ᒨᓯᓯ ᐂᑉᐸᖏᑦ 24:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᒨᓯᓯᐅᓪᓗ ᐆᒪᔪᑦ ᐊᐅᖏᑕ ᐃᓚᖏᑦ ᐴᖅᑲᕐᐰᑦ ᐴᒍᑕᕐᓄᑦ, ᐃᓚᖏᓪᓗ ᑐᓂᕐᕈᓯᕐᕕᖕᒧᑦ ᓯᕐᐸᕐᓴᐅᑎᒋᓪᓗᓂᒋᑦ.

ᒨᓯᓯ ᐂᑉᐸᖏᑦ 24:6 Iomraidhean Croise

ᐊᑕᓃᑦ ᐂᑉᐸᖏᑦ 17:15

ᒪᓕᒃᑕᐅᖁᔭᖏᓐᓂᒃ ᒪᓕᒍᒪᓚᐅᓐᖏᓚᑦ ᓯᕗᓕᕕᓂᖏᑕ ᒎᑎᒥᒃ ᐊᖏᖃᑎᒌᒍᑎᓕᐅᕐᓯᒪᓂᖏᓐᓂᒃ ᑲᔪᓯᑎᑦᓯᓚᐅᓐᖏᓚᑦ, ᐃᓂᕐᑎᕆᑦᔪᑎᖏᓪᓗ ᓈᓚᓚᐅᓐᖏᓔᑦ. ᑐᒃᓯᐊᕐᕕᖃᖔᓕᕐᓗᑎᒃ ᒎᑎᓐᖑᐊᓂᒃ ᓱᓕᖏᑦᑐᓂᒃ ᓇᖕᒥᓂᖅ ᓱᓕᔪᓐᓃᕐᑎᓚᐅᕐᐳᑦ, ᐃᓅᖃᑎᒌᒡᔪᐊᓂᒃ ᐊᑕᓂᕐᒥᒃ ᐅᒃᐱᕆᔭᖃᖏᑦᑐᓂᒃ ᒪᓕᖃᑕᐅᑐᐃᓐᓇᓕᕐᓗᑎᒃ, ᐊᑕᓂᐅᑉ ᒪᓕᒃᑕᐅᖁᓚᐅᓐᖏᑕᖏᓐᓂᒃ.

ᐃᓐᖏᕈᑎᑦ 99:6

ᒨᓯᓯᓗ ᐂᕉᓂᓗ ᑐᓂᕐᕈᓯᕐᑎᑦᓯᔨᖁᑎᒋᕔᑦ, ᓴᒧᐃᓕᑦᑕᐅᖅ ᑖᑦᓱᒪ ᐊᑎᖓᓄᑦ ᑐᒃᓯᐊᕐᑎᐅᓚᐅᕐᐳᖅ; ᑖᒃᑯᐊ ᐊᑕᓂᕐᒧᑦ ᑐᒃᓯᐊᓚᐅᕐᐳᑦ, ᑖᑦᓱᒪᓗ ᑐᓴᓚᐅᕐᐰᑦ.

ᒨᓯᓯ ᐂᑉᐸᖏᑦ 12:22

ᐃᑦᓴᒍᓐᓇᕐᑐᒥᒃ ᕼᐊᓯᑉᒥᒃ ᐱᓗᓯ ᐆᒪᔫᑉ ᐊᐅᖓᓂᒃ ᐃᑦᓴᒃᑎᕐᓗᒍ ᐴᒍᑕᐅᑉ ᐃᓗᐊᓃᑦᑐᒥᑦ, ᐅᒃᑯᐊᓯᓗ ᐊᕙᓗᖏᑦ ᐃᒡᓗᒃᑐᑦ ᖁᓛᒍᓪᓗ ᑖᑦᓱᒧᖓ ᐊᐅᒥᑎᕐᓂᐊᕐᐸᓯ, ᓇᓕᑦᓯᓐᓂᒃ ᐃᒡᓗᑦᓯᓐᓂ ᐊᓂᔪᖃᕆᐊᖃᑦᔮᓐᖏᓚᖅ ᐅᓪᓛᓐᖑᓚᐅᖅᑳᖏᓐᓂᖓᓂ.

ᒨᓯᓯ ᐂᑉᐸᖏᑦ 12:7

ᐊᐅᖓᑕᓗ ᐃᓚᖓᓂᒃ ᐱᓗᑎᒃ, ᐃᑎᕐᑕᕐᕕᐅᑉ ᓴᓂᕋᖏᒃᑕ ᐊᕙᓗᖏᒃ ᐊᑐᓂᑦ ᐊᐅᖕᒧᑦ ᒥᖑᐊᕐᓯᕕᐅᔪᒃᓴᐅᕗᑦ, ᐃᑎᕐᑕᕐᕕᐅᓪᓗ ᖁᓛᑕ ᓴᓐᓂᖓᔪᐊ ᐱᖃᓯᐅᑎᓗᒍ ᑕᕝᕙᓐᖓᑦ ᓂᕆᓂᐊᕐᑕᖓᑦᑕ ᐊᐅᖓᓂᑦ.

ᒨᓯᓯ ᐂᑉᐸᖏᑦ 24:8

ᒨᓯᓯᐅᓪᓗ ᐊᐅᒃ ᐴᒍᑕᕐᒦᑦᑐᖅ ᐱᓪᓗᓂᐅᒃ ᐃᓄᐃᑦ ᓯᕐᐸᕐᓴᕐᕕᒋᕔᑦ, ᐅᖃᕐᓗᓂᓗ, “ᑕᑯᒋᑦ ᑕᒪᓐᓇ ᐊᐅᒃ ᓇᓗᓁᒃᑯᑕᐅᕗᖅ ᐊᖏᖃᑎᖃᕐᓯᒪᓂᑦᑕ ᑍᒤᓕᖓᓂᐊᓕᕐᓂᖓᓂᒃ. ᐊᑕᓂᐅᑉ ᐊᖏᖃᑎᒋᓚᐅᕐᒪᓯ ᐱᖁᔭᒥᓂᒃ ᑐᓂᓯᕕᒋᒐᒥᓯ.”

ᒨᓯᓯ ᐂᑉᐸᖏᑦ 29:16

ᑕᕝᕙᓂᓗ ᑐᖁᑕᒃᓴᕆᕙᑦ, ᐊᐅᖓᓂᓪᓗ ᐱᓗᑎᑦ ᑯᕝᕕᕐᓴᐅᑎᒋᔭᒃᓴᕆᕙᑦ ᑐᓂᕐᕈᓯᕐᕕᐅᑉ ᐊᕙᓗᖏᓐᓄᑦ ᓯᑕᒪᓄᑦ.

ᒨᓯᓯ ᐂᑉᐸᖏᑦ 29:20

ᑕᕝᕙᓂᓗ ᑖᓐᓇ ᑐᖁᑕᒃᓴᕆᕙᑦ, ᐊᐅᖓᑕᓗ ᐃᓚᖓᓂᒃ ᑕᕝᕙᓐᖓᑦ ᐱᓗᑎᑦ ᐂᕉᓂᐅᑉ ᓯᐅᑎᖓᑕ ᑕᓕᕐᐱᐊᑕ ᐳᕝᕙᖓ ᐊᐅᒃᑎᕐᑕᒃᓴᕆᕙᑦ ᐃᕐᓂᖏᑕᓗ ᓯᐅᑎᖏᑕ ᑕᓕᕐᐱᖏᑕ ᐳᕝᕙᖏᑦ ᑍᒤᓕᐅᕐᒥᓗᒋᑦ, ᑕᓕᕐᐱᖏᑕᓗ ᑯᓪᓗᖏᑦ ᐊᐅᒃᑎᕐᒥᓗᒋᑦ, ᑕᓕᕐᐱᖏᑕᓗ ᐳᑐᒍᖏᑎᒍᑦ ᐊᐅᒃᑎᕐᑕᒃᓴᕆᒋᕙᑎᑦ, ᐊᐅᓪᓕ ᐊᒥᐊᒃᑯᖓ ᑯᕝᕕᕐᓴᐅᑎᒋᔭᒃᓴᕆᕙᑦ ᑐᓂᕐᕈᓯᕐᕕᐅᑉ ᓴᓂᕋᖏᓐᓄᑦ ᓯᑕᒪᓄᑦ.

ᔨᕆᒤᐊᐅᑉ ᐊᒡᓚᖏᑦ 31:32

ᑖᓐᓇ ᐊᖏᖃᑎᒌᒍᑎᒋᔭᕋ ᐊᑦᔨᖃᕈᒫᓐᖏᓚᖅ ᓯᕗᓕᖏᓐᓄᑦ ᐊᖏᖃᑎᒌᒍᑎᒋᓚᐅᕐᑕᓐᓄᑦ, ᑎᒍᓪᓗᒋᑦ ᑕᓯᐅᓚᐅᕋᒃᑭᑦ ᐄᑦᔨᑉᑎᒥᑦ, ᐊᖏᖃᑎᒌᒃᓯᒪᓂᑦᑎᓐᓂᒃ ᓯᖁᒥᑦᓯᓚᐅᕐᒪᑕ, ᐅᐃᒋᔭᐅᔪᑎᑐᑦ ᑖᒃᑯᓄᖓ ᑍᒤᒃᑲᓗᐊᕐᑎᓪᓗᖓ, ᐊᑕᓂᖅ ᐅᖃᕐᐳᖅ.

ᒨᓯᓯ ᐱᖓᔪᖏᑦ 1:11

“‘ᑐᓂᕐᕈᓯᕐᓂᐊᕐᑑᑉ ᑐᖁᑕᒃᓴᕆᕚ ᑐᓂᕐᕈᓯᕐᕕᐅᑉ ᐅᓐᓄᐊᓪᓗᐊᖓᑕ ᓇᓛᓂ ᐊᑕᓂᐅᑉ ᑕᒃᑯᐊᓂ, ᐂᕉᓂᐅᓪᓗ ᐃᕐᓂᖏᑕ ᑐᓂᕐᕈᓯᕐᑎᑦᓯᔨᐅᔪᑦ ᐆᒪᔫᑉ ᐊᐅᖏᑦ ᓯᕐᐸᕐᓴᕈᑎᒋᔭᒃᓴᕆᕚᑦ ᑐᓂᕐᕈᓯᕐᕕᐅᑉ ᓴᓂᕋᖏᓐᓄᑦ.

ᒨᓯᓯ ᐱᖓᔪᖏᑦ 1:5

ᑕᕝᕙᓂᓗ ᑐᖁᑕᒃᓴᕆᕚ ᐊᖑᓴᓪᓗᖅ ᐊᑕᓂᐅᑉ ᑕᒃᑯᐊᓂ, ᐂᕉᓂᒃᑯᓐᓂᓪᓗ ᑐᓂᕐᕈᓯᕐᑎᑦᓯᔨᐅᔪᓂᑦ ᐆᒪᔫᑉ ᐊᐅᖓ ᐊᒡᔭᕐᑕᐅᔪᒃᓴᐅᕗᖅ ᓯᕐᐸᕐᓴᐅᑎᒋᓗᒍᓗ ᑐᓂᕐᕈᓯᕐᕕᐅᑉ ᐃᑎᕐᑕᕐᕕᖓᑕ ᐊᕙᓗᖏᓐᓄᑦ ᑐᐱᕐᒥ ᑲᑎᒪᕕᖕᒦᑦᑐᒧᑦ.

ᒨᓯᓯ ᐱᖓᔪᖏᑦ 3:2

ᐆᒪᔪᖅ ᓂᐊᖁᐊᒍᑦ ᑎᒍᓗᒍ ᑐᖁᑕᒃᓴᕆᕚ ᑐᐱᐅᑉ ᑲᑎᒪᕕᐅᑉ ᐃᑎᕐᕕᖓᑕ ᓴᓂᐊᓂ. ᐂᕉᓂᐅᓪᓗ ᐃᕐᓂᖏᑕ ᑐᓂᕐᕈᓯᕐᑎᑦᓯᔨᐅᔪᑦ ᐆᒪᔫᑉ ᐊᐅᖓ ᓯᕐᐸᕐᓴᐅᑎᒋᔭᒃᓴᕆᕚᑦ ᑐᓂᕐᕈᓯᕐᕕᐅᑉ ᓴᓂᕋᖏᓐᓄᑦ.

ᒨᓯᓯ ᐱᖓᔪᖏᑦ 3:8

ᐊᒡᒐᓂ ᐃᓕᔭᒃᓴᕆᕔᑦ ᐆᒪᔫᑉ ᓂᐊᖁᐊᓄᑦ ᑐᖁᓪᓗᓂᐅᒡᓗ ᑐᐱᐅᑉ ᑲᑎᒪᕕᐅᑉ ᐃᑎᕐᕕᖓᑕ ᖃᓂᒋᔮᓂ. ᐂᕉᓂᐅᓪᓗ ᐃᕐᓂᖏᑕ ᐆᒪᔫᑉ ᐊᐅᖓ ᓯᕐᐸᕐᓴᐅᑎᒋᔭᒃᓴᕆᕚᑦ ᑐᓂᕐᕈᓯᕕᐅᑉ ᓴᓂᕋᖏᓐᓄᑦ.

ᒨᓯᓯ ᐱᖓᔪᖏᑦ 4:6

“ᑖᑦᓱᒪᓗ ᑎᑭᓂ ᐊᐅᖕᒧᑦ ᒥᓱᓚᐅᕐᓗᒍ ᐃᓚᖓ ᓯᕿᔭᕐᑎᑕᒃᓴᕆᕚ. 7ᐃᕐᑐᕐᓗᓂ ᐊᑕᓂᐅᑉ ᓵᖓᓂ ᑕᓘᑉ ᐃᑦᔪᕐᓁᑦᑑᑉ ᓵᖓᓂ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:25

ᑍᒫᒃᑕᐅᖅ ᐃᒥᐅᑦ ᑎᒍᕚ ᓂᕆᔭᕇᕋᒥᒃ ᐅᖃᕐᓗᓂ, “ᐅᓇ ᐃᒥᐅᑦ ᓄᑖᒥᒃ ᐊᖏᕈᑕᐅᔪᖅ ᓇᓗᓁᒃᑯᓯᕐᓯᒪᔪᖅ ᐊᐅᓐᓂᒃ, ᑍᒤᓕᐅᖃᑦᑕᕆᑦᓯ ᐃᒥᓕᑐᐊᕈᑦᓯᐅᒃ, ᐅᕙᓐᓂᒃ ᐃᖅᑲᐅᒪᑦᔪᑎᒋᓗᒍ.”

ᑯᓘᓯᐊᒥᐅᓄᑦ 1:20

ᑖᑦᓱᒨᓇᓗ ᓱᓇᓕᒫᑦᓯᐊᑦ ᐃᒻᒥᓄᑦ ᐅᑎᕐᑎᓚᐅᕐᐰᑦ, ᓄᓇᒦᑦᑐᑦ ᕿᓚᖕᒦᑦᑐᓪᓗ, ᓮᒻᒪᕐᑎᓚᐅᕐᐰᑦ ᓴᓐᓂᖓᔪᓕᖕᒥ ᐊᐅᖓᒍᑦ.

ᐄᑉᕈᐃᓄᑦ 12:24

ᔩᓱᓯᓗ ᐅᐸᒃᐸᓯ, ᐊᖏᖃᑎᒌᖕᓂᕐᒥᒃ ᓄᑖᒥᒃ ᐱᔨᑦᓯᕐᑐᖅ, ᐊᐅᖕᒧᓪᓗ ᓯᕐᐸᕐᓴᕐᑕᐅᓯᒪᔪᒧᑦ ᐂᐱᓕᐅᑉ ᐊᐅᖓᓂᑦ ᐱᐅᓂᕐᓴᒥᒃ ᐅᖃᐅᓯᖃᕐᑐᒧᑦ.

ᐄᑉᕈᐃᓄᑦ 8:9

ᓯᕗᓕᕆᓚᐅᕐᑕᖏᓐᓄᑦ ᐊᖏᖃᑎᒌᒍᑎᒋᓚᐅᕐᑕᒪ ᐊᑦᔨᒋᔪᒫᓐᖏᓛ, ᑍᑦᓱᒪᓂ ᑕᓯᐅᕐᓗᒋᑦ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕋᒃᑭᑦ, ᑲᒪᑦᓯᐊᓚᐅᖏᒻᒪᑕ ᐊᖏᖃᑎᒌᒍᑎᒋᓚᐅᕐᑕᓐᓂᒃ ᑖᒃᑯᓄᖓ, ᑍᒤᒻᒪᑦ ᕿᒪᓚᐅᕐᐸᒃᑲ, ᐊᑕᓂᖅ ᐅᖃᕐᐳᖅ.

ᐄᑉᕈᐃᓄᑦ 9:18

ᑍᒤᒻᒪᑦ ᐊᖏᖃᑎᒌᖕᓂᖅ ᓯᕗᓪᓕᖅ ᐊᒡᓛᑦ ᐊᑐᓕᕈᓐᓇᓚᐅᓐᖏᓚᖅ ᐊᐅᖕᒥᒃ ᐊᑐᓐᖏᑐᐊᕈᓂ.

ᐄᑉᕈᐃᓄᑦ 9:19

ᒨᓯᓯᐅᑉ ᐱᖁᔭᑦ ᑕᒪᕐᒥᒃ ᐃᓄᖕᓄᑦ ᐊᑐᐊᕇᕋᒥᒋᑦ ᓄᕐᕋᐅᔭᐅᑉ ᒎᑦᓯᐅᓪᓗ ᐊᐅᖏᓐᓂᒃ ᐱᓪᓗᓂ, ᐃᒪᕐᒥᒃ ᐃᓚᓪᓗᒋᑦ ᑖᒃᑯᐊ ᐱᖁᔧᑦ ᑎᑎᕋᕐᓯᒪᔪᑦ ᓯᕐᐸᕐᓴᓚᐅᕐᐰᑦ ᐃᓄᐃᓪᓗ ᑕᒪᕐᒥᒃ, ᕼᐃᓴᑉᓂᒃ ᓰᐱᑦ ᒥᖅᑯᖏᓐᓂᒃ ᐊᐅᖕᒥᒃ ᐃᑦᓴᒃᑎᕐᓯᒪᔪᑦ ᐊᑐᕐᓗᒋᑦ.

ᐄᑉᕈᐃᓄᑦ 9:21

ᑍᒫᑦᓮᓐᓇᕐᑕᐅᖅ ᐊᐅᖕᒧᑦ ᓯᕐᐸᕐᓴᓚᐅᕐᐰᑦ ᑐᐱᖅ ᑐᒃᓯᐊᕐᑎᓪᓗᒋᓪᓗ ᐱᖁᑏᑦ ᐊᑐᕐᑕᐅᕙᒃᑐᓕᒫᑦ.

ᐲᑦᑐᕉᓯ ᓯᕗᓪᓖᑦ 1:19

᙭ᔅᑑᓯᐅᑉ ᐊᐅᖓᑕ ᐊᑭᑐᔪᕐᔪᐊᑉ ᑐᓂᕐᕈᑕᐅᓂᖓᒍᑦ, ᓰᐱᐅᑉ ᓄᕐᕋᖓᑐᑦ ᐱᐅᖏᓐᓂᖃᖏᑦᑐᑐᑦ ᓇᕐᕈᓇᕐᓂᖃᖏᑐᑐᓪᓗ.

ᐲᑦᑐᕉᓯ ᓯᕗᓪᓖᑦ 1:2

ᓂᕈᐊᕐᑕᐅᓯᒪᕗᓯ ᒎᑎᒧᑦ ᐊᑖᑕᒧᑦ ᐱᓂᐊᕐᑕᐅᖁᔭᖓᓄᑦ ᐃᑦᔪᕐᓁᑎᑕᐅᖁᓪᓗᓯ ᐊᓂᕐᓂᖓᓄᑦ ᒪᓕᑦᓯᐊᖁᓪᓗᓯ ᔩᓱᓯ ᙭ᔅᑑᓯᒥᒃ ᐊᐅᖓᓄᓪᓗ ᓴᓗᒻᒪᕐᑎᑕᐅᓗᓯ: ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓮᒻᒪᕐᑎᑕᐅᓇᕐᑐᖅ ᐱᕙᓪᓕᐊᓕ ᐃᓕᑦᓯᓐᓄᑦ.