15 ᑕᕝᕙ ᒨᓯᓯ ᖃᖅᑲᒧᑦ ᒪᔪᐊᕐᒪᑦ, ᖃᖅᑲᖅ ᓄᕗᔭᒧᑦ ᐅᓕᒃᑕᐅᕗᖅ.
ᑕᕝᕙ ᓲᓗᒨᓂ ᐅᖃᕐᐳᖅ: “ᐊᑕᓂᖅ ᐅᖃᓚᐅᕐᐳᖅ ᐃᓂᖃᕐᓂᐊᕐᓂᕋᕐᓗᓂ ᓄᕗᑦᑕᕆᒃᑐᒥ,
ᐅᓪᓗᓪᓕ ᐱᖓᔪᖓᑦᑕ ᐅᓪᓛᕆᔭᖓᓂ ᑲᓪᓕᕐᐳᖅ ᖃᐅᒻᒪᓪᓛᓪᓗᓂᓗ, ᓄᕗᔭᓗ ᐃᒻᒥᒎᕐᑐᖅ ᓴᖅᑭᑉᐳᖅ ᖃᖅᑳᓘᑉ ᖄᖓᒍᑦ. ᑎᑦᑐᓚᐅᑎᐅᓪᓗ ᓂᐱᖓ ᓂᐱᑑᓪᓗᓂ ᑐᓴᕐᑕᐅᕗᖅ, ᐃᓄᓕᒫᓪᓗ ᓄᓇᓕᖕᓃᑦᑐᑦ ᑲᑉᐱᐊᓱᓕᕐᐳᑦ ᖁᐊᕐᓵᕐᓗᑎᒡᓗ.
ᐊᑕᓂᕐᓗ ᐊᖅᑲᕋᒥ ᖃᖅᑳᓘᑉ ᖄᖓᓄᐊᕐᐳᖅ ᓮᓁᒧᑦ. ᒨᓯᓯᓗ ᖃᖅᑳᓘᑉ ᖄᖓᓄᑦ ᕾᖁᕚ, ᒨᓯᓯᓗ ᒪᔪᕋᕐᐳᖅ ᖃᖅᑲᐅᑉ ᖄᖓᓄᑦ.
ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ, “ᑕᑯᒋᑦ ᐃᓕᖕᓄᑦ ᕾᓂᐊᕐᐳᖓ ᓄᕗᔭᒥ ᐃᓛᒃᑰᕐᑐᒦᓪᓗᖓ, ᐃᓄᐃᑦ ᑐᓵᔪᓐᓇᖁᓪᓗᒋᑦ ᐃᓕᖕᓄᑦ ᐅᖃᓪᓚᒃᑎᓪᓗᖓ, ᐃᓕᖕᓂᒡᓗ ᐅᒃᐱᕈᓱᓕᖁᓪᓗᒋᑦ ᑍᒪᓐᖓᑦ.” ᒨᓯᓯᐅᓪᓗ ᐃᓄᐃᑦ ᐅᖃᐅᓯᖏᑦ ᐊᑕᓂᕐᒧᑦ ᐅᖃᐅᓯᕆᕔᑦ.
ᐊᑕᓂᐅᓪᓗ ᓂᕐᑐᕐᓇᕐᓂᕐᔪᐊᖓ ᖃᖅᑲᐅᑉ ᖄᖓᓃᓕᕐᐳᖅ ᓮᓁᒥ, ᓄᕗᔭᒧᓪᓗ ᐅᓕᒃᑕᐅᓯᒪᓪᓗᓂ ᐅᓪᓗᓂᒃ 6ᓂᒃ; ᐅᓪᓗᓪᓕ 7ᖓᓐᓂ ᒎᑎᐅᑉ ᒨᓯᓯ ᐅᖃᕐᕕᒋᓕᕐᐹ ᓄᕗᔭᒥᑦ.
ᐅᖃᓪᓚᒃᑎᓪᓗᒍ ᓱᓕ, ᑕᑯᒋᑦ, ᓄᕗᔭᒧᑦ ᖃᐅᒪᔪᒧᑦ ᑎᑭᑕᐅᕗᑦ, ᓂᐱ ᓄᕗᔭᒥᑦ ᐅᖃᕐᐳᖅ, “ᑖᓐᓇ ᑕᕝᕙ ᐃᕐᓂᕋ ᓇᒡᓕᒋᔭᕋ, ᖁᕕᐊᒋᑦᓯᐊᕐᑕᕋ; ᑖᓐᓇ ᓈᓚᒃᓯᐅᒃ!”
