ᒨᓯᓯ ᐂᑉᐸᖏᑦ 22:30 - ᐊᒡᓔᑦ ᐃᑦᔪᕐᖕᓁᑦᑐᑦ

³⁰ ᑍᒫᑦᓮᓐᓇᕐᑕᐅᖅ ᐱᔪᒃᓴᐅᕗᓯ ᐃᒻᒧᒃᓯᐅᒐᐅᑉ ᐊᖑᓴᓪᓗᖏᓐᓂᒃ ᓰᐱᖁᑎᑦᓯᓐᓂᒡᓗ: ᐊᖑᑎᑦ ᐃᕐᓂᐊᖑᖅᑳᕐᑐᑦ ᐅᓪᓗᓂᒃ 7ᓂᒃ ᐊᓈᓇᒥᓂᑦ ᐊᒫᒪᒃᑐᒃᓴᐅᕗᑦ; ᐅᓪᓗᓪᓕ 8ᖓᓐᓂ ᐅᕙᓐᓄᑦ ᑐᓂᔭᒃᓴᕆᕙᓯ.

ᒨᓯᓯ ᐂᑉᐸᖏᑦ 22:30 Iomraidhean Croise

ᒨᓯᓯ ᓯᕗᓪᓖᑦ 17:12

ᐃᕐᓂᐊᖑᔪᑦ ᐅᓪᓗᖃᓕᕐᐸᑕ ᓯᑕᒪᐅᔪᕐᑐᓂᒃ ᑭᐱᔭᐅᔪᒃᓴᐅᕗᑦ, ᐊᖑᑎᓕᒫᑦ ᑭᖑᕚᑦᓯᓐᓂ, ᐃᓕᑦᓯᓐᓂ ᐃᕐᓂᕐᑖᕆᔭᐅᔪᑦ, ᑮᓇᐅᔭᒧᓪᓗ ᓂᐅᕕᐊᖑᓯᒪᔪᑦ ᐊᒡᓛᑦ ᕿᑐᕐᖓᕆᓐᖏᑕᕋᓗᐊᓯ ᑭᐱᔭᐅᔪᒃᓴᐅᒋᕗᑦ.

ᒨᓯᓯ ᐂᑉᐸᖏᑦ 13:12

ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ ᑐᓂᔭᒃᓴᕆᕙᓯ ᐊᑕᓂᕐᒧᑦ. ᐆᒪᔪᖁᑎᑦᓯᓗ ᐃᕐᓂᐊᕆᖅᑳᕐᑕᖏᑦ ᐊᖑᑎᑦ ᐊᑕᓂᐅᑉ ᐱᖁᑎᒋᕔᑦ.

ᐃᓯᑭᐊᓕᐅᑉ ᐊᒡᓚᖏᑦ 4:14

ᑕᕝᕙ ᑭᐅᕙᕋ, “ᐊᑕᓃᖅ ᒎᑏ! ᑕᑯᒋᑦ, ᓇᖕᒥᓂᖅ ᓇᕐᕈᓇᕐᓯᑎᓚᐅᕐᓯᒪᓐᖏᓚᖓ; ᓄᑕᕋᐅᓂᓐᓂᑦ ᐅᓪᓗᒥᒧᑦ ᑎᑭᓪᓗᒍ ᐆᒪᔪᕕᓂᕐᒥᒃ ᐃᒻᒥᓃᓐᓇᖅ ᑐᖁᔪᕕᓂᕐᒥᒃ ᓂᕆᓚᐅᕐᓯᒪᓐᖏᓚᖓ ᐆᒪᔪᓄᓪᓗ ᑐᖁᑕᕕᓂᕐᒥᒃ, ᓂᕿᒥᒡᓗ ᒪᒪᖏᑦᑐᒥᒃ ᐅᖁᒻᒦᓚᐅᕐᓯᒪᓇᖓ.”

ᒨᓯᓯ ᐱᖓᔪᖏᑦ 11:44

ᐊᑕᓂᐅᒐᒪ ᒎᑎᓯ; ᐃᓕᑦᓯᓐᓂᒃ ᑐᓂᓕᕆᑦᓯ ᐃᑦᔪᕐᓁᓕᕐᓗᓯᓗ, ᐅᕙᖓ ᐃᑦᔪᕐᓁᓐᓇᒪ. ᐃᓕᑦᓯᓐᓂᒃ ᓴᓗᒤᓕᕐᑎᓐᓂᐊᕋᓯ ᐆᒪᔪᐃᑦ ᐹᕐᖑᕐᑐᑦ ᓄᓇᒥ ᐱᑦᔪᑎᒋᓗᒋᑦ.

ᒨᓯᓯ ᐱᖓᔪᖏᑦ 11:45

ᐅᕙᖓ ᐊᑕᓂᐅᒐᒪ ᐄᑦᔨᑉᑎᒥᑦ ᐃᓕᑦᓯᓐᓂᒃ ᐊᐅᓪᓚᕐᑎᑦᓯᓚᐅᕐᑐᖅ ᐃᓕᑦᓯᓐᓄᑦ ᒎᑎᒋᔭᐅᔪᒪᓪᓗᖓ; ᑍᒤᒻᒪᑦ ᐃᑦᔪᕐᓁᒋᑦᓯ, ᐅᕙᖓ ᐃᑦᔪᕐᓁᓐᓇᒪ.

ᒨᓯᓯ ᐱᖓᔪᖏᑦ 12:3

ᐅᓪᓗᑦ 8ᖓᓐᓂ ᓄᑲᑉᐱᐊᑯᓗᒃ ᑖᓐᓇ ᑭᐱᔭᐅᔭᕆᐊᖃᕐᐳᖅ.

ᒨᓯᓯ ᐱᖓᔪᖏᑦ 17:15

“ᓇᓪᓕᐊᑦ ᐃᓴᕆᐊᓕᒥᐅᖅ ᐃᓴᕆᐊᓕᒥᐅᖑᖏᑦᑐᕐᓘᓐᓃᑦ ᓄᓇᖃᖃᑕᐅᔪᖅ ᓂᕆᒃᐸᑦ ᐆᒪᔪᕕᓂᕐᒥᒃ ᑐᖁᖓᔪᕐᓯᐊᕕᓂᕐᒥᓂᒃ ᐆᒪᔪᒧᑦ ᑐᖁᑕᐅᔪᕕᓂᕐᒥᒡᓘᓐᓃᑦ, ᐊᓐᓄᕌᓂ ᐅᐊᓴᕆᐊᖃᕐᐰᑦ ᐃᒥᕐᒧᓪᓗ ᑎᒥᓕᒫᓂ ᐅᐊᓴᕐᓗᒍ, ᐃᓕᖅᑯᓯᖅ ᒪᓕᒡᓗᒍ ᓴᓗᒤᑦᑑᓂᐊᕐᐳᖅ ᐅᓐᓄᒃ ᑎᑭᓪᓗᒍ, ᑭᖑᕐᖓᓂ ᓴᓗᒻᒪᕐᓂᐊᕐᐳᖅ.

ᒨᓯᓯ ᐱᖓᔪᖏᑦ 22:27

“ᐃᒻᒧᒃᓯᐅᒐᐅᑉ ᓄᕐᕋᖓ ᓰᐱᐅᓪᓘᓐᓃᑦ ᓄᕐᕋᖓ ᒎᑦᓯᐅᓪᓘᓐᓃᑦ ᓄᕐᕋᖓ ᐃᕐᓂᐊᖑᕋᑖᕐᑎᓪᓗᒍ, ᐊᓈᓇᒥᓃᑦᓴᕆᐊᖃᕐᐳᖅ ᐅᓪᓗᓂᒃ 7ᓂᒃ. ᐅᓪᓗᐃᓪᓕ 8ᖓᓂ ᐅᖓᑖᓂᓗ ᑕᕝᕙ ᐃᓚᓕᐅᕐᑕᐅᔪᓐᓇᕐᓯᕗᖅ ᐃᑯᐊᓚᑦᓯᓂᒃᑯᑦ ᑐᓂᕐᕈᑕᐅᒃᐸᑦ ᐊᑕᓂᕐᒧᑦ.

ᒨᓯᓯ ᐱᖓᔪᖏᑦ 22:8

ᓂᕆᔭᕆᐊᖃᓐᖏᓚᕐᓕ ᓂᕐᔪᑎᒥᒃ ᐃᒻᒥᓂᒃ ᑐᖁᔪᕕᓂᕐᒥᒃ, ᓂᕐᔪᑎᐅᖃᑎᒥᓂᓪᓘᓐᓃᑦ ᑐᖁᑕᐅᔪᕕᓂᕐᒥᒃ; ᑍᒤᑦᑐᒥᒃ ᓂᕆᒃᐸᑦ ᑕᕝᕙ ᓴᓗᒤᓕᓂᐊᕐᐳᖅ. ᐅᕙᖓ ᐊᑕᓂᐅᒐᒪ.

ᒨᓯᓯ ᐱᖓᔪᖏᑦ 7:23

“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ; ᓂᕆᔭᕆᐊᖃᓐᖏᓚᓯ ᐃᒻᒧᒃᓯᐅᒊᑦ, ᓰᐲᓪᓘᓐᓃᑦ ᒎᑦᓰᓪᓘᓐᓃᑦ ᑐᓐᓄᖏᓐᓂᒃ.

ᒨᓯᓯ ᐱᖓᔪᖏᑦ 7:24

ᐆᒪᔪᐃᑦ ᐃᒻᒥᖕᓂᒃ ᑐᖁᔪᕕᓃᑦ, ᐆᒪᔪᓄᓪᓘᓐᓃᑦ ᑐᖁᑕᐅᔪᕕᓃᑦ ᑐᓐᓄᖏᑦ ᓱᓇᑐᐃᓐᓇᕐᒧᑦ ᐊᑐᕐᑕᐅᔪᓐᓇᕐᐳᑦ, ᑭᓯᐊᓂᓕ ᓂᕆᔭᐅᔭᕆᐊᖃᓐᖏᓚᑦ.

ᒨᓯᓯ ᐱᖓᔪᖏᑦ 7:26

ᓇᓂᓗ ᓄᓇᖃᕋᓗᐊᕈᕕᑦ, ᑎᖕᒥᐊᑉ ᐆᒪᔫᓪᓘᓐᓃᑦ ᐊᐅᖓᓂᒃ ᐊᐅᒃᑐᕐᑐᒃᓴᐅᓐᖏᓚᑎᑦ.

ᒨᓯᓯ ᑕᓪᓕᒪᖏᑦ 14:21

“ᓂᕐᔪᑎᓂᒃ ᐃᒻᒥᖕᓂᒃ ᑐᖁᔪᕕᓂᕐᓂᒃ ᓂᕆᔪᒃᓴᐅᓐᖏᓚᓯ; ᓄᓇᖃᑎᑐᖃᕆᓐᖏᑕᑦᓯᓐᓄᑦ ᓄᓇᑦᓯᓐᓃᑦᑐᒧᑦ ᑐᓂᔪᓐᓇᕐᐸᓯ ᓂᕆᔭᐅᖁᓪᓗᒋᑦ ᑖᒃᑯᓄᖓ, ᐅᕝᕙᓗ ᓄᓇᖃᑎᒋᓐᖏᑕᑦᓯᓐᓄᑦ ᐊᓯᑦᓯᓐᓃᑦᑐᓄᑦ ᓂᐅᕐᕈᑎᒋᔪᓐᓇᕐᐸᓯ; ᐃᓕᑦᓯᓕ ᐊᑕᓂᕐᒧᑦ ᒎᑎᑦᓯᓐᓄᑦ ᐃᓄᖁᑕᐅᕗᓯ ᐃᑦᔪᕐᓁᑦᑑᓪᓗᓯ. “ᒎᑦᓰᑦ ᓄᕐᕋᖓᓂᒃ ᐆᔪᓕᐅᕐᑐᒃᓴᐅᓐᖏᓚᓯ ᐊᓈᓇᖓᑕ ᐃᒻᒧᖓᓄᑦ.”

ᒨᓯᓯ ᑕᓪᓕᒪᖏᑦ 15:19

“ᓴᓂᕐᕔᓯᒪᖃᑦᑕᕐᑐᒃᓴᐅᕗᓯ ᐊᑕᓂᕐᒧᑦ ᒎᑎᑦᓯᓄᑦ ᑐᓂᕐᕈᑎᒃᓴᓕᒫᓂᒃ ᐊᖑᑎᓂᒃ ᐃᕐᓂᐊᕆᔭᐅᖄᕐᓯᒪᔪᓂᒃ ᐃᒻᒧᒃᓯᐅᒐᖁᑎᑦᓯᓐᓄᑦ ᓰᐲᖁᑎᑦᓯᓐᓄᓪᓗ; ᑕᒪᒃᑯᐊ ᐃᒻᒧᒃᓯᐅᒊᑦ ᐃᕐᓂᐊᖑᖅᑳᕐᓯᒪᔪᑦ ᐱᓇᓱᐊᕈᑎᒋᔭᒃᓴᕆᓐᖏᓚᓯ, ᓰᐲᓪᓗ ᐃᕐᓂᐊᖑᖅᑲᕐᓯᒪᔪᑦ ᓴᓕᔭᒃᓴᕆᓇᒋᑦ.