ᒨᓯᓯ ᐂᑉᐸᖏᑦ 23:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᓄᓇᖕᓂ ᐊᕐᓁᑦ ᑕᒪᐅᓁᓐᓇᖅ ᐃᕐᓂᔪᖃᕐᓂᐊᓐᖏᓚᑦ, ᕿᑐᕐᖏᓱᐃᑦᑐᕐᑕᖃᕐᓂᐊᕋᓂᓗ, ᐊᑯᓂᓗ ᐃᓅᑯᑖᒃᑎᓐᓂᐊᕐᐸᑦᓯ.

ᒨᓯᓯ ᐂᑉᐸᖏᑦ 23:26 Iomraidhean Croise

ᒨᓯᓯ ᓯᕗᓪᓖᑦ 25:8

ᐂᑉᕋᕼᐋᒻ ᐊᓂᕐᓇᖏᓚᐅᕐᐳᖅ ᐃᑦᑐᐊᓘᓕᕐᓗᓂ, ᐃᓄᑐᖃᐅᓪᓗᓂ ᐊᕐᕌᒍᖏᑦ ᐅᓄᕐᑐᐊᓘᓕᕐᓗᑎᒃ, ᐃᓚᒋᓚᐅᕐᑕᒥᓄᓪᓗ ᐃᓚᓕᐅᑎᓪᓗᓂ.

ᒨᓯᓯ ᓯᕗᓪᓖᑦ 35:29

ᐂᓴᑭᓕ ᐊᓂᕐᓇᖏᕐᐳᖅ; ᑐᖁᒐᒥ ᐃᓚᒥᓄᑦ ᐅᑎᕐᐳᖅ, ᐃᑦᑐᐊᓘᓕᕐᓗᓂ; ᐃᕐᓂᖏᒃᑕᓗ ᐄᓴᐅᑉ ᔧᑰᓪᓗ ᐃᓗᕕᕐᐹ.

ᑯᕉᓂᑲ ᓯᕗᓪᓖᑦ 23:1

ᑍᕕᑎ ᐃᓄᑐᖃᐅᓕᕋᒥ ᐅᓪᓗᖏᓪᓗ ᓈᖕᒪᑕ, ᐃᕐᓂᓂ ᓲᓗᒨᓂ ᐊᖓᔪᖅᑳᕐᔪᐊᕈᕐᑎᑉᐹ ᐃᓴᕆᐊᓕᒥᐅᓄᑦ.

ᔫᐱᐅᑉ ᐊᒡᓚᖏᑦ 21:10

ᐃᒻᒧᓕᐅᕐᑎᖁᑎᖏᑕ ᐸᖕᓂᖏᑦ ᑭᖑᕚᒃᓴᓕᐅᑦᓯᐊᕐᐳᑦ; ᐃᒻᒧᓕᐅᕐᑏᓪᓗ ᕿᑐᕐᖓᕐᑖᑦᓯᐊᖃᑦᑕᕐᐳᑦ ᐃᕐᓂᔪᓐᓁᓪᓕᓚᐅᕐᓯᒪᓇᑎᒃ.

ᔫᐱᐅᑉ ᐊᒡᓚᖏᑦ 42:17

ᔫᐱᓗ ᐃᓄᑐᖃᐅᓕᕐᓗᓂ ᑐᖁᓚᐅᕐᐳᖅ, ᐃᓅᓯᒃᓴᒥᓂᒃ ᐃᓱᓕᑦᑎᑦᓯᐊᕐᓗᓂ.

ᔫᐱᐅᑉ ᐊᒡᓚᖏᑦ 5:26

ᐃᓄᑐᖃᒻᒪᕆᐅᓕᕐᑎᓪᓗᑎᑦ ᐃᓗᕕᕐᑕᐅᔪᒫᕐᐳᑎᑦ, ᓂᐊᖂᔭᒃᓮᑦ ᕿᐱᑍᑦ ᓯᖃᓪᓕᓯᕕᖕᒧᐊᕐᑕᐅᕙᖕᓂᖏᑎᑐᑦ ᓇᓪᓕᐅᓐᓂᖓᓂ.

ᐃᓐᖏᕈᑎᑦ 107:38

ᓮᒻᒪᕐᑎᓚᐅᕆᕔᑦ ᐃᓄᒋᐊᒃᑐᕐᔪᐊᓐᖑᕐᑎᓪᓗᒋᑦ; ᐆᒪᔪᖁᑎᖏᓪᓗ ᐃᒻᒧᒃᓯᐅᒊᑦ ᖃᑦᓰᓐᓇᕈᕐᐸᓪᓕᐊᓚᐅᓐᖏᓚᑦ.

ᐃᓐᖏᕈᑎᑦ 144:13

ᓯᕐᓗᐊᕗᓪᓗ ᑕᑕᑦᓯᐊᖁᓪᓗᒋᑦ, ᓱᓇᓕᒫᑦᓯᐊᓂᒃ ᑭᓐᖒᒪᓇᕐᑐᓂᒃ ᐃᓗᓕᖃᕐᓗᑎᒃ; ᓰᐱᖁᑎᕗᓪᓗ ᕿᑐᕐᖓᕐᑖᖁᓪᓗᒋᑦ 1,000ᓂᒃ 10,000ᐃᕐᓱᕐᑐᓂᒡᓗ ᐱᕈᕐᓰᕕᖁᑎᕗᑦ ᐱᕈᕐᕕᐅᖁᓪᓗᒋᑦ.

ᐃᓐᖏᕈᑎᑦ 55:23

ᐃᕝᕕᓪᓕ ᒎᑏ, ᐃᑎᕐᓴᒧᑦ ᐊᓯᕈᕐᑕᐅᕕᖕᒧᑦ ᐱᑎᑦᓱᒫᕐᐸᑎᑦ; ᑐᖁᑦᓯᔪᒪᔪᑦ ᐅᐃᕕᕆᒃᓯᔪᓪᓗ ᐃᓄᐃᑦ ᐅᓪᓗᒃᓴᖏᑕ ᐊᕝᕙᖏᓐᓂᒡᓘᓐᓃᑦ ᐃᓅᓂᐊᖏᓚᑦ; ᐅᕙᖓᓕ ᐃᓕᖕᓂᒃ ᑕᑎᖃᕐᓂᐊᕐᐳᖓ.

ᐃᓐᖏᕈᑎᑦ 90:10

ᐃᓅᓯᑦᑕ ᓯᕕᑐᓂᖓ 70ᓂᒃ ᐊᕐᕌᒍᖃᑐᐃᓐᓇᕐᐳᑦ; ᓲᖑᓂᖃᑦᓯᐊᕐᐸᑕᓕ 80ᓂᒃ ᐊᕐᕌᒍᖃᕈᓐᓇᕋᓗᐊᕐᐳᑦ, ᐱᔪᓐᓇᑦᓯᐊᕐᓂᑐᐊᖏᓐᓂᓕ ᐋᓐᓂᐊᓂᕐᒦᑉᐳᑦ ᐊᑲᐅᓐᖏᓕᐅᕈᑎᖃᕐᓗᑎᒡᓗ; ᑕᕝᕙ ᐊᓂᒍᓕᕇᕐᐳᑦ, ᖃᖓᑦᑕᓕᕐᐳᒍᑦ ᐅᑎᕈᓐᓃᕐᓗᑕᓗ.

ᐂᓮᐊᓯᐅᑉ ᐊᒡᓚᖏᑦ 65:20

ᐃᓅᕋᑖᕐᑐᓂᒃ ᑕᕝᕙᓂ ᐱᑕᖃᕈᒫᓐᖏᓚᖅ ᐅᓪᓗᓂᒃ ᐅᓄᖏᑦᑐᓂᒃ ᐃᓅᓚᐅᑲᑐᐃᓐᓇᕐᑐᓂᒃ, ᐃᑦᑑᓕᕐᑐᓂᒡᓗ ᐃᓅᓯᕆᒋᐊᖃᕐᑕᒥᖕᓂᒃ ᓈᔨᓯᒪᖏᑦᑐᓂᒃ ᐱᑕᖃᕈᒫᖏᓐᓂᕗᖅ; 100ᓂᒃ ᐊᕐᕌᒍᖃᕐᓗᓂ ᑐᖁᔪᖅ ᐃᓅᓱᓗᐊᕐᓂᕋᕐᑕᐅᔪᒫᕐᐳᖅ, ᐊᔪᕐᑐᓕᔪᖅ 100ᓂᒃ ᐊᕐᕌᒍᖃᓕᕐᓗᓂ ᑐᖁᔪᖅ ᐃᓱᒪᓂᕐᓗᒡᕕᐅᓯᒪᔪᒥᒃ ᐅᖃᕐᑕᐅᔪᒫᕐᐳᖅ.

ᕼᐆᓯᐊᑉ ᐊᒡᓚᖏᑦ 9:14

ᑐᓂᓯᕕᒋᓚᐅᒃᑭᑦ ᐊᑕᓃᖅ, ᓱᓇᒥᒃ ᑐᓂᓯᕕᒋᓂᐊᕐᐱᒌᑦ? ᐃᒡᓕᐊᖏᑦ ᐃᕐᓂᐊᕐᓗᖁᓪᓗᒋᑦ ᐊᒫᒪᖏᓪᓗ ᐃᒻᒧᐃᕈᑎᖁᓪᓗᒋᑦ.

ᒨᓯᓯ ᑕᓪᓕᒪᖏᑦ 28:4

“ᓮᒻᒪᕐᑎᓐᓂᐊᕐᐹᓯᓗ ᐅᓄᕐᑐᓂᒃ ᕿᑐᕐᖓᖃᕐᑎᓪᓗᓂᓯ, ᓂᐊᖂᔭᒃᓴᓂᒡᓗ ᐱᕈᕐᓰᕕᖁᑎᓯ ᐱᕈᕐᕕᐅᕙᓪᓕᐊᖏᓐᓇᕐᓂᐊᕐᐳᑦ, ᐅᓄᕐᑐᓂᒡᓗ ᐃᒻᒧᒃᓯᐅᒐᖁᑎᖃᓕᕐᓗᓯ ᓰᐱᖁᑎᖃᓕᕐᓗᓯᓗ.

ᒨᓯᓯ ᑕᓪᓕᒪᖏᑦ 4:40

ᐱᖁᔭᖏᑦ ᓈᓚᒃᑕᒃᓴᕆᕙᓯ ᐅᓪᓗᒥ ᐃᓕᑦᓯᓐᓄᑦ ᐅᖃᐅᓯᕆᖅᑲᐅᔭᒃᑲ, ᑕᕝᕙ ᑕᒤᑎᒍᓕᒫᖅ ᖃᓄᐃᖏᑦᓯᐊᕐᓂᐊᕐᐳᓯ ᑭᖑᕚᒃᓴᓯᓗ. ᓄᓇᒥᓗ ᐊᑕᓂᐅᑉ ᒎᑎᑦᓯ ᑐᓂᓯᒪᔭᖓᓂ ᐃᓕᑦᓯᓐᓄᑦ ᓄᓇᕾᓐᓇᕈᓐᓇᕐᓂᐊᕐᐳᓯ ᐃᓱᖃᖏᑦᑐᒧᑦ.”

ᒨᓯᓯ ᑕᓪᓕᒪᖏᑦ 7:14

ᓮᒻᒪᕐᑎᑕᐅᓂᕐᓴᐅᓂᐊᕐᐳᓯᓗ ᐃᓅᖃᑎᓕᒫᑦᓯᓐᓂᑦ ᓄᓇᕐᔪᐊᕐᒦᑦᑐᓂᑦ; ᐊᖑᑎᓂᒃ ᐊᕐᓇᓂᒡᓘᓐᓃᑦ ᕿᑐᕐᖓᕐᑖᕈᓐᓇᖏᑦᑐᖃᕐᓂᐊᓐᖏᓚᖅ, ᐆᒪᔪᖁᑎᑦᓯᓐᓂᓘᓐᓃᑦ ᕿᑐᕐᖓᕐᑖᕈᓐᓇᖏᑦᑐᖃᕐᓂᐊᖏᓐᓂᕗᖅ.