ᒨᓯᓯ ᐂᑉᐸᖏᑦ 24:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐊᑕᓂᐅᓪᓕ ᓂᕐᑐᕐᓇᕐᓂᕐᔪᐊᖓᑕ ᓴᖅᑭᔮᕐᓂᖓ ᐃᑯᐊᓚᔪᑎᑐᑦ ᑍᒤᓚᐅᕐᐳᖅ ᖃᖅᑲᐅᑉ ᖄᖓᓂ ᐃᓄᐃᑦ ᐃᓴᕆᐊᓕᒥᐅᑦ ᑕᑯᓐᓇᕐᑕᖏᑎᒍᑦ.

ᒨᓯᓯ ᐂᑉᐸᖏᑦ 24:17 Iomraidhean Croise

ᓴᒧᐃᓕ ᐂᑉᐸᖏᑦ 22:13

ᖃᐅᒪᔪᐊᓗᖕᒧᑦ ᑖᑦᓱᒪ ᓵᖓᓃᑦᑐᒧᑦ ᐃᑯᒪᔪᓂᒃ ᐊᐅᒫᓗᖕᓂᒃ ᓴᖅᑭᑦᑐᖃᕐᐳᖅ.

ᓴᒧᐃᓕ ᐂᑉᐸᖏᑦ 22:9

ᐳᔪᕐᒥᒃ ᓱᕐᓗᖓᓂᑦ ᓄᐃᔪᖃᓚᐅᕐᐳᖅ, ᐃᑯᒪᒥᒃ ᐃᑯᐊᓪᓚᒃᑎᑦᓯᔪᒥᒃ ᐃᑯᒪᔪᓪᓗ ᐊᐅᒫᓗᐃᑦ ᐊᓂᓚᐅᕐᐳᑦ ᖃᓂᖓᓂᑦ.

ᒨᓯᓯ ᐂᑉᐸᖏᑦ 19:11

ᐅᓪᓗᓪᓗ ᐱᖓᔪᒋᓕᕐᐸᒍ ᐅᐸᓗᖎᕐᓯᒪᔪᒃᓴᐅᕗᑦ; ᐅᓪᓗᒥ ᑕᕝᕙᓂ ᖃᖅᑲᒧᑦ ᓮᓁᒧᑦ ᐊᑕᓂᖅ ᐊᖅᑲᕐᓂᐊᕐᒪᑦ, ᐃᓄᓕᒫᑦ ᑕᑯᓐᓇᕐᑎᓪᓗᒋᑦ.

ᒨᓯᓯ ᐂᑉᐸᖏᑦ 19:18

ᖃᖅᑳᓘᓪᓗ ᓮᓁᑉ ᖄᖓ ᐳᔪᕐᒧᑦ ᐅᓕᒃᓯᒪᕗᖅ ᐊᑕᓂᐅᑉ ᐊᖅᑲᕐᕕᒋᖕᒪᒍ ᐃᑯᐊᓚᔪᒧᑦ. ᐳᔪᖓᓗ ᖁᒻᒧᐊᒃᐳᖅ ᐃᒐᐅᑉ ᐳᔪᖓᑎᑐᑦ, ᐃᓄᐃᓪᓗ ᓴᔪᒃᐳᑦ ᐊᖏᔪᒥᒃ.

ᒨᓯᓯ ᐂᑉᐸᖏᑦ 3:2

ᑕᕝᕙᓂᓗ ᐊᑕᓂᐅᑉ ᐂᖏᓖᖓᑕ ᓴᖅᑭᕝᕕᒋᕚ ᐃᑯᐊᓚᔪᑎᑐᑦ ᐅᕐᐱᒊᑦ ᕿᑎᖓᓐᓂᑦ. ᒨᓯᓯᐅᓪᓗ ᐅᕐᐱᒊᑦ ᐃᑯᐊᓚᔪᑦ ᑕᐅᑐᒃᑲᓗᐊᕐᐰᑦ ᐃᑭᑉᐸᓕᐊᖏᑦᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 1:27

ᕿᑎᕆᔫᔮᕐᑕᖓᑕᓗ ᖁᓛ ᑕᑯᕙᕋ ᑲᓐᓄᔭᑐᑦ ᕿᓪᓕᕐᑎᒋᔪᖅ, ᐃᑯᐊᓚᔫᔮᕐᑐᒧᑦ ᐃᓗᔭᐅᓯᒪᓪᓗᓂ; ᕿᑎᕆᔫᔮᕐᑕᖓᑕᓗ ᐊᑖᓂ ᐃᑯᒪᔪᑎᑐᑦ ᑕᑯᒃᓴᐅᔪᖃᕐᐳᖅ, ᖃᐅᒪᔪᕐᔪᐊᒧᓪᓗ ᐊᕙᓗᔭᐅᓯᒪᓪᓗᓂ.

ᓇᕼᐅᒥᐅᑉ ᐊᒡᓚᖏᑦ 1:6

ᓂᓐᖓᓕᕐᐸᑦ, ᑭᓇ ᐊᓐᓇᒍᓐᓇᕋᔭᕐᐹ? ᑭᓇᓗ ᐊᓐᓇᒍᓐᓇᕐᐹ ᓂᓐᖓᐅᒪᕕᒡᔪᐊᕐᓂᖓᓂᑦ? ᑖᑦᓱᒪ ᓂᓐᖓᐅᒪᓂᖓ ᐃᑯᒪᔪᑐᑦ ᑍᒤᑦᑐᖅ ᓈᕕᑕᐅᕗᖅ; ᑕᕝᕙ ᐅᔭᕅᑦ ᓯᖃᓪᓕᕗᑦ ᑖᑦᓱᒪ ᓵᖓᓂ.

ᒨᓯᓯ ᑕᓪᓕᒪᖏᑦ 4:24

ᐊᑕᓂᖅ ᒎᑎᓯ ᐃᑯᒪᑎᑐᑦ ᐃᑯᐊᓚᔪᑎᑐᑦ ᑍᒤᒻᒪᑦ; ᐊᓯᒥᓂᒃ ᒎᑎᖃᖁᔨᖏᒻᒪᕆᒃᑐᖅ.

ᒨᓯᓯ ᑕᓪᓕᒪᖏᑦ 4:36

ᓂᐱᒥᓂᒡᓗ ᕿᓚᖕᒥᑦ ᑐᓴᕈᓐᓇᕐᑎᓚᐅᕐᐹᓯ ᒪᓕᒐᒃᓴᑦᓯᓐᓂᒃ ᐅᖃᐅᑎᔪᒪᓪᓗᓂᓯ; ᑕᕝᕙᓂᓗ ᓄᓇᕐᔪᐊᕐᒥ ᐃᑯᒪᖁᑎᒥᓂᒃ ᐃᑦᔪᕐᓁᑦᑐᒥᒃ ᑕᑯᑎᓚᐅᕐᐹᓯ, ᑕᕝᕙᓐᖓᓪᓗ ᐅᖃᓪᓚᒡᕕᒋᓪᓗᓂᓯ.

ᒨᓯᓯ ᑕᓪᓕᒪᖏᑦ 9:3

ᒫᓐᓇᓕ ᓇᖕᒥᓂᖅ ᑕᑯᓂᐊᕐᐳᓯ ᐊᑕᓂᐅᑉ ᒎᑎᑦᓯ ᓯᕗᓪᓕᐅᓗᓂ ᐃᑯᒪᑎᑐᑦ ᑬᕙᑦᑐᐊᓗᒃᑎᑐᑦ ᐱᓕᕆᓂᖓᓂᒃ. ᑖᒃᑯᐊᓗ ᓵᓚᒋᓂᐊᕐᐰᑦ ᐃᓕᑦᓯ ᑕᒪᐅᓐᖓᕈᓐᓇᕐᓯᖁᓪᓗᓯ, ᑖᒃᑯᓂᖓ ᐊᓂᑎᑦᓯᔪᓐᓇᕐᓯᖁᓪᓗᓯ ᓄᖒᑦᓯᖁᓪᓗᓯᓗ ᐊᑯᓂᐅᖏᑦᑐᖅ, ᑍᒤᑦᑐᓐᓇᖁᓪᓗᓯ ᑕᒪᑐᒥᖓ ᐊᖏᕐᕕᒋᓯᒪᖕᒪᓯ.

ᐄᑉᕈᐃᓄᑦ 12:18

ᖃᖅᑲᒧᑦ ᐊᒃᑐᕐᑕᐅᔪᓐᓇᕐᑐᒧᑦ ᑎᑭᖏᓐᓇᑦᓯ, ᐃᑯᐊᓚᔪᖃᕐᑐᒧᑦ, ᑕᒃᓯᕐᑐᒧᓪᓗ, ᑖᕐᑐᕐᔪᐊᒧᓪᓗ, ᐊᓄᕆᕐᔪᐊᕐᑐᒧᓪᓗ,

ᐄᑉᕈᐃᓄᑦ 12:29

ᒎᑎᕗᑦ ᐃᑯᒪᐅᖕᒪᑦ ᓄᖒᑦᓯᔪᕐᔪᐊᖅ.