ᒨᓯᓯ ᐂᑉᐸᖏᑦ 24:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᒨᓯᓯᐅᓪᓗ ᐃᓄᐃᑦ ᐅᖃᕐᕕᒋᕔᑦ, ᐊᑕᓂᐅᑉ ᐊᑐᕐᑕᐅᖁᔭᖏᓐᓂᒃ ᒪᓕᒐᕆᔭᐅᖁᔭᖏᓐᓂᒡᓗ. ᐃᓄᐃᓪᓗ ᐊᑕᐅᑦᓯᒃᑯᑦ ᑭᐅᕗᑦ, “ᐊᑕᓂᐅᑉ ᐅᖃᐅᓯᕆᔭᓕᒫᖏᓐᓂᒃ ᒪᓕᖕᓂᐊᕐᐳᒍᑦ.”

ᒨᓯᓯ ᐂᑉᐸᖏᑦ 24:3 Iomraidhean Croise

ᑯᕉᓂᑲ ᐂᑉᐸᖏᑦ 15:14

ᐊᖏᒻᒪᕆᒡᓗᑎᒡᓗ ᐅᖃᕕᒃᐳᑦ ᐊᑕᓂᕐᒧᑦ ᓂᐱᖅᑯᕐᑐᓪᓗᑎᒃ, ᕾᒐᓛᕐᓗᑎᒃ, ᑎᑦᑐᓚᐅᓯᔭᕐᓗᑎᒡᓗ, ᐊᖑᓴᓪᓗᐃᓪᓗ ᓇᒡᔪᖏᓐᓄᑦ ᑎᑦᑐᓛᕐᓗᑎᒃ.

ᑯᕉᓂᑲ ᐂᑉᐸᖏᑦ 15:15

ᔫᑕᒥᐅᓕᒫᓪᓗ ᖁᕕᐊᓱᒃᐳᑦ ᐅᖃᕕᒃᓗᑎᒃ ᐊᖏᕈᑎᒋᔭᒥᖕᓂᒃ; ᐊᖏᒻᒪᕆᓚᐅᕋᒥᒃ ᐆᒻᒪᑎᒥᖕᓄᑦ ᐃᓘᓐᓈᓄᑦ, ᖃᐅᔨᓇᓱᓚᐅᕋᒥᑦᔪᒡᓗ ᐱᔪᓐᓇᕐᓂᓕᒫᒥᖕᓄᑦ, ᓇᓂᓚᐅᕋᒥᑦᔪᒡᓗ, ᐊᑕᓂᐅᓪᓗ ᐸᒡᕕᓴᒃᑕᐅᑎᓚᐅᓐᖏᓔᑦ ᐊᕙᑎᒥᐅᑕᓕᒫᖏᓐᓂᑦ.

ᐃᓐᖏᕈᑎᑦ 50:5

“ᑲᑎᒋᑦᓯ ᐅᕙᓐᓄᑦ ᐃᑦᔪᕐᓁᑦᑐᖁᑎᒃᑲ, ᐊᖏᖃᑎᒌᒍᑎᓕᐅᕐᓯᒪᔪᑦ ᐅᕙᓐᓄᑦ ᑐᓂᕐᕈᑎᒃᓴᒃᑯᑦ.”

ᒨᓯᓯ ᐂᑉᐸᖏᑦ 19:8

ᐃᓄᐃᑦ ᑕᕝᕙ ᐊᑕᐅᑦᓯᒃᑯᑦ ᑭᐅᕗᑦ ᐅᖃᕐᓗᑎᒡᓗ, “ᐊᑕᓂᐅᑉ ᐅᖃᐅᓯᕆᔭᓕᒫᖏᑦ ᐱᓇᓱᐊᕐᓂᐊᕐᐸᕗᑦ.” ᒨᓯᓯᐅᓪᓗ ᐃᓄᐃᑦ ᐅᖃᐅᓯᕆᔭᖏᑦ ᐊᑕᓂᕐᒧᑦ ᐅᖃᐅᓯᕆᕔᑦ.

ᒨᓯᓯ ᐂᑉᐸᖏᑦ 24:2

ᒨᓯᓯᑐᐊᖅ ᑭᓯᒥ ᐊᑕᓂᕐᒧᑦ ᖃᒡᓕᔪᓐᓇᕐᑐᑑᓂᐊᕐᐳᖅ ᐊᓯᖏᓪᓕ ᖃᒡᓕᔪᒃᓴᐅᓐᖏᓚᑦ. ᐃᓄᑐᐃᓐᓁᓪᓗ ᖃᖅᑲᒧᑦ ᒪᔪᐊᕐᑐᒃᓴᐅᓐᖏᓚᑦ.”

ᒨᓯᓯ ᐂᑉᐸᖏᑦ 24:7

ᐊᖏᖃᑎᒌᖕᓂᐅᓪᓗ ᑎᑎᕋᕐᓯᒪᔪᖁᑎᖏᑦ ᒨᓯᓯᐅᑉ ᐱᕔᑦ, ᑖᒃᑯᓇᓂ ᒎᑎᐅᑉ ᐱᓂᐊᕐᑕᐅᖁᔭᖏᑦ ᑎᑎᕋᕐᓯᒪᖕᒪᑕ. ᓂᐱᖃᕐᓗᓂᓗ ᐃᓄᖕᓄᑦ ᐅᖃᓕᒫᕐᐰᑦ, ᐃᓄᐃᓪᓗ ᐅᖃᕐᐳᑦ, “ᐊᑕᓂᖅ ᓈᓚᖕᓂᐊᕐᐸᕗᑦ ᐱᖁᔭᓕᒫᖏᓪᓗ ᐊᑐᕐᓗᑎᒍ.”

ᔨᕆᒤᐊᐅᑉ ᐊᒡᓚᖏᑦ 11:4

ᓯᕗᓕᓯᓐᓂᒃ ᐱᖁᔨᓚᐅᕋᒪ ᐊᐅᓪᓚᕐᑎᓪᓗᒋᑦ ᐄᑦᔨᑉᑎᒥᑦ, ᓴᕕᕋᔭᒃᓴᒥᒃ ᐊᐅᒃᑎᑦᓯᕕᒃᑎᑐᑦ ᑍᒤᑦᑐᒦᕝᕕᒋᔭᖓᓂᑦ, ᐅᖃᕐᓗᖓᓗ, ᓂᐱᒐ ᓈᓚᒃᑕᒃᓴᕆᕙᓯ, ᐱᖁᔨᑦᔪᑎᒋᔭᓕᒫᒃᑲᓗ ᒪᓕᒡᓗᒋᑦ. ᑕᕝᕙ ᐃᓄᖁᑎᒋᓂᐊᕐᐸᑦᓯ, ᐅᕙᖓᓗ ᒎᑎᒋᓂᐊᕐᐸᑦᓯᓐᖓ.

ᔨᕆᒤᐊᐅᑉ ᐊᒡᓚᖏᑦ 34:13

“ᐃᒫᒃ ᑕᕝᕙ ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᓯᕗᓕᓯ ᐊᖏᖃᑎᒌᒍᑎᒥᒃ ᐋᖅᑭᒃᓯᖃᑎᒋᓚᐅᕐᐸᒃᑲ ᐄᑦᔨᑉᑎᒥᑦ ᐊᐅᓪᓚᕐᑎᓐᓇᒃᑭᑦ ᑎᒍᔭᐅᓯᒪᕕᒋᓚᐅᕐᑕᖏᓐᓂᑦ. ᐅᖃᕐᓗᖓᓗ;

ᕼᐊᒊᑉ ᐊᒡᓚᖏᑦ 2:5

‘ᑕᒪᓐᓇ ᐊᖏᕈᑎᒋᓚᐅᕋᒃᑯ ᐃᓕᑦᓯᓐᓄᑦ ᐄᑦᔨᑉᑎᒥᑦ ᐊᐅᓪᓚᕐᑎᓪᓗᓯ, ᐊᓂᕐᓂᕋ ᓱᓕ ᐃᓕᑦᓯᓐᓃᒻᒪᑦ; ᑍᒤᒻᒪᑦ ᑲᑉᐱᐊᓱᒃᑍᓕᒋᑦᓯ!’

ᒪᓚᑬᑉ ᐊᒡᓚᖏᑦ 2:10

ᐊᑕᐅᓯᕐᒥᒃ ᐊᑖᑕᖃᓐᖏᓚᒎᑦ? ᒎᑎᒧᑦ ᐊᑕᐅᓯᕐᒧᑦ ᐱᓐᖑᕐᑎᑕᐅᓯᒪᓐᖏᓚᒎᑦ? ᓱᖕᒪᓪᓕ ᐊᑭᕋᕐᑐᕐᓂᕐᒥᒃ ᐱᓇᓱᐊᑐᐃᓐᓇᕐᐱᑕ ᐃᓅᖃᑎᑦᑎᓐᓄᑦ, ᓯᕗᓕᑦᑕ ᐊᖏᕈᑎᒋᓚᐅᕐᑕᖓᓂᒃ ᓇᕐᕈᓇᕐᓯᑎᑦᓯᓪᓗᑕ?

ᒨᓯᓯ ᑕᓪᓕᒪᖏᑦ 11:1

“ᐊᑕᓂᖅ ᒎᑎᒋᔧᑦ ᐱᓐᓈᕆᔭᒃᓴᕆᕙᑦ ᑍᒪᓐᖓᓪᓗ ᐱᖁᔭᓕᒫᖏᑦ ᓈᓚᒡᓗᖏᑦ.

ᒨᓯᓯ ᑕᓪᓕᒪᖏᑦ 4:1

ᑕᕝᕙ ᒨᓯᓯ ᐃᓄᖕᓄᑦ ᐅᖃᓕᕐᐳᖅ, “ᐃᓴᕆᐊᓕᒥᐅᖑᔪᓯ ᐱᖁᔭᓕᒫᑦ ᓈᓚᒃᑕᒃᓴᕆᕙᓯ ᐃᓕᑦᓯᓐᓄᑦ ᐃᓕᓮᑦᔪᑎᒋᓚᐅᕐᑕᒃᑲ, ᑕᕝᕙ ᐃᓅᓂᐊᕐᐳᓯ ᓄᓇᖃᓕᕐᓗᓯᓗ ᓄᓇᒥ ᐊᑕᓂᐅᑉ ᓯᕗᓕᕕᓂᑦᓯ ᒎᑎᖓᑦᑕ, ᑐᓂᓯᒪᔭᖓᓂᒃ ᐃᓕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 4:45

ᐅᑯᐊ ᑕᕝᕙ ᓇᓗᓁᕐᓯᑦᔪᑎᐅᔪᑦ, ᓴᖅᑭᔮᕐᓗᑎᒃ, ᒪᓕᒐᒃᓴᐅᓪᓗᑎᒡᓗ, ᒨᓯᓯᐅᑉ ᐅᖃᐅᓯᕆᓚᐅᕐᑕᖏᑦ ᐃᓴᕆᐊᓕᒥᐅᓄᑦ ᓄᓇᒥᑦ ᐄᑦᔨᑉᑎᒥᑦ ᐊᐅᓪᓚᕐᓯᒪᓕᕐᑎᓪᓗᒋᑦ,

ᒨᓯᓯ ᑕᓪᓕᒪᖏᑦ 4:5

“ᐱᖁᔭᓕᒫᓂᒃ ᐊᔪᕆᕐᑐᕐᓯᒪᕙᑦᓯ, ᐊᑕᓂᐅᑉ ᒎᑎᒪ ᐅᖃᐅᓯᐅᖁᓚᐅᕐᑕᓕᒫᖏᓐᓂᒃ. ᑖᒃᑯᐊ ᓈᓚᒐᒃᓴᕆᕙᓯ ᓄᓇᒥ ᓵᓚᒃᓴᕐᓂᒃᑯᑦ ᓄᓇᑖᕆᓂᐊᓕᕐᑕᑦᓯᓐᓂ ᓄᓇᖃᓕᕈᑦᓯ.

ᒨᓯᓯ ᑕᓪᓕᒪᖏᑦ 5:1

ᒨᓯᓯᐅᑉ ᐃᓄᓕᒫᑦ ᑲᑎᖁᕔᑦ ᐅᖃᐅᑎᓪᓗᒋᓪᓗ, “ᐃᓴᕆᐊᓕᒥᐅᑦ ᐃᓄᖏᑦ, ᐅᓪᓗᒥ ᓈᓚᓚᐅᕐᓯᓐᖓ ᐱᖁᔭᓂᒃ ᐅᖃᐅᓯᖃᕐᑎᓪᓗᖓ ᐃᓕᑦᓯᓐᓄᑦ. ᑖᒃᑯᐊ ᐃᓕᓐᓂᐊᕐᑕᒃᓴᕆᕙᓯ ᓈᓚᑦᓯᐊᕐᓗᒋᓪᓗ.

ᒨᓯᓯ ᑕᓪᓕᒪᖏᑦ 5:31

ᐃᕝᕕᓪᓕ ᒨᓯᓰ, ᐅᕙᓐᓂ ᓇᔫᑎᓕᕆᑦ, ᑐᓂᓯᕕᒋᓂᐊᕋᒃᑭᑦ ᐱᖁᔭᓐᓂᒃ ᐊᑐᕐᑕᐅᖁᔭᓐᓂᒡᓗ. ᐃᓄᖕᓄᑦ ᐃᓕᓮᑦᔪᑎᒋᔭᒃᓴᕆᕙᑎᑦ, ᑖᒃᑯᓄᖓ ᓈᓚᒃᑕᐅᖁᓪᓗᒋᑦ ᑕᒫᓂ ᓄᓇᒥ ᑐᓂᓂᐊᕐᑕᓐᓂ ᑖᒃᑯᓄᖓ.’

ᒨᓯᓯ ᑕᓪᓕᒪᖏᑦ 6:1

“ᒪᑯᐊ ᑕᕝᕙ ᐱᖁᔧᑦ ᐊᑕᓂᐅᑉ ᒎᑎᑦᓯ ᐱᖁᔨᑦᔪᑎᒋᓚᐅᕐᑕᖏᑦ ᐅᕙᓐᓄᑦ ᐃᓕᓮᑦᔪᑎᒋᔭᐅᖁᓪᓗᒋᑦ ᐃᓕᑦᓯᓐᓄᑦ. ᓈᓚᒃᑕᒃᓴᕆᕙᓯ ᑕᕝᕙᓂ ᓄᓇᒋᓂᐊᓕᕐᑕᑦᓯᓐᓂ ᓄᓇᖃᓕᕐᑎᓪᓗᓯ.

ᔮᓱᐊᑉ ᐊᒡᓚᖏᑦ 24:21

ᐃᓄᐃᑦ ᐅᖃᕐᐳᑦ ᔮᓱᐊᒧᑦ, “ᐋᒃᑲ; ᐅᕙᒍᓪᓕ ᐊᑕᓂᖅ ᐱᔨᑦᓯᕐᓂᐊᕐᐸᕗᑦ.”

ᔮᓱᐊᑉ ᐊᒡᓚᖏᑦ 24:22

ᑕᕝᕙ ᔮᓱᐊᑉ ᐃᓄᐃᑦ ᐅᖃᐅᑎᕔᑦ, “ᐊᓯᑦᓯᓐᓂᒃ ᓵᑕᒃᓴᖃᕐᓂᐊᖏᓐᓚᓯ ᖃᐅᔨᒪᓂᐊᕐᐳᓯ ᓇᖕᒥᓂᖅ ᓂᕈᐊᓚᐅᕋᑦᓯ ᐊᑕᓂᖅ ᐱᔨᑦᓯᕈᒪᓪᓗᒍ.” ᑖᒃᑯᐊ ᑭᐅᕗᑦ, “ᖃᐅᔨᒪᓂᐊᕐᐳᒍᑦ ᐊᓯᑦᑎᓐᓂᒃ ᓵᑕᒃᓴᖃᑦᔮᖏᓐᓇᑦᑕ.”

ᔮᓱᐊᑉ ᐊᒡᓚᖏᑦ 24:24

ᐃᓄᐃᑦ ᐅᖃᕐᐳᑦ ᔮᓱᐊᒧᑦ, “ᐊᑕᓂᖅ ᒎᑎᕗᑦ ᐱᔨᑦᓯᕐᓂᐊᕐᐸᕗᑦ, ᑖᑦᓱᒪᓗ ᓂᐱᖓ ᓈᓚᖕᓂᐊᕐᐸᕗᑦ.”