ᒨᓯᓯ ᐂᑉᐸᖏᑦ 23:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ “ᑕᑯᒋᑦ, ᐂᖏᓕᒥᒃ ᑎᓕᓯᕗᖓ ᓯᕗᓂᕐᓄᑦ, ᑖᑦᓱᒧᖓ ᓴᐳᑎᔭᐅᓯᒪᖁᓪᓗᑎᑦ ᐊᖅᑯᑎᖕᓂ ᓄᓇᒧᓪᓗ ᐃᓕᖕᓄᑦ ᐅᐸᓗᖎᕐᓯᒪᔭᓐᓄᑦ ᑎᑭᑦᓱᓐᓇᖁᓪᓗᑎᑦ.

ᒨᓯᓯ ᐂᑉᐸᖏᑦ 23:20 Iomraidhean Croise

ᒨᓯᓯ ᓯᕗᓪᓖᑦ 15:18

ᑕᕝᕙ ᐊᑕᓂᖅ ᐅᓪᓗᒥ ᑕᕝᕙᓂ ᐂᑉᕋᒻᒥᒃ ᐊᖏᖃᑎᒌᒍᑎᓕᐅᕐᐳᖅ. ᐅᖃᕐᓗᓂ, “ᑭᖑᕚᕐᓄᑦ ᑕᒪᓐᓇ ᓄᓇ ᑐᓂᕙᕋ, ᐄᑦᔨᑉᑎᐅᑉ ᓄᓇᖓᑕ ᑭᒡᓕᖓᓂᑦ ᐱᒋᐊᕐᓗᒍ ᑰᒡᔪᐊᕌᓗᒃ, ᐃᕗᕅᑎᐅᑉ ᑰᖓ ᑎᑭᓪᓗᒍ,

ᒨᓯᓯ ᓯᕗᓪᓖᑦ 24:40

ᑖᑦᓱᒪ ᑭᐅᓚᐅᕐᐹᖓ, ‘ᐊᑕᓂᐅᑉ, ᑍᒪᓐᖓᑦ ᒪᓖᓐᓇᕐᑕᒪ, ᐂᖏᓕᖁᑎᓂ ᑎᓕᓂᐊᕐᐹ ᑕᓯᐅᕐᑕᐅᖁᓪᓗᑎᑦ ᐊᖅᑯᑎᖕᓂ; ᐃᕐᓂᕐᒪᓗ ᓄᓕᐊᒃᓴᖓᓂᒃ ᓇᓂᓯᔪᒫᕐᐳᑎᑦ ᓇᖕᒥᓂᖅ ᐃᓚᒋᔭᓐᓂᑦ, ᐊᑖᑕᒪᓗ ᐃᓚᒋᔭᖏᓐᓂᑦ.

ᒨᓯᓯ ᓯᕗᓪᓖᑦ 24:7

ᐊᑕᓂᐅᑉ, ᕿᓚᐅᑉ ᒎᑎᖓᑕ, ᑕᒪᐅᓐᖓᕐᑎᓚᐅᕐᒪᖓ ᐊᑖᑕᒪ ᐊᖏᕐᕋᖓᓂᑦ ᓄᓇᒥᓪᓗ ᐃᓅᓕᕐᕕᒋᓚᐅᕐᑕᓐᓂᑦ, ᑖᑦᓱᒪ ᐅᖃᕕᒃᓗᓂ ᐅᖃᕐᕕᒋᓚᐅᕐᒪᖓ, ‘ᑭᖑᕚᒃᓴᕐᓄᑦ ᑕᒪᓐᓇ ᓄᓇ ᑐᓂᔪᒪᕙᕋ,’ ᐂᖏᓕᖁᑎᓂᓗ ᓯᕗᓂᕐᓂ ᑎᓕᓂᐊᕐᐹ, ᐃᕐᓂᕐᒪ ᓄᓕᐊᒃᓴᖓᓂᒃ ᓇᓂᓯᓂᐊᕐᐳᑎᑦ ᑕᐅᕙᓐᖓᑦ.

ᒨᓯᓯ ᓯᕗᓪᓖᑦ 48:16

ᐂᖏᓕᐅᓪᓗ ᓴᐳᑦᔨᔨᒋᓯᒪᔭᒪ ᐱᐅᖏᑦᑐᓂᑦ ᑕᒤᓐᓂᑦ, ᐅᑯᐊᒃ ᐃᓅᓱᒃᑑᒃ ᓮᒻᒪᕐᑎᓪᓕᒋᒃ! ᑖᒃᑯᓇᓂᓗ ᐊᑎᕋ ᑲᔪᓯᑎᑕᐅᓕ, ᓯᕗᓕᕐᒪᓗ ᐂᑉᕋᕼᐋᒻ ᐂᓴᑭᐅᓪᓗ ᐊᑎᖏᒃ; ᐅᓄᕐᓯᕙᓪᓕᐊᑎᒃᑭᑦ ᐃᓄᒐᓴᒡᔪᐊᓐᖑᓕᖁᓪᓗᒋᑦ ᑕᒫᓂ ᓄᓇᒥ.”

ᐃᓐᖏᕈᑎᑦ 91:11

ᑖᑦᓱᒪ ᐂᖏᓕᖁᑎᓂ ᐃᓕᖕᓂᒃ ᑲᒪᑎᓐᓂᐊᕐᒪᒋᑦ, ᓴᐳᑦᔨᔨᐅᖁᓪᓗᒋᑦ ᐊᖅᑯᑎᒋᓂᐊᕐᑕᕐᓂ ᑕᒤᓐᓂ.

ᒨᓯᓯ ᐂᑉᐸᖏᑦ 14:19

ᒎᑎᐅᓪᓗ ᐂᖏᓕᖓ ᐃᓴᕆᐊᓕᒥᐅᑦ ᐅᓇᑕᕐᑐᒃᓴᖁᑎᖏᑕ ᓯᕗᓂᖓᓃᑉᐸᒃᑐᖅ ᓅᑉᐳᖅ ᑭᖑᓂᖔᖓᓄᐊᕐᓗᓂ, ᓄᕗᔭᓗ ᖁᒻᒧᑦ ᑕᑭᑦᑐᑯᑖᒃ ᓅᒃᑭᕗᖅ,

ᒨᓯᓯ ᐂᑉᐸᖏᑦ 15:16

ᓯᕘᕋᓂᕐᒧᑦ ᑲᑉᐱᐊᓇᕐᑐᒧᓪᓗ ᑎᑭᑕᐅᕗᑦ; ᑕᓕᕐᐱᑦ ᐱᔪᓐᓇᕐᓂᕐᔪᐊᖓ ᐱᑦᔪᑎᒋᓪᓗᒍ, ᐅᔭᖅᑲᑎᑐᑦ ᕿᑲᑐᐃᓐᓇᓕᕐᐳᑦ ᐊᐅᓚᑦᔭᒍᓐᓁᓪᓕᓪᓗᑎᒃ, ᐃᓄᖁᑎᖕᓄᑦ ᐊᑕᓃᖅ ᓴᓂᖅᑯᑕᐅᓚᐅᖏᓐᓂᕐᒥᖕᓂ ᑖᒃᑯᓇᓐᖓᑦ ᐃᓄᖁᑎᖕᓂᑦ ᓯᐊᓛᖑᕕᖕᒥᑦ ᐊᓂᑎᓚᐅᕐᑕᕐᓂᑦ.

ᒨᓯᓯ ᐂᑉᐸᖏᑦ 15:17

ᑕᒪᐅᓐᖓᐅᑎᓚᐅᕐᐸᑎᑦ ᑲᓐᖓᕐᓲᑎᒋᓪᓗᒋᓪᓗ ᓇᖕᒥᓂᖅ ᖃᖅᑲᖁᑎᖏᓐᓄᑦ, ᑕᕝᕗᖓ ᐃᓂᒃᓴᒧᑦ ᐃᕝᕕᑦ ᐊᑕᓃᖅ, ᓂᕈᐊᕐᓯᒪᔭᕐᓄᑦ ᐃᓂᒃᓴᕆᔪᒪᓪᓗᒍ, ᑐᒃᓯᐊᕐᕕᒡᔪᐊᕐᒧᑦ ᐃᕝᕕᑦ ᓇᖕᒥᓂᖅ ᓴᓇᓚᐅᕐᑕᕐᓄᑦ.

ᒨᓯᓯ ᐂᑉᐸᖏᑦ 23:23

ᐂᖏᓕᖁᑎᒐ ᓯᕗᓂᑦᓯᓐᓄᑦ ᑎᓕᓂᐊᕐᐸᕋ, ᑖᑦᓱᒪ ᑕᓯᐅᕐᓂᐊᕐᐹᓯ ᐊᒧᕅᑎᒥᐅᓄᑦ, ᕼᐃᑍᑎᒥᐅᓄᓪᓗ, ᐱᕆᔧᑎᒥᐅᓄᓪᓗ, ᑬᓇᓂᒥᐅᓄᓪᓗ, ᕼᐃᕔᑎᓄᓪᓗ, ᔨᐳᓮᑎᒥᐅᓄᓪᓗ, ᑖᒃᑯᐊᓗ ᓄᖑᑎᓐᓂᐊᕐᐸᒃᑲ.

ᒨᓯᓯ ᐂᑉᐸᖏᑦ 32:34

ᒫᓐᓇᓕ ᐅᑎᓕᕆᑦ, ᐃᓄᐃᓪᓗ ᑕᓯᐅᕆᐊᕐᑐᓕᒃᑭᑦ ᑕᕝᕗᖓ ᐃᓕᖕᓄᑦ ᐅᖃᐅᑎᒋᓯᒪᔭᓐᓄᑦ. ᑕᑯᒋᓪᓗ ᐂᖏᓕᖁᑎᒐ ᓯᕗᓂᑦᓯᓐᓄᑦ ᑎᓕᓂᐊᕐᐸᕋ, ᑭᓯᐊᓂᓕ ᖃᖓᑐᐃᓐᓇᖅ ᓱᒋᐊᕐᓯᕕᒃᓴᕋ ᓇᓪᓕᐅᑎᒃᐸᑦ ᐃᓄᐃᑦ ᑖᒃᑯᐊ ᓱᒋᐊᕈᒫᕐᐸᒃᑲ ᐊᔪᕐᑐᓕᓯᒪᓂᖏᑦ ᒪᓕᒡᓗᒋᑦ.”

ᒨᓯᓯ ᐂᑉᐸᖏᑦ 33:14

ᐊᑕᓂᖅ ᐅᖃᕐᐳᖅ, “ᐅᕙᖓ ᐱᖃᑎᒋᓂᐊᕐᐸᒋᑦ, ᓵᓚᖃᕐᑎᓐᓂᐊᕐᐸᒋᓪᓗ.”

ᒨᓯᓯ ᐂᑉᐸᖏᑦ 33:2

ᐂᖏᓕᖁᑎᒐᓗ ᑎᓕᓂᐊᕐᐸᕋ ᐃᓕᑦᓯᓐᓂᒃ ᓯᕗᓕᖁᓪᓗᒍ, ᕿᒫᑎᓐᓂᐊᕐᐸᒃᑲᓗ ᑬᓇᓂᒥᐅᑦ, ᐊᒧᕅᑎᒃᑯᓪᓗ, ᕼᐃᑍᑎᒃᑯᓪᓗ, ᐱᕆᔧᑎᒃᑯᓪᓗ, ᕼᐃᕔᑎᓪᓗ, ᔨᐳᓮᑎᓪᓗ.

ᐂᓮᐊᓯᐅᑉ ᐊᒡᓚᖏᑦ 63:9

ᐋᓐᓂᐊᑎᑕᐅᔭᕌᖓᑕ ᑕᒫᑦ ᐋᓐᓂᐊᖃᑕᐅᕙᓚᐅᕐᐳᖅ, ᓇᔫᑎᓂᖓᑕ ᐂᖏᓕᖓᓄᑦ ᓴᐳᑎᕙᓚᐅᕐᐰᑦ; ᓇᒡᓕᒍᓱᖕᓂᕐᒥᓄᑦ ᓂᑲᒍᓱᖕᓂᕐᒥᓄᓪᓗ ᐃᒻᒥᓄᑦ ᐅᑎᕐᑎᖃᑦᑕᓚᐅᕐᐰᑦ, ᑎᒍᓪᓗᒋᑦ ᐊᒡᔭᖃᑦᑕᓚᐅᕐᐰᑦ ᐅᓪᓗᓂ ᑍᒃᑯᓇᓂ.

ᓴᑲᕅᐊᐅᑉ ᐊᒡᓚᖏᑦ 12:8

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᔨᕉᓴᓕᒥ ᓄᓇᖃᕐᑐᑦ ᓴᐴᓗᑕᖃᕐᑎᑦᓱᒫᕐᐰᑦ; ᑕᕝᕙᓂ ᓴᖕᒌᓐᓂᐸᖑᔪᑦ ᑍᕕᑎᑐᑦ ᑍᒤᑦᓱᒫᕐᐳᑦ; ᑍᕕᑎᐅᓪᓗ ᑭᖑᕚᖏᑦ ᒎᑎᑐᑦ ᑍᒤᓕᕐᓗᑎᒃ, ᐊᑕᓂᐅᑉ ᐂᖏᓕᖓᓂᑦ ᑕᓯᐅᕐᑕᐅᔪᑎᑐᑦ.

ᒪᓚᑬᑉ ᐊᒡᓚᖏᑦ 3:1

“ᑕᑯᒋᑦ, ᐅᖃᕆᐊᕐᑐᕐᑎᑕᕋ ᑎᓕᕙᕋ ᑖᑦᓱᒪ ᐊᖅᑯᑎᒃᓴᕋ ᓯᕗᓂᓐᓂ ᐅᐸᓗᖎᔭᕐᓂᐊᕐᐹ, ᐊᑕᓂᖅ ᕿᓂᕐᑕᓯ ᑕᕝᕔᓐᓇᖅ ᓴᖅᑭᓐᓂᐊᕐᐳᖅ ᑐᒃᓯᐊᕐᕕᒡᔪᐊᒥᓂ; ᐊᖏᖃᑎᒌᖕᓂᐅᑉ ᐅᖃᕐᑎᖓ ᑖᓐᓇ ᖁᕕᐊᒋᔭᓯ, ᑕᑯᒋᑦ, ᑎᑭᓕᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒨᓯᓯ ᓯᑕᒪᖏᑦ 20:16

ᐊᑕᓂᕐᒧᓪᓕ ᓂᓪᓕᐊᒐᑦᑕ, ᓂᐱᕗᑦ ᑐᓴᓚᐅᕐᐰᑦ, ᐂᖏᓕᒥᒡᓗ ᑎᓕᓯᓪᓗᓂ ᐊᐅᓪᓚᕐᑎᓚᐅᕐᐹᑎᒍᑦ ᐄᑦᔨᑉᑎᒥᑦ; ᒫᓐᓇᓕ ᑲᑎᓯᒦᑉᐳᒍᑦ, ᐃᒡᓗᒐᓴᖕᓂ ᓄᓇᖁᑎᑦᓯ ᖃᓂᒋᔮᓂ ᓯᓚᑖᓃᑦᑐᒥ.

ᒨᓯᓯ ᓯᑕᒪᖏᑦ 22:22

ᒎᑎᐅᑉ ᓂᓐᖓᐅᓯᖓ ᐆᒻᒪᓚᐅᕐᐳᖅ ᒪᓕᖕᒪᑦ, ᐊᑕᓂᐅᓪᓗ ᐂᖏᓕᖁᑎᖓ ᐊᖅᑯᑎᖓᓂ ᓇᖏᓕᕐᐳᖅ ᐊᑭᕋᕐᑐᕐᓗᒍᓗ. ᓯᐅᑎᖅᑯᕐᑐᔪᒥ ᐃᑭᒪᓪᓗᓂ ᐃᖏᕐᕋᑎᓪᓗᒍ, ᐱᔨᒥᓂᒃ ᒪᕐᕉᖕᓂᒃ ᐃᓚᖃᕐᓗᓂ.

ᒫᑎᐅᓯᐅᑉ ᐊᒡᓚᖏᑦ 25:34

ᑕᕝᕙ ᐊᖓᔪᖅᑳᕐᔪᐊᖅ ᑕᓕᕐᐱᖕᒥᓃᑦᑐᓄᑦ ᐅᖃᕈᒫᕐᐳᖅ, ‘ᕾᒋᑦᓯ, ᐊᑖᑕᒪ ᓇᒡᓕᒃᑕᖏᑦ, ᐊᑕᓂᐅᕕᒃ ᑭᖑᕐᖑᑎᓕᕐᓯᐅᒃ ᐅᐸᓗᖕᒊᔭᕐᑕᐅᓯᒪᔪᖅ ᐃᓕᑦᓯᓐᓄᑦ ᓄᓇᕐᔪᐊᑉ ᐱᓐᖑᕐᑎᑕᐅᓕᕐᓂᖓᓂᑦ;

ᔪᐊᓇᓯᐅᑉ ᐊᒡᓚᖏᑦ 14:3

ᐂᓂᐊᕈᒪᓕ ᐃᓂᒃᓴᓕᐅᕆᐊᕐᑐᕐᓗᓯ, ᐅᑎᕈᒫᕆᕗᖓ ᐂᓗᓯ ᐅᕙᓐᓃᖁᓪᓗᓯ, ᓇᔪᒐᓐᓂ.

ᒨᓯᓯ ᑕᓪᓕᒪᖏᑦ 33:2

ᐅᖃᕐᓗᓂ, “ᐊᑕᓂᖅ ᐊᖅᑲᓚᐅᕐᐳᖅ ᖃᖅᑲᒥᑦ ᓮᓁᒥᑦ; ᓴᖅᑭᓚᐅᕐᐳᕐᓗ ᓯᕿᓂᕐᑐᑦ ᐄᑐᒥᒧᑦ ᓴᖅᑭᑦᑐᑎᑐᑦ ᓰᐊᕆᒥᑦ ᐅᕙᑦᑎᓐᓄᑦ, ᖃᐅᒻᒪᒃᑎᑦᓯᓚᐅᕐᐳᖅ ᖃᖅᑲᒥᑦ ᐸᕌᓐᒥᑦ. ᐂᖏᓕᖁᑎᓂ 10,000 ᐃᑦᔪᕐᓁᑦᑐᑦ ᐃᓚᒋᓪᓗᒋᑦ, ᑕᓕᕐᐱᖕᒥᒍᑦ ᐃᑯᒪᒥᒃ ᐃᑯᐊᓚᔪᒥᒃ ᑎᒍᒥᐊᕐᓗᓂ.

ᔮᓱᐊᑉ ᐊᒡᓚᖏᑦ 23:5

ᐊᑕᓂᐅᑉ ᒎᑎᑦᓯ ᐃᓕᑦᓯᓐᓂᑦ ᐊᔭᐅᕈᒫᕐᐰᑦ, ᓯᖏᓪᓗᒋᓪᓗ ᐊᑯᓐᓇᑦᓯᓐᓂᑦ; ᓄᓇᖓᓪᓗ ᓄᓇᑖᕆᔪᒫᕐᐸᓯ, ᐊᑕᓂᐅᑉ ᒎᑎᑦᓯ ᑍᒫᒃ ᐊᖏᕈᑎᒋᓚᐅᕐᒪᒍ ᐃᓕᑦᓯᓐᓄᑦ.

ᔮᓱᐊᑉ ᐊᒡᓚᖏᑦ 5:13

ᔮᓱᐊ ᔨᕆᑰᑉ ᓴᓂᐊᓃᓪᓗᓂ, ᑕᑯᓴᕋᒥ ᑕᑯᕗᖅ ᐊᖑᒻᒥᒃ ᓇᖏᕐᑐᒥᒃ, ᓯᕗᕋᕐᒥᓂ ᓴᕕᒡᔪᐊᒥᓂᒃ ᑎᒍᒥᐊᕐᑐᒥᒃ; ᔮᓱᐊᑉ ᐅᐸᒃᓗᒍ ᐊᐱᕆᕚ, “ᐅᓇᑕᕐᑐᒃᓴᖁᑎᒋᕙᑦᑎᒌᑦ ᐅᕝᕙᓗ ᐊᑭᕋᑦᑎᓐᓂᒥᐅᑕᐅᕕᑦ?”

ᔮᓱᐊᑉ ᐊᒡᓚᖏᑦ 5:14

ᐊᖑᓪᓕ ᑭᐅᕗᖅ, “ᓇᓪᓕᐊᓐᓃᓐᖏᓚᖓ; ᑕᒫᓃᑉᐳᖓᓕ ᐊᑕᓂᐅᑉ ᐅᓇᑕᕐᑎᖏᓐᓄᑦ ᐊᖓᔪᖅᑳᕆᔭᐅᓪᓗᖓ.” ᔮᓱᐊᓗ ᐹᒻᒪᒃᐳᖅ ᒪᓂᖅᑲᒧᑦ ᑐᒃᓯᐊᕐᕕᒋᓪᓗᒍᓗ, ᐅᖃᕐᐳᖅ, “ᐱᔨᒋᕙᕐᒪ ᐊᖓᔪᖅᑳᒃ, ᓱᓇᒥᒃ ᐱᓇᓱᐊᖁᕕᖔ?”

ᔮᓱᐊᑉ ᐊᒡᓚᖏᑦ 6:2

ᐊᑕᓂᕐᓗ ᐅᖃᕐᐳᖅ ᔮᓱᐊᒧᑦ, “ᔨᕆᑯ ᐃᓕᑦᓯᓐᓄᑦ ᑐᓂᓯᒪᕙᕋ, ᐊᖓᔪᖅᑳᕐᔪᐊᖓᓪᓗ ᐅᓇᑕᕐᑐᒃᓴᖁᑎᖏᓪᓗ.