ᒨᓯᓯ ᐂᑉᐸᖏᑦ 24:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᒎᑎᐅᓪᓗ ᑖᒃᑯᐊ ᐃᓴᕆᐊᓕᒥᐅᓂ ᑕᓯᐅᕐᑎᐅᔪᑦ ᖃᓄᐃᓕᑎᓚᐅᓐᖏᓔᑦ; ᑖᑦᓱᒥᖓ ᑕᑯᒐᓗᐊᕐᑎᓪᓗᒋᑦ, ᓂᕆᖃᑎᒌᒃᓗᑎᒡᓕ ᐃᒥᖃᑎᒌᓕᕐᐳᑦ ᑕᕝᕙᓂ.

ᒨᓯᓯ ᐂᑉᐸᖏᑦ 24:11 Iomraidhean Croise

ᒨᓯᓯ ᓯᕗᓪᓖᑦ 16:13

ᐂᒡᒐᐅᓪᓗ ᐊᑕᓂᖅ ᐅᖃᕐᕕᒋᔨᓂ ᐊᑎᖃᕐᑎᑉᐹ, “ᒎᑏ ᑕᑯᓐᓇᕐᐳᑎᑦ”; ᐅᖃᓚᐅᕋᒥ, “ᒎᑎᒥᒃ ᑕᑯᓪᓚᕆᒃᐳᖓ ᑐᖁᓇᖓᓗ ᑕᑯᓚᐅᕐᓗᒍ?”

ᒨᓯᓯ ᓯᕗᓪᓖᑦ 18:18

ᖃᐅᔨᒪᒐᒪ ᐂᑉᕋᕼᐋᒻ ᑭᖑᕚᒃᓴᖏᑦ ᐃᓄᒐᓴᒡᔪᐊᓐᖑᕈᒫᕐᒪᑕ ᐱᔪᓐᓇᕐᑐᕐᔪᐊᖑᓗᑎᒡᓗ, ᑖᑦᓱᒨᓇᓗ ᐃᓅᖃᑎᒌᒡᔪᐊᑦ ᓮᒻᒪᕐᑎᑦᓱᒫᕐᐸᒃᑲ.

ᒨᓯᓯ ᓯᕗᓪᓖᑦ 31:54

ᔧᑯᓗ ᐆᒪᔪᒥᒃ ᑐᓂᕐᕈᑎᖃᕐᐳᖅ ᑐᓂᕐᕈᓯᕈᑎᒋᓪᓗᒍ ᖃᖅᑲᒥ, ᐃᓚᓂᓗ ᕾᖁᕔᑦ ᓂᕆᑲᑎᒌᒃᓗᑎᒡᓗ; ᓂᕆᔭᕇᕋᒥᒡᓗ, ᑕᕝᕙᓂ ᖃᖅᑲᒥ ᓯᓂᒃᑕᓚᐅᕐᐳᑦ.

ᐊᑕᓃᑦ ᓯᕗᓪᓖᑦ 21:8

ᑕᕝᕙ ᑎᑎᕋᓕᕐᐳᖅ, ᐂᕼᐊᑉ ᐊᑎᖓ ᐊᑐᕐᓗᒍ, ᓇᕿᑦᔪᓯᕐᐹᓗ ᓇᕿᑦᔪᑎᖓᓄᑦ, ᐊᐅᓪᓚᕐᑎᓪᓗᒍᓗ ᐊᖓᔪᖅᑳᓄᑦ ᐱᒻᒪᕆᐅᔪᓄᓪᓗ ᓄᓇᖃᕐᑐᓄᑦ ᓁᐹᑦ ᐃᒡᓗᒐᓴᖏᓐᓂ.

ᑯᕉᓂᑲ ᐂᑉᐸᖏᑦ 23:20

ᑖᑦᓱᒪᓗ ᑎᓕᒋᕔᑦ ᐅᓇᑕᕐᑎᓄᑦ ᐊᖓᔪᖅᑳᑦ 100ᓄᑦ, ᐊᖓᔪᖅᑳᓪᓗ, ᐃᓄᖕᓄᓪᓗ ᐊᖓᔪᖅᑳᑦ, ᐃᓄᓕᒫᓪᓗ ᓄᓇᓕᖕᓂ; ᐊᖓᔪᖅᑳᕐᔪᐊᕐᓗ ᐊᑕᓂᐅᑉ ᐃᒡᓗᖓᓂᑦ ᐊᓂᑎᑉᐹᑦ, ᐱᓱᖃᑎᒌᒡᓗᑎᒃ ᐃᑎᕐᑕᕐᕕᒃᑯᑦ ᐳᕐᑐᓂᕐᓴᒃᑯᑦ ᐊᖓᔪᖅᑳᕐᔪᐊᑉ ᐃᒡᓗᖓᓄᑦ. ᐊᖓᔪᖅᑳᕐᔪᐊᕐᓗ ᐃᒃᓯᕙᐅᑕᕐᔪᐊᕐᒧᑦ ᐃᖏᑎᑉᐹᑦ ᐊᖓᔪᖅᑳᕐᔪᐊᖑᕕᖓᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 2:16

ᐊᖓᔪᖅᑳᓪᓕ ᖃᐅᔨᓚᐅᓐᖏᓚᑦ ᓇᓃᓚᐅᕐᒪᖔᕐᒪ ᖃᓄᐃᓕᐅᕐᒪᖔᕐᒪᓗ; ᔫᑎᓂᒃ ᓱᓕ ᐅᖃᐅᑦᔨᓚᐅᖏᓐᓇᒪ, ᑐᓂᕐᕈᓯᕐᑎᑦᓯᔨᓂᒡᓗ, ᓯᕗᓕᕐᑎᓂᒡᓗ, ᐊᖓᔪᖅᑳᓂᒡᓗ, ᐊᓯᖏᓐᓂᒡᓘᓐᓃᑦ ᐱᓇᓱᐊᕆᐊᖃᓛᕐᑐᓂᒃ.

ᐃᓐᖏᕈᑎᑦ 139:5

ᑭᖑᓂᓐᓂ ᓯᕗᓂᓐᓂᓗ ᑕᒤᑎᒍᑦ ᐃᓗᒪᕙᕐᒪ, ᐊᒡᒐᑎᓪᓗ ᖁᓕᓐᓃᑎᑉᐸᑎᑦ.

ᒨᓯᓯ ᐂᑉᐸᖏᑦ 18:12

ᔨᑐᕉᓗ ᒨᓯᓯᐅᑉ ᓴᑭᖓ, ᑐᓂᕐᕈᑎᒃᓴᓂᒃ ᐃᑯᐊᓚᔭᒃᓴᓂᒡᓗ ᑐᓂᕐᕈᓯᓚᐅᕐᐳᖅ ᒎᑎᒧᑦ; ᐂᕉᓂᓗ ᕾᓚᐅᕐᐳᖅ ᐃᓴᕆᐊᓕᒥᐅᑦ ᐊᖓᔪᖅᑳᖏᑦ ᐃᓚᒋᓪᓗᒋᑦ ᓂᕆᖃᑕᐅᓪᓗᑎᒃ ᑐᓂᕐᕈᑎᐅᔪᓂᒃ ᑕᒪᓐᓇᓗ ᑐᒃᓯᐊᕐᓂᕐᒧᑦ ᐃᓚᒋᔭᐅᑎᓪᓗᒍ ᐱᓂᐊᕐᓂᐅᓚᐅᐳᖅ ᒎᑎᐅᑉ ᓵᖓᓂ.

ᒨᓯᓯ ᐂᑉᐸᖏᑦ 19:21

ᐊᑕᓂᐅᓪᓗ ᒨᓯᓯ ᐅᖃᐅᑎᕚ, “ᐃᓄᐃᑦ ᐊᖅᑲᕐᕕᒋᒍᕕᒋᑦ ᐅᖃᐅᑎᓂᐊᕐᐸᑎᑦ ᖄᖏᕆᐊᖃᓐᖏᑕᒥᖕᓂᒃ ᖄᖏᕐᓯᑦᑍᓕᖁᓗᒋᑦ ᐅᕙᓐᓂᒃ ᑕᑯᔭᕐᑐᕋᓱᒡᓗᑎᒃ. ᖄᖏᕆᐊᖃᓐᖏᑕᒥᖕᓂᒃ ᖄᖐᒃᐸᑕ ᑕᕝᕙ ᐅᓄᕐᑐᑦ ᑐᖁᓂᐊᕐᐳᑦ.

ᒨᓯᓯ ᐂᑉᐸᖏᑦ 24:1

ᐊᑕᓂᖅ ᒨᓯᓯᒧᑦ ᐅᖃᕐᐳᖅ, “ᖃᖅᑳᓗᖕᒧᑦ ᒪᔪᕋᕐᓗᑎᑦ ᐅᕙᓐᓄᐊᕆᑦ ᐂᕉᓂ ᐱᖃᑎᒋᓗᒍ, ᓁᑖᑉᓗ ᐊᐱᕼᐅᓗ, ᐃᓴᕆᐊᓕᒥᐅᓪᓗ ᐊᖓᔪᖅᑳᖏᓐᓂᒃ 70ᓂᒃ ᐅᖓᓯᒃᑐᒦᓪᓗᓯ ᓱᓕ ᐅᑯᔪᒃᓴᐅᕗᓯ ᑐᒃᓯᐊᕐᕕᒋᓗᖓ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:7

ᐂᓕᕆᑦ ᓂᐊᖂᔭᖅ ᓂᕆᔭᕐᑐᓕᕈᒃ ᖁᕕᐊᓱᒡᓗᑎᑦ; ᕔᓃᓪᓗ ᐃᒥᕆᐊᕐᑐᓕᕈᒃ ᐆᒻᒪᑎᖕᓂ ᖁᕕᐊᓱᒃᓗᑎᑦ; ᒎᑎᐅᑉ ᐱᓂᐊᕐᓂᑎᑦ ᐃᓚᓕᐅᕇᕐᒪᒋᑦ.

ᔨᕆᒤᐊᐅᑉ ᐊᒡᓚᖏᑦ 14:3

ᐊᖓᔪᖅᑳᑦ ᐱᔨᒥᖕᓂᒃ ᐃᒥᕐᓯᐅᕐᑎᑦᓯᕗᑦ ᐃᒥᕐᑕᕐᕖᓪᓕ ᐃᒪᖃᓐᖏᓚᑦ, ᐅᑎᕐᐳᑦ ᐃᒥᕐᑕᐅᑎᖏᑦ ᐃᒪᖃᕐᑎᓐᓇᒋᑦ, ᓇᓗᓕᕐᐳᑦ ᑲᓐᖑᓱᓕᕐᓗᑎᒃ ᑮᓇᑎᒡᓗ ᒪᑐᐊᕐᐰᑦ.

ᑖᓂᐊᓕᐅᑉ ᐊᒡᓚᖏᑦ 10:17

ᐊᑕᓂᕋ, ᖃᓄᕐᓕ ᐱᔨᐅᓗᖓ ᐃᓕᖕᓄᑦ, ᐅᖃᕐᓂᐊᓕᕋᒪ? ᓄᑭᖃᕈᓐᓁᕋᒪ ᐊᓂᕐᓵᕐᑐᑦᓯᐊᕈᓐᓁᕋᒪᓘᓐᓃᑦ.”

ᒨᓯᓯ ᓯᑕᒪᖏᑦ 12:8

ᐅᖃᕐᕕᒋᕙᒃᐸᕋ ᖃᓂᕐᒥᑦ ᖃᓂᕐᒧᑦ, ᑐᑭᓯᓇᑦᓯᐊᕐᑐᓂ ᐃᔨᕐᓯᒪᖏᑦᑐᓂᒡᓗ; ᐊᑕᓂᐅᓪᓗ ᐊᒡᓛᑦ ᑐᓄᖓᓂᒃ ᑕᑯᓯᒪᕗᖅ. ᓱᖕᒪᑦ ᑲᑉᐱᐊᓱᓐᖏᓚᓰᒃ ᒨᓯᓯᒥᒃ ᐱᔨᒋᔭᓐᓂᒃ ᐊᑭᕋᕐᑐᕐᓗᓯᒃ?”

ᒨᓯᓯ ᓯᑕᒪᖏᑦ 21:18

ᐃᒥᕐᑕᕐᕖᒃ ᐊᖓᔪᖅᑳᑦ ᐃᑎᕐᓴᓕᐅᓚᕐᑕᖓᑦ, ᐃᓅᖃᑎᒌᒡᔪᐊᑦ ᐊᖓᔪᖅᑳᖏᑕ ᐊᒡᒐᓚᐅᕐᑕᖓᑦ ᐱᖁᔭᓂᒃ ᑐᓂᓯᔪᑦ, ᐊᔭᐅᐱᐊᒥᖕᓄᑦ.” ᑕᒫᖓᓪᓗ ᐃᓄᖃᖏᑦᑐᒥᑦ ᐊᐅᓪᓚᕋᒥᒃ ᓄᓇᒧᑦ ᒪᑖᓇᒧᑦ ᐱᕗᑦ.

ᒨᓯᓯ ᑕᓪᓕᒪᖏᑦ 12:7

ᑕᕝᕙᓂᓗ ᐊᑕᓂᐅᑉ ᒎᑎᑦᓯ ᓇᔪᕐᑕᖓᓂ ᓂᕆᔪᒃᓴᐅᕗᓯ ᖁᕕᐊᓱᒻᒪᕆᒡᓗᓯ, ᐃᓚᒋᔭᓯᓗ ᐃᒡᓗᒥᐅᖃᑎᓕᒫᓯ ᐱᓇᓱᐊᕐᓯᒪᔭᓕᒫᓯᓐᓂ, ᐊᑕᓂᐅᑉ ᒎᑎᑦᓯ ᓮᒻᒪᕐᑎᓯᒪᖕᒪᓯ.

ᒨᓯᓯ ᑕᓪᓕᒪᖏᑦ 4:33

ᐃᓄᖕᓂᒃ ᐆᒪᔪᓐᓇᕐᑐᖃᕐᓯᒪᕚ ᒎᑎᐅᑉ ᓂᐱᖓᓂᒃ ᐃᑯᒪᒥᓐᖔᕐᑐᒥᒃ ᐅᖃᓪᓚᒃᑐᖃᕐᑎᓪᓗᒍ ᑐᓵᓯᒪᔪᓂᒃ, ᐃᓕᑦᓯᑎᑐᑦ?

ᐃᓗᐊᕐᓮᔩᑦ ᐊᒡᓚᖏᑦ 13:22

ᒪᓄᐊᓗ ᓄᓕᐊᒥᓄᑦ ᐅᖃᕐᐳᖅ, “ᑐᖁᓂᐊᓕᕐᐳᒍᒃ, ᒎᑎᒥᒃ ᑕᑯᓚᐅᕋᓐᓄᒃ!”

ᐃᓗᐊᕐᓮᔩᑦ ᐊᒡᓚᖏᑦ 5:13

ᑕᐅᓄᖓ ᐱᓱᒃᐳᑦ ᐊᖓᔪᖅᑳᑦ ᐊᒥᐊᒃᑯᖏᑦ; ᐊᑕᓂᐅᑉ ᐃᓄᖁᑎᖏᑦ ᑕᐅᓄᖓ ᐱᓱᒃᐳᑦ ᐊᑕᓂᑎᒃ ᐱᓪᓗᒍ ᐅᓇᑕᕆᐊᕐᓗᑎᒃ ᐊᔪᖏᑦᑐᕐᔪᐊᓂᒃ.