ᒨᓯᓯ ᐂᑉᐸᖏᑦ 21:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ “ᐅᑯᐊ ᑕᕝᕙ ᐃᓴᕆᐊᓕᒥᐅᓄᑦ ᒪᓕᒃᑕᐅᔪᒃᓴᐅᔪᑦ ᐅᖃᐅᓯᕆᔭᒃᓴᕆᕙᑎᑦ ᑖᒃᑯᓄᖓ.

ᒨᓯᓯ ᐂᑉᐸᖏᑦ 21:1 Iomraidhean Croise

ᐊᑕᓃᑦ ᓯᕗᓪᓖᑦ 6:12

“ᐅᓇ ᐃᒡᓗᓕᐊᕆᔧᑦ ᐱᑦᔪᑎᒋᓪᓗᒍ, ᐊᑐᕐᑕᐅᖁᔭᒃᑲ ᓈᓚᒃᑯᕕᒋᑦ ᒪᓕᒃᑕᐅᖁᔭᒃᑲᓗ, ᐱᖁᔭᒃᑲᓗ ᐱᓯᒤᓐᓇᕐᓗᒋᑦ ᒪᓕᑦᓯᐊᕈᕕᒋᑦ, ᑕᕝᕙ ᐅᖃᐅᓯᕋ ᐃᓕᖕᓂ ᐃᓂᖃᕐᑎᑦᓱᒪᕙᕋ, ᐊᑖᑕᖕᓄᑦ ᑍᕕᑎᒧᑦ ᐅᖃᐅᓯᕆᓚᐅᕐᑕᒃᑲ.

ᑯᕉᓂᑲ ᐂᑉᐸᖏᑦ 19:10

ᐋᖅᑭᒃᓱᐃᔭᕆᐊᖃᓕᕈᑦᓯ ᖃᑕᓐᖑᑎᑦᓯᓐᓂᒃ ᐃᒡᓗᒐᓴᖕᓃᑦᑐᓂᒃ, ᑐᖁᑦᓯᔪᖃᕐᓯᒪᓂᕐᒧᑦ, ᐱᖁᔭᓂᒃ, ᒪᓕᒐᕐᓂᒡᓗ, ᐊᑐᕐᑕᐅᔭᕆᐊᓕᖕᓂᒃ ᐱᓇᓱᐊᕐᑕᐅᔭᕆᐊᓕᖕᓂᒡᓗ, ᖃᓄᐃᓕᐅᕆᐊᖃᕐᓂᖏᓐᓂᒃ ᐅᖃᐅᑦᔪᕐᑕᒃᓴᕆᕙᓯ, ᐊᑕᓂᐅᑉ ᓂᓐᖓᐅᓯᖓᓄᑦ ᑎᑭᑕᐅᖁᓇᓯ ᖃᑕᓐᖑᑎᓯᓗ. ᑕᕝᕙ ᑍᒫᒃ ᐱᓇᓱᐊᕐᑐᒃᓴᐅᕗᓯ, ᐸᓯᔭᒃᓴᐅᓕᖁᓇᓯ.

ᓂᕼᐃᒤᐊᐅᑉ ᐊᒡᓚᖏᑦ 10:29

ᐃᓚᖃᕐᓗᑎᒃ ᖃᑕᓐᖑᑎᒥᖕᓂᒃ, ᐱᓪᓚᕆᖁᑕᐅᔪᓂᒡᓗ, ᓴᖑᑎᓐᓂᐊᓐᖏᑕᒥᖕᓂᒃ ᐊᖏᒻᒪᕆᒍᑎᖃᓚᐅᕐᐳᑦ ᒎᑎᐅᑉ ᐱᖁᔭᖏᓐᓂᒃ ᒪᓕᒍᒪᓪᓗᑎᒃ ᒨᓯᓯᒃᑯᑦ ᑐᓂᔭᐅᓚᐅᕐᑐᓂᒃ ᒎᑎᐅᑉ ᐱᔨᖓᒍᑦ, ᓈᓚᒍᒪᓪᓗᑎᒃ ᒪᓕᒍᒪᓪᓗᑎᒡᓗ ᐊᑕᓂᐅᑉ ᐊᑕᓂᑦᑕ ᐱᖁᔭᖏᓐᓂᒃ, ᐃᓱᐊᕆᔭᖏᓐᓂᒡᓗ ᐃᓕᖅᑯᓯᐅᖁᔭᖏᓐᓂᒡᓗ.

ᐃᓐᖏᕈᑎᑦ 147:19

ᑖᑦᓱᒪ ᐅᖃᐅᓯᓂ ᖃᐅᔨᔭᐅᑎᑉᐹ ᔧᑯᒧᑦ, ᐊᑐᕐᑕᐅᖁᔭᓂ ᐃᓱᐊᕆᔭᓂᓗ ᐃᓴᕆᐊᓕᒧᑦ ᖃᐅᔨᔭᐅᑎᓪᓗᒋᑦ.

ᒨᓯᓯ ᐂᑉᐸᖏᑦ 19:7

ᒨᓯᓯᓗ ᐅᑎᕋᒥ ᐃᓄᐃᑦ ᐊᖓᔪᖅᑳᖏᓐᓂᒃ ᕾᖁᔨᕗᖅ, ᑕᒪᒃᑯᐊᓗ ᐅᖃᐅᓰᑦ ᐅᖃᐅᑦᔭᐅᒍᑎᓕᒫᓂ ᐅᖃᐅᓯᕆᕔᑦ, ᐊᑕᓂᐅᑉ ᑍᒫᒃ ᐱᖁᓚᐅᕐᒪᒍ.

ᐃᓯᑭᐊᓕᐅᑉ ᐊᒡᓚᖏᑦ 20:11

ᒪᓕᒐᒃᓴᐅᖁᔭᓐᓂᒃ ᑐᓂᓯᕕᒋᓪᓗᒋᑦ ᐊᑐᕐᑕᐅᖁᔭᓐᓂᒡᓗ ᐊᔪᕆᕐᑐᓚᐅᕐᐸᒃᑲ, ᑖᒃᑯᓂᖓ ᒪᓕᑦᓯᐊᕐᓂᕐᒥᓄᑦ ᐃᓄᒃ ᐃᓄᖁᓪᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 20:25

ᑍᒤᒻᒪᑦ ᐱᖁᔭᕐᑖᕐᑎᓕᓚᐅᕐᐸᒃᑲ ᐱᐅᖏᑦᑐᓂᒃ, ᐊᑐᒐᒃᓴᓕᐅᕐᓗᒋᓪᓗ ᐃᓅᓯᖃᕐᓇᖏᑦᑐᓂᒃ;

ᒨᓯᓯ ᐱᖓᔪᖏᑦ 18:26

ᐃᓕᑦᓯᓕ ᒪᓕᒐᒃᓴᐅᖁᔭᒃᑲ ᐱᖁᔭᒃᑲᓗ ᐃᖅᑲᐅᒤᓐᓇᕐᓯᒋᒃ. ᐃᓴᕆᐊᓕᒥᐅᑦ ᐃᓴᕆᐊᓕᐅᖏᑦᑐᓪᓗ ᓄᓇᖅᑲᑎᓯ ᑕᒪᒃᑯᓂᖓ ᐃᑦᔪᕐᓇᕐᑐᓂᒃ ᐊᑐᕐᑍᓕᒋᑦᓯ.

ᒨᓯᓯ ᐱᖓᔪᖏᑦ 18:5

ᒪᓕᒐᒃᓴᐅᖁᔭᒃᑲ ᐱᖁᔭᒃᑲᓗ ᐳᐃᒍᕐᓂᐊᕐᓇᒋᑦ, ᑖᒃᑯᓂᖓ ᓈᓚᒃᑐᖅ ᐃᓅᑦᔪᑎᖃᕐᓂᐊᕐᒪᑦ ᐅᕙᖓ ᐊᑕᓂᐅᒐᒪ.’

ᒨᓯᓯ ᐱᖓᔪᖏᑦ 19:37

ᒪᓕᒐᒃᓴᐅᖁᔭᒃᑲ ᐃᖅᑲᐅᒪᑦᓯᐊᕐᓯᒋᑦ ᐱᖁᔭᒃᑲᓗ ᒪᓕᑦᓯᐊᕐᓗᒋᑦ, ᐅᕙᖓ ᐊᑕᓂᐅᒐᒪ.”

ᒨᓯᓯ ᐱᖓᔪᖏᑦ 20:22

“ᒪᓕᒐᒃᓴᐅᖁᔭᒃᑲ ᐱᖁᔭᒃᑲᓗ ᐃᖅᑲᐅᒪᑦᓯᐊᕐᓗᒋᑦ ᒪᓕᑦᓯᐊᕐᓯᐅᒃ ᐃᓕᑦᓯᓐᓄᑦ ᓄᓇᑖᕆᑎᑕᓐᓂ ᐃᓂᖃᑦᓯᐊᖁᓪᓗᓯ ᐊᐅᓪᓚᕐᑎᑕᐅᖁᓇᓯᓗ.

ᒪᓚᑬᑉ ᐊᒡᓚᖏᑦ 4:4

“ᐃᖅᑲᐅᒪᒋᑦᓯ ᒨᓯᓯᐅᑉ ᐱᔨᒪ ᐱᖁᔭᖏᓐᓂᒃ, ᐊᑐᕐᑕᐅᖁᔭᓐᓂᒃ ᒪᓕᒐᒃᓴᐅᖁᔭᓐᓂᒡᓗ ᑐᓂᓯᕕᒋᓚᐅᕋᒃᑯ ᕼᐆᕆᑉᒥ ᐃᓴᕆᐊᓕᒥᐅᓕᒫᓄᑦ ᐱᐅᓯᐅᖁᔭᓐᓂᒃ.

ᒨᓯᓯ ᓯᑕᒪᖏᑦ 35:24

ᑕᕝᕙ ᐃᓅᖃᑎᒌᒡᔪᐊᑦ ᐃᖅᑲᕐᑐᐃᔨᖏᑦ ᐃᖅᑲᕐᑐᐃᔭᕆᐊᖃᓕᕐᐳᑦ ᐃᓄᐊᕐᑐᒥᒃ ᐊᐅᖕᒥᒡᓗ ᐊᑭᓂᐊᕈᒪᔪᒥᒃ ᐃᖅᑲᕐᑐᐃᓃᑦ ᐅᑯᐊ ᒪᓕᒡᓗᒋᑦ.

ᒨᓯᓯ ᓯᑕᒪᖏᑦ 36:13

ᑖᒃᑯᐊ ᑕᕝᕙ ᐱᖁᔧᑦ ᐃᖅᑲᕐᑐᐃᑦᔪᑎᓪᓗ ᐊᑕᓂᐅᑉ ᒪᓕᒃᑕᐅᖁᓚᐅᕐᑕᖏᑦ ᐃᓴᕆᐊᓕᒥᐅᓄᑦ ᒨᓯᓯ ᐊᖅᑯᑎᒋᓪᓗᒍ ᒧᐊᐱᐅᑉ ᓇᑎᕐᓇᖓᓂ ᔪᐊᕐᑕᓂᐅᑉ ᓯᓈᓂ ᔨᕆᑰᑉ ᐊᑭᐊᓂ.

ᒫᑎᐅᓯᐅᑉ ᐊᒡᓚᖏᑦ 28:20

ᐊᔪᕆᕐᑐᕐᓗᒋᓪᓗ ᒪᓕᖁᓪᓗᒋᑦ ᐃᓕᑦᓯᓐᓄᑦ ᐱᖁᔨᓂᕆᓚᐅᕐᑕᓐᓂᒃ ᑕᒤᓐᓂᒃ; ᑕᑯᒋᑦ ᑍᒪᓐᖓᓕᒫᖅ ᐃᓚᒋᓂᐊᕐᐸᑦᓯ, ᓯᓚᕐᔪᐊᑉ ᓇᒡᒐᑖ ᑎᑭᓪᓗᒍ.”

ᒨᓯᓯ ᑕᓪᓕᒪᖏᑦ 15:12

“ᐄᑉᕉᒥᒃ ᖃᑕᓐᖑᑎᖕᓂᒃ ᐊᖑᒻᒥᒃ ᐊᕐᓇᒥᒡᓘᓐᓃᑦ, ᓯᐊᓛᕐᑖᕆᓗᒍ ᓂᐅᕕᕈᕕᑦ, ᑖᑦᓱᒪ ᐱᔨᑦᓯᕐᑕᒃᓴᕆᕚᑎᑦ ᐊᕐᕌᒍᓂᒃ ᐱᖓᓲᔪᕐᑐᓂᒃ, ᐊᕐᕌᒍᓪᓕ 7ᖓᓐᓂ, ᑕᕝᕙ ᕿᓚᕈᑦᔮᕐᑕᒃᓴᕆᕙᑦ ᐃᓕᖕᓂᑦ.

ᒨᓯᓯ ᑕᓪᓕᒪᖏᑦ 4:14

ᐊᑕᓂᐅᑉ ᐅᖃᐅᑎᓚᐅᕐᐹᖓ ᐊᔪᕆᕐᑐᐃᖁᓪᓗᖓ ᐃᓕᑦᓯᓐᓂᒃ ᐱᖁᔭᓕᒫᓐᓂᒃ ᓈᓚᖁᓪᓗᓯ ᓄᓇᒥ ᓵᓚᒃᓴᕐᓂᒃᑯᑦ ᓄᓇᑖᕆᓂᐊᓕᕐᑕᑦᓯᓐᓂ ᓄᓇᖃᓕᕐᑎᓪᓗᓯ.”

ᒨᓯᓯ ᑕᓪᓕᒪᖏᑦ 4:45

ᐅᑯᐊ ᑕᕝᕙ ᓇᓗᓁᕐᓯᑦᔪᑎᐅᔪᑦ, ᓴᖅᑭᔮᕐᓗᑎᒃ, ᒪᓕᒐᒃᓴᐅᓪᓗᑎᒡᓗ, ᒨᓯᓯᐅᑉ ᐅᖃᐅᓯᕆᓚᐅᕐᑕᖏᑦ ᐃᓴᕆᐊᓕᒥᐅᓄᑦ ᓄᓇᒥᑦ ᐄᑦᔨᑉᑎᒥᑦ ᐊᐅᓪᓚᕐᓯᒪᓕᕐᑎᓪᓗᒋᑦ,

ᒨᓯᓯ ᑕᓪᓕᒪᖏᑦ 4:5

“ᐱᖁᔭᓕᒫᓂᒃ ᐊᔪᕆᕐᑐᕐᓯᒪᕙᑦᓯ, ᐊᑕᓂᐅᑉ ᒎᑎᒪ ᐅᖃᐅᓯᐅᖁᓚᐅᕐᑕᓕᒫᖏᓐᓂᒃ. ᑖᒃᑯᐊ ᓈᓚᒐᒃᓴᕆᕙᓯ ᓄᓇᒥ ᓵᓚᒃᓴᕐᓂᒃᑯᑦ ᓄᓇᑖᕆᓂᐊᓕᕐᑕᑦᓯᓐᓂ ᓄᓇᖃᓕᕈᑦᓯ.

ᒨᓯᓯ ᑕᓪᓕᒪᖏᑦ 4:8

ᐃᓅᖃᑎᒌᒡᔪᐊᖑᔪᓂᒃ ᐊᓯᖏᓐᓂᒃ, ᐊᔪᖏᑦᑐᕐᔪᐊᖑᒐᓗᐊᕐᐸᑕ, ᐱᖁᔭᖃᕐᑐᖃᓐᖏᓚᖅ ᐱᖁᔭᑦᑎᑐᑦ ᐋᖅᑭᑦᓯᐊᕐᓯᒪᑎᒋᔪᓂᒃ ᐅᓪᓗᒥ ᐃᓕᓯᓐᓄᒃ ᐊᔪᕆᕐᑐᐃᑦᔪᑎᒋᔭᑦᑐᑦ ᑍᒤᑦᑐᓂᒃ.

ᒨᓯᓯ ᑕᓪᓕᒪᖏᑦ 5:1

ᒨᓯᓯᐅᑉ ᐃᓄᓕᒫᑦ ᑲᑎᖁᕔᑦ ᐅᖃᐅᑎᓪᓗᒋᓪᓗ, “ᐃᓴᕆᐊᓕᒥᐅᑦ ᐃᓄᖏᑦ, ᐅᓪᓗᒥ ᓈᓚᓚᐅᕐᓯᓐᖓ ᐱᖁᔭᓂᒃ ᐅᖃᐅᓯᖃᕐᑎᓪᓗᖓ ᐃᓕᑦᓯᓐᓄᑦ. ᑖᒃᑯᐊ ᐃᓕᓐᓂᐊᕐᑕᒃᓴᕆᕙᓯ ᓈᓚᑦᓯᐊᕐᓗᒋᓪᓗ.

ᒨᓯᓯ ᑕᓪᓕᒪᖏᑦ 5:31

ᐃᕝᕕᓪᓕ ᒨᓯᓰ, ᐅᕙᓐᓂ ᓇᔫᑎᓕᕆᑦ, ᑐᓂᓯᕕᒋᓂᐊᕋᒃᑭᑦ ᐱᖁᔭᓐᓂᒃ ᐊᑐᕐᑕᐅᖁᔭᓐᓂᒡᓗ. ᐃᓄᖕᓄᑦ ᐃᓕᓮᑦᔪᑎᒋᔭᒃᓴᕆᕙᑎᑦ, ᑖᒃᑯᓄᖓ ᓈᓚᒃᑕᐅᖁᓪᓗᒋᑦ ᑕᒫᓂ ᓄᓇᒥ ᑐᓂᓂᐊᕐᑕᓐᓂ ᑖᒃᑯᓄᖓ.’

ᒨᓯᓯ ᑕᓪᓕᒪᖏᑦ 6:1

“ᒪᑯᐊ ᑕᕝᕙ ᐱᖁᔧᑦ ᐊᑕᓂᐅᑉ ᒎᑎᑦᓯ ᐱᖁᔨᑦᔪᑎᒋᓚᐅᕐᑕᖏᑦ ᐅᕙᓐᓄᑦ ᐃᓕᓮᑦᔪᑎᒋᔭᐅᖁᓪᓗᒋᑦ ᐃᓕᑦᓯᓐᓄᑦ. ᓈᓚᒃᑕᒃᓴᕆᕙᓯ ᑕᕝᕙᓂ ᓄᓇᒋᓂᐊᓕᕐᑕᑦᓯᓐᓂ ᓄᓇᖃᓕᕐᑎᓪᓗᓯ.

ᒨᓯᓯ ᑕᓪᓕᒪᖏᑦ 6:20

“ᓯᕗᓂᕆᔪᒫᕐᑕᑦᓯᓐᓂ ᕿᑐᕐᖓᑦᓯᓐᓄᑦ ᐊᐱᕆᔭᐅᒐᔭᕈᑦᓯ, ‘ᓱᖕᒪᑦ ᐊᑕᓂᐅᑉ ᒎᑎᑦᑕ ᐱᖁᔭᓂᒃ ᑕᒪᒃᑯᓂᖓ ᒪᓕᖁᓯᒪᕚᑎᒎᑦ?’

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:1

ᑭᖑᓪᓕᕐᐹᒥᒡᓕ, ᙭ᔅᑑᓯᒥᐅᑕᐅᖃᑎᒃᑲ, ᕿᓄᕕᒋᓪᓗᓯ ᐃᓇᑉᐸᑦᓯ ᐊᑕᓂᑦᑎᓐᓂ ᔩᓱᓯᒥ, ᐅᕙᑦᑎᓐᓂᑦ ᐃᓕᓐᓂᐊᓚᐅᕋᑦᓯ ᖃᓄᖅ ᐃᓅᔪᒃᓴᐅᖕᒪᖔᑦᓯ ᒎᑎᒧᑦ ᖁᕕᐊᒋᔭᐅᔪᒥᒃ. ᑍᒫᒃᓗ ᐃᓅᓯᖃᓚᐅᕋᑦᓯ, ᑭᓯᐊᓂᓕ ᐃᓅᓯᖃᑦᓯᐊᓕᖁᕙᑦᓯ.