ᒨᓯᓯ ᐂᑉᐸᖏᑦ 23:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᓄᓇᒋᓂᐊᕐᑕᑦᓯᓗ ᑭᒡᓕᖃᕐᑎᓐᓂᐊᕐᐸᕋ ᐃᒪᕐᒥᑦ ᐊᐅᐸᓗᒃᑕᒥᑦ ᐱᒋᐊᕐᓗᒍ ᐱᓕᔅᑍᓂᐅᑉ ᐃᒪᖓᓄᑦ ᑎᑭᓪᓗᒍ, ᐃᓄᖃᖏᑦᑐᒥᓪᓗ ᐱᒋᐊᕐᓗᒍ ᐃᕗᕅᑎᐅᑉ ᑰᖓᓄᑦ ᑎᑭᓪᓗᒍ; ᑕᒫᓂᓗ ᓄᓇᖃᕐᑐᑦ ᐃᓕᑦᓯᓐᓄᑦ ᑐᓂᓂᐊᕐᐸᒃᑲ, ᐃᓕᑦᓯᓪᓗ ᑕᒫᓐᖓᑦ ᓄᓇᒥᑦ ᐊᓂᑎᓐᓂᐊᕐᐸᓯ.

ᒨᓯᓯ ᐂᑉᐸᖏᑦ 23:31 Iomraidhean Croise

ᒨᓯᓯ ᓯᕗᓪᓖᑦ 15:18

ᑕᕝᕙ ᐊᑕᓂᖅ ᐅᓪᓗᒥ ᑕᕝᕙᓂ ᐂᑉᕋᒻᒥᒃ ᐊᖏᖃᑎᒌᒍᑎᓕᐅᕐᐳᖅ. ᐅᖃᕐᓗᓂ, “ᑭᖑᕚᕐᓄᑦ ᑕᒪᓐᓇ ᓄᓇ ᑐᓂᕙᕋ, ᐄᑦᔨᑉᑎᐅᑉ ᓄᓇᖓᑕ ᑭᒡᓕᖓᓂᑦ ᐱᒋᐊᕐᓗᒍ ᑰᒡᔪᐊᕌᓗᒃ, ᐃᕗᕅᑎᐅᑉ ᑰᖓ ᑎᑭᓪᓗᒍ,

ᐊᑕᓃᑦ ᓯᕗᓪᓖᑦ 11:2

ᑖᒃᑯᐊ ᓄᓕᐊᕐᑖᕆᓚᐅᕐᑕᖏᑦ ᐃᓅᖃᑎᒌᒡᔪᐊᓂᑦ ᐃᓴᕆᐊᓕᒥᐅᖑᖏᑦᑐᓂᑦ ᐊᑕᓂᖅ ᐃᓴᕆᐊᓕᓄᑦ ᐅᖃᓚᐅᕋᓗᐊᕐᑎᓪᓗᒍ, “ᐃᓅᖃᑎᑐᖃᕆᓐᖏᑕᑦᓯᓐᓂᒃ ᓄᓕᐊᓂᒃᑐᒃᓴᐅᓐᖏᓚᓯ, ᑍᒃᑯᐊᓗ ᑍᒤᓕᐅᕐᑐᒃᓴᐅᖏᓐᓂᕗᑦ ᐃᓕᑦᓯᓐᓄᑦ, ᓇᓗᓇᖏᒻᒪᑦ ᐆᒻᒪᑎᑦᓯᓐᓂᒃ ᓴᖑᑎᑦᓯᒐᔭᕐᒪᑕ ᐅᒃᐱᓕᕐᑎᓪᓗᓯ ᒎᑎᒋᔭᒥᖕᓄᑦ”; ᓲᓗᒨᓂ ᑲᔪᓯᓚᐅᕐᐳᖅ ᐊᕐᓇᓄᑦ ᐅᖓᒋᓕᕐᑕᒥᓄᑦ.

ᐊᑕᓃᑦ ᓯᕗᓪᓖᑦ 20:13

ᑕᑯᒋᓪᓗ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᐅᐸᒍᑎᕗᖅ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓄᑦ ᐂᕼᐊᑉᒧᑦ, ᐅᖃᐅᑎᓪᓗᒍᓗ, “ᐊᑕᓂᖅ ᐃᒫᒃ ᐅᖃᕐᐳᖅ, ‘ᑕᑯᓚᐅᕐᐱᒌᑦ ᐃᓄᒐᓴᒡᔪᐊᑦ? ᑕᑯᒋᑦ, ᐊᒡᒐᖕᓄᑦ ᑐᓂᓂᐊᕐᐸᒃᑲ ᐅᓪᓗᒥ; ᖃᐅᔨᓂᐊᕋᕕᑦ ᐅᕙᖓ ᐊᑕᓂᐅᒐᒪ.’”

ᐊᑕᓃᑦ ᓯᕗᓪᓖᑦ 4:21

ᓲᓗᒨᓂᐅᑉ ᐊᐅᓚᑦᓯᓂᖓ ᑎᑭᐅᒪᓚᐅᕐᐳᖅ ᑰᖕᒧᑦ ᐃᕗᕅᑎᒧᑦ ᐱᓕᔅᑍᓂᒥᐅᑦ ᓄᓇᖓ ᑎᑭᓪᓗᒍ ᐄᑦᔨᑉᑎᓂᐅᓪᓗ ᓄᓇᖓᑕ ᑭᒡᓕᖓᓄᑦ ᐃᓱᖃᕐᓗᓂ; ᐊᖓᔪᖅᑳᐅᕕᒋᔭᓕᒪᖓᓂ ᓄᓇᓖᑦ ᑕᒪᕐᒥᒃ ᑖᒃᓯᔭᕐᐸᓚᐅᕐᐳᑦ, ᑖᑦᓱᒪ ᐃᓅᓂᓕᒫᖓᓂ.

ᐊᑕᓃᑦ ᓯᕗᓪᓖᑦ 4:24

ᓲᓗᒨᓂ ᐊᐅᓚᑦᓯᓚᐅᕐᐳᖅ ᓄᓇᓂᒃ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᓕᒫᓂᒃ ᑰᑉ ᐃᕗᕅᑎᐅᑉ ᑎᑉᓴᒥᑦ ᒑᓴᒧᑦ, ᐊᒻᒪᓗ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᓕᒫᓄᑦ ᒑᓴ ᑎᑭᓪᓗᒍ, ᑕᒪᕐᒥᒃ ᐊᖓᔪᖅᑳᕐᔪᐊᑦ ᐃᕗᕅᑎᐅᑉ ᖃᓂᒋᔭᖓᓃᑦᑐᓕᒫᑦ ᑖᑦᓱᒥᖓ ᓈᓚᓯᐊᓚᐅᕐᐳᑦ, ᓮᓕᓇᓯᐊᕐᑐᒥᒡᓗ ᐃᓅᓯᖃᕐᑎᑕᐅᓪᓗᓂ ᖃᓂᒋᔭᖓᓃᑦᑐᓕᒫᓂᑦ.

ᐊᑕᓃᑦ ᓯᕗᓪᓖᑦ 8:65

ᑕᕝᕙᓂ ᑐᒃᓯᐊᕐᕕᒡᔪᐊᒥ ᓲᓗᒨᓂ ᐃᓴᕆᐊᓕᑎᑦ ᐃᓄᓕᒫᖏᓪᓗ ᓇᓪᓕᐅᓐᓂᕐᓯᐅᕐᐳᑦ ᑐᐲᓐᓇᕐᒦᖃᑦᑕᕐᓂᕐᒥᒃ ᐅᓪᓗᓄᑦ 7ᓄᑦ, ᐃᓄᒋᕌᓗᐃᑦ ᓯᐊᒻᒪᒃᓯᒪᓚᐅᕐᐳᑦ ᕼᐊᒫᑎᐅᑉ ᐃᑎᕐᑕᕐᕕᖓᓂᑦ ᐅᓐᓄᐊᓪᓗᐊᑉ ᓇᓛᓃᑦᑐᒥᑦ ᐄᑦᔨᑉᑎᐅᑉ ᑰᖓᑕ ᑭᒡᓕᖓᓄᑦ ᐅᓪᓗᓪᓗᐊᑉ ᓇᓛᓃᑦᑐᒧᑦ ᑎᑭᓯᒪᓪᓗᑎᒃ.

ᑯᕉᓂᑲ ᐂᑉᐸᖏᑦ 9:26

ᐊᐅᓚᑦᓯᓚᐅᕐᐳᖅ ᐊᖓᔪᖅᑳᕐᔪᐊᓕᒫᓂᒃ ᐃᕗᕅᑎᒥᑦ ᑰᖕᒥᑦ ᐱᒋᐊᕐᓗᒍ ᐱᓕᔅᑍᓂᒥᐅᑦ ᓄᓇᖓᓄᑦ ᑎᑭᓪᓗᒍ, ᐄᑦᔨᑉᑎᐅᓪᓗ ᓄᓇᖓᑕ ᑭᒡᓕᖓᓄᑦ ᑎᑭᓪᓗᒍ.

ᐃᓐᖏᕈᑎᑦ 72:8

ᐊᖓᔪᖅᑲᐅᕕᖃᕈᒫᕐᐳᖅ ᐃᒪᕐᐱᖕᒥᑦ ᐃᒪᕐᐱᖕᒧᑦ ᑎᑭᓪᓗᒍ, ᑰᖕᒥᓪᓗ ᐃᕗᕅᑎᒥᑦ ᓄᓇᕐᔪᐊᑉ ᐃᓱᐊ ᑎᑭᓪᓗᒍ.

ᒨᓯᓯ ᓯᑕᒪᖏᑦ 21:34

ᑕᕝᕙ ᐊᑕᓂᖅ ᒨᓯᓯᒧᑦ ᐅᖃᕐᐳᖅ, “ᑖᓐᓇ ᐃᕐᓯᒋᓂᐊᕐᓇᒍ ᐃᓕᑦᓯᓐᓄᑦ ᑐᓂᓯᒪᒐᒃᑯ ᓵᓚᐅᖁᓪᓗᒍ, ᐃᓄᖁᑎᖏᓪᓗ ᓄᓇᖁᑎᖏᓪᓗ; ᑖᒃᑯᐊ ᐱᓂᐊᕐᕕᒋᓂᐊᕋᑦᓯᐅᒃ ᑍᒫᑦᓮᓐᓇᖅ ᓮᕼᐆᓂ ᐊᒧᕅᑎᑦ ᐊᖓᔪᖅᑳᕐᔪᐊᖓᑦ ᐱᓂᐊᕐᕕᒋᓚᐅᕋᑦᓯᐅᒃ, ᕼᐃᓴᐸᓂᒥ ᓄᓇᖃᕐᑐᖅ.”

ᒨᓯᓯ ᓯᑕᒪᖏᑦ 34:2

“ᐃᓴᕆᐊᓕᒥᐅᑦ ᐅᖃᕐᕕᒋᒃᑭᑦ, ᐃᒫᒃ ᐅᖃᐅᑎᓗᒋᑦ: ᓄᓇᒧᑦ ᑬᓇᓂᒧᑦ ᑎᑭᒃᑯᑦᓯ, ᑕᒪᑦᔭ ᓄᓇ ᐃᓕᑦᓯᓐᓄᑦ ᐱᒋᔭᒃᓴᐅᓗᓂ ᑎᑭᓐᓂᐊᕐᑕᓯ ᓄᓇ ᑬᓇᓂ ᑭᒡᓕᖓᑕ ᐃᓱᐊᓂᑦ ᑭᒡᓕᖓᑕ ᐃᓱᐊᓄᑦ.

ᒨᓯᓯ ᑕᓪᓕᒪᖏᑦ 1:7

ᐸᕐᓇᒡᓗᓯ ᑕᕝᕙᓐᖓᑦ ᓅᓕᕆᑦᓯ, ᐊᒧᕅᑎᒥᐅᑦ ᖃᖅᑲᖏᓐᓄᐊᕐᓗᓯ ᓄᓇᓕᓕᒫᓄᑦ ᖃᓂᒋᔮᓃᑦᑐᓄᑦ ᔪᐊᕐᑕᓂᐅᑉ ᓇᕐᓴᖓᓄᑦ ᑎᑭᓪᓗᓯ, ᖃᖅᑲᓕᖕᓄᑦ ᓇᑎᕐᓇᓕᖕᓄᓪᓗ, ᓄᓇᓕᖕᓄᓪᓗ ᐊᒃᐸᓯᖕᓂᕐᓴᓄᑦ ᓯᕿᓂᐅᑉ ᓇᓛᓃᑦᑐᓄᑦ ᓂᒋᑉᒥ, ᒥᑎᑎᕆᓂᐊᑉ ᐃᒪᖓᑕ ᑭᒡᓕᖓᓄᑦ ᑎᑭᓪᓗᓯ. ᑬᓇᓂᐅᑉ ᓄᓇᖓᓄᑦ ᐂᔪᒃᓴᐅᕗᓯ ᓕᐸᓇᓂᐅᓪᓗ ᖃᖅᑲᖏᑦ ᖄᖏᕐᓗᒋᑦ ᑰᒑᓗᖕᒧᑦ ᐃᕗᕅᑎᒧᑦ ᑎᑭᓪᓗᓯ.

ᒨᓯᓯ ᑕᓪᓕᒪᖏᑦ 1:8

ᑕᒪᓐᓇᓕᒫᖅ ᑕᕝᕙ ᓄᓇ ᐅᕙᖓ ᐊᑕᓂᐅᔪᖓ, ᑐᓂᓂᐊᕐᓂᕋᕐᓗᒍ ᐊᖏᕈᑎᒋᓯᒪᔭᕋ ᓯᕗᓕᕕᓂᑦᓯᓐᓄᑦ, ᐂᑉᕋᕼᐋᒻᒧᑦ, ᐂᓴᑭᒧᓪᓗ, ᔧᑯᒧᓪᓗ, ᑭᖑᕚᓕᒫᖏᓐᓄᓪᓗ, ᑍᒤᒻᒪᑦ ᑕᒪᐅᖓ ᓄᓇᒧᑦ ᐂᓕᕆᑦᓯ ᓄᓇᑖᕆᓗᒍᓗ.”

ᒨᓯᓯ ᑕᓪᓕᒪᖏᑦ 11:24

ᓄᓇᓕᒫᕐᓗ ᐱᓱᒡᕕᒋᔭᓯ ᑕᒪᕐᒥᒃ ᓄᓇᑖᕆᓂᐊᕐᐸᓯ; ᓄᓇᒋᔭᓯᓗ ᑭᒡᓕᖃᕐᓂᐊᕐᐳᖅ ᓯᕿᓂᐅᑉ ᓇᓛᓂᑦ ᐃᓄᖃᖏᑦᑐᒥᑦ ᐱᒋᐊᕐᓗᒍ ᓕᐸᓇᓂᐅᑉ ᖃᖅᑲᖏᓐᓄᑦ ᐅᓐᓄᐊᓪᓗᐊᑉ ᓇᓛᓃᑦᑐᒧᑦ ᑎᑭᓪᓗᒍ, ᑰᒑᓗᖕᒥᓪᓗ ᐃᕗᕅᑎᒥᑦ ᐱᒋᐊᕐᓗᒍ ᓯᕿᓂᐅᑉ ᓄᐃᕕᐊᓂᑦ ᒥᑎᑎᕆᓂᐊᒧᑦ ᐃᒪᕐᔪᐊᕐᒧᑦ ᓯᕿᓂᐅᑉ ᓂᐱᕕᐊᓃᑦᑐᒧᑦ ᑎᑭᓪᓗᒍ.

ᒨᓯᓯ ᑕᓪᓕᒪᖏᑦ 2:33

ᐊᑕᓂᐅᓪᓕ ᒎᑎᑦᑕ ᐅᕙᑦᑎᓐᓄᑦ ᑐᓂᓚᐅᕐᐹ; ᑕᕝᕙ ᑐᖁᓚᐅᕐᐸᕗᑦ, ᐃᕐᓂᖏᓪᓗ, ᐃᓄᓕᒫᖏᓪᓗ.

ᒨᓯᓯ ᑕᓪᓕᒪᖏᑦ 2:36

ᐊᑕᓂᐅᑉ ᒎᑎᑦᑕ ᓵᓚᖃᕐᑎᓚᐅᕐᒪᑎᒍᑦ ᐊᕈᐃᕆᒥᑦ ᐋᕐᓄᓂᐅᑉ ᓇᕐᓴᖓᓂᑦ ᐱᒋᐊᕐᓗᒍ, ᑕᕝᕙᓂᓗ ᓇᕐᓴᒥ ᐃᒡᓗᒐᓮᑦ ᐊᑯᓐᓂᖓᓃᑦᑐᑦ, ᓄᓇᒧᑦ ᒋᓕᐊᑎᒧᑦ ᑎᑭᓪᓗᒋᑦ. ᐃᒡᓗᒐᓮᓪᓕ ᐊᕙᓗᕐᔪᐊᖏᑦ ᐊᔪᕐᓇᓗᐊᕐᑐᖃᓚᐅᓐᖏᓚᑦ ᐅᕙᑦᑎᓐᓄᑦ.

ᒨᓯᓯ ᑕᓪᓕᒪᖏᑦ 20:16

“ᓄᓇᒋᓕᕐᑕᑦᓯᓐᓂᓕ ᐃᒡᓗᒐᓮᑦ ᓵᓚᒋᒍᑦᓯᐅᒃ ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᑐᓂᒃᐸᒋᑦ, ᐃᓄᓕᒫᖏᑦ ᐊᓂᕐᓂᖃᕐᑐᓕᒫᑦ ᑐᖁᑕᒃᓴᕆᕙᓯ.

ᒨᓯᓯ ᑕᓪᓕᒪᖏᑦ 3:2

ᐊᑕᓂᐅᓪᓕ ᐅᖃᐅᑎᓚᐅᕐᐹᖓ, ‘ᑖᓐᓇ ᓯᕘᕋᒋᓂᐊᕐᓇᒍ, ᐃᓕᖕᓄᑦ ᑐᓂᓂᐊᕋᒃᑯ, ᐊᖑᑎᖁᑎᖏᑦ, ᓄᓇᖁᑎᓕᒫᖓᓗ ᐊᑕᖏᕐᓗᒍ. ᑍᒫᑦᓮᓐᓇᖅ ᐱᓇᓱᐊᕐᕕᒋᓂᐊᕐᐸᓯ ᓮᕼᐆᓂ ᐊᒧᕅᑎᒃᑯᑦ ᐊᖓᔪᖅᑳᕐᔪᐊᖓᑦ ᓄᓇᒥ ᕼᐃᓴᐸᓂᒥ ᓄᓇᖃᕐᑐᖅ ᑍᒤᓕᐅᕐᕕᒋᓚᐅᕋᑦᓯᐅᒃ.’

ᒨᓯᓯ ᑕᓪᓕᒪᖏᑦ 6:19

ᑕᕝᕙᓂ ᓄᓇᖃᕐᑐᑐᕾᑦ ᐊᑭᕋᓯ ᐊᒡᕔᕐᑎᖔᕐᓗᒋᑦ, ᐊᑕᓂᐅᑉ ᑕᒪᑐᒥᖓ ᑍᒫᒃ ᐊᖏᕐᕕᒋᓯᒪᖕᒪᓯ.

ᒨᓯᓯ ᑕᓪᓕᒪᖏᑦ 9:3

ᒫᓐᓇᓕ ᓇᖕᒥᓂᖅ ᑕᑯᓂᐊᕐᐳᓯ ᐊᑕᓂᐅᑉ ᒎᑎᑦᓯ ᓯᕗᓪᓕᐅᓗᓂ ᐃᑯᒪᑎᑐᑦ ᑬᕙᑦᑐᐊᓗᒃᑎᑐᑦ ᐱᓕᕆᓂᖓᓂᒃ. ᑖᒃᑯᐊᓗ ᓵᓚᒋᓂᐊᕐᐰᑦ ᐃᓕᑦᓯ ᑕᒪᐅᓐᖓᕈᓐᓇᕐᓯᖁᓪᓗᓯ, ᑖᒃᑯᓂᖓ ᐊᓂᑎᑦᓯᔪᓐᓇᕐᓯᖁᓪᓗᓯ ᓄᖒᑦᓯᖁᓪᓗᓯᓗ ᐊᑯᓂᐅᖏᑦᑐᖅ, ᑍᒤᑦᑐᓐᓇᖁᓪᓗᓯ ᑕᒪᑐᒥᖓ ᐊᖏᕐᕕᒋᓯᒪᖕᒪᓯ.

ᔮᓱᐊᑉ ᐊᒡᓚᖏᑦ 1:4

ᓄᓇᖁᑎᓯ ᑭᒡᓕᖓ ᐃᓱᖃᕈᒫᕐᐳᖅ ᓕᐸᓇᓂᒥᑦ ᐃᓄᖃᔪᐃᑦᑐᒧᑦ ᑰᖕᒧᑦ ᑎᑭᓪᓗᒍ ᑍᔭᐅᔪᒧᑦ ᐃᕗᕅᑎᒧᑦ, ᕼᐃᑍᑎᐅᓪᓗ ᓄᓇᓕᒫᖓᓂᑦ ᐃᒪᕐᔪᐊᒧᑦ ᑎᑭᓪᓗᒍ.

ᔮᓱᐊᑉ ᐊᒡᓚᖏᑦ 10:19

ᐃᓕᑦᓯᓕ ᓇᖕᒥᓂᖅ ᑕᕝᕙᓃᖏᓐᓇᕐᑍᓕᒋᑦᓯ, ᑲᔪᓯᒋᑦᓯ ᐊᑭᕋᓯ ᐅᓇᑕᕆᐊᕐᓗᒋᑦ ᑐᓄᐊᓂᑦ, ᐃᒡᓗᒐᓴᖏᓐᓄᐊᕐᑎᑦᑍᓕᓯᐅᒃ; ᐊᑕᓂᐅᑉ ᒎᑎᑦᓯ ᑖᒃᑯᓂᖓ ᓵᓚᖃᕐᓂᕐᒥᒃ ᑐᓂᓯᕕᒋᖕᒪᓯ.”

ᔮᓱᐊᑉ ᐊᒡᓚᖏᑦ 10:8

ᐊᑕᓂᕐᓗ ᔮᓱᐊᒧᑦ ᐅᖃᕐᐳᖅ, “ᑲᑉᐱᐊᒋᑦᑍᓕᒃᑭᑦ, ᑐᓂᓯᕕᒋᔭᕇᕐᐸᒋᑦ ᓵᓚᖃᕐᓂᕐᒥᒃ ᑖᒃᑯᓂᖓ; ᐊᑕᐅᓯᕐᒧᓪᓘᓐᓃᑦ ᐊᑭᒪᔭᐅᓂᐊᓐᖏᓚᑎᑦ.”

ᔮᓱᐊᑉ ᐊᒡᓚᖏᑦ 13:6

ᓮᑐᓂᒥᐅᑦ ᓄᓇᖁᑎᓕᒫᖓ ᓄᓇᖃᕐᑐᓪᓗ ᖃᖅᑲᓕᖕᓂ ᓕᐸᓇᓂᐅᑉ ᖃᖅᑲᖏᑕ ᒥᔅᕆᐸᑦ-ᒤᒻᓗ ᐊᑯᓐᓂᖓᓂ, ᐃᓄᖏᑦ ᓇᖕᒥᓂᖅ ᓯᖏᑦᓱᒫᕐᐸᒃᑲ ᐃᓴᕆᐊᓕᒥᐅᑦ ᐱᕙᓪᓕᐊᖁᓪᓗᒋᑦ; ᓄᓇᖓ ᐃᓴᕆᐊᓕᒥᐅᑦ ᐊᕕᒃᑐᕆᐊᖃᕈᒫᕐᐹᑦ ᓇᓚᐅᑦᓵᕈᑎᑎᒍᑦ, ᑍᒫᒃ ᑎᓕᓚᐅᕋᒃᑭᑦ.

ᔮᓱᐊᑉ ᐊᒡᓚᖏᑦ 2:24

ᔮᓱᐊᓗ ᐅᖃᐅᑎᓪᓗᒍ, “ᓱᓕᓪᓚᕆᒃᑐᒥᒃ ᐊᑕᓂᐅᑉ ᑐᓂᓚᐅᕐᐹᑎᒍᑦ ᓄᓇᓕᒫᒥᒃ; ᐃᓄᓕᒫᓪᓗ ᓄᓇᖃᕐᑐᑦ ᑍᑲᓂ ᓴᐱᓕᕐᓗᑎᒃ ᐅᕙᑦᑎᓐᓂᒃ.”

ᔮᓱᐊᑉ ᐊᒡᓚᖏᑦ 21:44

ᐊᑕᓂᐅᑉ ᒥᕐᖑᐃᕐᓯᕐᑎᓕᓚᐅᕐᐰᑦ ᓄᓇᒥ ᐊᕙᑎᓕᒫᒥᖕᓂᑦ ᐸᕕᓴᒃᑕᐅᔪᓐᓃᕐᓗᑎᒃ ᑍᒫᒃ ᑕᒪᓐᓇ ᓯᕗᓕᖏᓐᓄᑦ ᐊᖏᒻᒪᕆᒍᑎᒋᓚᐅᕋᒥᐅᒃ; ᐊᑭᕋᖏᓐᓄᑦ ᐊᑕᐅᓯᕐᒧᓪᓘᓐᓃᑦ ᓄᖅᑲᕐᑎᑕᐅᔪᓐᓇᓚᐅᓐᖏᓚᑦ; ᐊᑕᓂᐅᑉ ᓵᓚᖃᕐᑎᖃᑦᑕᓚᐅᕐᒪᒋᑦ ᐊᑭᕋᓕᒫᖏᓐᓂᒃ.

ᔮᓱᐊᑉ ᐊᒡᓚᖏᑦ 23:14

“ᑕᑯᒋᑦ, ᐅᓪᓗᒥ ᑐᖁᕕᒃᓴᕋ ᓇᓪᓕᐅᑎᓕᕐᐳᖅ, ᖃᐅᔨᒪᔪᐃᓐᓇᐅᕗᓯ ᐆᒻᒪᑎᑦᓯᒍᑦ ᑕᕐᓂᑦᓯᒍᓪᓗ, ᐊᑕᓂᐅᑉ ᒎᑎᑦᓯ ᑐᓂᓚᐅᕐᒪᓯ ᐱᐅᔪᓂᒃ ᐊᖏᕈᑎᒋᓚᐅᕐᑕᓕᒫᒥᓂᒃ ᐃᓕᑦᓯᓐᓄᑦ; ᐊᖏᕈᑎᒋᓚᐅᕐᑕᓕᒫᓂ ᐃᓕᑦᓯᓐᓄᑦ ᑲᔪᓯᑎᓚᐅᕐᒪᒋᑦ; ᐊᑕᐅᓯᕐᒥᒡᓘᓐᓃᑦ ᐊᑐᖏᑦᑑᑎᑦᓯᓚᐅᖏᓚᖅ.

ᔮᓱᐊᑉ ᐊᒡᓚᖏᑦ 24:11

ᑕᕝᕙ ᔪᐊᕐᑕᓂᐅᑉ ᑰᖓᓂᒃ ᐃᑳᓚᐅᕐᐳᓯ ᔨᕆᑯᒧᓪᓗ ᐂᓪᓗᓯ, ᔨᕆᑯᒥᐅᓪᓗ ᐃᓄᖏᓐᓄᑦ ᐅᓇᑕᕆᐊᕐᑕᐅᓚᐅᕐᐳᓯ, ᐊᒧᕅᑎᒥᐅᓄᑦ, ᐱᕆᔧᑎᒥᐅᓄᑦ, ᑬᓇᓂᒥᐅᓄᑦ, ᕼᐃᑍᑎᒥᐅᓄᑦ, ᒋᕐᒐᕆᓮᑎᒥᐅᓄᑦ, ᕼᐃᕔᑎᒥᐅᓄᑦ, ᔨᐳᓮᑎᒥᐅᓄᓪᓗ; ᑖᒃᑯᐊᓗ ᐃᓕᑦᓯᓐᓄᑦ ᑐᓂᓚᐅᕐᐸᒃᑲ.

ᔮᓱᐊᑉ ᐊᒡᓚᖏᑦ 24:12

ᑖᒃᑯᐊᓕ ᐅᐃᒪᔮᕐᑎᓚᐅᕐᐸᒃᑲ ᓯᖏᓚᐅᕐᐸᒃᑲᓗ ᐃᓕᑦᓯ ᓵᖓᓂ, ᐊᒧᕅᑎᒥᐅᑦ ᐊᖓᔪᖅᑳᕐᔪᐊᖏᒃ ᒪᕐᕉᒃ; ᓴᕕᒡᔪᐊᓯᓕ ᖃᕐᔪᓯᓗ ᐊᑐᓚᐅᓐᖏᓚᑦ ᑖᒃᑯᓄᖓ.

ᔮᓱᐊᑉ ᐊᒡᓚᖏᑦ 24:18

ᓄᓇᑖᕐᐸᓪᓕᐊᓕᕐᑎᓪᓗᑕᓗ ᐊᑕᓂᐅᑉ ᓄᓇᓕᓕᒫᑦ ᓯᖏᓚᐅᕐᐰᑦ ᓯᕗᓂᑦᑎᓐᓂ, ᐊᒧᕅᒥᐅᓪᓗ ᑕᒫᓂ ᓄᓇᖃᕐᑐᑦ ᐱᖃᑕᐅᓪᓗᑎᒃ; ᑍᒤᒻᒪᑦ ᐅᕙᒍᑦᑕᐅᖅ ᐊᑕᓂᖅ ᐱᔨᑦᓯᕐᓂᐊᕐᐸᕗᑦ, ᑖᓐᓇ ᒎᑎᒋᒐᑦᑎᒍ.”

ᔮᓱᐊᑉ ᐊᒡᓚᖏᑦ 24:8

ᑭᖑᕐᖓᒍᓪᓗ ᓄᓇᒧᑦ ᐊᒧᕅᑎᓄᐊᕈᑎᓚᐅᕐᐸᑦᓯ, ᑖᒃᑯᓄᖓ ᓄᓇᖃᓚᐅᕐᑐᓄᑦ ᔪᐊᕐᑕᓂᐅᑉ ᑰᖓᑕ ᐊᑭᐊᓂ; ᐃᓕᑦᓯᓐᓂᒡᓗ ᐅᓇᑕᓚᐅᕐᐳᑦ, ᑭᓯᐊᓂᓕ ᓵᓚᖃᕐᑎᓚᐅᕐᐸᑦᓯ ᑖᒃᑯᓂᖓ, ᓄᓇᖓᓪᓗ ᓄᓇᑖᕆᓚᐅᕐᐸᓯ, ᑖᒃᑯᐊᓗ ᑐᖁᓚᐅᕐᐸᒃᑲ ᐃᓕᑦᓯ ᓵᖓᓂ.

ᔮᓱᐊᑉ ᐊᒡᓚᖏᑦ 8:18

ᐊᑕᓂᕐᓕ ᐅᖃᕐᐳᖅ ᔮᓱᐊᒧᑦ, “ᖃᓗᒋᐊᑦ ᑎᒃᑯᐊᕐᑎᓚᐅᕈᒃ ᐂᒧᑦ; ᐃᓕᖕᓄᑦ ᑐᓂᓂᐊᓕᕋᒃᑯ.” ᑕᕝᕙ ᔮᓱᐊ ᓈᓚᒃᐳᖅ ᐅᖃᐅᑦᔭᐅᑦᔪᑎᒥᓂᒃ ᖃᓗᒋᐊᓂᓗ ᑎᒃᑯᐊᕐᑎᑉᐹ ᐃᒡᓗᒐᓴᖕᓄᑦ.

ᔮᓱᐊᑉ ᐊᒡᓚᖏᑦ 8:7

ᑍᒪᓕ ᐃᔨᕐᓯᒪᕕᑦᓯᓐᓂᑦ ᐊᓂᓗᓯ ᐃᒡᓗᒐᓮᑦ ᐅᐸᖕᓂᐊᕐᐸᓯ ᓵᓚᒋᓗᒋᓪᓗ; ᐊᑕᓂᐅᑉ ᒎᑎᑦᓯ ᑐᓂᓂᐊᕐᐹ ᐃᓕᑦᓯᓐᓄᑦ.

ᔮᓱᐊᑉ ᐊᒡᓚᖏᑦ 9:7

ᐃᓴᕆᐊᓕᒥᐅᑦ ᕼᐃᕔᑎᒥᐅᓄᑦ ᐅᖃᕐᐳᑦ, “ᓱᖕᒪᑦ ᐊᖏᖃᑎᖃᕆᐊᖃᕐᐱᑖ? ᐃᒻᒪᖄᓕ ᒫᓂᑦᓯᐊᖅ ᓄᓇᖃᕐᑐᓯ, ᖃᓄᖅ ᐊᖏᖃᑎᖃᕈᒪᒐᑦᓯ?”

ᐃᓗᐊᕐᓮᔩᑦ ᐊᒡᓚᖏᑦ 1:4

ᔫᑕᒃᑯᓪᓗ ᐅᓇᑕᕆᐊᓚᐅᕐᐳᑦ ᑲᑐᑦᔨᓪᓗᑎᒃ. ᐊᑕᓂᐅᑉ ᓵᓚᖃᕐᑎᓚᐅᕐᐰᑦ ᑬᓇᓂᒥᐅᓂᒃ ᐱᕆᔧᑎᒥᐅᓂᒡᓗ; ᓵᓚᖃᓚᐅᕐᐳᑦ 10,000ᓂᒃ ᓄᓇᒥ ᐲᔨᒃᒥ.

ᐃᓗᐊᕐᓮᔩᑦ ᐊᒡᓚᖏᑦ 11:21

ᐊᑕᓂᐅᓪᓕ, ᐃᓴᕆᐊᓕᐅᑦ ᒎᑎᖓᑕ ᓵᓚᖃᕐᑎᓚᐅᕐᐰᑦ ᓮᕼᐆᓂᒥᒃ ᐅᓇᑕᕐᑐᒃᓴᖏᓐᓂᒡᓗ; ᑖᒃᑯᓂᖓᓗ ᓵᓚᖃᓚᐅᕐᐳᑦ. ᑍᒤᒻᒪᑦ ᐃᓴᕆᐊᓕᒥᐅᑦ ᓄᓇᑖᕆᓚᐅᕐᐹᑦ ᐋᒧᕅᑎᒥᐅᑦ ᓄᓇᖁᑎᓕᒫᖓᑦ. ᐊᒧᕅᑎᑦ ᓄᓇᖃᕐᕕᒋᓚᐅᕐᑕᖓᑦ.

ᓴᒧᐃᓕ ᓯᕗᓪᓖᑦ 23:4

ᑕᕝᕙ ᑍᕕᑎᐅᑉ ᐊᑕᓂᖅ ᐊᐱᕆᒃᑲᓐᓂᕐᐹ. ᐊᑕᓂᐅᓪᓗ ᐅᖃᐅᑎᕙ, “ᒪᑭᓪᓗᑎᑦ ᑮᓚᒧᐊᓕᕆᑦ; ᐱᓕᔅᑍᓂᒥᐅᑦ ᐃᓕᖕᓄᑦ ᑐᓂᓂᐊᕐᐸᒃᑲ.”