ᒨᓯᓯ ᐂᑉᐸᖏᑦ 26:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ “ᑐᐱᓕᐅᕐᑐᒃᓴᐅᕗᑎᑦ ᐃᓗᐊᒍᑦ ᐃᑦᔪᕐᓁᑦᑐᒃᑯᕕᖃᕐᑐᒥᒃ, ᐅᕙᓐᓄᑦ ᐃᓂᒃᓴᐅᖁᓪᓗᒍ ᑖᓐᓇ ᐃᑦᔪᕐᓁᑦᑐᒃᑯᕕᒃ, ᑐᐱᒃᓴᓂᑦ ᖁᒻᒧᑦ 10ᓂᒃ ᓴᓇᓯᒪᓗᓂ ᖃᓪᓗᓈᕐᑕᓕᐊᕆᓯᒪᔪᓂᑦ ᐱᐅᓂᕐᐹᓂᑦ ᑐᖑᔪᕐᑐᓂᒃ, ᐊᐅᐸᓪᓚᕆᒃᑐᓂᒃ, ᐊᐅᐸᕐᑐᓂᒡᓗ ᓄᕕᕐᓵᒃᓴᓂᒃ; ᑖᒃᑯᐊᓗ ᐊᑐᓂᑦ 10 ᒥᕐᓱᕐᓯᒪᔪᓂᒃ ᑕᕐᓴᓕᐅᕐᑕᐅᓯᒪᔪᒃᓴᐅᕗᑦ ᓯᕈᐲᒻᖑᐊᓂᒃ ᓴᓇᑦᓯᐊᕈᓐᓇᕐᑐᒧᑦ ᓴᓇᔭᐅᓯᒪᔪᓂᒃ ᓴᓇᔪᒃᓴᐅᕗᑎᑦ.

ᒨᓯᓯ ᐂᑉᐸᖏᑦ 26:1 Iomraidhean Croise

ᓴᒧᐃᓕ ᐂᑉᐸᖏᑦ 7:2

ᑕᕝᕙ ᐊᖓᔪᖅᑳᕐᔪᐊᖅ ᐅᖃᕐᐳᖅ ᓁᑕᓂᒧᑦ ᐊᑕᓂᐅᑉ ᐅᖃᕐᑎᖓᓄᑦ, “ᑕᑯᒋᑦ ᐃᒡᓗᒦᑉᐳᖓ ᕿᔪᑦᓯᐊᕙᖕᓄᑦ ᓰᑕᕆᓄᑦ ᓯᑎᔪᓄᑦ ᓴᓇᓯᒪᔪᒥ, ᒎᑎᐅᓪᓕ ᐃᒃᓯᕐᕕᖁᑎᖓ ᑐᐱᕐᒦᑐᐃᓐᓇᕐᑎᓪᓗᒍ!”

ᐊᑕᓃᑦ ᓯᕗᓪᓖᑦ 6:29

ᑖᒃᑯᐊᒃ ᓇᔪᕐᑕᖓᑕ ᐃᓗᓕᒪᖓ, ᓴᓇᓐᖑᐊᕐᓯᒪᔪᖃᕐᐳᖅ ᐊᑭᓐᓇᓕᒫᖓ ᓯᕈᐱᓐᖑᐊᓂᒃ ᓇᐹᕐᑐᓐᖑᐊᓂᒡᓗ ᐹᒥᓂᒃ ᓄᓇᕋᓐᖑᐊᓂᒡᓗ ᐊᕙᒻᒧᖓᔪᓂᒃ, ᐃᒡᓗᐊᕈᓯᓕᒫᖏᑦ ᐃᓗᐊᒍᓪᓗ ᓯᓚᑖᒍᓪᓗ.

ᑯᕉᓂᑲ ᓯᕗᓪᓖᑦ 17:1

ᑕᒪᑐᒪ ᑭᖑᕐᖓᒍᑦ ᑍᕕᑎ ᐃᒡᓗᖃᓕᕐᓗᓂ ᐊᖓᔪᖅᑳᕐᔪᐊᑉ ᐃᒡᓗᖓᓂ, ᑍᕕᑎ ᐅᖃᕐᐳᖅ ᓁᑕᓂᒧᑦ ᐊᑕᓂᐅᑉ ᐅᖃᕐᑎᖓᓄᑦ, “ᑕᑯᒋᑦ, ᐃᒡᓗᒦᑉᐳᖓ ᓰᑕᕆᓂᒃ ᕿᔪᑦᓯᐊᕚᓗᖕᓂᑦ ᓴᓇᓯᒪᔪᒥ, ᒎᑎᐅᓪᓕ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᑐᐱᕐᒦᑐᐃᓐᓇᕐᑎᓪᓗᒍ!”

ᑯᕉᓂᑲ ᓯᕗᓪᓖᑦ 21:29

ᐊᑕᓂᐅᑉ ᑐᐱᖓ ᑐᓂᕐᕈᓯᕐᕕᒃ ᐆᑕᒃᓴᓄᑦ, ᒨᓯᓯᐅᑉ ᓴᓇᓚᐅᕐᑕᖓ ᐃᓄᖃᔪᐃᑦᑐᒥ, ᐃᑯᐊᓚᑦᓯᓗᓂᓗ ᑐᓂᕐᕈᓯᕐᕕᒃ ᑍᑦᓱᒪᓂᐅᑎᓪᓗᒍ ᓇᑉᐸᕐᑕᐅᓯᒪᓚᐅᕐᒪᑦ ᒋᐱᐅᓂᒥ.

ᒨᓯᓯ ᐂᑉᐸᖏᑦ 25:18

ᑖᑦᓱᒪᓗ ᒪᑑᑉ ᖄᖓᒍᑦ ᐃᓱᖏᒃᑎᒃᑯᑦ ᐃᒡᓗᒌᖕᓂᒃ; ᐃᓴᕈᓐᖑᐊᓖᖕᓂᒃ ᓴᓇᔪᒃᓴᐅᕗᑎᑦ ᓯᕈᐲᓂᒃ ᑍᔭᐅᔪᖕᓂᒃ; ᑖᒃᑯᐊᒡᓗ ᒎᓘᔪᒃᓴᐅᕘᒃ ᑲᐅᒐᕐᓗᒋᒃ ᓴᓇᓯᒪᓗᑎᒃ.

ᒨᓯᓯ ᐂᑉᐸᖏᑦ 25:4

ᐅᕕᓂᕈᒃᓴᔧᓪᓗ ᓵᑦᑐᑦ; ᑐᖑᔪᕐᑐᐃᑦ ᐊᐅᐸᓪᓚᕆᒃᑐᓪᓗ ᐊᐅᐸᕐᑐᓪᓗ ᓄᕕᕐᓵᒃᓮᑦ; ᐊᓐᓄᕌᓕᐊᕆᓯᒪᔪᓪᓗ ᒎᓯᐅᑉ ᒥᖅᑯᖏᓐᓂᑦ.

ᒨᓯᓯ ᐂᑉᐸᖏᑦ 25:8

ᑖᒃᑯᓇᓂ ᐃᑦᔪᕐᓁᓐᓂᕐᐹᒥᒃ ᐃᓂᒃᓴᒥᒃ ᓴᓐᓇᔪᖃᕐᑐᒃᓴᐅᕗᖅ, ᐃᓂᒃᓴᖃᖁᓪᓗᖓ ᐊᑯᕐᖓᓐᓂ.

ᒨᓯᓯ ᐂᑉᐸᖏᑦ 26:2

ᑖᒃᑯᐊᓗ ᐊᑐᓂᑦ ᐊᑦᔨᒌᒥᒃ ᐊᖏᓂᖃᕐᑐᒃᓴᐅᕗᑦ, ᑐᑭᒧᑦ ᑕᑭᓂᖃᕐᓗᑎᒃ 14ᓂᒃ ᐆᒃᑑᑎᓂᒃ ᓴᓂᒧᓪᓗ ᓯᓕᖕᓂᖃᕐᓗᑎᒃ ᐆᒃᑑᑏᖕᓂᒃ ᒪᕐᕉᖕᓂᒃ.

ᒨᓯᓯ ᐂᑉᐸᖏᑦ 26:31

“ᑖᓗᑕᒃᓴᒥᒡᓗ ᓴᓇᔪᒃᓴᐅᕗᑎᑦ ᕿᐱᓯᒪᔪᒥᒃ ᖃᓪᓗᓈᕐᑕᑦᓯᐊᕙᖕᒥᒃ ᑐᖑᔪᕐᑐᒥᒃ ᐊᐅᐸᓪᓚᕆᒃᑐᒥᒡᓗ, ᐊᐅᐸᕐᑐᒥᒡᓗ ᓄᕕᕐᓵᒃᓴᒥᒃ; ᓴᓇᑦᓯᐊᕈᓐᓇᕐᑐᒧᓪᓗ ᓴᓇᔭᐅᔪᒃᓴᐅᕗᑦ ᓯᕈᐲᒻᖑᐊᖅ ᐃᓴᕈᖃᕐᑐᖅ,

ᒨᓯᓯ ᐂᑉᐸᖏᑦ 26:36

“ᑐᐱᐅᓪᓕ ᐃᑎᕐᑕᕐᕕᖓ ᑖᓗᑕᓕᐅᕐᑕᒃᓴᕆᕙᑦ ᖃᓪᓗᓈᕐᑕᑦᓯᐊᕙᖕᒥᒃ ᓵᑦᑐᒥᒃ ᑐᖑᔪᕐᑐᒥᒃ, ᐊᐅᐸᓪᓚᕆᒃᑐᒥᒡᓗ, ᐊᐅᐸᕐᑐᒥᒡᓗ ᓄᕕᕐᓵᒃᓴᒥᒃ; ᑕᕐᓯᕐᓱᕐᓯᒪᓗᓂᓗ ᒥᕐᓱᕐᓯᒪᔪᓂᒃ.

ᒨᓯᓯ ᐂᑉᐸᖏᑦ 31:7

ᒪᑯᓂᖓ ᑐᐱᕐᒥᒃ ᑲᑎᒪᕕᖕᒥᒃ, ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᒃᓴᖓᓂᒃ ᒪᑐᒃᓴᖓᓂᒡᓗ, ᑐᐱᐅᓪᓗ ᐃᓗᐊᓃᑦᑐᒃᓴᓕᒫᑦ ᓱᓇᑐᐃᓐᓇᒃᓴᓕᒫᖏᑦ,

ᒨᓯᓯ ᐂᑉᐸᖏᑦ 35:11

ᑐᐱᖅ ᓯᓚᑉᐱᐊᖓᓗ, ᓂᒃᓯᖏᓪᓗ ᓯᓇᕐᔪᒃᓯᐅᑎᖏᓪᓗ, ᐃᑳᖓᔪᖏᓪᓗ, ᓇᐸᔪᖏᓪᓗ, ᓇᐸᔪᖏᑕᓗ ᑐᓐᖓᕕᒃᓴᖏᑦ;

ᒨᓯᓯ ᐂᑉᐸᖏᑦ 35:35

ᑖᒃᑯᐊᓗ ᐃᓗᒻᒥᕐᑎᓯᒪᕔᑦ ᓱᓇᑐᐃᓐᓇᓕᒫᓂᒃ ᓴᓇᔪᓐᓇᕐᓂᕐᓂᒃ ᓴᓇᓐᖑᐊᕈᓐᓇᕐᓂᕐᓂᒡᓗ, ᐃᒤᓕᖓᓂᒃᓴᖏᓐᓂᒡᓗ ᐋᖅᑭᒃᓱᐃᔪᓐᓇᕐᓂᕐᓂᒃ, ᖃᓪᓗᓈᕐᑕᑦᓯᐊᓂᒡᓗ ᓄᕕᓴᕈᓐᓇᕐᓂᕐᓂᒃ; ᑐᖑᔪᕐᑐᓂᒃ, ᐊᐅᐸᓪᓚᕆᒃᑐᓂᒃ, ᓄᕕᕐᓵᒃᓴᓂᒡᓗ ᐊᐅᐸᕐᑐᓂᒃ; ᐊᓯᖏᓐᓂᒡᓗ ᖃᓪᓗᓈᕐᑕᓂᒃ. ᑖᒃᑯᐊᓗ ᓴᓇᔪᓐᓇᕐᐳᑦ ᖃᓄᐃᑦᑐᑐᐃᓐᓇᑦᓯᐊᓂᒃ ᐋᖅᑭᑦᓯᐊᕐᓯᒪᔪᐊᓗᖕᓂᒃ ᐃᒤᓕᖓᓂᒃᓴᖏᓐᓂᒃ ᐋᖅᑭᒃᓱᐃᔪᓐᓇᕐᓗᑎᒃ.”

ᒨᓯᓯ ᐂᑉᐸᖏᑦ 35:6

ᐅᕕᓂᕈᒃᓴᔧᓪᓗ ᓵᑦᑐᑦ; ᑐᖑᔪᕐᑐᐃᑦ ᐊᐅᐸᓪᓚᕆᒃᑐᓪᓗ ᐊᐅᐸᕐᑐᓪᓗ ᓄᕕᕐᓵᒃᓮᑦ; ᐊᓐᓄᕌᓕᐊᕆᓯᒪᔪᓪᓗ ᒎᓯᐅᑉ ᒥᖅᑯᖏᓐᓂᑦ.

ᒨᓯᓯ ᐂᑉᐸᖏᑦ 36:35

ᑖᓗᑕᒃᓴᒥᒡᓗ ᓴᓇᒋᕗᑦ ᕿᐱᐅᕋᕐᓯᒪᔪᒥᒃ ᖃᓪᓗᓈᕐᑕᑦᓯᐊᕙᖕᒥᒃ ᑐᖑᔪᕐᑐᒥᒃ ᐊᐅᐸᓪᓚᕆᒃᑐᒥᒡᓗ, ᐊᐅᐸᕐᑐᒥᒡᓗ ᓄᕕᕐᓵᒃᓴᒥᒃ ᓴᓇᑦᓯᐊᕈᓐᓇᕐᑐᒧᓪᓗ ᓴᓇᔭᐅᓯᒪᕗᑦ ᓯᕈᐲᒻᖑᐊᖅ ᐃᓴᕈᖃᕐᑐᖅ.

ᒨᓯᓯ ᐂᑉᐸᖏᑦ 39:3

ᒎᓗᓗ ᓵᑦᑐᔮᖅ ᑲᐅᒐᕐᑕᐅᓪᓗᓂ ᖁᐱᐅᕋᕐᑕᐅᕗᖅ ᐃᕙᓗᒃᓴᓕᐊᕆᔭᐅᓪᓗᓂ ᓴᓇᑦᔪᑕᐅᖁᓪᓗᒍ ᖃᓪᓗᓈᕐᑕᒥᒃ ᓵᑦᑐᒥᒃ ᑕᕐᓴᖃᕐᓗᓂ ᑐᖑᔪᕐᑐᒥᒃ, ᐊᐅᐸᓪᓚᕆᒃᑐᒥ, ᐊᐅᐸᕐᑐᒥᒡᓗ ᓄᕕᕐᓵᒃᓴᒥᒃ.

ᒨᓯᓯ ᐂᑉᐸᖏᑦ 40:2

“ᑕᖅᑮᑦ ᓯᕗᓪᓕᕐᐹᖓᑕ ᐅᓪᓗᖏᑕ ᓯᕗᓪᓕᕐᐹᖓᓐᓂ ᑐᐱᖅ ᐊᑕᓂᐅᑉ ᓇᔪᒐᒃᓴᖓ ᓇᑉᐸᕐᑕᒃᓴᕆᕙᑦ.

ᒨᓯᓯ ᓯᑕᒪᖏᑦ 3:25

ᒌᕐᓲᓂᐅᑉ ᕿᑐᕐᖓᖏᑕ ᐱᔭᒃᓴᖏᑦ ᑐᐱᕐᔪᐊᒥ ᐃᓚᖏᑦ ᐃᒤᑦᑑᓚᐅᕐᐳᑦ, ᑐᐱᕐᔪᐊᖅ, ᐅᓕᖓᓗ, ᑖᓗᑕᕐᔪᐊᕐᓗ ᐃᑎᕐᑕᕐᕕᒃ ᑐᐱᕐᔪᐊᑉ ᑲᑎᒪᕕᐅᑉ ᐃᑎᕐᑕᕐᕕᖓ,

ᒨᓯᓯ ᓯᑕᒪᖏᑦ 4:25

ᑖᒃᑯᐊ ᐊᒡᔭᕐᓯᔭᕆᐊᖃᕐᐳᑦ ᑐᐱᕐᔪᐊᑉ ᑖᓗᑕᖏᓐᓂᒃ, ᑐᐱᕐᔪᐊᒥᒡᓗ ᐴᕐᓯᒪᓗᓂ, ᖄᖃᕐᓗᓂ ᐹᑦᔪᕆᑦ ᐊᒥᖏᓐᓂᒃ, ᑐᐱᕐᔪᐊᓪᓗ ᑲᑎᒪᕕᐅᑉ ᐃᑎᕐᑕᕐᕕᖓᑕ ᑖᓗᑕᖓᓂᒃ.

ᔪᐊᓇᓯᐅᑉ ᐊᒡᓚᖏᑦ 1:14

ᐅᖃᐅᓯᖅ ᑎᒥᑖᓚᐅᕐᐳᖅ ᐃᓅᖃᑎᒋᓕᓚᐅᕐᐸᕗᓪᓗ, ᓂᕐᑐᕐᓇᕐᓂᕐᔪᐊᖓ ᑕᑯᓚᐅᕐᐸᕗᑦ, ᓂᕐᑐᕐᓇᕐᓂᕐᔪᐊᖅ ᐊᑖᑕᒥᑦ ᐱᓯᒪᔭᖓ ᐃᕐᓂᑐᐊᖑᓂᕐᒥᓄᑦ; ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓱᓕᑦᓯᐊᕐᓂᕐᒥᒡᓗ ᑕᑕᑦᑐᖅ.

ᔪᐊᓇᓯᐅᑉ ᐊᒡᓚᖏᑦ 2:21

ᔩᓱᓯᓕ ᑐᒃᓯᐊᕐᕕᒡᔪᐊᕐᒥᒃ ᐅᖃᐅᓯᖃᕐᐳᖅ ᑎᒥᒥᓂᒃ.

ᐄᑉᕈᐃᓄᑦ 8:2

ᑖᓐᓇᓗ ᐱᔨᑦᓯᕐᑎᐅᕗᖅ ᐃᑦᔪᕐᓁᓐᓂᕐᐸᐅᔪᒥ, ᑐᐱᕐᒥ ᑐᒃᓯᐊᕐᕕᖕᒥ ᐋᖅᑭᑦᓯᐊᕐᓯᒪᔪᒥ ᐊᑕᓂᐅᑉ ᓇᑉᐸᕐᑎᓯᒪᔭᖓᓂ, ᐃᓄᖕᒧᑦ ᓇᑉᐸᕐᑎᑕᐅᓯᒪᓐᖏᑦᑐᖅ.

ᐄᑉᕈᐃᓄᑦ 9:2

ᑐᐱᖅ ᓇᑉᐸᕐᑕᐅᓚᐅᕐᐳᖅ. ᓯᓚᓪᓕᕐᒥᓗ ᓇᓂᕈᐊᖃᕐᕕᖃᕐᓗᓂ, ᓵᑕᖃᕐᖢᓂᓗ ᓂᐊᖂᔭᓄᑦ ᐃᑦᔪᕐᓁᑎᑕᐅᓯᒪᔪᓄᑦ ᐃᓂᒃᓴᒥᒃ; ᑕᒪᓐᓇᓗ ᑍᔭᐅᕗᖅ ᐃᑦᔪᕐᓁᑦᑐᕕᖕᒥᒃ.

ᐄᑉᕈᐃᓄᑦ 9:9

ᑕᒪᓐᓇᓗ ᓇᓗᓁᒃᑯᑕᐅᕗᖅ ᐅᓪᓗᒥᒧᑦ, ᑐᓂᕐᕈᑕᐅᖁᔭᐅᔪᓂᒃ ᑐᓂᕐᕈᓯᕐᓂᕐᓗ ᐆᒪᔪᕕᓂᕐᓂᒃ ᓈᒻᒪᑦᓯᐊᓕᕐᑎᑦᓯᔪᓐᓇᖏᒻᒪᑕ ᐱᔨᑦᓯᕐᑐᑦ ᐃᓱᒪᖏᓐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:8

ᐊᓐᓄᕌᕈᓐᓇᕐᑎᑕᐅᕗᖅ ᓵᑦᑐᒥᒃ, ᑕᑯᒥᓇᕐᑐᒥᒃ ᓴᓗᒻᒪᑦᓯᐊᕐᑐᒥᒃ.” ᐊᓐᓄᕌᖅ ᑖᓐᓇ ᓵᑦᑐᖅ ᐊᓐᓄᕌᒃᓴᐅᕗᖅ ᐃᑦᔪᕐᓁᑦᑐᓄᑦ ᐃᓗᐊᕐᑐᒥᒃ ᐃᓅᓯᖃᕐᓗᑎᒃ ᐱᓇᓱᐊᓚᐅᕐᑐᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:3

ᓂᐱᕐᔪᐊᒥᒡᓗ ᑐᓴᕐᐳᖓ ᐃᒃᓯᕙᐅᑕᕐᔪᐊᕐᒥᑦ ᐅᖃᕐᑐᒥᒃ, “ᑕᑯᒋᑦ, ᒎᑎ ᓄᓇᖃᖃᑦᑕᐅᓂᐊᓕᕐᐳᖅ ᐃᓄᖕᓄᑦ. ᑖᑦᓱᒪ ᐃᒡᓗᒥᐅᖃᑎᒋᓂᐊᕐᐰᑦ, ᑖᑦᓱᒪᓗ ᐃᓄᖁᑎᒋᓂᐊᕐᐰᑦ, ᒎᑎᐅᓪᓗ ᓇᖕᒥᓂᖅ ᓇᔪᕐᓂᐊᕐᐰᑦ ᒎᑎᒋᔭᐅᓗᓂ.