ᒨᓯᓯ ᐂᑉᐸᖏᑦ 22:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑭᓯᐊᓂᓕ ᐱᓯᒪᒃᓯᔪᖅ ᑎᒡᓕᒐᐅᔨᐊᖃᕐᓂᕐᐸᑦ, ᑕᕝᕙ ᐱᖁᑎᓕᖕᒧᑦ ᐊᑭᓖᔭᕆᐊᖃᓕᕋᔭᕐᐳᖅ.

ᒨᓯᓯ ᐂᑉᐸᖏᑦ 22:12 Iomraidhean Croise

ᒨᓯᓯ ᓯᕗᓪᓖᑦ 31:39

ᐆᒪᔪᓂᒃ ᓄᔪᐊᕐᑕᓄᑦ ᐅᒋᐊᕐᑕᐅᔪᖃᕌᖓᑦ, ᐃᓕᖕᓂᑦ ᐱᔭᐅᓂᕋᕐᐸᓚᐅᓐᖏᓚᒃᑲ; ᓇᖕᒥᓂᕐᓕ ᐊᓯᐅᔨᑦᔪᑎᒋᖃᑦᑕᓚᐅᕐᐸᒃᑲ; ᐅᕙᓐᓂᓪᓗ ᑕᒪᒃᑯᓂᖓ ᐊᑭᓕᕐᑕᐅᖁᖃᑦᑕᓚᐅᕐᐸᑎᑦ, ᑎᒡᓕᒃᑕᐅᔪᖃᕐᓂᕐᐸᑦ ᐅᓪᓗᒃᑯᑦ ᐅᓐᓄᐊᒃᑯᓪᓘᓐᓃᑦ.

ᒨᓯᓯ ᐂᑉᐸᖏᑦ 22:11

ᑕᕝᕙ ᐊᖑᑦ ᐰᕆᒃᓯᓚᐅᕐᑐᖅ ᑐᒃᓯᐊᕐᕕᖕᒧᐊᕐᓗᓂ ᐊᑕᓂᐅᑉ ᓵᖓᓂ ᓱᓕᓪᓚᕆᖕᓂᕐᒥᓂᒃ ᓇᓗᓁᕐᓯᔭᕆᐊᖃᕋᔭᕐᐳᖅ ᑎᒡᓕᓚᐅᖏᓐᓂᕐᒥᓂᒃ; ᑕᒪᓐᓇᓗ ᑖᑦᓱᒪ ᐱᖁᑎᓕᐅᑉ ᐊᖏᕆᐊᖃᕋᔭᕐᐹ, ᑖᓐᓇᓗ ᐊᖑᑦ ᐱᓯᒪᒃᓯᓚᐅᕐᑐᖅ ᐊᑭᓖᔭᕆᐊᖃᕋᔭᓐᖏᓚᖅ ᑖᑦᓱᒧᖓ ᐱᖁᑎᓕᖕᒧᑦ.

ᒨᓯᓯ ᐂᑉᐸᖏᑦ 22:13

ᐆᒪᔪᒧᓪᓕ ᐅᒋᐊᕐᑕᐅᓐᓂᕐᐸᑦ, ᑕᕝᕙ ᑐᖁᑕᐅᓯᒪᖕᓂᖓᓂᒃ ᓇᓗᓁᕐᓯᔭᕆᐊᖃᕋᔭᕐᐳᖅ; ᐊᖑᓪᓗ ᐱᓯᒪᒃᓯᓚᐅᕐᑐᖅ ᐆᒪᔪᖁᑎᓕᖕᒧᑦ ᐊᑭᓖᔭᕆᐊᖃᕋᔭᓐᖏᓚᖅ.

ᒨᓯᓯ ᐂᑉᐸᖏᑦ 22:7

“ᐃᓄᒡᓕ ᑮᓇᐅᔭᒥᓂᒃ ᐱᖁᑎᒥᓂᒡᓘᓐᓃᑦ ᐃᓅᖃᑎᒥᓄᑦ ᐱᓯᒪᔭᐅᖁᔨᒃᐸᑦ ᑲᒪᒋᔭᐅᖁᓗᓂᒋᓪᓘᓐᓃᑦ, ᑖᒃᑯᐊᓗ ᑲᒪᒋᔭᐅᖁᔭᖏᖅ ᑎᒡᓕᒐᐅᓐᓂᕐᐸᑕ ᐱᓯᒪᒃᓯᕐᑑᑉ ᐃᒡᓗᖓᓂᑦ, ᑎᒡᓕᒃᑐᕕᓂᕐᓗ ᖃᐅᔨᔭᐅᒃᐸᑦ, ᑖᓐᓇ ᑎᒡᓕᒃᑐᕕᓂᖅ ᐊᑭᓖᔭᕆᐊᖃᓕᕋᔭᕐᐳᖅ ᒪᕐᕈᕕᓪᓗᐊᕐᑐᓂᒃ.