓮᑦ ᑍᒫᒃ ᑲᐱᒃᑎᕝᕕᓕᐅᕐᓯᒪᔪᒃᓴᐅᕗᑦ.

ᒨᓯᓯ ᐂᑉᐸᖏᑦ 26:18

ᑐᐱᕐᓗ ᑖᓐᓇ ᐊᕙᓗᒃᓴᖃᕐᑐᒃᓴᐅᕗᖅ: 20ᓂᒃ ᓯᕿᓂᐅᑉ ᓇᓛᓃᑦᑐᒃᓴᓂᒃ;

ᒨᓯᓯ ᐂᑉᐸᖏᑦ 26:20

ᐊᒻᒪᑦᑕᐅᖅ ᑐᐱᐅᑉ ᐃᒡᓗᐊ ᐅᓐᓄᐊᓪᓗᐊᑉ ᓇᓛᓃᑦᑐᖅ ᐊᕙᓗᖃᕐᑐᒃᓴᐅᕗᖅ 20ᓂᒃ,

ᒨᓯᓯ ᐂᑉᐸᖏᑦ 26:25

ᑍᒫᒃ ᑕᕝᕙ 8ᓂᒃ ᐊᕙᓗᒃᓴᖃᕆᐊᖃᕐᐳᓯ, ᑐᓐᖓᕕᒃᓴᖃᕐᓗᑎᒃ 16ᓂᒃ ᓯᐅᓪᕕᕆᓂᒃ; ᒪᕐᕉᖕᓂᒃ ᑐᓐᖓᕕᖃᖃᑦᑕᕐᓗᓂ ᐊᕙᓗᒃᓴᖅ ᐊᑕᐅᓯᖅ.

ᒨᓯᓯ ᐂᑉᐸᖏᑦ 26:37

ᑖᒃᑯᐊ ᑖᓗᑍᑦ ᓇᑉᐸᖅᑯᑕᓕᐅᕐᑕᒃᓴᕆᕙᑎᑦ ᕿᔪᖕᓂᒃ ᑎᓴᒃᑕᓂᒃ ᐊᑬᑦᓯᐊᓂᒃ ᐊᑎᓕᖕᓂᒃ ᑖᒃᑯᐊᓗ ᓯᓚᑉᐱᐊᕐᓯᒪᓗᑎᒃ ᒎᓗᒥᒃ ᓂᒃᓯᖕᓄᓪᓗ ᒎᓗᓄᑦ ᖃᖓᑕᓗᑎᒃ; ᑖᒃᑯᐊᓗ ᓇᐸᔪᐃᑦ ᑐᓐᖓᕕᓕᐅᕐᓗᒋᑦ ᐊᑐᓂᑦ ᑲᓐᓄᔭᓂᒃ ᑕᓪᓕᒪᓂᒃ.”

ᒨᓯᓯ ᐂᑉᐸᖏᑦ 27:10

ᓇᐸᔪᖃᕐᓗᓂ 20ᓂᒃ ᑖᒃᑯᐊᓗ ᑐᓐᖓᕕᖃᕐᓗᑎᒃ 20ᓂᒃ ᐊᑐᓂᑦ ᑲᓐᓄᔭᐅᓗᑎᒃ, ᓇᐸᔪᖏᓪᓕ ᓂᒃᓯᖃᕐᑐᒃᓴᐅᕗᑦ ᓯᐅᓪᕕᕆᓂᒃ ᓂᒃᓯᒡᕕᖏᓪᓗ ᐃᑳᖓᔪᑦ ᓯᐅᓪᕕᕆᐅᖕᒥᓗᑎᒃ.

ᒨᓯᓯ ᐂᑉᐸᖏᑦ 38:27

ᓯᐅᓪᕕᕇᓪᓕ, ᐅᖁᒤᓐᓂᖃᓚᐅᕐᐳᑦ 3,400ᓂᒃ ᑭᓗᒍᕌᓂᒃ 100ᓄᑦ ᑐᓐᖓᕕᒃᓴᓄᑦ ᐊᑐᕐᑕᐅᓚᐅᕐᑐᑦ ᑐᐱᕐᒧᑦ ᐃᑦᔪᕐᓁᑦᑐᒧᑦ ᑖᓗᑕᕆᔭᖏᓐᓄᓪᓗ, ᑐᓐᖓᕕᒡᓗ ᐊᑕᐅᓯᖅ ᐊᑐᓂᑦ ᐅᖁᒤᓐᓂᖃᕐᐳᖅ 34ᓂᒃ ᑭᓗᒍᕌᓂᒃ.

ᒨᓯᓯ ᐂᑉᐸᖏᑦ 40:18

ᒨᓯᓯᐅᑉ ᑐᐱᖅ ᓇᑉᐸᕐᐹ, ᓇᐸᔪᖏᑕ ᑐᓐᖓᕕᖏᑦ ᐋᖅᑭᖄᕐᓗᒋᑦ, ᓯᓇᕐᔪᒃᓯᐅᑎᖏᑦ ᐋᖅᑭᓕᕆᓪᓗᒋᑦ, ᐃᑳᖓᔪᖏᓪᓗ ᐃᓕᐅᕋᕐᓗᖏᑦ, ᓇᐸᔪᖏᓪᓗ ᓇᑉᐸᓕᕆᓪᓗᒋᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 5:15

ᓂᐅᖏᒃ ᐅᔭᕋᒃᑎᑐᑦ ᐊᓚᐹᔅᑕᕆᑐᑦ ᓇᐹᕘᒃ, ᒎᓘᖕᓂᒃ ᑐᓐᖓᕕᖃᕐᓗᑎᒃ. ᑕᐅᑦᑐᖃᕐᓗᓂᓗ ᓕᐸᓇᓂᑐᑦ, ᓇᐹᕐᑐᑎᑐᑦ ᓰᑕᕆᑐᑦ ᐱᐅᑎᒋᓪᓗᑎᒃ.

ᒨᓯᓯ ᓯᑕᒪᖏᑦ 3:36

ᑎᓕᔭᐅᑦᔪᑎᒋᓯᒪᔭᖏᑦ ᒥᕋᕆᐅᑉ ᕿᑐᕐᖓᖏᑕ ᑐᐱᕐᔪᐊᑉ ᖃᓇᖏᓐᓂᒃ ᑲᒪᔨᐅᓗᑎᒃ, ᓴᐅᓂᖏᓐᓂᒡᓗ, ᓇᑉᐸᖅᑯᑎᖏᓐᓂᒡᓗ, ᖃᓇᓕᕐᕕᖏᓐᓂᒡᓗ, ᐋᖅᑭᒃᓱᐃᑦᔪᑎᖏᓐᓂᒡᓗ, ᐊᓯᖏᓐᓂᒡᓗ ᑖᒃᑯᓄᖓ ᑐᕌᖓᔪᓕᒫᓂᒃ.