ᒨᓯᓯ ᐂᑉᐸᖏᑦ 21:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐄᑉᕉᒥᐅᑕᒥᒃ ᓂᐅᕕᐊᕆᓗᒍ ᓯᐊᓛᕐᑖᕈᕕᑦ, ᑖᑦᓱᒪ ᐱᔨᑦᓯᕐᑕᒃᓴᕆᕚᑎᑦ ᐊᕐᕌᒍᓂᒃ ᐱᖓᓲᔪᕐᑐᓂᒃ, ᐊᕐᕌᒍᓪᓕ 7ᖓᓐᓂ ᓯᐊᓛᖑᔪᓐᓃᕐᑐᒃᓴᐅᕗᖅ, ᐊᑭᓕᕐᑕᐅᓂᒃᑰᖏᓪᓗᓂ.

ᒨᓯᓯ ᐂᑉᐸᖏᑦ 21:2 Iomraidhean Croise

ᒨᓯᓯ ᓯᕗᓪᓖᑦ 27:28

ᒎᑎᐅᑉ ᑐᓂᓯᕕᒋᓕᑎᑦ ᕿᓚᐅᑉ ᖃᐅᓯᕐᑎᑦᓯᓂᖓᓂᒃ, ᓄᓇᒥᒡᓗ ᐊᔪᕐᓴᕐᓇᖏᑦᑐᒥᒃ, ᐊᒥᒐᖏᑦᑐᓂᒡᓗ ᓂᐊᖂᔭᒃᓴᓂᒃ ᕔᓂᒃᓴᓂᒡᓗ,

ᒨᓯᓯ ᓯᕗᓪᓖᑦ 27:36

ᐄᓴᓗ ᐅᖃᕐᐳᖅ, “ᓱᓕᔪᒥᒃ ᔧᑯᒥᒃ ᐊᑎᖃᕋᒥ, ᒪᕐᕈᕕᒃᓗᓂ ᓯᓔᕐᕆᓕᕐᐹᖓ, ᐊᖓᔪᒃᓕᐅᓂᓐᓂᒃ ᐊᕐᓵᓚᐅᕐᒪᖓ; ᐊᒻᒪ ᑕᕝᕙ ᓮᒻᒪᕐᑎᑕᐅᑦᔪᑎᒃᓴᕋᓗᐊᓐᓂᒃ ᐊᕐᓵᕆᕚᖓ.” ᐅᖃᒃᑲᓐᓂᕐᐳᕐᓗ, “ᓮᒻᒪᕐᑎᑕᐅᓂᒃᓴᒥᒃ ᐊᒥᐊᒃᑯᓯᒪᓐᖏᓚᕐᒪ?”

ᐊᑕᓃᑦ ᐂᑉᐸᖏᑦ 4:1

ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓄᑦ ᐃᓚᒋᔭᐅᔪᒥᒃ ᐅᐃᒡᒐᕐᓂᑯᒥᒃ ᐃᓔᓴ ᐅᐸᒃᑕᐅᕗᖅ ᐅᖃᕐᓗᓂᓗ, “ᐅᐃᒐ ᑐᖁᓚᐅᕐᒪᑦ ᖃᐅᔨᒪᔪᑎᑦ ᒎᑎᒥᒃ ᓯᕘᕋᒋᔭᖃᕐᓗᓂ ᐃᓅᓚᐅᕐᑐᖅ, ᑭᓯᐊᓂ ᐊᖑᒻᒥᒃ ᐊᑭᓕᒃᓴᖃᕐᕕᖃᕐᓂᕐᒪᑦ, ᑖᑦᓱᒪ ᐃᕐᓃᒃᑲᒃ ᐱᑖᕆᔪᒪᓕᕐᒪᒋᒃ ᐊᑭᓕᒃᓴᖏᓐᓄᑦ ᐊᑭᓕᐅᑎᒋᔭᐅᖁᓪᓗᓂᒋᒃ.”

ᓂᕼᐃᒤᐊᐅᑉ ᐊᒡᓚᖏᑦ 5:8

ᐅᖃᐅᑎᓕᓚᐅᕐᐸᒃᑲᓗ, “ᐱᔪᓐᓇᕐᓂᓕᒫᑦᑎᓐᓄᑦ, ᔫᑎᐅᖃᑎᕗᑦ ᐅᑎᕐᑎᓐᓇᓱᓚᐅᕐᐸᕗᑦ ᓂᐅᕕᐊᕆᓪᓗᒋᑦ ᐃᓅᖃᑎᒌᒡᔪᐊᓂᑦ, ᐃᒻᒥᖕᓂᒃ ᓂᐅᕐᕈᑎᒋᕙᓕᕐᓂᕐᒪᑕ ᔫᑎᐅᖏᑦᑐᓄᑦ, ᒫᓐᓇᓗ ᖃᑕᓐᖑᑎᓯ ᓇᖕᒥᓂᖅ ᓂᐅᕐᕈᑎᒋᓕᕆᕗᑦ ᐃᓕᑦᓯᓐᓄᑦ, ᔫᑎᐅᖃᑎᓯ!” ᓯᕗᓕᕐᑏᑦ ᓂᓪᓕᕐᑐᖃᓚᐅᓐᖏᓚᑦ ᐅᖃᐅᓯᒃᓴᖃᕋᑎᒡᓗ.

ᒨᓯᓯ ᐂᑉᐸᖏᑦ 12:44

ᓯᐊᓛᓕᒫᓪᓕ ᐃᓕᑦᓯᓐᓄᑦ ᓂᕆᖃᑕᐅᔪᓐᓇᕐᐳᑦ ᑭᓯᐊᓂ ᐱᖃᑕᐅᔪᓐᓇᖁᓪᓗᒋᑦ ᓯᕗᓪᓕᕐᒥᒃ ᑭᐱᔭᐅᖅᑳᕐᑐᒃᓴᐅᕗᑦ.

ᒨᓯᓯ ᐂᑉᐸᖏᑦ 21:3

ᐂᑉᐸᖃᖏᓪᓗᓂ ᐱᒋᐊᓚᐅᕈᓂ, ᐊᐅᓪᓚᕆᐊᖃᕋᔭᕆᕗᖅ ᐂᑉᐸᖃᖏᓪᓗᓂ; ᓄᓕᐊᖃᕐᓗᓂᓕ ᐱᒋᐊᕐᓯᒪᒃᐸᑦ, ᑕᕝᕙ ᓄᓕᐊᖓᑕ ᐊᐅᓪᓚᖃᑎᒋᔭᒃᓴᕆᕚ.

ᒨᓯᓯ ᐂᑉᐸᖏᑦ 21:7

“ᐊᖑᓪᓕ ᐸᓂᖕᒥᓂᒃ ᓂᐅᕐᕈᑎᖃᕐᐸᑦ ᓯᐊᓛᖑᓂᕐᒧᑦ, ᑖᓐᓇ ᐊᖑᑎᑎᑐᑦ ᓯᐊᓛᑎᑐᑦ ᐊᓂᑎᑕᐅᔭᕆᐊᖃᕋᔭᓐᖏᓚᖅ.

ᒨᓯᓯ ᐂᑉᐸᖏᑦ 22:3

“ᑎᒡᓕᒐᓱᒃᑐᖅ ᐊᖑᔭᐅᒃᐸᑦ ᐃᓵᕋᓱᐊᓕᕐᑎᓪᓗᒍ ᐅᓐᓄᒃᑯᑦ, ᐱᒋᐊᕐᑕᐅᓗᓂᓗ ᑐᖁᑕᐅᒃᐸᑦ, ᑖᓐᓇ ᑐᖁᑦᓯᔪᖅ ᐸᓯᔭᒃᓴᐅᒐᔭᓐᖏᓚᖅ ᑐᖁᑦᓯᓂᕐᒥᓄᑦ.

ᒨᓯᓯ ᐱᖓᔪᖏᑦ 25:54

ᓂᐅᕕᐊᖑᓂᒃᑯᑦ ᐅᑎᕐᑎᑕᐅᖏᒃᑲᓗᐊᕐᐸᑦ, ᖃᓄᑐᐃᓐᓇᕐᓘᓐᓃᑦ, ᑖᓐᓇᓗ ᕿᑐᕐᖓᖏᓪᓗ ᕿᓚᕈᑦᔮᕐᑕᐅᔭᕆᐊᖃᕐᐳᑦ ᐊᕐᕌᒍ ᓴᑐᕐᓯᕕᒃ ᓇᓪᓕᐅᑎᒃᐸᑦ.

ᒫᑎᐅᓯᐅᑉ ᐊᒡᓚᖏᑦ 18:25

ᐱᔨ ᐊᑭᓕᐅᑎᒃᓴᖃᖏᒻᒪᑦ, ᑕᕝᕙ ᐊᖓᔪᖅᑳᕐᔪᐊᑉ ᓂᐅᕕᐊᖑᖁᓕᕐᐹ ᐱᖁᑎᑎᑐᑦ ᐱᑖᕆᔭᐅᖁᓪᓗᒍ, ᓄᓕᐊᖓᓗ ᕿᑐᕐᖓᖏᓪᓗ ᐱᖁᑎᓕᒫᖏᓪᓗ, ᐊᑭᓕᒃᓴᖏᑦ ᐊᑭᓕᕐᑕᐅᖁᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:20

ᐊᑭᑐᔪᒥᒃ ᓂᐅᕕᐊᕆᔭᐅᓯᒪᒐᑦᓯ. ᑍᒤᒻᒪᑦ ᑎᒥᑦᓯᒍᑦ ᒎᑎ ᓂᕐᑐᕐᓇᕐᓯᑎᓯᐅᒃ.

ᒨᓯᓯ ᑕᓪᓕᒪᖏᑦ 15:1

“ᐊᕐᕌᒍᑦ 7 ᐊᓂᒍᕌᖓᑕ ᑍᒪᓐᖓᑦ ᐃᓕᑦᓯᓐᓄᑦ ᐊᑭᓕᒃᓴᖃᕐᑐᓕᒫᑦ ᐊᑭᓕᒃᓴᖏᑦ ᐊᑭᓕᒃᓴᐅᔪᓐᓁᕐᑎᑕᒃᓴᕆᕙᓯ.

ᒨᓯᓯ ᑕᓪᓕᒪᖏᑦ 15:18

ᐊᒃᓱᕈᕐᓇᓗᐊᕐᑐᒃᓴᐅᓐᖏᓚᖅ ᐃᓕᑦᓯᓐᓄᑦ, ᓯᐊᓛᕆᔭᕐᓂᒃ ᓯᐊᓛᖑᔪᓐᓃᕐᑎᑦᓯᒍᕕᑦ; ᑖᑦᓱᒪ ᐱᔨᑦᓯᕐᕕᒋᓯᒪᖕᒪᑎᑦ ᐊᕐᕌᒍᓂᒃ ᐱᖓᓲᔪᕐᑐᓂᒃ ᐃᖅᑲᓁᔭᕐᑎᑦᓯᒐᔭᕈᕕᑦ ᐊᕝᕙᓪᓗᐊᖓᓂᒃ ᐱᓇᓱᐊᕐᓂᕐᓴᐅᓯᒪᖕᒪᑦ. ᑍᒤᓕᐅᕈᕕᑦ, ᐊᑕᓂᐅᑉ ᒎᑎᕕᑦ ᓮᒻᒪᕐᑎᓐᓂᐊᕐᐹᑎᑦ ᑕᒤᑎᒍᑦ ᐱᓇᓱᐊᕐᓂᕆᔭᒃᑯᑦ.”

ᒨᓯᓯ ᑕᓪᓕᒪᖏᑦ 31:10

ᐱᖁᔨᓪᓗᓂᓗ ᐅᖃᐅᑎᕔᑦ, “ᐊᕐᕌᒍᑦ 7 ᐊᓂᒍᕌᖓᑕ ᑕᒫᑦ, ᐊᑭᓕᒃᓴᕆᔭᐅᔪᑦ ᓄᖑᑎᑕᐅᓂᖏᑕ ᓇᓪᓕᐅᓐᓂᖓ ᓇᓪᓕᐅᑎᔭᕌᖓᑦ, ᑐᐱᕐᒥᒃ ᐊᖏᕐᕋᖃᖃᑦᑕᕐᓂᕕᓂᕐᒥᖕᓂᒃ ᓇᓪᓕᐅᓐᓂᕐᓯᐅᓕᕌᖓᑕ.