ᒨᓯᓯ ᐂᑉᐸᖏᑦ 23:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ “ᐱᕈᕐᓰᕕᖁᑎᕕᑦ ᐱᕈᕐᑎᑕᖏᑕ ᓯᕗᓪᓕᕐᐹᖏᓐᓂᒃ ᑐᓂᓯᔪᒃᓴᐅᕗᑎᑦ ᐊᑕᓂᕐᒧᑦ ᒎᑎᖕᓄᑦ. “ᓰᐱᐅᑉ ᒎᑦᓯᐅᓪᓘᓐᓃᑦ ᓄᕐᕋᖓᓂᒃ ᐆᔪᓕᐅᕐᑐᒃᓴᐅᓐᖏᓚᑎᑦ ᐊᓈᓇᖓᑕ ᐃᒻᒧᖓᓄᑦ.”

ᒨᓯᓯ ᐂᑉᐸᖏᑦ 23:19 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 10:35

ᐊᒻᒪ ᒪᓕᒐᒃᓴᓕᐅᕆᕗᒍᑦ ᓄᓇᖁᑎᑦᑕ ᓯᕗᓪᓕᕐᐹᒥᒃ ᐱᕈᕐᑎᑕᖏᑦ ᓇᐹᕐᑐᐃᓪᓗ ᐸᐅᕐᖓᖏᑕ ᓯᕗᓪᓕᕐᐹᒥᒃ ᐱᕈᕐᑎᑕᓕᒫᖏᑦ, ᐊᕐᕌᒍᑕᒫᑦ, ᑐᓂᖃᑦᑕᕈᒪᓪᓗᑎᒍ ᐊᑕᓂᐅᑉ ᐃᒡᓗᖓᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 10:36

ᐊᒻᒪ ᒎᑎᐅᑉ ᐃᒡᓗᖓᓄᑦ ᐂᑎᑦᓯᖃᑦᑕᕐᓂᐊᕐᐳᒍᑦ, ᓯᕗᓪᓕᕐᐹᒥᒃ ᐃᕐᓂᕐᑖᕆᔭᑦᑎᓐᓂᒃ ᑐᓂᕐᕈᓯᕐᑎᑦᓯᔨᓄᑦ ᑐᒃᓯᐊᕐᕕᒡᔪᐊᕐᒦᑦᑐᓄᑦ ᒎᑎᒧᑦ ᑐᓂᕐᕈᑎᒋᓗᒋᑦ, ᑍᒫᒃ ᐱᖁᔭᑦᑎᓐᓂ ᐱᖁᔭᐅᓂᕗᑦ ᒪᓕᒡᓗᒍ, ᐃᒻᒧᒃᓯᐅᒐᖁᑎᑦᑕᓗ ᓰᐱᖁᑎᑦᑕᓗ ᒎᑦᓯᖁᑎᑦᑕᓗ ᓯᕗᓪᓕᕐᐹᒥᒃ ᐃᕐᓂᐊᕆᖅᑳᕐᑕᖏᓐᓂᒃ ᑐᓂᕐᕈᑎᖃᖃᑦᑕᕈᒪᓪᓗᑕ, ᒎᑎᑦᑕ ᐃᒡᓗᖓᓄᑦ.

ᒨᓯᓯ ᐂᑉᐸᖏᑦ 22:28

“ᒎᑎᒥᒃ ᐅᖃᕐᓂᕐᓘᑎᖃᕐᑐᒃᓴᐅᓐᖏᓚᓯ, ᐃᓅᖃᑎᑦᓯᓐᓄᓪᓗ ᐊᖓᔪᖅᑳᖑᔪᒥᒃ ᓯᕗᓂᕐᓗᖁᔨᔪᒃᓴᐅᓐᖏᓚᓯ.

ᒨᓯᓯ ᐂᑉᐸᖏᑦ 22:29

“ᐱᕈᕐᑐᕕᓂᕐᓂᑦ ᑲᑎᕐᓱᐃᓕᕈᑦᓯ ᓯᕗᓪᓕᕐᐹᒥᒃ ᑲᑎᕐᓱᕐᑕᕕᓂᑦᓯ ᐱᐅᓂᕐᐹᖏᓐᓂᒃ ᑐᓂᕐᕈᓯᕐᓇᓵᕐᑐᒃᓴᐅᓐᖏᓚᓯ ᓇᓪᓕᐊᓐᓂᑐᐃᓐᓇᖅ ᐱᕈᕐᑐᕕᓂᕐᓂᑦ. “ᐃᕐᓂᐊᖑᖅᑳᕐᑐᑦ ᐃᕐᓂᓯ ᐅᕙᓐᓄᑦ ᑐᓂᔭᒃᓴᕆᕙᓯ.

ᒨᓯᓯ ᐂᑉᐸᖏᑦ 34:26

“ᐱᕈᕐᓰᕕᖁᑎᕕᑦ ᓯᕗᓪᓕᕐᐹᒥᒃ ᐱᕈᕐᑎᑕᖏᑦ ᑲᑎᕐᓱᓕᕈᕕᖏᑦ ᐊᕐᕌᒍᑕᒫᑦ ᐊᑕᓂᐅᑉ ᒎᑎᕕᑦ ᐃᒡᓗᖓᓄᑦ ᑐᓂᕐᕈᑎᒋᔭᒃᓴᕆᕙᑎᑦ. “ᓰᐱᐅᑉ ᓄᕐᕋᖓᓂᒃ ᐅᕝᕙᓗ ᒎᑦᓯᒥᒃ ᐆᔪᓕᐅᕐᑐᒃᓴᐅᓐᖏᓚᑎᑦ ᐊᓈᓇᖓᑕ ᐃᒻᒧᖓᓄᑦ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:10

ᐃᓱᐊᕐᑑᑉ ᐆᒪᔪᖁᑎᒥ ᐃᓅᓯᖏᑦ ᑲᒪᒋᑦᓯᐊᕐᐰᑦ, ᐱᐅᖏᑦᑑᓪᓕ ᑲᒪᑦᓯᐊᕐᑑᔭᕐᓂᖏᑦ ᐋᓐᓂᐊᑎᑦᓯᑦᔪᑎᒋᕔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:9

ᐊᑕᓂᖅ ᐅᐱᒋᒍᒃ ᑐᓂᕐᕈᓯᕐᓂᒃᑯᑦ ᐃᓕᖕᓂᑦ ᐱᔪᓄᑦ ᓱᓇᓕᒫᑎᒍᑦ ᐱᕈᕐᑎᑕᕕᑦ ᓯᕗᓪᓕᕐᐹᖏᓐᓂᑦ.

ᔨᕆᒤᐊᐅᑉ ᐊᒡᓚᖏᑦ 10:3

ᐊᓯᑦᓯ ᐃᓕᖅᑯᓯᖏᑦ ᓱᓕᖏᒻᒪᑕ, ᓇᐹᕐᑐᒥᑦ ᓇᑲᑦᓯᒐᒥᒃ, ᓴᓇᓐᖑᐊᕐᑎᐅᓪᓗ ᓴᓇᓕᕐᐹ ᓴᓇᕐᕈᑎᒥᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 44:30

ᑲᑎᕐᓱᕐᑕᐅᔪᓕᒫᑦ ᓯᕗᓪᓕᕐᐹᖏᑕ ᐱᐅᓂᖏᓐᓂᒃ, ᐅᕙᓐᓄᓪᓗ ᑐᓂᔭᐅᔪᓕᒫᓂᒃ ᐊᑦᔨᒌᖏᑦᑐᓂᒃ, ᑐᓂᕐᕈᓯᕐᑎᑦᓯᔩᑦ ᐱᖃᕐᑐᒃᓴᐅᕗᑦ; ᓂᐊᖂᔭᓕᐅᕐᑕᐅᔪᓪᓗ ᓯᕗᓪᓕᕐᐹᖅ ᐆᑕᐅᔪᖅ, ᐊᖏᕐᕋᓯ ᓮᒻᒪᕐᑎᑕᐅᓯᒪᖁᓪᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 48:13

ᑐᓂᕐᕈᓯᕐᑎᑦᓯᔩᑦ ᓄᓇᖁᑎᖏᑕ ᓴᓂᐊᓃᑦᑐᒥᒃ, ᓕᕔᑎᑦ ᓄᓇᖁᑎᑖᕐᑎᑕᐅᔪᒃᓴᐅᕗᑦ 10ᒤᓕᒥᒃ ᑐᑭᒧᖃᕐᑐᒥᒃ, 4ᒤᓕᒥᒡᓗ ᓴᓂᒧᖃᕐᑐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 48:14

ᑖᒃᑯᐊ ᓂᐅᕐᕈᑎᖃᕐᑐᒃᓴᐅᓐᖏᓚᑦ ᑕᐅᕐᓯᐅᑦᔨᔪᒃᓴᐅᓐᖏᓚᓪᓘᓐᓃᑦ ᓄᓇᖁᑎᒥᖕᓂᒃ; ᑕᒪᓐᓇ ᐃᒃᐱᒋᔭᐅᑦᓯᐊᕐᑐᒃᓴᐅᕗᖅ ᓄᓇᐅᑉ ᐱᐅᓂᕐᐹᕆᖕᒪᒍ, ᐊᑕᓂᕐᒧᑦ ᐃᑦᔪᕐᓁᑦᑑᒪᑦ.

ᒨᓯᓯ ᓯᑕᒪᖏᑦ 15:21

ᓯᕗᓪᓕᕐᐹᖅ ᓂᐊᖂᔭᒃᓴᖅ ᓯᖃᓪᓕᔧᑦ ᐊᑕᓂᕐᒧᑦ ᑐᓂᕐᕈᑎᒋᔭᕆᐊᖃᕐᐸᑦ ᐃᓵᒃᑕᕈᑎᒋᓗᒍ ᑭᖑᕚᑦᓯᓐᓄᑦ ᑍᒤᓕᐅᕐᓗᓯ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:20

ᓱᓕᔪᒥᒡᓕ ᙭ᔅᑑᓯ ᑐᖁᖓᔪᓂᑦ ᒪᑭᓯᒪᕗᖅ, ᓯᕗᓪᓕᕐᐹᖑᕗᕐᓗ ᑐᖁᓯᒪᔪᓄᑦ ᑕᒤᓐᓄᑦ ᒪᓕᒐᒃᓴᐅᖁᓪᓗᒍ.

ᒨᓯᓯ ᑕᓪᓕᒪᖏᑦ 14:21

“ᓂᕐᔪᑎᓂᒃ ᐃᒻᒥᖕᓂᒃ ᑐᖁᔪᕕᓂᕐᓂᒃ ᓂᕆᔪᒃᓴᐅᓐᖏᓚᓯ; ᓄᓇᖃᑎᑐᖃᕆᓐᖏᑕᑦᓯᓐᓄᑦ ᓄᓇᑦᓯᓐᓃᑦᑐᒧᑦ ᑐᓂᔪᓐᓇᕐᐸᓯ ᓂᕆᔭᐅᖁᓪᓗᒋᑦ ᑖᒃᑯᓄᖓ, ᐅᕝᕙᓗ ᓄᓇᖃᑎᒋᓐᖏᑕᑦᓯᓐᓄᑦ ᐊᓯᑦᓯᓐᓃᑦᑐᓄᑦ ᓂᐅᕐᕈᑎᒋᔪᓐᓇᕐᐸᓯ; ᐃᓕᑦᓯᓕ ᐊᑕᓂᕐᒧᑦ ᒎᑎᑦᓯᓐᓄᑦ ᐃᓄᖁᑕᐅᕗᓯ ᐃᑦᔪᕐᓁᑦᑑᓪᓗᓯ. “ᒎᑦᓰᑦ ᓄᕐᕋᖓᓂᒃ ᐆᔪᓕᐅᕐᑐᒃᓴᐅᓐᖏᓚᓯ ᐊᓈᓇᖓᑕ ᐃᒻᒧᖓᓄᑦ.”

ᒨᓯᓯ ᑕᓪᓕᒪᖏᑦ 26:10

ᑕᑯᒋᓪᓗ, ᒫᓐᓇ ᐊᑕᓂᕐᒧᑦ ᕾᑦᓯᕗᖓ ᐅᕙᓐᓄᑦ ᑐᓂᓯᒪᔭᖓᑕ ᓄᓇᐅᑉ ᓯᕗᓪᓕᕐᐹᒥᒃ ᐱᕈᕐᑐᕕᓂᖏᓐᓂᒃ.’ “ᑕᕝᕙ ᐃᕕᐅᔭᖅ ᐴᕆᔧᑦ ᐃᓕᓗᒍ ᐊᑕᓂᐅᑉ ᒎᑎᕕᑦ ᓵᖓᓄᑦ, ᑕᕝᕙᓂ ᐅᐱᒋᓗᒍ ᑐᒃᓯᐊᕐᕕᒋᔭᒃᓴᕆᕙᑦ ᐊᑕᓂᖅ ᒎᑏᑦ.

ᒨᓯᓯ ᑕᓪᓕᒪᖏᑦ 26:2

ᑕᕝᕙᓂ ᓯᕗᓪᓕᕐᐹᒥᒃ ᐱᕈᕐᑎᑕᑦᓯᓐᓂ ᐊᑕᓂᐅᑉ ᒎᑎᑦᓯ ᑐᓂᔭᖓᓂᒃ ᐃᓕᑦᓯᓐᓄᑦ, ᑲᑎᑦᓯᓯᒋᐊᕈᑦᓯ ᐊᑐᓂᑦ ᐃᕕᐅᔭᕐᓂᒃ ᐴᒃᓴᑦᓯᓐᓂᒃ ᓇᒃᓴᕐᑐᒃᓴᐅᕗᓯ ᑖᒃᑯᐊᓗ ᓯᕗᓪᓖᕐᐹᒥᒃ ᐲᔭᕐᑕᑎᑦ ᑐᓂᕐᕈᑎᒋᔭᒃᓴᕆᕙᑎᑦ ᑐᒃᓯᐊᕐᕕᖕᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:4

ᑖᒃᑯᐊᓗ ᐃᒻᒥᖕᓂᒃ ᓴᓗᒤᓕᑎᓚᐅᓐᖏᓚᑦ ᐊᕐᓇᓂᒃ ᓄᓕᐊᕐᓂᕐᒧᑦ, ᐃᒻᒥᖕᓂᒃ ᐊᕐᓇᒥᒃ ᐃᓐᓇᖓᖃᑎᖃᓚᐅᕐᓯᒪᓐᖏᓐᓇᒥᒃ; ᓄᕐᕋᐅᔭᖅ ᒪᓕᖃᑦᑕᕐᐹᑦ ᓇᒧᑐᐃᓐᓇᖅ ᐂᓕᕌᖓᑦ; ᑖᒃᑯᐊ ᐊᑭᓕᕐᑕᐅᓪᓗᑎᒃ ᐅᑎᕐᑎᑕᐅᓯᒪᕗᑦ ᐃᓅᖃᑎᓕᒫᒥᖕᓂᑦ ᓯᕗᓪᓕᕐᐹᖑᕗᑦ ᒎᑎᒧᑦ ᓄᕐᕋᐅᔭᕐᒧᓪᓗ ᑐᓂᕐᕈᑕᐅᓯᒪᔪᓂᑦ,