ᒨᓯᓯ ᐂᑉᐸᖏᑦ 20:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐅᕙᓐᓂᒡᓕ ᓇᒡᓕᒍᓱᒃᑐᓄᑦ ᓇᒡᓕᒍᓱᖕᓂᓐᓂᒃ ᑕᑯᑎᑦᓯᓂᐊᕐᐳᖓ ᐱᖁᔭᓐᓂᒡᓗ ᓈᓚᒃᑐᓄᑦ ᑭᖑᕚᕇᑦ 1,000ᓗᐊᕐᑐᑦ ᑎᑭᓪᓗᒋᑦ.

ᒨᓯᓯ ᐂᑉᐸᖏᑦ 20:6 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 1:5

ᐅᖃᕐᓗᖓᓗ, “ᐊᑕᓃᖅ ᒎᑏ ᕿᓚᖕᒦᑦᑐᑎᑦ, ᐊᖏᔪᕐᔪᐊᖑᔪᑎᑦ ᐃᓕᕋᓇᕐᑑᓪᓗᑎᓪᓗ ᒎᑎᐅᔪᑎᑦ, ᐊᖏᖃᑎᒌᒍᑎᒋᓯᒪᔭᕐᓂᒃ ᓇᒡᓕᒍᓱᖕᓂᕐᓂᒡᓗ ᑲᔪᓯᑎᑦᓯᖃᑦᑕᕐᑐᑎᑦ ᐃᓕᖕᓂᒃ ᐅᖓᒋᔭᖃᕐᑐᓄᑦ ᐱᖁᔭᕐᓂᒡᓗ ᒪᓕᒃᑐᓄᑦ.

ᐃᓐᖏᕈᑎᑦ 103:17

ᐊᑕᓂᐅᓪᓕ ᓇᒡᓕᖕᓂᖓ ᓄᖑᓐᓂᐊᖏᑦᑐᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᑐᕌᕐᐳᖅ ᓯᕘᕋᒋᔭᖃᕐᑐᓄᑦ ᑖᑦᓱᒥᖓ, ᐃᓱᐊᕐᑐᓕᓂᖓᓗ ᕿᑐᕐᖓᖏᑕ ᕿᑐᕐᖓᖏᓐᓄᑦ.

ᒨᓯᓯ ᐂᑉᐸᖏᑦ 34:7

ᐊᖏᕈᑎᒋᓯᒪᔭᓐᓂᒃ ᓇᒡᓕᖕᓂᒃᑯᑦ ᑲᔪᓯᑎᑦᓯᕙᒃᐳᖓ ᑭᖑᕚᕇᑦ 1,000ᐃᑦ ᑎᑭᓪᓗᒋᑦ ᐃᓱᒪᒋᔪᓐᓁᕐᓯᔪᓐᓇᕐᓗᖓᓗ ᓈᒻᒪᖏᑦᑐᓕᓂᕐᓂᒃ ᐱᖁᔭᓂᒃ ᓈᓚᖏᓐᓂᕐᓂᒃ ᐊᔪᕐᑐᓕᓂᕐᓂᒡᓗ, ᑭᓯᐊᓂᓕ ᐸᓯᔭᒃᓴᐅᔪᓂᒃ ᐊᔪᕐᑐᓕᔪᓂᒡᓗ ᓱᒋᐊᕐᓯᖏᑦᑑᓂᐊᓐᖏᓚᖓ ᕿᑐᕐᖓᖏᑦ ᐃᕐᖑᑕᖏᓪᓗ ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:1

ᐃᕐᓃᒃ ᐊᔪᕆᕐᑐᐃᑦᔪᑎᒋᔭᒃᑲ ᐳᐃᒍᕐᑍᓕᒃᑭᑦ, ᐱᓇᓱᐊᕐᑕᐅᖁᔭᒃᑲ ᐆᒻᒪᑎᒃᑯᑦ ᐃᖅᑲᐅᒪᓂᐊᕐᐸᑎᑦ.

ᔨᕆᒤᐊᐅᑉ ᐊᒡᓚᖏᑦ 32:18

ᐃᓄᒐᓴᒃᔪᐊᓄᑦ ᓇᒡᓕᒍᓱᖕᓂᕐᓂᒃ ᑕᑯᑎᑦᓯᕙᒃᐳᑎᑦ ᑭᓯᐊᓂᑦᑕᐅᖅ ᓯᕗᓕᖏᑕ ᐊᔪᕐᑐᓕᓯᒪᓂᖏᓐᓄᑦ ᑭᖑᕚᕇᑦ ᓱᒋᐊᕐᐸᒃᑭᕙᑎᑦ. ᐊᑕᓃᖅ ᐱᔪᓐᓇᕐᑐᕐᔪᐊᖑᓪᓗᑎᑦ ᒎᑎᐅᒐᕕᑦ ᖁᑦᓯᖕᓂᕐᐹᒍᓪᓗᑎᑦ ᐊᑎᖃᕐᐳᑎᓪᓗ ᐊᑕᓂᕐᒥᒃ ᐊᔪᒐᖃᖏᑦᑐᒥᒃ.

ᑖᓂᐊᓕᐅᑉ ᐊᒡᓚᖏᑦ 9:4

ᑐᒃᓯᐊᓚᐅᕐᐳᖓ ᐊᑕᓂᕐᒧᑦ ᒎᑎᓐᓄᑦ ᖁᔭᓕᓂᕐᒥᒡᓗ ᓴᖅᑭᑎᑦᓯᕕᒋᓪᓗᒍ ᐃᒫᒃ. “ᐊᑕᓃᖅ, ᐊᖏᔪᐊᓘᕗᑎᑦ ᑕᑕᓐᓇᕐᑑᓪᓗᑎᓪᓗ ᒎᑏᒃ, ᐊᖏᖃᑎᒌᒍᑎᑎᑦ ᓇᒡᓕᖕᓂᕐᒥᒃ ᑲᔪᓯᑎᑉᐸᑎᑦ ᐃᓕᖕᓂᒃ ᓇᒡᓕᒍᓱᒃᑐᓕᒫᓄᑦ, ᐱᖁᔭᕐᓂᒡᓗ ᓈᓚᒃᑐᓄᑦ.

ᒨᓯᓯ ᓯᑕᒪᖏᑦ 14:18

‘ᐊᑕᓂᖅ ᓂᓐᖓᒃᓴᕅᓐᖏᓚᖅ, ᓇᒡᓕᒍᓱᖕᓂᖓᓗ ᐊᒥᒐᕋᓂ, ᐱᐅᖏᑦᑐᓕᓂᕐᒥᒃ ᑕᒻᒪᕐᓂᕐᒥᒡᓗ ᐃᓱᒪᒋᔪᓐᓁᕐᕕᖃᕐᐳᖅ; ᐸᓯᔭᒃᓴᐅᔪᓂᒡᓕ ᓱᒋᐊᕐᓯᑦᑍᓕᓐᖏᓚᖅ, ᐊᑖᑕᐅᔪᑦ ᐱᐅᖏᑦᑐᓕᓂᖏᑦ ᑎᑭᑦᓱᓐᓇᕐᒪᒋᑦ ᐃᕐᓂᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.’

ᔪᐊᓇᓯᐅᑉ ᐊᒡᓚᖏᑦ 14:15

“ᓇᒡᓕᒋᒍᑦᓯᓐᖓ, ᐱᖁᔭᒃᑲ ᒪᓕᖕᓂᐊᕐᐸᓯ.

ᔪᐊᓇᓯᐅᑉ ᐊᒡᓚᖏᑦ 14:21

“ᐱᖁᔭᓐᓂᒃ ᐱᓯᒪᔪᖅ ᒪᓕᒡᓗᒋᓪᓗ, ᑖᓐᓇᐅᕗᖅ ᐅᕙᓐᓂᒃ ᓇᒡᓕᒍᓱᒃᑐᖅ; ᐊᑖᑕᒪᓗ ᓇᒡᓕᒋᓂᐊᕐᐹ ᐅᕙᓐᓂᒃ ᓇᒡᓕᒍᓱᒃᑐᖅ, ᐅᕙᖓᑦᑕᐅᖅ ᓇᒡᓕᒋᓂᐊᕐᐸᕋ ᐅᕙᓐᓂᒡᓗ ᖃᐅᔨᔭᐅᑎᓪᓗᖓ ᑖᑦᓱᒧᖓ.”

ᐋᐴᓯᑕᓖᑦ ᐱᓂᐊᕐᓂᖏᑦ 2:39

ᑕᒪᓐᓇ ᐃᓕᑦᓯᓐᓄᑦ ᐊᖏᕈᑕᐅᓯᒪᕗᖅ ᕿᑐᕐᖓᑦᓯᓐᓄᓪᓗ ᐅᖓᓯᒃᑐᒦᑦᑐᓄᓪᓗ ᑕᒤᓐᓄᑦ, ᐊᑕᓂᐅᑉ ᒎᑎᑦᑕ ᐃᒻᒥᓄᑦ ᕾᖁᔭᓕᒫᖏᓐᓄᑦ.”

ᒨᓯᓯ ᑕᓪᓕᒪᖏᑦ 4:37

ᓯᕗᓕᕕᓂᕐᓯ ᓇᒡᓕᒋᒐᒥᒋᑦ, ᑕᕝᕙ ᓂᕈᐊᓚᐅᕐᐹᓯ, ᐱᔪᓐᓇᕐᓂᕐᔪᐊᕐᒥᓄᑦ ᓇᖕᒥᓂᖅ ᐊᓂᑎᓚᐅᕐᐹᓯ ᐄᑦᔨᑉᑎᒥᑦ.

ᒨᓯᓯ ᑕᓪᓕᒪᖏᑦ 5:29

ᑍᒪᓐᖓᓪᓕ ᑍᒫᒃ ᐃᒃᐱᒋᓕᕐᓂᕈᑎᒃ! ᓯᕘᕋᒋᓗᓂᖓ ᐱᖁᔭᒃᑲᓗ ᓈᓚᒡᓗᒋᑦ, ᑕᕝᕙ ᑕᒤᑎᒍᑦ ᖃᓄᐃᖏᑦᓯᐊᕋᔭᕐᐳᑦ ᑭᖑᕚᖏᓪᓗ ᐃᓱᖃᖏᑦᑐᒧᑦ!

ᒨᓯᓯ ᑕᓪᓕᒪᖏᑦ 7:9

ᐃᖅᑲᐅᒪᔪᒃᓴᐅᕗᓯ ᐊᑕᓂᖅ ᒎᑎᓯ ᑭᓯᒥ ᒎᑎᑑᖕᒪᑦ ᓱᖁᓯᔪᐃᑦᑑᓪᓗᓂᓗ, ᐊᖏᖃᑎᒌᒍᑎᒋᓯᒪᔭᓂ ᑲᔪᓯᑎᓐᓂᐊᕐᐹ ᓇᒡᓕᒍᓱᖕᓂᓂᓗ ᑍᒪᓐᖓᑦ ᓴᖅᑭᑎᖃᑦᑕᕐᓂᐊᕐᐹ ᑭᖑᕚᖑᖃᑎᒌᓄᑦ ᐅᓄᕐᑐᕐᔪᐊᓄᑦ ᓇᒡᓕᒍᓱᒃᑐᓄᑦ ᑖᑦᓱᒥᖓ ᐱᖁᔨᑦᔪᑎᒋᔭᖏᓐᓂᒡᓗ ᒪᓕᒃᑐᓄᑦ,

ᔧᒥᓯᐅᑉ ᐊᒡᓚᖏᑦ 1:12

ᐃᓄᒃ ᓮᒻᒪᕐᑎᑕᐅᑦᔪᑎᒃᓴᖃᕐᐳᖅ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓂᕐᒥᒃ ᕿᓄᐃᓵᕐᓗᓂ ᐊᓂᒍᐃᔪᖅ, ᐱᐅᖏᑦᑐᒥᒃ ᐱᔪᒥᓵᕐᑕᐅᓂᕐᒥᒃ ᐊᓂᒍᐃᒍᓂ ᑕᕝᕙ ᓂᐊᖂᓯᕐᑕᐅᔪᒫᕐᐳᖅ ᐃᓅᓯᕐᒥᒃ ᒎᑎᐅᑉ ᐊᖏᕈᑎᒋᓯᒪᔭᖓᓂᒃ ᓇᒡᓕᒋᔨᒥᓄᑦ.

ᔪᐊᓇᓯ ᓯᕗᓪᓖᑦ 4:19

ᓇᒡᓕᖕᓂᖃᕐᐳᒍᑦ, ᑖᑦᓱᒪ ᓇᒡᓕᒋᖅᑳᓚᐅᕐᒫᑎᒍᑦ.

ᔪᐊᓇᓯ ᓯᕗᓪᓖᑦ 5:3

ᒎᑎᒥᒃ ᓇᒡᓕᖕᓂᖅ ᐃᒤᑦᑑᕗᖅ, ᐱᖁᔭᖏᑦ ᒪᓕᒃᑲᑦᑎᒋᑦ. ᐱᖁᔭᖏᓪᓗ ᐅᖁᒤᓗᐊᓐᖏᓚᑦ.

ᔪᐊᓇᓯᐅᑉ ᐂᑉᐸᖏᑦ 1:6

ᓇᒡᓕᖕᓂᐅᕗᖅ ᑕᕝᕙ, ᐱᖁᔭᖏᓐᓂᒃ ᒪᓕᒡᓗᑕ; ᐅᓇ ᑕᕝᕙ ᐱᖁᔭᖓ, ᐱᒋᐊᕐᓂᖓᓂᑦ ᑐᓴᐅᒪᔭᓯ, ᓇᒡᓕᖕᓂᕐᒥ ᐃᓅᖁᓪᓗᓯ.