ᒨᓯᓯ ᐂᑉᐸᖏᑦ 23:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᑖᒃᑯᐊᓗ ᒎᑎᒋᔭᖏᓐᓄᑦ ᐹᒻᒪᒃᑎᕐᑐᒃᓴᐅᓐᖏᓚᓯ, ᑐᒃᓯᐊᕐᕕᒋᓇᒋᓪᓗ, ᐅᒃᐱᕆᔭᖏᓪᓗ ᒪᓕᖏᓪᓗᒋᑦ, ᐊᑕᖏᓪᓚᕆᒃᑐᒥᒡᓕ ᒎᑎᓐᖑᐊᖁᑎᒋᔭᖏᑦ ᐲᔭᕐᑕᒃᓴᕆᕙᓯ ᓇᐸᔪᖁᑎᒋᔭᖏᓪᓗ ᐅᔭᕅᑦ ᐅᕐᕈᑎᓪᓗᒋᑦ ᓯᖁᒥᑕᒃᓴᕆᕙᓯ.

ᒨᓯᓯ ᐂᑉᐸᖏᑦ 23:24 Iomraidhean Croise

ᐊᑕᓃᑦ ᐂᑉᐸᖏᑦ 17:11

ᑐᓂᕐᕈᓯᕐᕕᖕᓂ ᒎᑎᓐᖑᐊᓄᑦ ᐃᑯᐊᓚᑎᑦᓯᕗᑦ ᐴᔪᕐᑎᑦᓯᓪᓗᑎᒡᓗ, ᐃᓅᖃᑎᒌᒡᔪᐊᓄᑦ ᒎᑎᐅᑉ ᓯᖏᑕᐅᑎᓚᐅᕐᑕᖏᑕ ᐃᓴᕆᐊᓕᒥᐅᓄᑦ ᐃᓕᖅᑯᓯᕕᓂᖏᓐᓂᒃ ᐊᑐᕐᓗᑎᒃ. ᐊᑕᓂᐅᑉ ᓂᓐᖓᒍᑎᒃᓴᖏᓐᓂᒃ ᐱᓂᐊᕐᓂᖃᓚᐅᕐᐳᑦ ᓈᒻᒪᒋᓐᖏᑕᖏᓐᓂᒃ ᐱᓇᓱᐊᕐᓂᕐᒥᖕᓄᑦ.

ᐊᑕᓃᑦ ᐂᑉᐸᖏᑦ 17:8

ᒪᓕᓕᕐᓗᑎᒃ ᓄᓁᑦ ᑎᑭᑕᖏᑕ ᐃᓄᖏᓐᓄᑦ ᐃᓕᖅᑯᓯᕆᔭᐅᓚᐅᕐᑐᓂᒃ ᒎᑎᐅᑉ ᓯᖏᑕᐅᑎᓚᐅᕐᑕᖏᓐᓄᑦ ᐃᓴᕆᐊᓕᒥᐅᓄᑦ, ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᖏᑕ ᐃᓕᖅᑯᓯᕐᑖᕆᔭᐅᑎᓯᒪᔭᖏᓐᓄᑦ.

ᐊᑕᓃᑦ ᐂᑉᐸᖏᑦ 18:4

ᒎᑎᓐᖑᐊᓄᑦ ᑐᒃᓯᐊᕐᕕᐅᖃᑦᑕᕐᑐᓕᒫᑦ ᐲᔭᓚᐅᕐᐰᑦ, ᒎᑎᓐᖑᐊᓕᐊᕆᔭᐅᓯᒪᔪᓪᓗ ᐅᔭᕅᑦ ᐅᕐᕉᕋᕐᑎᓚᐅᕐᐰᑦ, ᒎᑎᓐᖑᐊᕆᔭᐅᕐᓗ ᐊᓯᕋᒥᒃ ᑍᔭᐅᔪᖅ ᓯᖁᒥᑉᐹ. ᒨᓯᓯᐅᓪᓗ ᖁᒡᓗᒋᐊᓐᖑᐊᖅ ᑲᓐᓄᔭᖅ ᓇᑉᐸᐅᑎᓚᐅᕐᓯᒪᔭᖓ ᓯᖁᑦᑎᕐᑕᐅᑎᓪᓗᒍ, ᐊᑎᖃᕐᑎᑕᐅᓚᐅᕐᑐᖅ ᓂᕼᐅᓯᑕᓐᒥᒃ; ᑍᑦᓱᒪᓂᐅᑎᓪᓗᒍ ᐃᑯᐊᓪᓚᑦᓯᓪᓗᑎᒃ ᐳᔫᕐᑎᑦᓯᓂᒃᑯᑦ ᑐᒃᓯᐊᕐᕕᐅᖃᑦᑕᓕᓚᐅᕐᒪᑦ ᐅᐱᒍᓲᑎᐅᓪᓗᓂ.

ᐊᑕᓃᑦ ᐂᑉᐸᖏᑦ 3:2

ᐊᑕᓂᐅᓪᓗ ᓵᖓᓂ ᐊᔪᕐᑐᓕᕗᖅ, ᑭᓯᐊᓂ ᐊᑖᑕᒋᓚᐅᕐᑕᖓᑕ ᐊᓈᓇᒋᓚᐅᕐᑕᖓᑕᓗ ᐊᔪᕐᑐᓕᑦᔪᑎᒋᓚᐅᕐᑕᖏᑎᑑᖏᑦᑐᖅ ᒎᑎᓐᖑᐊᓕᐊᕆᓯᒪᔪᖅ ᐰᓕ ᐃᒋᑕᐅᑎᓚᐅᕐᒪᒍ ᐊᑖᑕᒋᓚᐅᕐᑕᖓᑕ ᓴᓇᔭᐅᑎᑕᕕᓂᖓ.

ᑯᕉᓂᑲ ᐂᑉᐸᖏᑦ 14:2

ᐂᓴᓗ ᐱᓇᓱᐊᑦᓯᐊᓚᐅᕐᐳᖅ ᓇᓛᒎᕐᑐᒥᒡᓗ ᐱᓂᐊᕐᓂᖃᕐᓗᓂ ᐊᑕᓂᐅᑉ ᒎᑎᖓᑕ ᑕᑯᓐᓇᕐᑕᖓᓂ.

ᑯᕉᓂᑲ ᐂᑉᐸᖏᑦ 25:14

ᐊᒪᔧᐊᓕ ᐅᑎᕋᒥ ᑐᖁᕅᓚᐅᕐᓗᓂ ᐄᑐᒥᒥᐅᓂᒃ, ᓰᐊᕆᐅᑉ ᐃᓄᖏᑕ ᒎᑎᓐᖑᐊᖏᑦ ᓇᒃᓴᓚᐅᕐᐰᑦ, ᒎᑎᒥᑕᓗ ᐃᓚᖏᓐᓄᑦ ᐃᓚᓕᐅᑎᕔᑦ, ᐹᒻᒪᒃᑎᕐᕕᒋᕔᑦ, ᐃᑯᐊᓪᓔᕕᒋᓪᓗᒋᓪᓗ ᑎᐱᑦᓯᐊᕆᒃᓴᐅᒻᒥᒃ.

ᑯᕉᓂᑲ ᐂᑉᐸᖏᑦ 33:2

ᐱᐅᖏᑦᑐᓕᓚᐅᕐᐳᖅ ᐊᑕᓂᐅᑉ ᑕᑯᓐᓇᑕᖓᒍᑦ, ᓄᓇᓖᑦ ᐱᐅᖏᑦᑐᓂ ᓇᕐᕈᓇᕐᑐᓕᓂᖏᓐᓂᒃ ᒪᓕᓚᐅᕐᒪᑦ ᐊᑕᓂᐅᑉ ᐊᓂᑎᓚᐅᕐᑕᖏᓐᓂᒃ ᐃᓴᕆᐊᓕᒥᐅᑦ ᐃᓄᖏᓐᓄᑦ ᐃᓇᖏᕐᑕᐅᑎᓚᐅᕐᑕᖏᑕ.

ᑯᕉᓂᑲ ᐂᑉᐸᖏᑦ 33:9

ᒫᓇᓯᐅᑉ ᔫᑕᒥᐅᑦ ᔨᕉᓴᓕᒥᓗ ᓄᓇᖃᕐᑐᑦ ᓯᓔᕐᕆᓪᓗᒋᑦ ᐊᔪᕐᑐᓕᑎᓚᐅᕐᐰᑦ, ᓄᓇᖃᕐᑐᑐᖃᐅᓚᐅᕐᑐᓂᑦ ᐱᐅᖏᓐᓂᕐᓴᓂᒃ ᐱᓇᓱᐊᕐᑎᓪᓗᒋᑦ ᐊᑕᓂᐅᑉ ᐊᓯᕈᓚᐅᕐᑕᖏᓐᓂᑦ ᐃᓴᕆᐊᓕᒥᐅᑦ ᐃᓄᖏᓐᓄᑦ ᓄᓇᑖᕆᔭᐅᖔᕐᑎᓪᓗᒍ.

ᐃᓐᖏᕈᑎᑦ 101:3

ᐱᐅᖏᑦᑐᒥᒃ ᑲᔪᓯᓂᖃᕈᒪᓐᖏᓚᖓ; ᑲᑕᒃᓯᒪᔪᑦ ᐱᓂᐊᕐᓂᖏᑦ ᐆᒥᒋᕙᒃᑲ; ᑕᒪᑐᒧᖓ ᐊᒃᑐᐊᔭᐅᔪᒪᓐᖏᓚᖓ.

ᒨᓯᓯ ᐂᑉᐸᖏᑦ 20:3

“ᐊᓯᓐᓂᒃ ᒎᑎᖃᕐᑐᒃᓴᐅᓐᖏᓚᓯ.

ᒨᓯᓯ ᐂᑉᐸᖏᑦ 20:5

ᐹᒻᒪᒃᑎᕐᕕᖃᕐᑐᒃᓴᐅᓐᖏᓚᓯ ᒎᑎᓐᖑᐊᓕᐊᕆᓯᒪᔪᒥᒃ ᑐᒃᓯᐊᕐᕕᖃᕋᓱᐊᕐᑍᓕᓗᓯᓗ ᑍᒤᑦᑐᓂᒃ, ᐅᕙᖓ ᐊᑕᓂᖅ ᒎᑎᒋᕙᑦᓯᓐᖓ ᐊᓯᓐᓂᒃ ᐱᑕᖃᖏᒻᒪᑦ. ᓱᒋᐊᕐᓯᓂᐊᕐᐳᖓ ᐅᕙᓐᓂᒃ ᐆᒥᓱᒃᑐᓂᒃ ᑭᖑᕚᖏᓐᓂᒡᓗ, ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.

ᒨᓯᓯ ᐂᑉᐸᖏᑦ 23:13

“ᑕᒪᒃᑯᐊ ᐃᓕᑦᓯᓐᓄᑦ ᐅᖃᐅᓯᕆᔭᓕᒫᒃᑲ ᓈᓚᒃᓯᒋᒃ; ᐊᓯᓐᓂᒃ ᒎᑎᐅᓂᕅᔪᒃᓴᐅᓐᖏᓚᓯ ᑐᒃᓯᐊᕐᕕᖃᕐᓂᐊᕋᓯᓗ ᑍᒤᑦᑐᓂᒃ, ᐊᑎᖏᓐᓂᒃ ᐊᒡᓛᑦ ᐅᖃᕐᑐᖃᕐᑐᒃᓴᐅᓐᖏᓚᖅ ᖃᓂᑦᓯᒍᑦ.”

ᒨᓯᓯ ᐂᑉᐸᖏᑦ 23:32

ᑖᒃᑯᓂᖓ ᓱᓇᑐᐃᓐᓇᕐᒧᑦ ᐊᖏᖃᑎᒌᒍᑎᖃᕆᐊᖃᓐᖏᓚᓯ ᐅᕝᕙᓗ ᒎᑎᖏᓐᓄᑦ.

ᒨᓯᓯ ᐂᑉᐸᖏᑦ 23:33

ᓄᓇᒋᔭᑦᓯᓐᓂ ᓄᓇᖅᑲᑎᒋᔭᒃᓴᕆᓐᖏᓚᓯ, ᑖᒃᑯᓇᓐᖓᑦ ᐊᔪᕐᑐᓕᑎᑕᐅᖁᓇᓯ ᐅᕙᓐᓄᑦ; ᒎᑎᓐᖑᐊᖏᓐᓂᒃ ᑐᒃᓯᐊᕐᕕᖃᓕᕈᑦᓯ, ᑕᒪᓐᓇ ᖁᓚᕐᓇᒋᑦᓯᐊᕐᑐᒥᒃ ᐃᓕᑦᓯᓐᓄᑦ ᓂᒐᕐᑎᑦᓯᔪᑎᑎᑐᑦ ᑍᒤᓐᓂᐊᕐᐳᖅ.”

ᒨᓯᓯ ᐂᑉᐸᖏᑦ 32:20

ᓄᕐᕋᓐᖑᐊᕐᓗ ᓴᓇᔭᐅᓯᒪᔪᖅ ᑎᒍᕚ, ᐃᑯᒪᒧᓪᓗ ᐊᐅᒃᑎᑉᐹ, ᓯᖃᓪᓕᑦᓯᐊᕐᓗᒍᓗ ᐳᔪᕋᕐᑎᑐᑦ ᑍᒤᓕᕐᑎᑉᐹ, ᐃᒥᕐᒥᒡᓗ ᐃᓚᓪᓗᓂᐅᒃ. ᐃᓴᕆᐊᓕᒥᐅᑦ ᑕᒪᑐᒥᖓ ᐃᒥᕐᑎᑉᐰᑦ.

ᐃᓯᑭᐊᓕᐅᑉ ᐊᒡᓚᖏᑦ 16:47

ᓈᒻᒪᒃᓯᓚᐅᓐᖏᓚᑎᑦ ᐊᑐᓚᐅᕐᑕᖓᓂᒃ ᐊᑐᕋᓗᐊᕋᕕᑦ, ᓇᕐᕈᓇᕐᑐᓂᒡᓗ ᐱᓇᓱᐊᓚᐅᕐᑕᖏᑕ ᐊᑦᔨᖏᓐᓂᒃ ᐊᑐᕐᓗᑎᑦ; ᐊᑯᓂᐅᖏᑦᑐᖅ ᑍᒃᑯᓇᓐᖓᑦ ᐱᐅᖏᓐᓂᕐᓵᓗᖕᓂᒃ ᐊᑐᓕᓚᐅᕐᐳᑎᑦ ᐃᓕᖅᑯᓯᕆᔭᓕᒫᒃᑯᑦ.

ᕼᐆᓯᐊᑉ ᐊᒡᓚᖏᑦ 10:2

ᐆᒻᒪᑎᖏᑦ ᑕᒻᒪᕐᑎᑦᓯᕗᑦ; ᒫᓐᓇ ᐸᓯᔭᒃᓴᐅᓂᒃᑯᑦ ᐃᓅᓂᐊᓕᕐᐳᑦ. ᑐᓂᕐᕈᓯᕐᕕᖁᑎᖏᑦ ᐊᑕᓂᐅᑉ ᓯᖁᑦᑎᕐᓂᐊᕐᐰᑦ, ᐅᔭᕅᓪᓗ ᓇᐸᔪᑦ ᒎᑎᓐᖑᐊᑦ ᐊᓯᕈᕐᓗᒋᑦ.

ᒨᓯᓯ ᐱᖓᔪᖏᑦ 18:3

ᐄᑦᔨᑉᑎᒥᐅᑦ ᐱᐅᓯᖏᑦ ᒪᓕᖕᓂᐊᕋᓯᒋᒃ, ᑍᒃᑯᐊ ᓄᓇᖃᑎᒋᓚᐅᕐᑕᑦᓯ, ᑬᓇᓂᒥᐅᓪᓗ ᐱᐅᓯᖏᑦ ᒪᓕᖕᓂᐊᕋᓯᒋᒃ ᑍᒃᑯᐊ ᓄᓇᖓᓐᓄᑦ ᐱᑎᓐᓂᐊᕋᑦᓯ, ᐱᐅᓯᖏᓐᓂᒃ ᒪᓕᒃᓴᕐᓂᐊᕋᓯ.

ᒨᓯᓯ ᐱᖓᔪᖏᑦ 26:1

“ᒎᑎᓐᖑᐊᒥᒃ ᓴᓇᔪᒃᓴᐅᓐᖏᓚᓯ, ᐃᓄᓐᖑᐊᒥᒡᓘᓐᓃᑦ ᐅᔭᕋᖕᒥᒡᓘᓐᓃᑦ ᓇᑉᐸᕐᑎᑦᓯᔪᒃᓴᐅᓐᖏᓚᓯ, ᐅᔭᕋᖕᒥᒡᓘᓐᓃ ᓴᓇᓐᖑᐊᕐᓯᒪᔪᒥ ᓄᓇᑦᓯᓐᓄᑦ ᐃᓕᓯᔪᒃᓴᐅᓐᖏᓚᓯ, ᐹᒻᒪᒃᑎᕐᕕᒋᔭᒃᓴᑦᓯᓐᓂᒃ. ᐅᕙᖓ ᐊᑕᓂᐅᒐᒪ ᒎᑎᓯ.

ᒨᓯᓯ ᓯᑕᒪᖏᑦ 25:2

ᑖᒃᑯᐊ ᕾᖁᔨᖃᑦᑕᓚᐅᕐᒪᑕ ᐃᓴᕆᐊᓕᒥᐅᓂᒃ ᒎᑎᓐᖑᐊᒥᖕᓄᑦ ᑐᓂᕐᕈᓯᕌᖓᒥᒃ, ᐃᓄᐃᓪᓗ ᓂᕆᖃᑦᑕᓚᐅᕐᐳᑦ ᐹᒻᒪᒃᑎᕐᓗᑎᒡᓗ ᒎᑎᓐᖑᐊᖏᓐᓄᑦ.

ᒨᓯᓯ ᓯᑕᒪᖏᑦ 33:52

ᓄᓇᐅᑉ ᐃᓄᖏᓐᓂᒃ ᐊᐅᓪᓚᕐᑎᑦᓯᔪᒫᕋᑦᓯ ᑎᑭᑕᑦᓯᓐᓂᒃ, ᐅᔭᕅᓪᓗ ᓴᓇᓯᒪᔭᖏᑦ ᓯᖁᒥᓪᓗᒋᑦ, ᐃᓄᓐᖑᐊᓕᐊᕆᓯᒪᔭᖏᓪᓗ ᐊᓯᕈᕐᓗᒋᑦ, ᖁᑦᓯᒃᑐᓂᓗ ᑐᒃᓯᐊᕐᕕᖏᑦ ᐅᕐᕉᕋᕐᑎᓪᓗᒋᑦ;

ᒨᓯᓯ ᑕᓪᓕᒪᖏᑦ 12:3

ᑐᓂᕐᕈᓯᕐᕕᖁᑎᖏᑦ ᐅᕐᕉᕋᕐᑎᑕᒃᓴᕆᕙᓯ, ᐅᔭᕅᓪᓗ ᓇᐸᔪᖁᑎᖏᑦ ᑐᒃᓯᐊᕐᕖᑦ ᓯᖁᑦᑎᕐᓗᒋᑦ. ᒎᑎᓐᖑᐊᖏᓪᓗ ᐊᓯᕋᒥᒃ ᐊᑎᓖᑦ ᐃᑯᒪᒧᑦ ᐃᑯᐊᓪᓚᒡᓗᒋᑦ; ᒎᑎᓐᖑᐊᖏᓪᓗ ᓴᓇᓯᒪᔪᑦ ᑲᓱᐊᕐᓗᒋᑦ ᓄᖑᓪᓗᒋᑦ, ᐊᑎᖏᓪᓗ ᑕᕝᕙᓃᑦᑐᑦ ᓄᓇᒥ ᓯᖁᑦᑎᕐᓗᒋᑦ ᓄᖑᓪᓗᒋᑦ.

ᒨᓯᓯ ᑕᓪᓕᒪᖏᑦ 7:5

ᑍᒤᒻᒪᑦ ᐃᒫᒃ ᐱᓇᓱᐊᕐᕕᒋᔭᒃᓴᕆᕙᓯ, ᒎᑎᓐᖑᐊᓄᑦ ᑐᓂᕐᕈᓯᕐᕕᖏᑦ ᓱᕋᒃᑎᒐᒃᓴᕆᕙᓯ, ᓱᑲᖁᑎᒋᔭᖏᓪᓗ ᓇᐸᔪᑦ ᐱᓪᓚᕆᖁᑎᒋᔭᖏᑦ ᓯᖃᓪᓕᓗᒋᑦ, ᐊᕐᓇᓐᖑᐊᓪᓗ ᒎᑎᓐᖑᐊᖏᑦ ᐊᓯᕋᒥᒃ ᐊᑎᓖᑦ ᐅᕐᕈᑎᑕᒃᓴᕆᕙᓯ, ᒎᑎᓐᖑᐊᖏᓪᓗ ᐃᑯᐊᓪᓚᒃᑎᓪᓗᒋᑦ.