ᒨᓯᓯ ᐂᑉᐸᖏᑦ 22:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ “ᐊᖑᓪᓕ ᐃᓅᖃᑎᒥᓄᑦ ᐱᖁᑎᒥᓂᒃ ᐰᕆᔭᐅᖁᔨᓗᓂ ᑐᓂᓯᒃᐸᑦ ᓯᐅᑎᖅᑯᕐᑐᔪᒥᒃ ᐃᒻᒧᒃᓯᐅᒐᐅᓪᓘᓐᓃᑦ ᐊᖑᓴᓪᓗᖓᓂᒃ ᓰᐱᒥᒡᓘᓐᓃᑦ ᐆᒪᔪᑦ ᓇᓪᓕᐊᓐᓂᑐᐃᓐᓇᖅ, ᑖᓐᓇᓗ ᑲᒪᒋᔭᐅᖁᔭᖓ ᑐᖁᒃᐸᑦ ᐋᓐᓂᕐᐸᓪᓘᓐᓃᑦ ᐊᐅᓚᕈᑦᔭᐅᓐᓂᕐᐸᓪᓘᓐᓃᑦ, ᑭᓇᒧᑦ ᐱᔭᐅᖕᒪᖔᑦ ᑕᑯᔭᐅᓚᐅᖏᓪᓗᓂ,

ᒨᓯᓯ ᐂᑉᐸᖏᑦ 22:10 Iomraidhean Croise

ᒨᓯᓯ ᓯᕗᓪᓖᑦ 39:8

ᔫᓯᐱᓕ ᕿᐱᓗᒃᐳᖅ ᐊᖓᔪᖅᑳᒥᓗ ᓄᓕᐊᖓ ᐅᖃᐅᑎᓪᓗᒍ, “ᑕᑯᒋᑦ, ᐊᖓᔪᖅᑳᒪ ᐃᒡᓗᒥᓂ ᐃᓱᒪᕐᓱᕐᑎᑦᓯᐊᕐᐹᖓ ᐃᓱᒫᓗᖏᑦᓯᐊᕐᓗᓂᓗ, ᐱᖁᑎᓕᒫᒥᓄᓪᓗ ᑲᒪᔨᓐᖑᕐᑎᓯᒪᓪᓗᖓ;

ᒨᓯᓯ ᐂᑉᐸᖏᑦ 22:11

ᑕᕝᕙ ᐊᖑᑦ ᐰᕆᒃᓯᓚᐅᕐᑐᖅ ᑐᒃᓯᐊᕐᕕᖕᒧᐊᕐᓗᓂ ᐊᑕᓂᐅᑉ ᓵᖓᓂ ᓱᓕᓪᓚᕆᖕᓂᕐᒥᓂᒃ ᓇᓗᓁᕐᓯᔭᕆᐊᖃᕋᔭᕐᐳᖅ ᑎᒡᓕᓚᐅᖏᓐᓂᕐᒥᓂᒃ; ᑕᒪᓐᓇᓗ ᑖᑦᓱᒪ ᐱᖁᑎᓕᐅᑉ ᐊᖏᕆᐊᖃᕋᔭᕐᐹ, ᑖᓐᓇᓗ ᐊᖑᑦ ᐱᓯᒪᒃᓯᓚᐅᕐᑐᖅ ᐊᑭᓖᔭᕆᐊᖃᕋᔭᓐᖏᓚᖅ ᑖᑦᓱᒧᖓ ᐱᖁᑎᓕᖕᒧᑦ.

ᒨᓯᓯ ᐂᑉᐸᖏᑦ 22:9

“ᑲᒪᑎᑕᐅᒍᑎᒥᓂᒡᓕ ᑲᒪᑦᓯᐊᖏᓐᓂᕅᔪᖃᕐᓗᓂ ᐂᕙᐅᑎᔪᖃᓕᕐᐸᑦ, ᓇᓪᓕᐊᓐᓄᑐᐃᓐᓇᖅ ᐃᒻᒧᒃᓯᐅᒐᐅᑉ ᐊᖑᓴᓪᓗᖓᓄᑦ, ᐅᕝᕙᓗ ᓯᐅᑎᖅᑯᕐᑐᔪᒧᑦ, ᐅᕝᕙᓗ ᓰᐱᒧᑦ, ᐅᕝᕙᓗ ᐊᓐᓄᕌᓄᑦ, ᐅᕝᕙᓗ ᓱᓇᑐᐃᓐᓇᕐᒧᑦ ᐊᓯᐅᔨᔭᐅᓯᒪᔪᒧᑦ, ᐃᓅᒃ ᒪᕐᕉᒃ ᐊᑐᓂᑦ ᐱᖃᕐᑐᐃᓐᓇᐅᓂᕋᕐᐸᑎᒃ ᑕᕝᕙ ᑖᒃᑯᐊᒃ ᒎᑎᒧᑦ ᐱᑎᑕᐅᔪᒃᓴᐅᕘᒃ. ᑕᕝᕙᓂᓗ ᒎᑎᐅᑉ ᐊᖑᑦ ᐸᓯᔭᒃᓴᐅᓂᕋᕐᑕᖓ ᑖᓐᓇ ᐊᑭᓖᔪᒃᓴᐅᕗᖅ ᒪᕐᕈᕕᓪᓗᐊᕐᑐᓂᒃ ᐂᕙᖃᑎᒋᓚᐅᕐᑕᒥᓄᑦ.

ᓘᑲᓯᐅᑉ ᐊᒡᓚᖏᑦ 12:48

ᐱᔨᓕ ᖃᐅᔨᒪᖏᑦᑐᖅ ᐊᖓᔪᖅᑳᒥ ᐱᖁᔭᖓᓂᒃ, ᑏᒐᕐᑐᕐᑕᐅᑦᔪᑎᒃᓴᒥᒃ ᐱᓚᐅᕋᓗᐊᕐᓗᓂ ᒥᑭᔪᒥᒃ ᑏᒐᕐᑐᕐᑕᐅᔪᒫᕐᐳᖅ. ᐊᒥᓱᓂᒃ ᑐᓂᓯᕕᐅᔪᖅ ᐊᒥᓱᓂᒃᑕᐅᖅ ᐱᔪᒪᕕᐅᔪᒫᕐᐳᖅ; ᓱᓕ ᐊᖏᓂᕐᓴᑲᓐᓂᕐᓂᒃ ᑐᓂᓯᕕᐅᔪᖅ ᓱᓕ ᐊᖏᓂᕐᓴᑲᓐᓂᕐᓂᒃ ᐱᔪᒪᕕᐅᔪᒫᕐᐳᖅ.”

ᓘᑲᓯᐅᑉ ᐊᒡᓚᖏᑦ 16:11

ᑲᒪᑦᓯᐊᕐᓯᒪᖏᒃᑯᕕᑦ ᓯᓚᕐᔪᐊᕐᒥᐅᑦ ᐊᔪᕐᓴᖏᑦᔪᑎᖏᓐᓂᒃ, ᖃᓄᕐᓕ ᑍᒪ ᐅᒃᐱᕆᔭᐅᔪᓐᓇᕋᔭᕐᐲᑦ ᐱᓪᓚᕆᐅᓂᕐᓴᓂᒃ ᐱᓕᕆᔪᓐᓇᕐᒪᖔᕐᐱᑦ?

ᑎᒧᑎᒧᑦ ᐂᑉᐸᖏᑦ 1:12

ᑍᒤᒻᒪᑦ ᐊᒃᓱᕈᕐᑎᑕᐅᕗᖓ. ᑕᒪᓐᓇᓕ ᑲᓐᖑᓲᑎᒋᓐᖏᓚᕋ, ᐅᒃᐱᕐᕕᒋᔭᕋ ᖃᐅᔨᒪᒐᒃᑯ, ᖁᓚᖏᓐᓇᒪ ᐅᕙᓐᓄᑦ ᐱᓂᐊᕐᑕᐅᖁᓯᒪᔭᓂ ᓴᐳᑎᓯᒪᔪᓐᓇᕐᓂᐊᕐᒪᒍ ᐅᓪᓗᖅ ᑍᓐᓇ ᓇᓪᓕᐅᑎᔪᒃᓴᖅ ᑎᑭᓪᓗᒍ.