ᒨᓯᓯ ᐂᑉᐸᖏᑦ 24:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᖃᖅᑲᒧᑦ ᒪᔪᐊᓚᐅᕆᑦ ᐅᕙᓐᓄᑦ, ᑕᕝᕙᓂᓗ ᐅᑕᖅᑭᓗᑎᑦ; ᑐᓂᓯᓂᐊᕋᒃᑭᑦ ᐅᔭᕋᒃᑯᑦ ᑎᑎᕋᕐᓯᒪᔫᖕᓂᒃ ᒪᕐᕉᖕᓂᒃ, ᐱᖁᔭᓂᒃ ᑎᑎᕋᕐᕕᒋᓯᒪᔭᓐᓂᒃ ᐃᓄᖕᓄᑦ ᒪᓕᒃᑕᐅᔭᕆᐊᖃᕐᑐᓂᒃ.”

ᒨᓯᓯ ᐂᑉᐸᖏᑦ 24:12 Iomraidhean Croise

ᐊᑕᓃᑦ ᓯᕗᓪᓖᑦ 19:11

ᐊᑕᓂᐅᓪᓗ ᐅᖃᐅᑎᕚ, “ᐂᓕᕆᑦ, ᓇᖏᕆᐊᕐᑐᕐᓗᑎᑦ ᖃᖅᑲᐅᑉ ᖄᖓᓂ ᐊᑕᓂᐅᑉ ᓵᖓᓂ.” ᑕᑯᒋᓪᓗ, ᐊᑕᓂᖅ ᐊᖅᑯᓵᕐᐳᖅ, ᐊᓄᕆᕐᔪᐊᒧᑦ ᑎᑭᑕᐅᕗᖅ ᐅᔭᕅᓪᓗ ᓯᖁᑦᑎᕐᐰᑦ ᖃᖅᑲᒦᑦᑐᑦ ᐊᑕᓂᐅᑉ ᓵᖓᓂ, ᐊᑕᓂᕐᓕ ᐊᓄᕆᕐᔪᐊᒦᓚᐅᓐᖏᓚᖅ; ᐊᓄᕆᐅᑉ ᑭᖑᓂᖓᒍᑦ ᓄᓇ ᓴᔪᒃᐱᓪᓚᒃᐳᖅ, ᐊᑕᓂᕐᓕ ᓴᔪᒃᐱᓪᓚᖕᒦᓚᐅᓐᖏᓚᖅ.

ᐄᓱᕋᐅᑉ ᐊᒡᓚᖏᑦ 7:10

ᐄᓱᕋᐅᑉ ᐃᓅᓯᓂ ᑐᓂᓯᒪᓚᐅᕐᐹ ᐃᓕᓴᕐᓗᓂ ᐊᑕᓂᐅᑉ ᐱᖁᔭᖏᓐᓂᒃ, ᐊᑐᖃᑦᑕᓪᓗᒋᑦ, ᐃᓕᓮᑦᔪᑎᒋᓪᓗᒋᓪᓗ ᐱᖁᔧᑦ ᐊᑐᕐᑕᐅᔭᕆᐊᓖᓪᓗ ᐃᓴᕆᐊᓕᒥᐅᑦ ᐃᓄᖁᑎᖏᓐᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 9:13

ᓮᓁᑉ ᖃᖅᑲᖓᓄᑦ ᐊᖅᑲᓚᐅᕐᐳᑎᑦ ᕿᓚᖕᒥᑦ, ᐃᓄᖁᑎᑎᓪᓗ ᐅᖃᕐᕕᒋᓚᐅᕐᐸᑎᑦ ᕿᓚᖕᒥᑦ, ᐱᖁᔭᓂᒡᓗ ᑐᓂᓯᕕᒋᓚᐅᕐᐸᑎᑦ ᐊᑐᒐᒃᓴᑦᓯᐊᓂᒃ, ᐃᓕᓐᓂᐊᕐᑎᓚᐅᕐᐸᑎᓪᓗ ᐱᐅᔪᓂᒃ ᐱᖁᔭᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 9:14

ᐃᓕᓴᑎᓚᐅᕐᐸᑎᓪᓗ ᓴᐸᑎ ᐃᑦᔪᕐᓁᑎᑕᐅᖁᓪᓗᒍ, ᐱᖁᔨᓚᐅᕐᐳᑎᓪᓗ ᐊᑐᒐᒃᓴᐅᖁᔭᕐᓂᒃ ᒪᓕᒃᑕᐅᖁᔭᕐᓂᒡᓗ ᒪᓕᖁᓪᓗᒋᑦ, ᐱᔨᒃᑯᑦ ᒨᓯᓯᒃᑯᑦ ᐱᖁᔭᓂᒃ ᑐᓂᓯᕕᒋᓚᐅᕐᐸᑎᑦ.

ᐃᓐᖏᕈᑎᑦ 19:12

ᑭᓇᓕ ᑕᒻᒪᕐᓂᖏᓐᓂᒃ ᖃᐅᔨᒪᕚ? ᓴᓗᒻᒪᕐᓴᓚᐅᓐᖓ ᑕᒻᒪᕐᓂᕐᓂᑦ ᐃᔨᕐᓯᒪᔪᓂᑦ.

ᒨᓯᓯ ᐂᑉᐸᖏᑦ 19:3

ᒨᓯᓯᓗ ᖃᖅᑳᓗᖕᒧᑦ ᒪᔪᕋᕐᐳᖅ ᒎᑎᒥᒃ ᑲᑎᓯᔭᕐᑐᕐᓗᓂ. ᖃᖅᑲᒥᓪᓗ ᐊᑕᓂᐅᑉ ᒨᓯᓯ ᐅᖃᕐᕕᒋᕚ ᐅᖃᖁᓪᓗᒍ ᐃᓴᕆᐊᓕᒥᐅᓄᑦ ᔧᑰᑉ ᑭᖑᕚᖏᓐᓄᑦ ᐅᖃᐅᑎᓪᓗᒍᓗ:

ᒨᓯᓯ ᐂᑉᐸᖏᑦ 24:15

ᑕᕝᕙ ᒨᓯᓯ ᖃᖅᑲᒧᑦ ᒪᔪᐊᕐᒪᑦ, ᖃᖅᑲᖅ ᓄᕗᔭᒧᑦ ᐅᓕᒃᑕᐅᕗᖅ.

ᒨᓯᓯ ᐂᑉᐸᖏᑦ 24:18

ᒨᓯᓯᓗ ᓄᕗᔭᒧᑦ ᐃᑎᕐᐳᖅ, ᖃᖅᑲᐅᑉ ᖄᖓᓃᑦᑐᒧᑦ. ᑕᕝᕙᓃᑉᐳᕐᓗ ᐅᓪᓗᓂᒃ ᐅᓐᓄᐊᓂᒡᓗ 40ᓂᒃ.

ᒨᓯᓯ ᐂᑉᐸᖏᑦ 24:2

ᒨᓯᓯᑐᐊᖅ ᑭᓯᒥ ᐊᑕᓂᕐᒧᑦ ᖃᒡᓕᔪᓐᓇᕐᑐᑑᓂᐊᕐᐳᖅ ᐊᓯᖏᓪᓕ ᖃᒡᓕᔪᒃᓴᐅᓐᖏᓚᑦ. ᐃᓄᑐᐃᓐᓁᓪᓗ ᖃᖅᑲᒧᑦ ᒪᔪᐊᕐᑐᒃᓴᐅᓐᖏᓚᑦ.”

ᒨᓯᓯ ᐂᑉᐸᖏᑦ 31:18

ᒎᑎᓗ ᒨᓯᓯᒧᑦ ᐅᖃᓪᓚᒌᕋᒥ ᖃᖅᑲᐅᑉ ᓮᓁᑉ ᖄᖓᓂᑦ, ᒨᓯᓯ ᑐᓂᕚ ᐅᔭᕌᖕᓂᒃ ᒪᕐᕉᖕᓂᒃ ᐱᖁᔭᓂᒃ ᑎᑎᕋᕐᕕᒋᓯᒪᔫᖕᓂᒃ ᒎᑎᐅᑉ ᓇᖕᒥᓂᖅ ᑎᑎᕋᕐᕕᒋᓯᒪᔭᖏᖕᓂᒃ.

ᒨᓯᓯ ᐂᑉᐸᖏᑦ 32:1

ᐃᓄᐃᓪᓗ ᖃᐅᔨᓕᕋᒥᒃ ᒨᓯᓯ ᓱᓕ ᖃᖅᑲᒥᑦ ᐊᖅᑲᓚᐅᖏᓐᓂᖓᓂᒃ, ᐊᑯᓂᓗ ᑕᑉᐹᓃᓕᕐᒪᑦ ᐂᕉᓂᐅᑉ ᐊᕙᑖᓄᐊᕐᓗᑎᒃ ᐅᖃᕐᕕᒋᓕᕐᐹᑦ, “ᐃᓐᓇ ᒨᓯᓯ ᓇᓗᓇᕐᓯᖕᒪᑦ ᖃᓄᐃᓕᖓᓕᕐᒪᖔᑦ ᐄᑦᔨᑉᑎᒥᑦ ᐊᐅᓪᓚᕈᑦᔨᓚᐅᕐᑐᖅ ᐅᕙᑦᑎᓐᓂᒃ, ᒎᑎᓕᐅᓚᐅᕆᑦ ᐅᕙᑦᑎᓐᓂᒃ ᑕᓯᐅᕐᓯᓂᐊᕐᑐᒥᒃ.”

ᒨᓯᓯ ᐂᑉᐸᖏᑦ 34:1

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᐅᔭᕌᖕᓂᒃ ᒪᕐᕉᖕᓂᒃ ᐲᕐᓯᓗᑎᑦ ᓴᓇᔪᒃᓴᐅᕗᑎᑦ ᓯᕗᓪᓕᕐᒥ ᓴᓇᓚᐅᕐᑕᕐᑐᑦ, ᑖᒃᑯᑎᒎᓇᕐᓗ ᑎᑎᕋᕐᓂᐊᕐᐳᖓ ᐅᖃᐅᓯᕐᓂᒃ ᓯᕗᓪᓕᕐᒥ ᑎᑎᕋᕐᓯᒪᓚᐅᕐᑐᑎᑐᑦ, ᑖᒃᑯᑎᑐᓇᖅ ᓯᖁᒥᓚᐅᕐᑕᕐᑐᑦ.

ᔨᕆᒤᐊᐅᑉ ᐊᒡᓚᖏᑦ 31:33

ᐃᒤᑦᑐᒥᒃ ᐊᖏᖃᑎᒌᒍᑎᓕᐅᕈᒫᕐᐳᖓ ᐃᓴᕆᐊᓕᒥᐅᓄᑦ ᑍᒃᑯᐊ ᐅᓪᓗᐃᑦ ᑭᖑᕐᖓᒍᑦ, ᐊᑕᓂᖅ ᐅᖃᕐᐳᖅ: ᐱᖁᔭᒃᑲ ᑎᑎᕋᕈᒫᕐᐸᒃᑲ ᐃᓱᒪᖏᓐᓄᑦ ᐆᒻᒪᑎᖏᓐᓄᓪᓗ; ᑖᒃᑯᓄᖓ ᒎᑎᒋᔭᐅᔪᒫᕐᐳᖓ ᑖᒃᑯᐊᓗ ᐃᓄᖁᑎᒋᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 5:19

ᑍᒤᒻᒪᑦ, ᓇᓪᓕᐊᑦ ᐱᖁᔧᑦ ᒥᑭᓐᓂᕐᐹᖓᓂᒡᓘᓐᓃᑦ ᐊᑐᖏᑦᑐᖅ, ᐊᓯᒥᓂᒡᓗ ᑍᒫᒃ ᐊᔪᕆᕐᑐᐃᓗᓂ, ᑖᓐᓇ ᐱᓪᓚᕆᐅᖏᓐᓂᕐᐸᐅᔪᒫᕐᐳᖅ ᒎᑎᐅᑉ ᐊᑕᓂᐅᕕᖓᓂ; ᑍᒫᒃᑕᐅᖅ ᓇᓪᓕᐊᑦ ᐱᖁᔭᓂᒃ ᐊᑐᕐᑐᖅ ᐊᓯᒥᓂᒡᓗ ᑍᒫᒃ ᐊᔪᕆᕐᑐᐃᓗᓂ, ᑖᓐᓇ ᐱᓪᓚᕆᐅᓂᕐᐸᐅᔪᒫᕐᐳᖅ ᒎᑎᐅᑉ ᐊᑕᓂᐅᕕᖓᓂ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:3

ᓇᓗᓇᖏᑦᓯᐊᕐᑐᒥᒡᓗ ᙭ᔅᑑᓯᒥ ᑎᑎᖅᑲᐅᕗᓯ ᐱᓇᓱᐊᕐᓂᑦᑎᒍᑦ ᓴᖅᑭᑎᑕᐅᓯᒪᓪᓗᓯ, ᑎᑎᕋᐅᒻᒧᑦ ᑎᑎᕋᕐᓯᒪᓐᖏᓚᓯ; ᒎᑎᐅᓪᓕ ᐆᒪᔫᑉ ᐊᓂᕐᓂᖓᓄᑦ, ᐅᔭᖅᑲᑎᒍᑦ ᑎᑎᕋᕐᓯᒪᖏᑦᑐᑦ ᐃᓅᓪᓕ ᐆᒻᒪᑎᖓᒍᑦ ᑎᑎᕋᕐᓯᒪᔪᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:7

ᐱᖁᔧᑦ ᑐᖁᑎᑦᓯᔪᑦ ᑐᓂᔭᐅᑎᓪᓗᒋᑦ ᑎᑎᕋᕐᓯᒪᓚᐅᕐᐳᑦ ᐅᔭᖅᑲᓂ, ᒎᑎᐅᓪᓗ ᑕᑯᒥᓇᕐᓂᕐᔪᐊᖓ ᓴᖅᑭᓚᐅᕐᐳᖅ ᐱᖁᔭᑦ ᑐᓂᔭᐅᓕᕐᑎᓪᓗᒋᑦ, ᐃᓴᕆᐊᓔᑎᑦ ᑕᑯᓐᓇᕈᓐᓇᓚᐅᓐᖏᓚᑦ ᒨᓯᓯᐅᑉ ᑮᓇᖓᓂᒃ ᖃᐅᒪᓗᐊᕐᓂᖓᓄᑦ, ᓄᖑᑦᑐᒃᓴᐅᒐᓗᐊᕐᑎᓪᓗᒍ,

ᒨᓯᓯ ᑕᓪᓕᒪᖏᑦ 4:14

ᐊᑕᓂᐅᑉ ᐅᖃᐅᑎᓚᐅᕐᐹᖓ ᐊᔪᕆᕐᑐᐃᖁᓪᓗᖓ ᐃᓕᑦᓯᓐᓂᒃ ᐱᖁᔭᓕᒫᓐᓂᒃ ᓈᓚᖁᓪᓗᓯ ᓄᓇᒥ ᓵᓚᒃᓴᕐᓂᒃᑯᑦ ᓄᓇᑖᕆᓂᐊᓕᕐᑕᑦᓯᓐᓂ ᓄᓇᖃᓕᕐᑎᓪᓗᓯ.”

ᒨᓯᓯ ᑕᓪᓕᒪᖏᑦ 5:22

“ᑖᒃᑯᐊ ᑕᕝᕙ ᐊᑕᓂᐅᑉ ᐃᓕᑦᓯᓐᓄᑦ ᑐᓂᓚᐅᕐᑕᖏᑦ ᖃᖅᑲᒥ ᑲᑎᒪᑎᓪᓗᓯ. ᑍᑦᓱᒪᓂ ᐅᖃᓪᓚᒃᑎᓪᓗᒍ ᓂᐱᕐᔪᐊᕐᒧᑦ ᐃᑯᒪᒥᑦ ᐱᔪᒧᑦ ᓄᕗᔭᒥᓪᓗ, ᑖᒃᑯᐊᓗ ᐊᓯᖃᕐᑎᓐᓇᒋᑦ ᑐᓂᓚᐅᕐᐰᑦ. ᐅᔭᕌᖕᓄᓪᓗ ᒪᕐᕉᖕᓄᑦ ᑎᑎᕋᓚᐅᕐᓗᒋᑦ ᐅᕙᓐᓄᑦ ᑐᓂᓚᐅᕐᐰᑦ.”

ᒨᓯᓯ ᑕᓪᓕᒪᖏᑦ 5:31

ᐃᕝᕕᓪᓕ ᒨᓯᓰ, ᐅᕙᓐᓂ ᓇᔫᑎᓕᕆᑦ, ᑐᓂᓯᕕᒋᓂᐊᕋᒃᑭᑦ ᐱᖁᔭᓐᓂᒃ ᐊᑐᕐᑕᐅᖁᔭᓐᓂᒡᓗ. ᐃᓄᖕᓄᑦ ᐃᓕᓮᑦᔪᑎᒋᔭᒃᓴᕆᕙᑎᑦ, ᑖᒃᑯᓄᖓ ᓈᓚᒃᑕᐅᖁᓪᓗᒋᑦ ᑕᒫᓂ ᓄᓇᒥ ᑐᓂᓂᐊᕐᑕᓐᓂ ᑖᒃᑯᓄᖓ.’

ᐄᑉᕈᐃᓄᑦ 9:4

ᑕᕝᕙᓂ ᒎᓗᒥᒃ ᑐᓂᕐᕈᓯᕐᕕᒃᑕᖃᕐᐳᖅ ᐃᓯᕐᓗᐊᕐᓂᑎᑦᓯᕕᖕᒥᒃ ᑎᐱᑦᓯᐊᕆᒃᓴᐅᒥᒃ; ᐊᖏᖃᑎᒌᒍᑏᓪᓗ ᐃᓂᖓ ᐃᒃᖠᕐᕕᒃ ᓯᓚᑎᓕᕐᓯᒪᔪᖅ ᒎᓗᒥᒃ. ᐃᓗᐊᓂ ᒎᓗᒥᒃ ᐃᒥᖃᐅᑎᑕᖃᕐᐳᖅ ᒫᓇᒥᒃ ᐃᓗᓕᓕᖕᒥᒃ, ᐂᕉᓂᐅᓪᓗ ᐊᔭᐅᑉᐱᐊᖓ ᐱᕈᕐᕕᐅᓯᒪᔪᖅ ᐅᖃᐅᔭᕐᓂᒃ, ᐅᔭᕌᒡᓗ ᓵᑦᑐᔮᖅ ᐊᖏᖃᑎᒌᒍᑎᖕᓂᒃ ᑎᑎᕋᕐᕕᒋᓯᒪᔫᒃ ᐃᓗᐊᓃᒃᑭᕗᑦ.