ᒨᓯᓯ ᐂᑉᐸᖏᑦ 23:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐃᓄᒋᐊᖕᓂᕐᓮᑦ ᐅᓄᕐᓂᕐᓴᐅᓂᑐᐃᓐᓇᖏᓐᓄᑦ ᒪᓕᒃᓴᕐᑐᒃᓴᐅᓐᖏᓚᓯ ᓈᒻᒪᖏᑦᑐᒧᑦ ᐱᓇᓱᐊᕐᐸᑕ; ᐅᕝᕙᓘᓐᓃᑦ ᓇᓗᓁᕐᓯᓕᕐᐸᑕ ᐃᓅᖃᑎᒧᑦ ᓈᒻᒪᓈᖏᑦᑐᒥᒃ ᐱᓇᓱᐊᓕᕐᓗᑎᒃ;

ᒨᓯᓯ ᐂᑉᐸᖏᑦ 23:2 Iomraidhean Croise

ᒨᓯᓯ ᓯᕗᓪᓖᑦ 19:4

ᑖᒃᑯᐊᒡᓕ ᓯᓂᒐᓱᓕᓚᐅᕐᑎᓐᓇᒋᒃ ᓱᓕ, ᐃᒡᓗᒐᓴᖕᒥᐅᑦ ᐊᖑᑎᑦ, ᓱᑑᒪᒥᐅᑦ ᐃᓅᓱᒃᑐᑦ ᐃᓄᑐᕾᓪᓗ, ᓘᑎᐅᑉ ᐃᒡᓗᖓ ᐃᓗᕚᑦ ᓯᓚᑖᓂᑦ.

ᒨᓯᓯ ᓯᕗᓪᓖᑦ 6:12

ᒎᑎᐅᓪᓗ ᓄᓇᕐᔪᐊᖅ ᑕᑯᒐᒥᐅᒃ, ᑕᑯᒋᑦ ᐋᖅᑭᑦᓯᐊᕐᓯᒪᖏᑦᑐᐊᓘᓕᓚᐅᕐᐳᖅ; ᐃᓄᓕᒫᑦ ᐃᓅᓯᖃᓕᓚᐅᕐᒪᑕ ᓈᒻᒪᖏᑦᑐᐃᓐᓇᕐᒥᒃ ᐱᓇᓱᐊᓕᕐᓗᑎᒃ.

ᒨᓯᓯ ᓯᕗᓪᓖᑦ 7:1

ᐊᑕᓂᕐᓗ ᓄᐊᕐᒧᑦ ᐅᖃᕐᐳᖅ, “ᐅᒥᐊᕐᔪᐊᒧᑦ ᐃᑭᓕᕆᑦ, ᐃᓚᓕᒫᑎᑦ ᐃᓚᒋᓗᒋᑦ; ᖃᐅᔨᓯᒪᓕᕋᒪ ᓵᓐᓂ ᓯᓚᕐᔪᐊᓕᒫᒥ ᐃᓱᐊᕐᑐᒥᒃ ᐱᓇᓱᐊᕐᑐᑑᒐᕕᑦ ᒫᓐᓇ ᐃᓅᔪᓂ.

ᐊᑕᓃᑦ ᓯᕗᓪᓖᑦ 19:10

ᑭᐅᕚᓗ, “ᐊᒃᓱᕉᑎᕾᓐᓇᕐᐳᖓ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ, ᐃᓴᕆᐊᓕᒥᐅᑦ ᐃᓄᖏᑕ ᐊᖏᖃᑎᒌᒍᑎᒋᓯᒪᔧᑦ ᕿᒪᒃᓯᒪᓕᕐᒪᑦᔪᒃ, ᑐᓂᕐᕈᓯᕐᕕᖁᑎᑎᓪᓗ ᓯᖁᒥᑉᐰᑦ, ᐅᖃᕐᑎᑎᓪᓗ ᑐᖁᕌᕐᐰᑦ ᓴᕕᒡᔪᐊᒧᑦ; ᐅᕙᖓᓗ, ᐅᕙᖓᑐᐊᖅ, ᐊᒥᐊᒃᑯᑑᕗᖓ, ᐅᕙᓐᓂᒡᓗ ᕿᓂᓕᕐᐳᑦ ᑐᖁᑦᓯᔪᒪᓪᓗᑎᒃ.”

ᔫᐱᐅᑉ ᐊᒡᓚᖏᑦ 31:34

ᐃᓄᒐᓴᖕᓄᑦ ᓴᖅᑭᑦᑕᕆᐊᒃᓴᖅ ᓯᕘᕋᓂᕐᒧᑦ, ᐅᖃᐅᓯᐅᑲᑕᒋᐊᒃᓴᕐᓗ ᐃᒡᓗᒥᐅᑎᒌᓄᑦ ᑲᑉᐱᐊᓱᖕᓂᕐᒧᑦ, ᐅᖃᕐᑍᓕᒪᓂᕐᒧᑦ, ᐊᖏᕐᕋᓐᓂᑦ ᐊᓂᑦᑍᓕᒐᔭᕈᒪ.

ᐃᓐᖏᕈᑎᑦ 72:2

ᐃᓄᖁᑎᖕᓂᒃ ᐱᓇᓱᐊᕐᕕᖃᖁᓪᓗᒍ ᐃᓱᐊᕐᑐᒥᒃ, ᐊᔪᕐᓴᕐᑐᖁᑎᑎᓪᓗ ᐊᑦᔨᒌᒃᑐᒥᒃ ᐱᓇᓱᐊᕐᕕᐅᖁᓪᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:15

ᐃᕐᓃᒃ, ᑍᒤᓕᐅᕐᑐᓄᑦ ᐱᖃᑕᐅᑦᑍᓕᒋᑦ, ᐃᑎᒐᑎᑦ ᐊᖅᑯᑎᖏᓐᓂᒃ ᒪᓕᒃᑍᓕᓕᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:5

ᐱᐅᖏᑦᑐᓂᒃ ᐊᑦᔨᒌᓐᖏᑎᑦᓯᓂᖅ ᐱᐅᓐᖏᓚᖅ, ᐃᓱᐊᕐᑐᕐᓗ ᐊᑦᔨᒌᒃᑎᑦᓯᑦᑍᓕᑎᓪᓗᒍ ᐱᐅᖏᓐᓂᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:14

ᐱᐅᖏᑦᑐᑦ ᐊᖅᑯᓯᓂᖓᓄᑦ ᐃᑎᕐᑍᓕᒋᑦ, ᐱᐅᖏᑦᑐᓪᓗ ᐊᑐᕐᑕᖓᑦᑎᒍᑦ ᐃᓅᑦᑍᓕᓗᑎᑦ.

ᔨᕆᒤᐊᐅᑉ ᐊᒡᓚᖏᑦ 37:15

ᔨᕆᒤᐊᓗ ᐊᑲᐅᒋᖏᒻᒪᕆᓕᕐᐹᑦ ᐋᓐᓂᕐᓯᕐᑕᐅᑎᓪᓗᒍᓗ ᑎᒍᔭᐅᓯᒪᕕᖕᒧᐊᕐᑕᐅᑎᑉᐹᑦ ᔫᓇᑕᓂᐅᑉ ᑎᑎᕋᕐᑎᐅᑉ ᐃᒡᓗᕈᓯᖓᓄᑦ, ᑖᓐᓇ ᐃᒡᓗᕈᓯᖅ ᑎᒍᔭᐅᓯᒪᕕᓐᖑᕐᑎᓯᒪᒐᒥᑦᔪᒃ.

ᔨᕆᒤᐊᐅᑉ ᐊᒡᓚᖏᑦ 37:21

ᐊᖓᔪᖅᑳᕐᔪᐊᖅ ᔨᑎᑬᐊ ᐱᖁᔨᕗᖅ, ᔨᕆᒤᐊ ᐅᓇᑕᕐᑏᑦ ᖃᐅᔨᓴᕐᑎᖏᑕ ᐃᓂᒋᔭᖓᓂ ᐃᓂᖃᖃᑕᐅᖁᓪᓗᒍ, ᓂᕆᑎᑕᐅᖃᑦᑕᖁᓪᓗᓂᐅᒡᓗ ᓯᓚᒥ ᓂᐅᕕᐊᒃᓴᕆᔭᐅᖃᑦᑕᕐᑐᓂᒃ ᓂᐊᖂᔭᓂᒃ ᓄᖑᕈᑎᖏᓐᓂᖏᓐᓂ, ᑕᕝᕙ ᔨᕆᒤᐊ ᐅᓇᑕᕐᑏᑦ ᖃᐅᔨᓴᕐᑎᖏᑕ ᓇᔪᕐᑕᖓᓐᓂ ᐃᓂᖃᓕᓚᐅᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 38:9

“ᐊᑕᓂᕋ ᐊᖓᔪᖅᑳᕐᔪᐊᕋ, ᔨᕆᒤᐊᒥᒃ ᒎᑎᐅᑉ ᐅᖃᕐᑎᖓᓂᒃ ᐴᕐᓯᔪᕕᓃᑦ ᓈᒻᒪᖏᑦᑐᐊᓗᖕᒥᒃ ᐱᓇᓱᐊᕐᓯᒪᕗᑦ, ᐃᒥᕐᑕᕐᕕᖕᒧᑦ ᐴᕐᑕᐅᓐᓂᕐᒪᑦ ᐱᕐᓕᕐᓯᐊᕆᓪᓗᒍ ᓂᐊᖂᔭᖃᕈᓐᓃᕐᒪᑦ ᐃᒡᓗᒐᓴᒡᔪᐊᓂ.”

ᐃᓯᑭᐊᓕᐅᑉ ᐊᒡᓚᖏᑦ 9:9

ᑕᕝᕙ ᐅᖃᐅᑎᕚᖓ, “ᐃᓴᕆᐊᓕᐅᑉ ᔫᑕᐅᓪᓗ ᑭᖑᕚᖏᑦ ᐸᓯᔭᒃᓴᐅᓗᐊᕐᒪᑕ; ᓄᓇ ᐊᐅᖕᒥᒃ ᑕᑕᒻᒪᑦ, ᐃᒡᓗᒐᓴᒡᔪᐊᕐᒥᐅᓪᓗ ᐊᑦᔨᒌᒃᑎᑦᓯᓇᑎᒃ; ᐅᖃᖃᑦᑕᕐᒪᑕ, ‘ᐊᑕᓂᖅ ᓄᓇᒥᒃ ᖁᔭᓈᕐᓯᕗᖅ, ᑕᑯᓐᓇᕈᓐᓃᕐᓗᓂᓗ.’

ᒨᓯᓯ ᐱᖓᔪᖏᑦ 19:15

ᓱᓕᑦᓯᐊᕐᑐᒥᒃ ᐱᓂᐊᕐᓂᖃᕆᑦ; ᐃᓔᓐᓇᕐᓯᐅᕐᓂᐊᕐᓇᒃ ᐃᓄᒃ ᐊᔪᕐᓴᕐᑐᑦ ᐱᓪᓗᒋᑦ ᐊᔪᕐᓴᖏᑦᑐᓪᓗ ᐱᓪᓗᒋᑦ, ᐃᓅᖃᑎᑎᑦ ᐊᑦᔨᒌᒃᑐᒥᒃ ᐱᓂᐊᕐᓂᖃᕐᕕᒋᔭᕆᐊᖃᕐᐸᑎᑦ.

ᕼᐊᒊᑉ ᐊᒡᓚᖏᑦ 1:4

“ᐊᑲᐅᓈᕐᓯᒪᕚ ᐃᓕᑦᓯ ᐃᒡᓗᖃᑦᓯᐊᕐᑐᐊᓘᑎᓪᓗᓯ, ᐊᑕᓂᐅᑉ ᐃᒡᓗᖓ ᓱᕋᒃᓯᒪᑎᓪᓗᒎ?

ᒫᑯᓯᐅᑉ ᐊᒡᓚᖏᑦ 15:15

ᐰᓛᑑᓯ, ᐃᓄᒐᓴᒡᔪᐊᓂᒃ ᓈᒻᒪᒋᔭᐅᔪᒪᒐᒥ, ᐸᕋᐹᓯ ᐊᓂᑎᑉᐹ ᑎᒍᔭᐅᓯᒪᕕᖕᒥᑦ; ᔩᓱᓯ ᑏᒐᕐᑐᕐᑕᐅᖁᓚᐅᕐᓗᒍ, ᐂᑦᑑᑎᒋᕚ ᑭᑭᐊᒃᑐᕐᑕᐅᖁᓪᓗᒍ.

ᓘᑲᓯᐅᑉ ᐊᒡᓚᖏᑦ 23:51

ᑖᓐᓇ ᑲᑎᒪᔨᐅᖃᑎᒥᓂᒃ ᐊᖏᖃᑎᖃᓚᐅᓐᖏᓚᖅ ᐱᑦᔪᑎᒋᔭᖏᓐᓂᒃ ᐱᓂᐊᕐᓂᖏᓐᓂᒡᓗ, ᒎᑎᐅᑉ ᐊᑕᓂᐅᕕᖓᑕ ᑎᑭᑦᓱᒫᕐᓂᖓᓂᒃ ᓂᕆᐅᒋᔭᖃᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 24:27

ᐊᕐᕌᒎᒃ ᒪᕐᕉᒃ ᐊᓂᒍᕐᑎᓪᓗᒋᒃ, ᕖᓕᒃᓯ ᑭᖑᕝᕕᕐᑕᐅᕗᖅ ᐴᑭᐅᓯ ᕕᓯᑕᓯᒧᑦ; ᕖᓕᒃᓯ ᔫᑎᓄᑦ ᐊᑲᐅᒋᔭᐅᔪᒪᒐᒥ, ᐸᐅᓗᓯ ᑎᒍᔭᐅᓯᒪᕕᖕᒦᑏᓐᓇᕐᐹ.

ᐋᐴᓯᑕᓖᑦ ᐱᓂᐊᕐᓂᖏᑦ 25:9

ᕕᓯᑕᓯ ᔫᑎᓄᑦ ᐊᑲᐅᒋᔭᐅᔪᒪᓪᓗᓂ, ᐸᐅᓗᓯ ᐊᐱᕆᕚ, “ᖃᓄᐃᒃᓴᕋᔭᓐᖏᓚᑏᑦ ᔨᕉᓴᓕᒻᒧᐊᕐᓗᑎᑦ, ᑕᒪᒃᑯᐊ ᑍᑲᓂ ᐃᓚᐅᑎᓪᓗᖓ ᐃᖅᑲᕐᑐᕐᑕᐅᑦᔪᑎᒋᒐᓗᐊᕈᕕᒋᑦ?”

ᕉᒪᒥᐅᓄᑦ 1:32

ᒎᑎᐅᑉ ᐊᑐᕐᑕᐅᖁᔭᖓ ᓈᒻᒪᓈᕐᓯᒪᔪᖅ ᖃᐅᔨᒪᒐᓗᐊᕐᐹᑦ ᑍᒤᓕᐅᕐᑐᑦ ᑐᖁᑕᒃᓴᐅᓂᖏᓐᓂᒃ, ᑕᒪᒃᑯᓂᖓᓕ ᐊᑐᑐᐃᓐᓇᓐᖏᓚᑦ ᐊᓯᒥᖕᓂᒡᓕ ᐊᒡᓛᑦ ᓈᒻᒪᒃᓴᕐᐳᑦ ᑕᒪᒃᑯᓂᖓ ᐊᑐᕐᑐᓂᒃ.

ᒨᓯᓯ ᑕᓪᓕᒪᖏᑦ 1:17

ᐃᓔᓐᓇᖏᓐᓂᒃ ᑕᑉᐱᕐᓱᐃᓗᓯ ᐱᓇᓱᐊᕐᑐᒃᓴᐅᓐᖏᓚᓯ ᐋᖅᑭᒃᓱᐃᓕᕐᑎᓪᓗᓯ; ᐋᖅᑭᒃᓱᐃᔪᒃᓴᐅᕗᓯᓕ ᐊᑦᔨᒌᒃᑎᑦᓯᓗᓯ, ᑭᓇᑐᐃᓐᓇᐅᒐᓗᐊᕐᐸᑦ. ᓇᓪᓕᐊᓐᓂᒡᓘᓐᓃᑦ ᓯᕘᕋᒋᔭᖃᕐᑐᒃᓴᐅᓐᖏᓚᓯ, ᑐᑭᑖᕆᔭᓯ ᒎᑎᒥᑦ ᐱᖕᒪᑕ. ᐃᓕᑦᓯᓐᓄᓪᓕ ᓱᓇᑐᐃᓐᓇᖅ ᐅᖁᒤᓗᐊᕐᐸᑦ, ᑕᕝᕙ ᐅᕙᓐᓄᑦ ᑐᓂᔭᒃᓴᕆᕙᓯ, ᑕᕝᕙ ᐅᕙᖓ ᑐᑭᑖᕐᕕᒋᓂᐊᕐᐸᒃᑲ.’

ᒨᓯᓯ ᑕᓪᓕᒪᖏᑦ 16:19

ᐃᓄᖕᓂᒃ ᐋᖅᑭᒃᓱᐃᓂᖅ ᐱᑦᓯᐊᕆᐊᖃᕐᐳᖅ; ᐃᓔᓐᓇᕐᓯᐅᕐᓗᑎᒃ ᐋᖅᑭᒃᓱᐃᔪᒃᓴᐅᓐᖏᓚᑦ; ᓯᓔᕐᕆᒃᓯᓇᓱᐊᕐᑐᓂᒡᓗ ᒪᓕᒃᓴᕐᑐᒃᓴᐅᓐᖏᓚᑦ, ᑐᓂᕐᕈᑎᒋᔭᐅᔪᑦ ᓯᓔᕐᕆᒃᓯᕈᑕᐅᓇᓱᐊᕐᓗᑎᒃ ᑕᑯᓐᓇᕈᓐᓃᕐᑎᑦᓯᔪᓐᓇᕐᒪᑕ ᐊᒡᓛᑦ ᓯᓚᑐᔪᓂᒃ ᐱᑦᓯᐊᕋᓱᒃᑐᓂᒡᓗ ᐊᒡᓛᑦ, ᓈᒻᒪᓈᖏᑦᑐᓂᒡᓗ ᐃᓱᒪᑖᕐᑎᑦᓯᓕᕈᓐᓇᕐᓗᑎᒃ.

ᒨᓯᓯ ᑕᓪᓕᒪᖏᑦ 24:17

“ᓄᓇᖅᑲᑎᑐᖃᕆᓐᖏᑕᕕᑦ ᐃᓕᐊᕐᔪᐃᓪᓗ ᐱᔪᓐᓇᕐᓂᕆᔭᕆᐊᖃᕐᑕᖏᓐᓂᒃ ᓄᖅᑲᕐᑎᑦᓯᓇᓱᐊᕐᑐᒃᓴᐅᓐᖏᓚᑎᑦ; ᐅᐃᒡᒐᕐᓃᓪᓗ ᐊᓐᓄᕌᖏᓐᓂᒃ ᐱᔪᒃᓴᐅᓐᖏᓚᑎᑦ ᐊᑐᕐᑕᖏᓐᓄᑦ ᐅᑎᕐᑎᑦᓯᔭᕆᐊᖃᕐᓂᖓᓂᒃ ᓇᓗᓁᒃᑯᑕᐅᑎᓐᓇᓱᐊᕐᓗᒍ.

ᔮᓱᐊᑉ ᐊᒡᓚᖏᑦ 24:15

ᐊᑕᓂᕐᓕ ᐱᔨᑦᓯᕈᒪᓂᐊᖏᒃᑯᑦᓯᐅᒃ, ᐅᓪᓗᒥ ᑐᑭᑖᓕᕆᑦᓯ ᑭᓇᒥᒃ ᐱᔨᑦᓯᕐᓂᐊᕐᒪᖔᑦᓯ, ᓯᕗᓕᓯ ᒎᑎᒋᓚᐅᕐᑕᒋᓐᓂᒃ ᑐᒃᓯᐊᕐᕕᒋᖃᑦᑕᓚᐅᕐᑕᖏᓪᓗ ᑰᑉ ᐊᑭᐊᓂ, ᐅᕝᕙᓗ ᐊᒧᕅᒥᐅᑦ ᒎᑎᖏᓐᓂᒃ, ᒫᓐᓇ ᑖᒃᑯᐊ ᓄᓇᖓᓂ ᓄᓇᖃᓕᕋᑦᓯ; ᐅᕙᖓᓕ ᐃᒡᓗᒥᐅᖃᑎᒃᑲᓗ, ᐊᑕᓂᖅ ᐱᔨᑦᓯᕐᓂᐊᕐᐸᕗᑦ.”

ᓴᒧᐃᓕ ᓯᕗᓪᓖᑦ 15:24

ᓴᐅᓕᓗ ᐅᖃᓕᕐᐳᖅ ᓴᒧᐃᓕᒧᑦ, “ᐊᔪᕐᑐᓕᓚᐅᕐᐳᖓ; ᐊᑕᓂᐅᑉ ᐅᖃᐅᓯᖏᑦ ᓱᕋᓚᐅᕐᐸᒃᑲ ᐅᖃᐅᓯᕐᑎᓪᓗ, ᐃᓄᖕᓂᒃ ᓯᕘᕋᓚᐅᕋᒪ ᓂᐱᖏᓪᓗ ᓈᓚᖔᓕᓚᐅᕋᒃᑭᑦ.

ᓴᒧᐃᓕ ᓯᕗᓪᓖᑦ 15:9

ᓴᐅᓕᐅᓪᓕ ᐃᓚᖏᑕᓗ ᐋᒑᒡ ᑐᖁᓐᖏᓛ, ᓰᐱᓪᓗ ᐱᐅᓂᕐᐹᖏᑦ, ᐃᒻᒧᒃᓯᐅᒊᓪᓗ, ᖁᐃᒃᓯᓴᕐᓯᒪᔪᓪᓗ ᓰᐱᐅᑉ ᓄᕐᕋᖏᑦ, ᐊᓯᖏᓪᓗ ᐱᐅᔫᑏᑦ, ᐊᓯᕈᕈᒪᓚᐅᓐᖏᓔᑦ; ᐊᓯᖏᓪᓕ ᐱᐅᖏᑦᑐᑦ ᐊᑑᑎᒃᓴᖃᖏᑦᑐᓪᓗ ᐊᓯᕈᕐᐰᑦ.