ᒨᓯᓯ ᐂᑉᐸᖏᑦ 25:2 - ᐊᒡᓔᑦ ᐃᑦᔪᕐᖕᓁᑦᑐᑦ

² “ᐃᓴᕆᐊᓕᒥᐅᑦ ᐅᖃᐅᑎᓚᐅᒃᑭᑦ, ᑐᓂᕐᕈᓯᖁᓪᓗᒋᑦ ᐅᕙᓐᓄᑦ; ᐃᓄᐃᑦ ᐊᑐᓂᑦ ᓇᖕᒥᓂᖅ ᐱᔪᒪᓂᕐᒥᖕᓂᒃ ᒪᓕᒡᓗᑎᒃ, ᑐᓂᕐᕈᑎᖏᓪᓗ ᖃᓄᐃᑦᑐᑐᐃᓐᓇᐅᒐᓗᐊᕐᐸᑕ ᐃᓚᓕᐅᕐᓂᐊᕐᐸᑎᑦ ᐅᕙᖓ ᐱᑦᔪᑎᒋᓗᖓ.

ᒨᓯᓯ ᐂᑉᐸᖏᑦ 25:2 Iomraidhean Croise

ᐄᓱᕋᐅᑉ ᐊᒡᓚᖏᑦ 1:6

ᓯᓚᖅᑲᑎᓕᒫᖏᓐᓄᑦ ᐃᑲᔪᕐᑕᐅᓚᐅᕐᐳᑦ ᑐᓂᔭᐅᓪᓗᑎᒃ ᐅᓄᕐᑐᓂᒃ: ᓂᕆᑦᔪᑎᓂᒃ ᓯᐅᓪᕕᕆᓂᒃ, ᒎᓗᓂᒃ, ᑕᖁᐊᒃᓴᓂᒡᓗ, ᐆᒪᔪᖁᑎᖏᓪᓗ ᐅᓯᓕᕐᑐᕐᓱᒋᑦ, ᐊᓯᖏᓐᓂᒡᓗ ᐱᔪᒥᓇᕐᑐᓂᒃ, ᑐᓂᕐᕈᑎᒃᓴᓂᒡᓗ ᑐᒃᓯᐊᕐᕕᖕᒧᑦ.

ᐄᓱᕋᐅᑉ ᐊᒡᓚᖏᑦ 2:68

ᐊᐅᓪᓚᕈᑦᔭᐅᓯᒪᔪᕕᓃᑦ ᓯᕗᓕᕐᑎᐅᔪᑦ ᐃᓚᖏᑦ ᑎᑭᒻᒪᑕ, ᐊᑕᓂᐅᑉ ᑐᒃᓯᐊᕐᕕᖓᓄᑦ ᔨᕉᓴᓕᒧᑦ ᑐᓂᕐᕈᓯᓚᐅᕐᐳᑦ, ᑐᓂᕐᕈᑎᓂᒃ ᑐᓂᕐᕈᓯᕈᒪᓂᕐᒧᑦ ᐃᑲᔫᑎᒃᓴᐅᖁᓪᓗᒋᑦ ᑐᒃᓯᐊᕐᕕᐅᑉ ᐋᖅᑭᒋᐊᕐᑕᐅᑦᔪᑎᒃᓴᖓᓄᑦ ᐃᓂᕕᓂᑐᖃᖓᓄᐊᕐᑕᐅᓕᕐᑎᓪᓗᒍ.

ᐄᓱᕋᐅᑉ ᐊᒡᓚᖏᑦ 3:5

ᑭᖑᓂᖓᒍᓪᓗ ᑐᓂᕐᕈᓯᖃᑦᑕᓕᓚᐅᕆᕗᑦ ᑐᓂᕐᕈᓯᕈᑎᓪᓚᕆᖕᓂᒃ ᐃᑯᐊᓚᑎᑕᐅᓪᓗᑎᒃ, ᑐᓂᕐᕈᑏᓪᓗ ᑕᖅᑭᓂᕋᑖᒧᑦ ᓇᓪᓕᐅᓐᓂᕐᓯᐅᕈᑎᒧᑦ ᑐᓂᕐᕈᑎᒃᓮᑦ ᐊᓯᖏᓪᓗ ᓇᓪᓕᐅᓐᓂᑐᐃᓐᓁᑦ ᐊᑕᓂᕐᒧᑦ ᐃᑦᔪᕐᓁᑎᑕᐅᓯᒪᔪᑦ ᐊᑐᕐᑕᐅᖃᑦᑕᓚᐅᕆᕗᑦ, ᐃᓄᓕᒫᓪᓗ ᐃᓱᒪᕐᓱᕐᓗᑎᒃ ᑐᓂᕐᕈᓯᖃᑦᑕᓚᐅᕐᐳᑦ ᐊᑕᓂᕐᒧᑦ ᐱᔪᒪᓂᑎᒃ ᒪᓕᒃᓗᒍ.

ᐄᓱᕋᐅᑉ ᐊᒡᓚᖏᑦ 7:16

ᐊᒻᒪᓗ ᓇᒃᓴᕐᑕᒃᓴᕆᕙᓯ ᓯᐅᓪᕕᕇᑦ ᒎᓗᐃᓪᓗ ᐱᓚᐅᕐᑕᓯ ᐹᐱᓘᓂᐅᑉ ᓄᓇᖁᑎᖓᓂᑦ ᑐᓂᕐᕈᑎᒋᔭᐅᔪᓪᓗ ᐃᓴᕆᐊᓕᐅᑉ ᐃᓄᖁᑎᖏᓐᓂᑦ ᑐᓂᕐᕈᓯᕐᑎᑦᓯᔨᖁᑎᖏᑦᑕᓗ ᐃᓱᒪᕐᓱᕐᓗᑎᒃ ᑐᓂᓚᐅᕐᑕᖏᑦ, ᑖᒃᑯᐊ ᐃᓱᒪᕐᓱᕐᓗᑎᒃ ᑐᓂᔭᐅᔪᒃᓴᐅᕗᑦ ᑐᒃᓯᐊᕐᕕᒡᔪᐊᒧᑦ ᒎᑎᒥᖕᓄᑦ ᔨᕉᓴᓕᒦᑦᑐᒧ.

ᓂᕼᐃᒤᐊᐅᑉ ᐊᒡᓚᖏᑦ 11:2

ᐃᓄᐃᓪᓗ ᓮᒻᒪᕐᑎᑦᓯᓚᐅᕐᐳᑦ ᔨᕉᓴᓕᒥ ᓄᓇᖃᕈᒪᓪᓗᑎᒃ ᐃᒻᒥᖕᓂᒃ ᑐᓂᔪᓕᒫᓂᒃ.

ᐃᓐᖏᕈᑎᑦ 110:3

ᐃᓅᖃᑎᑎᑦ ᐃᑲᔪᕈᒪᓕᓛᕐᐳᑦ ᐊᑭᓕᕐᑕᐅᓂᕐᒥᒃ ᐃᓱᒪᖏᓪᓗᑎᒃ ᐅᓪᓗᓂ ᓵᓚᖃᕐᓂᕐᒥᒃ ᐊᑐᓕᕐᑎᓪᓗᑎᑦ, ᐃᑦᔪᕐᓁᓐᓂᐅᑉ ᐃᓂᖁᓇᕐᓂᖓᓂ ᐅᓪᓛᑉ ᖃᐅᒋᐊᓕᕐᓂᖓᑐᑦ, ᐃᓅᓱᒃᑐᐃᑦ ᐃᓕᖕᓄᑦ ᕾᔪᒫᕐᐳᑦ.

ᒨᓯᓯ ᐂᑉᐸᖏᑦ 25:1

ᐊᑕᓂᖅ ᐅᖃᕐᐳᖅ ᒨᓯᓯᒧᑦ,

ᒨᓯᓯ ᐂᑉᐸᖏᑦ 25:3

ᒪᑯᐊ ᑕᕝᕙ ᑐᓂᕐᕈᑎᒃᓴᐅᔪᑦ ᐃᓚᓕᐅᕐᑕᒃᓴᕆᔭᑎᑦ ᑖᒃᑯᓇᓐᖓᑦ: ᒎᓗᐃᑦ, ᓯᐅᓪᕕᕇᑦ, ᑲᓐᓄᔧᓪᓗ,

ᒨᓯᓯ ᓯᑕᒪᖏᑦ 18:24

ᐃᓴᕆᐊᓕᒥᐅᑦ ᑕᓪᓕᒪᐅᔪᐃᕈᑎᖏᑦ, ᐃᓵᒃᑕᕈᑎᒋᓗᒋᑦ ᑐᓂᕐᕈᑕᐅᓯᒪᔪᑦ ᐊᑕᓂᕐᒧᑦ, ᓕᕔᑎᓄᑦ ᑐᓂᕙᒃᑲ ᑖᒃᑯᓄᖓ ᐱᑖᕆᔭᐅᖁᓪᓗᒋᑦ; ᑍᒤᒻᒪᑦ ᐅᖃᐅᑎᕙᒃᑲ, ‘ᐃᓴᕆᐊᓕᒥᐅᑦ ᐊᑯᕐᖓᓐᓂ ᓇᖕᒥᓂᕆᔭᑦᓯᓐᓂᒃ ᐱᖃᕐᓂᐊᓐᖏᓚᓯ.’”

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:7

ᐃᓄᐃᑦ ᐊᑐᓂᑦ ᐃᓱᒪᒥᖕᓂᒃ ᑐᓂᓯᓕᑦ, ᑐᓂᓯᔪᒪᑦᓯᐊᖏᓪᓗᑎᒃ ᑐᓂᓯᔪᒃᓴᐅᓐᖏᓚᑦ ᐱᖁᔭᐅᑐᐃᓐᓇᕐᓂᕐᒧᓪᓘᓐᓃᑦ, ᖁᕕᐊᓱᒡᓗᓂ ᑐᓂᓯᔪᖅ ᒎᑎᐅᑉ ᓇᒡᓕᒋᖕᒪᒍ.

ᐃᓗᐊᕐᓮᔩᑦ ᐊᒡᓚᖏᑦ 5:9

ᐆᒻᒪᑎᒐ ᐃᓴᕆᐊᓕᒥᐅᑦ ᐅᓇᑕᕐᑎᖏᑕ ᐊᖓᔪᖅᑳᖏᓐᓃᓚᐅᕐᐳᖅ ᐃᑭᐊᓱᒐᑎᒃ ᐃᒻᒥᖕᓂᒃ ᑐᓂᓯᒪᔪᓂ ᐃᓄᐃᑦ ᐊᑯᕐᖓᓐᓂ ᐊᑕᓂᖅ ᓂᕐᑐᕐᑕᐅᓕ!