ᒨᓯᓯ ᐂᑉᐸᖏᑦ 23:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ “ᐅᕙᓐᓄᑦ ᑐᓂᕐᕈᓯᐅᑎᒋᔭᕕᑦ ᐊᐅᖓᓂᒃ ᑐᓂᓯᓕᕐᑎᓪᓗᑎᑦ ᓂᐊᖂᔭᒥᒃ ᐳᕙᓪᓚᕐᓴᐅᑎᖃᕐᑐᒥᒃ ᑐᓂᕐᕈᓯᖃᓯᐅᑦᔨᔪᒃᓴᐅᓐᖏᓚᑎᑦ, ᐅᕙᓐᓄᓪᓗ ᓇᓪᓕᐅᓐᓂᕐᓯᐅᕐᓇᐅᑎᓪᓗᒍ ᑐᓂᕐᕈᑕᐅᔫᑉ ᑐᓐᓄᖓᓂᒃ ᐊᒥᐊᒃᑯᑕᖃᕐᑐᒃᓴᐅᓐᖏᓚᖅ ᖃᐅᑎᓪᓗᒍ ᐅᓪᓛᒃᑯᑦ.

ᒨᓯᓯ ᐂᑉᐸᖏᑦ 23:18 Iomraidhean Croise

ᒨᓯᓯ ᐂᑉᐸᖏᑦ 12:10

ᐊᒥᐊᒃᑯᖃᕐᑐᒃᓴᐅᓐᖏᓚᓯᓗ ᑕᕝᕙᓐᖓᑦ ᐅᓪᓛᓐᖑᖅᑳᕐᑎᓐᓇᒍ, ᐊᒥᐊᒃᑯᖃᕐᓂᕈᑦᓯᓕ ᑕᕝᕙ ᐅᓪᓛᓐᖑᕐᑎᓪᓗᒍ ᐃᑯᐊᓪᓚᒡᓗᒍ ᓄᖑᑕᐅᔪᒃᓴᐅᕗᖅ.

ᒨᓯᓯ ᐂᑉᐸᖏᑦ 12:15

ᐊᑕᓂᖅ ᐅᖃᕐᐳᖅ, “ᐅᓪᓗᓂᒃ 7ᓂᒃ ᓂᐊᑰᔭᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᕆᔪᒃᓴᐅᕗᓯ; ᐅᓪᓗᑦ ᓯᕗᓪᓕᕐᐹᖓᓐᓂ ᐳᕙᓪᓚᕐᓴᐅᑎᑦ ᐃᒡᓗᑦᓯᓐᓃᑦᑐᑦ ᐊᓂᑕᐅᔪᒃᓴᐅᕗᑦ, ᓇᓪᓕᐊᑦ ᐳᕙᓪᓚᕐᓴᐅᑎᖃᕐᑐᒥᒃ ᓂᕆᔪᖅ, ᑖᒃᑯᐊ ᐅᓪᓗᑦ 7 ᓈᓚᐅᕐᑎᓐᓇᒋᑦ, ᑖᓐᓇ ᐃᓴᕆᐊᓕᒥᐅᓄᑦ ᐃᓄᖁᑎᓐᓄᑦ ᐃᓚᒋᔭᐅᔪᓐᓃᕐᑐᒃᓴᐅᕗᖅ.

ᒨᓯᓯ ᐂᑉᐸᖏᑦ 12:8

ᑕᒪᑐᒪᓂᓗ ᐅᓐᓄᒥ ᓂᕿᖓ ᓂᕆᔭᐅᔪᒃᓴᐅᕗᖅ, ᐃᑯᒪᒧᑦ ᐆᑕᐅᓯᒪᑎᓪᓗᒍ; ᓂᐊᖂᔭᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᐃᓚᖃᕐᑎᓪᓗᒍ ᐱᕈᕐᑐᕕᓂᕐᓂᒡᓗ ᖃᓯᓕᓇᕐᑐᓂᒃ ᓂᕿᒧᑦ ᐃᓚᒋᔭᐅᓲᓂᒃ ᐃᓚᖃᕐᑎᓪᓗᒍ.

ᒨᓯᓯ ᐂᑉᐸᖏᑦ 16:19

ᒨᓯᓯᐅᓪᓗ ᐅᖃᐅᑎᕔᑦ, “ᓇᓪᓕᐊᑦ ᖃᐅᒃᐸᑦ ᐱᓂᐊᕐᑕᒥᓂᒃ ᐱᓯᒪᔭᕆᐊᖃᓐᖏᓚᖅ.”

ᒨᓯᓯ ᐂᑉᐸᖏᑦ 29:34

ᓂᕿᓂᒡᓕ ᓂᐊᖂᔭᓂᒡᓗ ᑎᓕᓯᓂᕐᒧᑦ ᑐᓂᕐᕈᑕᐅᔪᑦ ᓱᓕ ᐊᒥᐊᒃᑯᖃᕐᑐᖃᕐᐸᑦ ᐅᓪᓛᖑᓕᑎᓪᓗᒍ, ᑕᕝᕙ ᑕᒪᒃᑯᐊ ᐃᑯᐊᓪᓚᒃᑕᐅᔪᒃᓴᐅᕗᑦ ᓄᖑᑕᐅᓗᑎᒃ; ᓂᕆᔭᐅᔪᒃᓴᐅᓐᖏᓚᑦ, ᐃᑦᔪᕐᓁᑦᑑᖕᒪᑕ.

ᒨᓯᓯ ᐂᑉᐸᖏᑦ 34:25

“ᓂᐊᖂᔭᒥᒃ ᐳᕙᓪᓚᕐᓴᐅᑎᓕᖕᒥᒃ ᑐᓂᕐᕈᓯᕐᑐᒃᓴᐅᓐᖏᓚᓯ ᐆᒪᔪᒥᒃ ᐊᐅᓕᖕᒥᒃ ᑐᓂᕐᕈᓯᓕᕐᑎᓪᓗᓯ ᐅᕙᓐᓄᑦ, ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᒃ ᓇᓪᓕᐅᑎᓯᒪᑎᓪᓗᒍ ᐆᒪᔫᑉ ᑐᓂᕐᕈᑎᕕᓂᐅᑉ ᐃᓚᖓᓂᒃ ᐅᓪᓛᒧᑦ ᑎᑭᓪᓗᒍ ᐊᒥᐊᒃᑯᖃᕐᑐᒃᓴᐅᓐᖏᓚᓯ.

ᒨᓯᓯ ᐱᖓᔪᖏᑦ 2:11

“‘ᑐᓂᕐᕈᑎᒃᓮᑦ ᓂᐊᖂᔭᑦ ᐊᑕᓂᕐᒧᑦ ᑐᓂᔭᓯ ᓴᓇᓯᒪᔭᕆᐊᖃᕐᐳᑦ ᐳᕙᓪᓚᕐᓴᐅᑎᖃᖏᓪᓗᑎᒃ, ᐳᕙᓪᓚᕐᓴᐅᑏᑦ ᐊᒻᒪᓗ ᕼᐊᓃᑦ ᑐᓂᕐᕈᑎᒃᓴᒧᑦ ᐃᓚᒋᔭᐅᑎᓪᓗᒋᑦ ᐃᑭᑕᐅᔭᕆᐊᖃᖏᒻᒪᑎᒃ ᐊᑕᓂᕐᒧᑦ ᑐᓂᕐᕈᑎᒋᔭᐅᔪᒥ ᐃᑯᒪᒧᑦ.

ᒨᓯᓯ ᐱᖓᔪᖏᑦ 7:12

ᐃᓄᒃ ᑐᓂᕐᕈᑎᖃᕐᐸᑦ ᖁᔭᓕᔪᒪᓂᕐᒧᑦ, ᑐᓂᕐᕈᓯᕆᐊᓪᓚᒍᒪᒃᐸᓪᓗ ᖁᔭᓕᑦᔪᑎᒃᓴᒥᒃ ᑐᓂᓯᔪᒃᓴᐅᕗᖅ ᓂᐊᖂᔭᕐᒥᒃ ᐆᓯᒪᔪᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᐅᕐᓱᒥᒡᓗ ᐃᓚᓯᒪᔪᒥᒃ, ᓯᕙᓕᐊᕆᓯᒪᔪᓪᓗ ᐳᕙᓪᓚᕐᓴᐅᑎᖃᖏᓪᓗᑎᒃ ᐅᕐᓱᒥᒃ ᒥᖑᐊᕐᓯᒪᓗᑎᒃ, ᓂᐊᖂᔭᕐᓗ ᓯᖃᓪᓕᑦᓯᐊᕐᓯᒪᔪᒥᒃ ᓂᐊᖂᔭᕐᒥᒃ ᐅᐊᕈᑦᓯᕐᓯᒪᔪᒃᓴᐅᕗᖅ ᐅᕐᓱᒥᒃ ᐃᓚᖃᕐᓗᓂ.

ᒨᓯᓯ ᐱᖓᔪᖏᑦ 7:15

ᓂᕿ ᑐᓂᕐᕈᑕᐅᓯᒪᔪᖅ ᐃᓚᒋᔭᐅᑦᓯᐊᕈᒪᓂᕐᒧᑦ ᖁᔭᓕᓂᕐᒧᓪᓗ ᓂᕆᔭᐅᔭᕆᐊᖃᕐᐳᖅ ᐅᓪᓗᒥ ᑕᕝᕙᓂ ᑐᓂᕐᕈᓯᕐᕕᐅᔪᒥ. ᐊᒥᐊᒃᑯᖃᕆᐊᖃᕋᓂᓗ ᐅᓪᓛᒥ ᐅᓪᓘᑉ ᐂᑉᐸᖓᓂ.

ᒨᓯᓯ ᑕᓪᓕᒪᖏᑦ 16:4

ᐅᓪᓗᓂᒃ 7ᓂᒃ ᓄᓇᒋᔭᑦᓯᓐᓂ ᐃᓘᓐᓇᑦᓯᐊᖓᓂ ᐳᕙᓪᓚᕐᓴᐅᑎᑕᖃᕐᑐᒃᓴᐅᓐᖏᓚᖅ ᐊᑐᓂᑦ ᐊᖏᕐᕋᕆᔭᖏᓐᓂ; ᐃᑯᐊᓚᑎᑦᓯᓂᒃᑯᑦ ᑐᓂᕐᕈᑎᕕᓂᕐᒥᒃ ᐅᓐᓄᒥᓗ ᑕᕝᕙᓂ ᑐᓂᕐᕈᑕᐅᔪᕕᓂᐅᑉ ᓂᕿᖓ ᐅᓪᓗᒥ ᑕᕝᕙᓂᑦᓮᓐᓇᖅ ᓂᕆᔭᐅᔪᒃᓴᐅᕗᖅ ᓄᖑᑕᐅᓗᓂ.