ᒨᓯᓯ ᐂᑉᐸᖏᑦ 25:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐃᒃᓯᕐᕕᒡᓗ ᑕᑦᓱᒧᖓ ᒪᑐᒧᑦ ᒪᑐᔭᒃᓴᕆᕙᑦ; ᐅᔭᕌᒡᓗ ᒪᕐᕉᒃ ᐱᖁᔭᓂᒃ ᑎᑎᕋᕐᕕᒋᓯᒪᔫᒃ ᐃᒃᓯᕐᕕᐅᑉ ᐃᓗᐊᓄᐊᕐᓗᒋᒃ ᐃᓕᖕᓄᑦ ᑐᓂᔪᒫᕐᑖᒃᑲᒃ.

ᒨᓯᓯ ᐂᑉᐸᖏᑦ 25:21 Iomraidhean Croise

ᐊᑕᓃᑦ ᓯᕗᓪᓖᑦ 8:9

ᑖᓐᓇ ᐊᑕᓂᐅᑉ ᐃᒃᓯᕐᕕᖓ ᐃᓗᓕᖃᓚᐅᓐᖏᓚᖅ ᐅᔭᕌᒃ ᒪᕐᕉᒃ ᓵᑦᑐᔮᒃ ᐊᓯᖏᖕᓂᒃ, ᒨᓯᓯᐅᑉ ᐃᓕᓚᐅᕐᑕᖏᖕᓂᒃ ᖃᖅᑲᒥ ᕼᐆᕆᑉᒥ, ᐊᑕᓂᐅᑉ ᐊᖅᑲᕐᕕᒋᓚᐅᕐᑕᖓᓂ ᐃᓴᕆᐊᓕᑎᑦ ᐃᓄᖏᓐᓄᑦ ᐄᑦᔨᑉᑎᒥᑦ ᐊᐅᓪᓚᕐᓯᒪᓕᕐᑎᓪᓗᒋᑦ.

ᑯᕉᓂᑲ ᐂᑉᐸᖏᑦ 23:11

ᑕᕝᕙ ᐊᖓᔪᖅᑳᕐᔪᐊᑉ ᐃᕐᓂᖓ ᑕᕝᕗᓐᖓᐅᑎᕚ, ᐊᖓᔪᖅᑳᕐᔪᐊᕐᓯᐅᒻᒥᒡᓗ ᓂᐊᖂᑎᒥᒃ ᐊᑎᑎᑉᐹ, ᐱᖁᔭᓂᒡᓗ ᑐᓂᓯᕕᒋᕚ; ᓂᓪᓕᕐᓗᑎᒡᓗ ᐊᖓᔪᖅᑳᕐᔪᐊᓐᖑᕐᓂᕋᕐᐹᑦ, ᑕᕝᕙ ᔨᕼᐅᐃᐊᑕᐅᑉ ᐃᕐᓂᖏᑕᓗ ᐅᕐᓱᕐᑎᕐᐹᑦ ᑎᓕᓪᓗᒍ, ᐅᖃᕐᓗᑎᒡᓗ, “ᐊᖓᔪᖅᑳᕐᔪᐊᖅ ᐊᑯᓂ ᐃᓅᓕ!”

ᒨᓯᓯ ᐂᑉᐸᖏᑦ 16:34

ᐊᑕᓂᐅᑉ ᑍᒫᒃ ᒨᓯᓯ ᐱᖁᓚᐅᕐᒪᒍ, ᑕᕝᕙ ᐂᕉᓂᐅᑉ ᐃᓕᓚᐅᕐᐹ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓᑕ ᓯᕗᕌᓄᑦ, ᑕᕝᕙᓂ ᐱᐅᓕᐊᖑᓯᒪᖁᓪᓗᒍ.

ᒨᓯᓯ ᐂᑉᐸᖏᑦ 26:34

ᑕᕝᕙᓂᓗ ᐃᑦᔪᕐᓁᓐᓂᕐᐹᒥ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓ ᐃᓂᖃᕐᑐᒃᓴᐅᕗᖅ ᒪᑐᓯᒪᓗᓂ.

ᒨᓯᓯ ᐂᑉᐸᖏᑦ 30:6

ᑐᓂᕐᕈᓯᕐᕕᒡᓗ ᑖᓐᓇ ᐃᓂᖃᕐᑎᑕᒃᓴᕆᕙᑦ ᑖᓗᑕᐅᑉ ᓂᕕᖓᔫᑉ ᓯᓚᑖᓂ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓᑕ ᐃᓂᒋᔭᖓᑕ ᓯᕗᕌᓂ, ᑕᕝᕙᓂ ᐃᓕᖕᓄᑦ ᕾᓗᖓ ᑲᑎᓂᐊᕋᒃᑭᑦ.

ᒨᓯᓯ ᐂᑉᐸᖏᑦ 40:20

ᑕᕝᕙ ᐅᔭᕌᒃ ᒪᕐᕉᒃ ᑎᑎᕋᕐᕕᒋᓯᒪᔫᒃ ᐊᖏᕈᑕᐅᓯᒪᔫᑉ ᐃᒃᓯᕐᕕᖁᑎᖓᓄᑦ ᐴᕐᐰᑦ. ᐃᒃᓯᕐᕕᐅᓪᓗ ᐊᑭᕋᐅᑎᒃᓴᖏᒃ ᑕᑭᔪᑯᑖᒃ ᐃᒃᓯᕐᕕᐅᑉ ᐊᑭᕋᐅᓯᕐᕕᖏᓐᓄᑦ ᓱᓪᓗᓕᖕᓄᑦ ᑲᐅᑎᑎᑉᐰᑦ ᐃᒃᓯᕐᕕᒡᓗ ᒪᑐᖓᓄᑦ ᒪᑐᕚ.

ᒨᓯᓯ ᐱᖓᔪᖏᑦ 16:13

ᑎᐱᑦᓯᐊᕆᒃᑐᖅ ᐃᓐᓴᓐᓯ ᐃᓕᔭᕆᐊᖃᕐᐹ ᐃᑯᒪᒧᑦ ᐊᑕᓂᐅᑉ ᓵᖓᓂ, ᐳᔪᖅ ᐃᓯᕐᓗᐊᕐᓂᑎᑦᓯᕕᖕᒥᑦ ᐱᔪᖅ ᑕᓕᑎᑦᓯᓂᐊᕐᒪᑦ ᐊᖏᖃᑎᒌᒍᑎᒥᒃ ᐃᒃᓯᕕᖕᒥᑦ ᑐᖁᖁᓇᒍ.

ᒨᓯᓯ ᐱᖓᔪᖏᑦ 16:2

ᐊᑕᓂᐅᑉ ᒨᓯᓯ ᐅᖃᐅᑎᕚ, “ᐊᖓᔪᐃᑦ ᐂᕉᓂ ᐅᖃᐅᑎᒍᒃ ᐃᑎᕈᒪᓕᕈᓂ ᖃᖓᑐᐃᓐᓇᒃᑯᑦ ᐃᑎᖃᑦᑕᖁᖏᓪᓗᒍ ᐃᑦᔪᕐᓁᕐᑐᕕᖕᒥ ᐃᑦᔪᕐᓁᓐᓂᕐᐹᖓᓐᓄᑦ ᑖᓗᑕᐅᑉ ᐅᖓᑖᓃᑦᑐᒧᑦ ᐃᓱᒪᒋᔭᐅᔪᓐᓁᕐᕕᐅᑉ ᐃᒃᓯᕐᕕᐅᑉ ᓵᖓᓄᑦ, ᐃᑎᕈᓂ ᖃᖓᑐᐃᓐᓇᒃᑯᑦ ᑐᖁᓂᐊᕐᒪᑦ, ᐅᕙᖓ ᓴᖅᑭᖃᑦᑕᕋᒪ ᓄᕗᔭᒥ ᑖᓗᑕᕐᔪᐊᑉ ᐃᓱᒪᒋᔪᓐᓁᕐᓯᕕᐅᑉ ᖁᓛᓂ.

ᒨᓯᓯ ᓯᑕᒪᖏᑦ 17:4

ᐃᓕᓂᐊᕐᐸᓯᓗ ᑐᐱᕐᔪᐊᒧᑦ ᑲᑎᒪᕕᖕᒧᑦ ᐃᒃᓯᕐᕕᐅᑉ ᐊᖏᕈᑎᑕᓕᐅᑉ ᓵᖓᓂ, ᑕᕝᕙᓂ ᑲᑎᓂᐊᕋᑦᓯ.

ᒨᓯᓯ ᓯᑕᒪᖏᑦ 7:89

ᒨᓯᓯᓕ ᑐᐱᕐᔪᐊᒧᑦ ᐃᑎᓚᐅᕐᐳᖅ ᐊᑕᓂᖅ ᐅᖃᖃᑎᒋᔭᕐᑐᕐᓗᒍ, ᓂᐱᖓᓂᒡᓗ ᑐᓴᓚᐅᕐᐳᖅ ᐃᒻᒥᓄᑦ ᐅᖃᕐᑐᒥᒃ ᓂᑲᒋᔭᐅᕕᐅᑉ ᐃᒃᓯᕙᐅᑕᕐᔪᐊᑉ ᖁᓛᓂᑦ ᐱᔪᒥᒃ, ᑖᓐᓇᓗ ᐃᒃᓯᕐᕕᐅᑉ ᐊᖏᕈᑎᑕᓕᐅᑉ ᖄᖓᓂ ᐃᓂᖃᓚᐅᕐᐳᖅ, ᐂᓐᖏᓕᖑᐊᒃ ᓯᐅᕋᐱᒥᒃ ᐊᑎᖃᕐᑑᒃ ᐊᑯᓐᓂᖓᓃᑦᑐᖅ; ᑖᑦᓱᒪᓗ ᐅᖃᖃᑎᒋᓚᐅᕐᐹ.

ᕉᒪᒥᐅᓄᑦ 10:4

᙭ᔅᑑᓯ ᐃᓱᓕᑎᑦᓯᖕᒪᑦ ᐱᖁᔧᑦ ᐊᑐᕐᑕᐅᓂᖏᓐᓂᒃ, ᑖᑦᓱᒧᖓ ᐅᒃᐱᕐᓂᖃᕐᑐᓕᒫᑦ ᐃᓗᐊᕐᑑᓂᕋᕐᑕᐅᖁᓪᓗᒋᑦ.

ᒨᓯᓯ ᑕᓪᓕᒪᖏᑦ 10:5

ᖃᖅᑲᒦᒌᕋᒪᓕ ᐊᖅᑲᓕᓚᐅᕆᕗᖓ, ᑕᕝᕙ ᐊᑕᓂᐅᑉ ᑍᒫᒃ ᐱᖁᔨᓯᒪᓂᖓ ᒪᓕᒡᓗᒍ, ᐃᒃᓯᕐᕕᖕᒧᑦ ᓴᓇᓚᐅᕐᑕᓐᓄᑦ ᐴᓚᐅᕐᐸᒃᑲ ᑍᒫᓐᖓᓪᓗ ᑕᕝᕙᓃᖏᓐᓇᓕᕐᐳᑦ.”