ᒨᓯᓯ ᐂᑉᐸᖏᑦ 23:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ “ᐊᕐᕌᒍᒥ ᐊᑕᐅᓯᕐᒥ ᐱᖓᓱᐃᕐᑐᕐᓗᓯ ᓇᓪᓕᐅᓐᓂᕐᓯᐅᕐᑐᒃᓴᐅᕗᓯ ᐅᕙᓐᓂᒃ ᐅᐱᒍᓲᑎᒃᓴᐅᔪᓂᒃ.

ᒨᓯᓯ ᐂᑉᐸᖏᑦ 23:14 Iomraidhean Croise

ᐊᑕᓃᑦ ᓯᕗᓪᓖᑦ 9:25

ᐊᕐᕌᒍ ᐱᖓᓱᐊᕐᑎᕐᓗᓂ ᓲᓗᒨᓂ ᑐᓂᕐᕈᓯᕐᐸᓚᐅᕐᐳᖅ ᐃᑯᐊᓚᑎᑕᒃᓴᓂᒃ ᑐᒃᓯᐊᕈᑎᓂᒡᓗ ᓮᒻᒪᕐᑎᑕᐅᔪᒪᑦᔪᑎᓂᒃ ᑐᓂᕐᕈᓯᕐᕕᖕᒥ ᓴᓇᓚᐅᕐᑕᒥᓂ ᐊᑕᓂᕐᒧᑦ, ᑎᐱᑦᓯᐊᕆᒃᓴᐅᑎᓂᒡᓗ ᐃᑯᐊᓚᑎᑦᓯᕙᒡᓗᓂ ᐊᑕᓂᕐᒧᑦ. ᑕᕝᕙ ᐱᔭᕇᓕᓚᐅᕐᐳᖅ ᑐᒃᓯᐊᕐᕕᒡᔪᐊᒥᒃ ᓴᓇᓪᓗᓂ.

ᑯᕉᓂᑲ ᐂᑉᐸᖏᑦ 8:13

ᖃᐅᑕᒫᕐᓯᐅᑎᑦ ᒪᓕᒡᓗᒋᑦ, ᑐᓂᕐᕈᓯᕐᐳᖅ ᒨᓯᓯᐅᑉ ᐱᖁᔭᖏᑦ ᒪᓕᒡᓗᒋᑦ ᓴᐸᑎᓯᐅᑎᓂᒃ, ᑕᖅᑭᓂᕋᑖᕐᑐᕐᓯᐅᑎᓂᒃ, ᐊᕐᕌᒍᑕᒫᓪᓗ ᐱᖓᓱᓄᑦ ᓇᓪᓕᐅᓐᓂᕐᓯᐅᕕᖕᓄᑦ ᓂᐊᖂᔭᓄᑦ ᐳᕙᓪᓚᕐᓴᐅᑎᖃᖏᑦᑐᓂᒃ ᓇᓪᓕᐅᓐᓂᕐᓯᐅᕐᕕᖕᓄᑦ, ᐱᕈᕐᑐᓪᓗ ᑲᑎᕐᓱᕐᑕᐅᓂᖏᓐᓄᑦ ᓇᓪᓕᐅᓐᓂᕐᓯᐅᕐᕕᖕᓄᑦ, ᑐᐱᕐᒦᖃᑦᑕᓚᐅᕐᓂᕐᒧᓪᓗ ᓇᓪᓕᐅᓐᓂᕐᓯᐅᕐᕕᖕᓄᑦ.

ᒨᓯᓯ ᐂᑉᐸᖏᑦ 23:17

ᐊᕐᕌᒍᒥ ᐊᑕᐅᓯᕐᒥ ᐱᖓᓱᐃᕐᑐᕐᓗᑎᒃ ᐊᖑᑎᓕᒫᑦ ᑐᒃᓯᐊᕆᐊᖃᑦᑕᕐᑐᒃᓴᐅᕗᑦ ᐊᑕᓂᕐᒧᑦ ᒎᑎᒧᑦ.

ᒨᓯᓯ ᐂᑉᐸᖏᑦ 34:17

“ᒎᑎᓐᖑᐊᓂᒃ ᓴᕕᕋᔭᖕᓂᒃ ᓴᓇᔪᒃᓴᐅᓐᖏᓚᓯ ᑐᒃᓯᐊᕐᕕᖃᕐᑐᒃᓴᐅᓇᓯᓗ.

ᒨᓯᓯ ᐂᑉᐸᖏᑦ 34:18

“ᓂᐊᑰᔭᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓇᓪᓕᐅᓐᓂᕐᓯᐅᕐᕕᒃ ᑲᒪᒋᓯᐊᖏᓐᓇᕋᒃᓴᕆᕙᓯ, ᑕᒪᓐᓇ ᐃᓕᑦᓯᓐᓄᑦ ᐊᑐᕐᑕᐅᖁᓯᒪᒐᒃᑯ, ᓂᐊᖂᔭᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᕿᖃᕐᑐᒃᓴᐅᕗᓯ ᐅᓪᓗᓂᒃ 7ᓂᒃ ᑕᖅᑭᖅ ᐊᐱᑉᒥᒃ ᐊᑎᓕᒃ ᐊᑐᕐᑎᓪᓗᒍ; ᑕᕝᕙᓂ ᑕᖅᑭᒥ ᐊᐱᑉᒥ ᐄᑦᔨᑉᑎᒥᑦ ᐊᐅᓪᓚᓚᐅᕋᑦᓯ.

ᐃᓯᑭᐊᓕᐅᑉ ᐊᒡᓚᖏᑦ 46:9

“ᐃᓄᐃᓪᓕ ᐊᑕᓂᕐᒧᐊᕈᑎᒃ ᓇᓪᓕᐅᓐᓂᕐᓯᐅᕐᓇᐅᑎᓪᓗᒍ, ᐅᓐᓄᐊᓪᓗᐊᑉ ᓇᓛᓃᑦᑐᒃᑯᑦ ᐃᑎᕐᑐᕕᓃᑦ ᐊᓂᔪᒃᓴᐅᕗᑦ ᐅᓪᓗᓪᓗᐊᑉ ᓇᓛᓃᑦᑐᒃᑯᑦ ᐃᑎᕐᑕᕐᕕᒃᑯᑦ; ᐅᓪᓗᓪᓗᐊᓪᓗ ᓇᓛᓃᑦᑐᒃᑯᑦ ᐃᑎᕐᑐᕕᓃᑦ ᐅᓐᓄᐊᓪᓗᐊᑉ ᓇᓛᓃᑦᑐᒃᑯᑦ ᐊᓂᔪᒃᓴᐅᕗᑦ; ᓇᓪᓕᐊᑦ ᐃᑎᕐᕕᒋᓚᐅᕐᑕᒥᒍᑦ ᐊᓂᔪᒃᓴᐅᓐᖏᓚᖅ, ᐃᑎᕐᕕᒋᓚᐅᑕᖏᑕᓕ ᐊᑭᓪᓗᐊᖓᒍᑦ ᐊᓂᔪᒃᓴᐅᕗᑦ.

ᒨᓯᓯ ᐱᖓᔪᖏᑦ 23:16

ᐅᓪᓗᐃᑦ 50ᖓᓐᓂᒃ, ᑖᒃᑯᐊ ᐱᓇᓱᐊᕈᓰᑦ 7 ᑭᖑᓂᖓᓂ ᓴᐸᑎᐅᑉ ᓯᕗᓪᓕᕐᐹᑉ ᖃᐅᑐᐃᓐᓇᖓᓂ, ᑐᓂᕐᕈᓯᕐᑐᒃᓴᐅᕗᓯ ᐊᑕᓂᕐᒧᑦ ᐱᕈᕐᑐᓂᒃ ᓂᐊᖂᔭᒃᓴᓂᒃ ᓄᑖᓂᒃ.

ᒨᓯᓯ ᐱᖓᔪᖏᑦ 23:34

“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ, ᑕᖅᑮᑦ 7ᖓᓐᓂ ᐅᓪᓗᖓᑕ 15ᖓᓐᓂ ᐊᑕᓂᐅᑉ ᓇᓪᓕᐅᓐᓂᕐᓯᐅᕐᕕᖓ ᑐᐱᕐᓯᒪᓂᕐᒧᑦ ᓇᓪᓕᐅᑎᕗᖅ, ᓇᓪᓕᐅᑎᓯᒪᕙᒡᓗᓂ ᐅᓪᓗᓂᒃ 7ᓂᒃ.

ᒨᓯᓯ ᐱᖓᔪᖏᑦ 23:4

ᐅᑯᐊ ᑕᕝᕙ ᐊᑕᓂᐅᑉ ᓇᓪᓕᐅᓐᓂᕐᓯᐅᕐᕕᐅᖁᔭᖏᑦ, ᑐᒃᓯᐊᖃᑎᒌᖕᓂᕐᒧᑦ ᑲᑎᒪᕝᕕᐅᖁᓪᓗᒋᑦ ᐅᖃᐅᓯᕆᔭᕆᐊᖃᕐᐸᓯ ᓇᓪᓕᐅᑎᔭᕌᖓᑕ.”

ᒨᓯᓯ ᐱᖓᔪᖏᑦ 23:5

ᖄᖏᕐᑕᐅᕕᒃ, ᐱᒋᐊᓲᖑᕗᖅ ᐅᓪᓛᒃᑯᑦ ᖃᐅᒻᒪᓕᕐᑎᓪᓗᒍ ᐅᓪᓗᐃᑦ 14ᖓᓂ ᑕᖅᑮᓪᓗ ᓯᕗᓪᓕᕐᐹᖓᓂ.

ᒨᓯᓯ ᑕᓪᓕᒪᖏᑦ 16:1

“ᐊᑕᓂᖅ ᒎᑎᒋᔧᑦ ᐅᐱᓐᓇᕐᓯᑎᑕᒃᓴᕆᕙᑦ ᓇᓪᓕᐅᓐᓂᕐᓯᐅᕐᓗᑎᑦ ᖄᖏᕐᑕᐅᕕᖕᒥᒃ ᑕᖅᑭᒥ ᐊᐱᑉᒥᒃ ᑍᔭᐅᔪᒥ; ᑕᕝᕙᓂ ᑕᖅᑭᒥ ᐅᓐᓄᐊᒃᑯᑦ ᓴᐳᑎᔭᐅᓚᐅᕐᓯᒪᒐᑦᓯ ᐊᐅᓪᓚᕐᑎᑕᐅᓪᓗᓯᓗ ᐄᑦᔨᑉᑎᒥᑦ.

ᒨᓯᓯ ᑕᓪᓕᒪᖏᑦ 16:16

“ᐊᖑᑎᓕᒫᑦ ᐃᓅᖃᑎᒌᒡᔪᐊᓂᑦ ᐱᓯᒪᔪᑦ ᑐᒃᓯᐊᕆᐊᖃᑦᑕᕐᑐᒃᓴᐅᕗᑦ ᐊᑕᓂᕐᒧᑦ ᐱᖓᓱᐃᕐᑐᕐᓗᑎᒃ ᐊᕐᕌᒍᒥ ᐊᑕᐅᓯᕐᒥ ᑕᕝᕙᓂ ᑐᒃᓯᐊᕐᕕᖕᒥ: ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᒥ, ᐱᕈᕐᑐᓂᒃ ᑲᑎᕐᓯᕕᐅᑉ ᓇᓪᓕᐅᓐᓂᕐᓯᐅᕐᑕᐅᓂᖓᓂ, ᑐᐲᓐᓇᕐᒥᓗ ᐃᓂᖃᓚᐅᕐᓂᑦᓯ ᓇᓪᓕᐅᓐᓂᕐᓯᐅᕐᑕᐅᓂᖓᓂ. ᐊᖑᑎᓪᓕ ᐊᑐᓂᑦ ᑐᓂᕐᕈᑎᒃᓴᒥᖕᓂᒃ ᓇᒃᓴᕐᑐᒃᓴᐅᕗᑦ;

ᓴᒧᐃᓕ ᓯᕗᓪᓖᑦ 1:3

ᐊᕐᕌᒍᑕᒫᓪᓕ ᐃᐅᓪᑳᓇ ᐂᕙᓚᐅᕐᐳᖅ ᕌᒪᒥᑦ ᓮᓗᐊᒧᑦ ᑐᓂᕐᕈᓯᕆᐊᕐᑐᕐᓗᓂ ᑐᒃᓯᐊᕆᐊᕐᓗᓂᓗ ᐊᑕᓂᕐᒧᑦ ᐊᔪᒐᖃᖏᑦᑐᒧᑦ, ᕼᐅᐱᓂ ᐱᓂᕼᐋᓯᓗ ᐃᓔᑉ ᐃᕐᓂᖏᒃ ᐃᓚᒋᒡᓗᒋᒃ, ᑖᒃᑯᐊᒃ ᑐᓂᕐᕈᓯᕐᑎᑦᓯᔨᐅᔫᒃ ᐊᑕᓂᕐᒧᑦ.