ᒨᓯᓯ ᐂᑉᐸᖏᑦ 20:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐹᒻᒪᒃᑎᕐᕕᖃᕐᑐᒃᓴᐅᓐᖏᓚᓯ ᒎᑎᓐᖑᐊᓕᐊᕆᓯᒪᔪᒥᒃ ᑐᒃᓯᐊᕐᕕᖃᕋᓱᐊᕐᑍᓕᓗᓯᓗ ᑍᒤᑦᑐᓂᒃ, ᐅᕙᖓ ᐊᑕᓂᖅ ᒎᑎᒋᕙᑦᓯᓐᖓ ᐊᓯᓐᓂᒃ ᐱᑕᖃᖏᒻᒪᑦ. ᓱᒋᐊᕐᓯᓂᐊᕐᐳᖓ ᐅᕙᓐᓂᒃ ᐆᒥᓱᒃᑐᓂᒃ ᑭᖑᕚᖏᓐᓂᒡᓗ, ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.

ᒨᓯᓯ ᐂᑉᐸᖏᑦ 20:5 Iomraidhean Croise

ᓴᒧᐃᓕ ᐂᑉᐸᖏᑦ 21:1

ᑍᕕᑎᐅᑉ ᐊᐅᓚᑦᓯᓂᖓᑕ ᐃᓚᖓᓂ ᑳᖕᓇᕐᑐᕐᔪᐊᖃᓚᐅᕐᐳᖅ ᐊᕐᕌᒍᓂᒃ ᐱᖓᓱᓂᒃ, ᑍᕕᑎᓗ ᐊᑕᓂᕐᒧᑦ ᖃᐅᔨᓇᓱᐊᖃᑦᑕᓚᐅᕐᐳᖅ ᑕᒪᓐᓇ ᐱᓪᓗᒍ, ᐊᑕᓂᕐᓗ ᐅᖃᕐᐳᖅ, “ᓴᐅᓕᒃᑯᑦ ᐃᓚᖏᓪᓗ ᐸᓯᔭᒃᓴᐅᕗᑦ ᑐᖁᑦᓯᓂᕐᒧᑦ; ᒋᐱᐅᓁᑎᒥᐅᑦ ᑐᖁᑕᐅᑎᓚᐅᕐᓯᒪᖕᒪᒋᑦ.”

ᓴᒧᐃᓕ ᐂᑉᐸᖏᑦ 21:6

ᑍᒤᒻᒪᑦ ᐊᖑᑎᓂᒃ 7ᓂᒃ ᑭᖑᕚᖏᓐᓂᑦ ᕾᑦᓯᓚᐅᕆᑦ, ᕿᒥᓐᓂᐊᕋᑦᑎᒍ ᐊᑕᓂᐅᑉ ᓵᖓᓂ ᒋᐱᐊᓐᒥ ᓴᐅᓕᐅᑉ ᓄᓇᖓᓂ, ᐊᑕᓂᐅᑉ ᖃᖅᑲᖁᑎᖓᓂ.” ᐊᖓᔪᖅᑳᕐᔪᐊᖅ ᑭᐅᕗᖅ, “ᐃᓕᑦᓯᓐᓄᑦ ᑐᓂᓂᐊᕐᐸᒃᑲ.”

ᐊᑕᓃᑦ ᓯᕗᓪᓖᑦ 19:10

ᑭᐅᕚᓗ, “ᐊᒃᓱᕉᑎᕾᓐᓇᕐᐳᖓ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ, ᐃᓴᕆᐊᓕᒥᐅᑦ ᐃᓄᖏᑕ ᐊᖏᖃᑎᒌᒍᑎᒋᓯᒪᔧᑦ ᕿᒪᒃᓯᒪᓕᕐᒪᑦᔪᒃ, ᑐᓂᕐᕈᓯᕐᕕᖁᑎᑎᓪᓗ ᓯᖁᒥᑉᐰᑦ, ᐅᖃᕐᑎᑎᓪᓗ ᑐᖁᕌᕐᐰᑦ ᓴᕕᒡᔪᐊᒧᑦ; ᐅᕙᖓᓗ, ᐅᕙᖓᑐᐊᖅ, ᐊᒥᐊᒃᑯᑑᕗᖓ, ᐅᕙᓐᓂᒡᓗ ᕿᓂᓕᕐᐳᑦ ᑐᖁᑦᓯᔪᒪᓪᓗᑎᒃ.”

ᐊᑕᓃᑦ ᓯᕗᓪᓖᑦ 21:29

“ᑕᑯᓚᐅᕐᐲᑦ, ᐂᕼᐊᑉ ᐃᒻᒥᓂᒃ ᒥᑭᒡᓕᑎᕐᓂᖓᓂᒃ ᓵᓐᓂ? ᑖᓐᓇ ᓵᓐᓂ ᒥᑭᒡᓕᑎᓚᐅᕐᒪᑦ, ᐱᐅᖏᑦᑐᑦ ᑎᑭᑎᑦᓱᒫᕈᓐᓃᕐᐸᒃᑲ ᐃᓅᑎᓪᓗᒍ; ᐃᕐᓂᖓᓕ ᐃᓅᑎᓪᓗᒍ ᐱᐅᖏᑦᑐᑦ ᑎᑭᑎᑦᓱᒫᕐᐸᒃᑲ ᓇᖕᒥᓂᖏᓐᓄᑦ.”

ᐊᑕᓃᑦ ᐂᑉᐸᖏᑦ 17:35

ᐊᑕᓂᐅᑉ ᐊᖏᖃᑎᒌᖕᓂᕐᒥᒃ ᐋᖅᑭᒃᓯᖃᑎᒋᓚᐅᕐᒪᒋᑦ ᐅᖃᐅᑎᓪᓗᓂᒋᓪᓗ: “ᒎᑎᒥᒃ ᐊᓯᓐᓂᒃ ᑐᒃᓯᐊᕐᕕᖃᕐᑐᒃᓴᐅᓐᖏᓚᓯ, ᐹᒻᒪᒃᑎᕐᕕᒋᓗᒋᑦ ᐱᔨᑦᓯᕐᑕᒃᓴᕆᓐᖏᓚᓯ ᑐᓂᕐᕈᓯᕐᕕᒋᓇᒋᓪᓘᓐᓃᑦ.

ᐊᑕᓃᑦ ᐂᑉᐸᖏᑦ 17:41

ᑍᒤᒻᒪᑦ ᑖᒃᑯᐊ ᐃᓅᖃᑎᒌᒡᔪᐊᑦ ᐊᑕᓂᖅ ᓯᕘᕋᒋᓚᐅᕋᓗᐊᕐᐹᑦ, ᒎᑎᓐᖑᐊᒥᖕᓄᓪᓗ ᑐᒃᓯᐊᖃᑦᑕᓚᐅᕆᕗᑦ; ᑍᒫᒃᑕᐅᖅ ᐅᓪᓗᒥᒧᑦ ᑎᑭᓪᓗᒍ ᑭᖑᕚᖏᑦ, ᑭᖑᕚᖏᑕᓗ ᑭᖑᕚᖏᑦ ᑕᒪᑐᒥᖓ ᑲᔪᓯᒪᕕᖃᕐᐳᑦᑕᐅᖅ.

ᐊᑕᓃᑦ ᐂᑉᐸᖏᑦ 23:26

ᑭᓯᐊᓂ ᐊᑕᓂᐅᑉ ᓂᓐᖓᒡᕕᖃᕐᓯᒪᓂᖓ ᔫᑕᒧᑦ ᑲᔪᓯᒪᓚᐅᕐᐳᖅ, ᐊᖓᔪᖅᑳᕐᔪᐊᑉ ᒫᓇᓯᐅᑉ ᐱᓂᐊᕐᓂᕐᒥᓄᑦ ᓂᓐᖓᒃᓮᓂᕆᓚᐅᕐᑕᖓᓄᑦ ᓂᓐᖓᒍᑎᖃᕐᓯᒪᓂᖓ.

ᐊᑕᓃᑦ ᐂᑉᐸᖏᑦ 5:18

ᐊᑕᓂᕐᒧᑦ ᐃᓱᒪᒋᔪᓐᓁᕐᑕᐅᔪᓐᓇᕈᒪᕗᖓ, ᐊᖓᔪᖅᑳᕐᔪᐊᕋ ᐱᖃᑎᒋᓗᒍ ᒎᑎᓐᖑᐊᑉ ᕆᒪᓇᐅᑉ ᐃᒡᓗᖓᓄᑦ ᐂᒍᓐᓄᒃ ᑐᒃᓯᐊᕆᐊᕐᑐᕐᓗᓄᑦ, ᐊᒡᒐᒃᑲ ᑎᒍᒃᐸᒋᑦ ᓰᖅᑯᕆᐊᖃᕋᒪ ᕆᒪᓇᐅᑉ ᒎᑎᓐᖑᐊᑉ ᐃᒡᓗᖓᓂ, ᑐᒃᓯᐊᕐᐳᖓ ᐊᑕᓂᕐᒧᑦ ᐃᓱᒪᒋᔪᓐᓁᕐᕕᐅᔪᒪᓪᓗᖓ.”

ᐊᑕᓃᑦ ᐂᑉᐸᖏᑦ 5:27

ᓁᒪᓐ ᑲᑉᐱᐊᒋᔭᐅᔪᒥ ᐸᕐᑎᕐᓂᕆᓚᐅᕐᑕᖓ ᐱᑖᕆᓂᐊᓕᕐᐸᑦ, ᑭᖑᕚᑎᑦ ᑎᑭᓪᓗᒋᑦ ᑕᐅᕗᖓᓕᒫᖅ.” ᒋᕼᐋᓯ ᑕᕝᕙ ᐃᓔᓴᐅᑉ ᐃᒡᓗᖓᓂᑦ ᐊᓂᕗᖅ ᐅᕕᓂᕐᓘᑎᓗ ᐱᒋᐊᕐᐳᖅ ᐅᕕᓂᖓ ᐊᐳᑎᑐᑦ ᖃᑯᕐᓯᑎᒋᓪᓗᓂ.

ᑯᕉᓂᑲ ᐂᑉᐸᖏᑦ 25:14

ᐊᒪᔧᐊᓕ ᐅᑎᕋᒥ ᑐᖁᕅᓚᐅᕐᓗᓂ ᐄᑐᒥᒥᐅᓂᒃ, ᓰᐊᕆᐅᑉ ᐃᓄᖏᑕ ᒎᑎᓐᖑᐊᖏᑦ ᓇᒃᓴᓚᐅᕐᐰᑦ, ᒎᑎᒥᑕᓗ ᐃᓚᖏᓐᓄᑦ ᐃᓚᓕᐅᑎᕔᑦ, ᐹᒻᒪᒃᑎᕐᕕᒋᕔᑦ, ᐃᑯᐊᓪᓔᕕᒋᓪᓗᒋᓪᓗ ᑎᐱᑦᓯᐊᕆᒃᓴᐅᒻᒥᒃ.

ᑯᕉᓂᑲ ᐂᑉᐸᖏᑦ 7:19

ᐊᓚᕐᓂᐊᕈᕕᓪᓕ ᕿᒤᓗᑎᓪᓗ ᐱᓂᐊᕐᓂᐅᖁᔭᓐᓂᒃ ᐱᖁᔭᓐᓂᒡᓗ ᐃᓕᖕᓄᑦ ᑐᓂᓯᒪᔭᓐᓂᒃ, ᒎᑎᓐᖑᐊᓄᓪᓗ ᓵᓪᓗᑎᑦ ᑐᒃᓯᐊᕐᕕᖃᓕᕐᓂᐊᕈᕕᑦ,

ᔫᐱᐅᑉ ᐊᒡᓚᖏᑦ 21:19

ᐅᖃᕐᐸᒃᐳᓯ, ‘ᒎᑎ ᑭᖑᕚᖏᓐᓂᒃ ᓱᒋᐊᕐᓯᕙᒃᐳᖅ ᐊᑖᑕᒃᑯᖏᑕ ᐊᔪᕐᑐᓕᓂᕕᓂᖏᑦ ᐱᑦᔪᑎᒋᓪᓗᒋᑦ.’ ᒎᑎ ᐊᔪᕐᑐᓕᔪᓂᒃ ᓱᒋᐊᕐᓯᔪᒃᓴᐅᕗᖅ ᑐᕅᓐᓇᕐᓗᒋᑦ ᖃᐅᔨᖁᓪᓗᒋᑦ ᐊᔪᕐᑐᓕᓂᕐᒧᑦ ᓱᒋᐊᕐᑕᐅᓂᕐᒥᖕᓂᒃ.

ᔫᐱᐅᑉ ᐊᒡᓚᖏᑦ 5:4

ᐃᕐᓂᖏᑦ ᐊᑦᑕᕐᓇᖏᑦᑐᒦᓐᖏᓚᑦ, ᐃᑎᕐᑕᕐᕖᑦ ᐅᒃᑯᐊᖏᓐᓂ ᓯᖁᒥᑕᐅᓂᐊᕐᐳᑦ, ᐃᑲᔪᕐᑎᒃᓴᖃᕐᓂᐊᕋᑎᒡᓗ ᓇᓪᓕᐊᓐᓂᒡᓘᓐᓃᑦ.

ᐃᓐᖏᕈᑎᑦ 109:14

ᑖᑦᓱᒪ ᓯᕗᓕᕆᓚᐅᕐᑕᖏᑕ ᐊᔪᕐᓂᖏᑦ ᐃᖅᑲᐅᒪᔭᐅᓕᑦ ᐊᑕᓂᐅᑉ ᓵᖓᓂ, ᐊᓈᓇᖓᑕᓗ ᐊᔪᕐᓂᖏᑦ ᐲᕐᑕᐅᑦᑍᓕᓕᑦ!

ᐃᓐᖏᕈᑎᑦ 78:58

ᓂᓐᖓᒃᓴᓚᐅᕐᐹᑦ ᑐᒃᓯᐊᕐᕕᓕᐊᒥᖕᓄᑦ ᐳᕐᑐᔪᑦ ᖄᖏᓐᓃᑦᑐᓄᑦ; ᓯᖕᓇᑎᓚᐅᕐᐹᓪᓗ ᓴᓇᓐᖑᐊᕐᓯᒪᔪᓄᑦ ᒎᑎᓐᖑᐊᓄᑦ.

ᐃᓐᖏᕈᑎᑦ 79:8

ᓯᕗᓕᑦᑕ ᐱᐅᖏᑦᑐᓕᓂᕆᓚᐅᕐᑕᖏᓐᓄᑦ ᓱᒋᐊᕐᑍᓕᑎᒍᑦ; ᓂᑲᒍᓱᖕᓂᕐᔪᐊᕐᓄᑦ ᑎᑭᕝᕕᒋᓵᓚᐅᕐᑎᒍᑦ, ᓱᓇᐅᔪᓐᓃᑦᓯᐊᓕᕋᑦᑕ.

ᐃᓐᖏᕈᑎᑦ 81:15

ᐊᑕᓂᕐᒥᒃ ᐆᒥᓱᒃᑐᑦ ᐅᑯᓂᐊᕐᐳᑦ ᓯᕘᕋᓂᕐᒧᑦ ᑖᑦᓱᒥᖓ, ᓱᒋᐊᕐᑕᐅᓂᖏᓪᓗ ᓄᖑᓐᓂᐊᓐᖏᓚᑦ ᐃᓱᖃᖏᑦᑐᒧᑦ.

ᒨᓯᓯ ᐂᑉᐸᖏᑦ 23:24

ᑖᒃᑯᐊᓗ ᒎᑎᒋᔭᖏᓐᓄᑦ ᐹᒻᒪᒃᑎᕐᑐᒃᓴᐅᓐᖏᓚᓯ, ᑐᒃᓯᐊᕐᕕᒋᓇᒋᓪᓗ, ᐅᒃᐱᕆᔭᖏᓪᓗ ᒪᓕᖏᓪᓗᒋᑦ, ᐊᑕᖏᓪᓚᕆᒃᑐᒥᒡᓕ ᒎᑎᓐᖑᐊᖁᑎᒋᔭᖏᑦ ᐲᔭᕐᑕᒃᓴᕆᕙᓯ ᓇᐸᔪᖁᑎᒋᔭᖏᓪᓗ ᐅᔭᕅᑦ ᐅᕐᕈᑎᓪᓗᒋᑦ ᓯᖁᒥᑕᒃᓴᕆᕙᓯ.

ᒨᓯᓯ ᐂᑉᐸᖏᑦ 34:14

“ᒎᑎᒋᔭᐅᔪᓂᒃ ᓇᓪᓕᐊᓐᓂᒡᓘᓐᓃᑦ ᑐᒃᓯᐊᕐᕕᖃᕐᑐᒃᓴᐅᓐᖏᓚᓯ, ᐅᕙᖓ ᐊᑕᓂᐅᔪᖓ, ᐊᓯᓐᓂᒃ ᑲᒪᒋᔭᐅᖁᔨᖏᓐᓇᒪ ᓯᖕᓇᑐᔫᓪᓗᖓᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:36

ᐅᕙᓐᓂᒃ ᓇᓂᓯᖏᑦᑐᖅ ᓇᖕᒥᓂᖅ ᐋᓐᓂᐊᑎᑉᐳᖅ; ᐅᕙᓐᓂᒃ ᐆᒥᓱᒃᑐᑦ ᑐᖁᒥᒃ ᐅᖓᕗᑦ.”

ᐂᓮᐊᓯᐅᑉ ᐊᒡᓚᖏᑦ 44:15

ᓇᐹᕐᑑᑉ ᐃᓚᖓ ᐃᓅᑉ ᕿᔪᒃᓴᕆᕚ; ᐃᓚᖓ ᐃᒻᒥᓄᑦ ᐅᖅᑰᑦᔪᑎᒃᓴᕆᕚ; ᐃᒐ ᐃᑯᐊᓪᓚᒃᑲᒥᐅᒃ ᓂᐊᖂᔭᓕᐅᕐᐳᖅ; ᐃᓚᖓᓗ ᒎᑎᓕᐊᕆᓪᓗᒍ ᑐᒃᓯᐊᕐᕕᒋᕚ; ᐃᓄᓐᖑᐊᓕᐊᕆᓪᓗᒍ ᒎᑎᓐᖑᐊᓕᐅᕐᐳᖅ, ᐹᒻᒪᒃᑎᕐᕕᒋᓪᓗᒍᓗ.

ᐂᓮᐊᓯᐅᑉ ᐊᒡᓚᖏᑦ 44:19

ᓇᓪᓕᖏᓪᓘᓐᓃᑦ ᐃᓱᒪᒃᓴᕐᓯᐅᓐᖏᓚᑦ, ᓯᓔᓐᓂᕐᒧᑦ ᖃᐅᔨᒪᓇᓱᓐᖏᓚᑦ ᐅᖃᓐᖏᓚᓪᓘᓐᓃᑦ, “ᕿᔫᑉ ᐃᓚᖓᓄᑦ ᐃᑯᐊᓚᑦᓯᕗᖓ, ᓂᐊᖂᔭᓕᐅᕈᑎᒋᓪᓗᒍᓗ, ᓂᕿᒥᒡᓗ ᐆᔪᓕᐅᕈᑎᒋᒐᒃᑯ ᓂᕆᕗᖓ; ᕿᔪᒋᔭᒪ ᐊᒥᐊᒃᑯᖓ ᓇᕐᕈᓇᕐᑐᓕᐊᕆᔭᕆᐊᖃᕐᐸᕌ? ᐹᒻᒪᒃᑎᕆᐊᖃᕐᐳᖔ ᕿᔪᕈᓗᖕᒧᑦ?”

ᔨᕆᒤᐊᐅᑉ ᐊᒡᓚᖏᑦ 2:9

“ᑍᒤᒻᒪᑦ ᐃᖅᑲᕐᑐᐃᑦᔪᑎᒃᓴᖃᕐᐳᖓ ᐃᓕᑦᓯᓐᓄᑦ, ᐊᑕᓂᖅ ᐅᖃᕐᐳᖅ, ᐃᖅᑲᕐᑐᐃᑦᔪᑎᒃᓴᖃᕈᒫᕐᐳᖓᓗ ᕿᑐᕐᖓᑦᓯ ᕿᑐᕐᖓᖏᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 32:18

ᐃᓄᒐᓴᒃᔪᐊᓄᑦ ᓇᒡᓕᒍᓱᖕᓂᕐᓂᒃ ᑕᑯᑎᑦᓯᕙᒃᐳᑎᑦ ᑭᓯᐊᓂᑦᑕᐅᖅ ᓯᕗᓕᖏᑕ ᐊᔪᕐᑐᓕᓯᒪᓂᖏᓐᓄᑦ ᑭᖑᕚᕇᑦ ᓱᒋᐊᕐᐸᒃᑭᕙᑎᑦ. ᐊᑕᓃᖅ ᐱᔪᓐᓇᕐᑐᕐᔪᐊᖑᓪᓗᑎᑦ ᒎᑎᐅᒐᕕᑦ ᖁᑦᓯᖕᓂᕐᐹᒍᓪᓗᑎᑦ ᐊᑎᖃᕐᐳᑎᓪᓗ ᐊᑕᓂᕐᒥᒃ ᐊᔪᒐᖃᖏᑦᑐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 18:19

“ᐊᐱᕆᒍᕕᓪᓕ ᖃᓄᐃᒻᒪᑦ ᐃᕐᓂᖓ ᐋᓐᓂᐊᕈᑎᖃᖃᑕᐅᓐᖏᓚᖅ ᐊᑖᑕᖓᑕ ᐊᔪᕐᑐᓕᓂᕕᓂᖏᓐᓅᑦ? ᑭᐅᒐᔭᕐᐸᑦᓯ ᐃᕐᓂᖓ ᐃᓱᐊᕐᑐᒥᒃ ᓈᒻᒪᑦᓯᐊᕐᑐᒥᒡᓗ ᐱᓇᓱᐊᓚᐅᕐᒪᑦ, ᒪᓕᒐᒃᓴᐅᖁᔭᒃᑲᓗ ᒪᓕᑦᓯᐊᓚᐅᕐᒪᒋᑦ, ᐃᓅᔪᒫᕐᐳᖅ ᖁᓚᕐᓇᖏᑦᑐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 18:2

“ᖃᓄᖅ ᑐᑭᖃᕐᑎᑕᐅᕚ? ᐃᓴᕆᐊᓕᒥᐅᓄᑦ ᐅᖃᐅᓯᐅᒐᔪᒃᑐᖅ, ‘ᐊᑖᑕᐅᔪᑦ ᓰᕐᓇᕐᑐᒥᒃ ᐸᐅᕐᖓᕐᑐᓚᐅᕐᒪᑕ, ᕿᑐᕐᖓᖏᑕᓗ ᑭᖑᑎᖏᑦ ᐊᐅᓂᕈᕐᐳᑦ.’

ᐃᓯᑭᐊᓕᐅᑉ ᐊᒡᓚᖏᑦ 20:7

ᐅᖃᐅᑎᓚᐅᕐᐸᒃᑲᓗ, ᑕᑯᒥᒋᔭᓯ ᓇᕐᕈᓇᕐᑐᑦ ᐃᒋᓚᐅᕐᓯᐅᒃ, ᐊᑕᖏᕐᓗᓯ ᐃᓕᑦᓯᓐᓂᒃ ᐃᑦᔪᕐᓇᕐᑎᑐᓐᓃᕆᑦᓯ ᐄᑦᔨᑉᑎᒥᐅᑦ ᒎᑎᓐᖑᐊᖏᓐᓄᑦ; ᐅᕙᖓᐅᒐᒪ ᐊᑕᓂᖅ ᒎᑎᓯ.

ᐃᓯᑭᐊᓕᐅᑉ ᐊᒡᓚᖏᑦ 39:25

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᒫᓐᓇ ᔧᑰᑉ ᑭᖑᕚᖏᑦ ᐅᑎᕐᑎᓐᓂᐊᕐᐸᒃᑲ, ᐃᓴᕆᐊᓕᐅᓪᓗ ᑭᖑᕚᓕᒫᖏᑦ ᓈᒃᑭᒋᓂᐊᕐᐸᒃᑲ; ᐊᑎᕋᓗ ᐃᑦᔪᕐᓁᑦᑐᖅ ᓯᖕᓇᒋᓂᐊᕐᐸᕋ.

ᐃᓯᑭᐊᓕᐅᑉ ᐊᒡᓚᖏᑦ 8:3

ᐃᓴᒃᓗᓂ ᐊᒡᒐᒋᔮᕐᑕᒥᓄᑦ ᓄᔭᒃᑯᑦ ᑎᒍᕚᖓ; ᐊᓂᕐᓂᐅᑉ ᖃᖓᑦᑕᕐᑎᑉᐹᖓ ᓄᓇᐅᓪᓗ ᕿᓚᐅᓪᓗ ᐊᑯᓐᓂᖓᓄᑦ, ᑕᑯᑎᑦᔪᑎᒃᑯᓪᓗ ᒎᑎᒥᑦ ᐱᔪᒃᑯᑦ ᔨᕉᓴᓕᒧᐊᕐᑎᑉᐹᖓ, ᑐᒃᓯᐊᕐᕕᒡᔪᐊᓪᓗ ᐃᑎᕆᐊᕐᕕᖓᓄᐊᕐᑎᑉᐹᖓ ᐃᓗᓪᓕᕐᒧᑦ ᐅᓐᓄᐊᓪᓗᐊᑉ ᓇᓛᓃᑦᑐᒧᑦ, ᒎᑎᓐᖑᐊᓕᐊᕆᓯᒪᔫᑉ ᐃᓂᖓᓄᑦ ᓯᖕᓇᒋᔭᐅᔪᒧᑦ, ᑖᑦᓱᒧᖓ ᓯᖕᓇᑎᑦᓯᔪᒧᑦ.

ᑖᓂᐊᓕᐅᑉ ᐊᒡᓚᖏᑦ 1:2

ᐊᑕᓂᐅᓪᓗ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᔨᕼᐅᐃᐊᑭᒻ ᑐᓂᕚ ᑖᑦᓱᒧᖓ, ᒎᑎᐅᓪᓗ ᐃᒡᓗᖓᑕ ᐃᓗᓕᖏᑕ ᐃᓚᖏᓐᓂᒃ ᐊᑭᑐᔪᓂᒃ ᐱᖃᓯᐅᑦᔨᓪᓗᓂ: ᓂᐱᑯᓁᓴᐅᑉ ᐊᐅᓪᓚᕈᑎᕔᑦ ᓄᓇᒧᑦ ᓯᓇᕆᒧᑦ ᒎᑎᓐᖑᐊᒥ ᐃᒡᓗᖓᓄᑦ; ᐃᓕᕔᓪᓗ ᒎᑎᓐᖑᐊᖃᕐᕕᖕᒥ ᐊᑭᑐᔪᓂᒃ ᐱᖁᑎᒃᑯᕕᖓᓄᑦ.

ᑖᓂᐊᓕᐅᑉ ᐊᒡᓚᖏᑦ 3:18

ᓴᐳᑎᖏᒃᑲᓗᐊᕐᐸᑎᒍᑦ, ᐊᖓᔪᖅᑳᕐᔪᐊᖅ, ᖃᐅᔨᒪᖁᕙᑦᑎᒋᑦ, ᒎᑎᑎᑦ ᐱᔨᑦᓯᕈᒪᖏᓐᓇᑦᑎᒍ, ᐃᓄᓐᖑᐊᕐᓗ ᒎᓗ ᓴᓇᔭᐅᑎᓚᐅᕐᑍᑦ ᑐᒃᓯᐊᕐᕕᒋᔪᒪᓐᖏᓚᕗᑦ.”

ᒨᓯᓯ ᐱᖓᔪᖏᑦ 20:5

ᐅᕙᖓ ᓇᖕᒥᓂᖅ ᐊᑭᕋᕐᑐᕐᓂᐊᕐᐸᕋ ᐃᒡᓗᒥᐅᖃᑎᖏᓪᓗ, ᐃᓄᖁᑎᓐᓂᒡᓗ ᑍᔪᓐᓁᕐᓂᐊᕐᐸᕋ ᒪᓕᒃᑎᓕᒫᖏᓪᓗ, ᐊᓯᓐᓂᐊᕐᒪᑕ ᒎᑎᓐᖑᐊᒧᑦ ᒧᓕᑭᒧᑦ.

ᒨᓯᓯ ᐱᖓᔪᖏᑦ 26:1

“ᒎᑎᓐᖑᐊᒥᒃ ᓴᓇᔪᒃᓴᐅᓐᖏᓚᓯ, ᐃᓄᓐᖑᐊᒥᒡᓘᓐᓃᑦ ᐅᔭᕋᖕᒥᒡᓘᓐᓃᑦ ᓇᑉᐸᕐᑎᑦᓯᔪᒃᓴᐅᓐᖏᓚᓯ, ᐅᔭᕋᖕᒥᒡᓘᓐᓃ ᓴᓇᓐᖑᐊᕐᓯᒪᔪᒥ ᓄᓇᑦᓯᓐᓄᑦ ᐃᓕᓯᔪᒃᓴᐅᓐᖏᓚᓯ, ᐹᒻᒪᒃᑎᕐᕕᒋᔭᒃᓴᑦᓯᓐᓂᒃ. ᐅᕙᖓ ᐊᑕᓂᐅᒐᒪ ᒎᑎᓯ.

ᒨᓯᓯ ᐱᖓᔪᖏᑦ 26:29

ᐊᒃᓱᒻᒪᕆᐊᓗᒃ ᑳᖃᑦᑕᕐᓗᓯ, ᑳᖕᓂᕐᒧᑦ ᐊᒡᓛᑦ ᕿᑐᕐᖓᓯ ᓂᕿᒋᓕᕐᓗᒋᑦ.

ᓇᕼᐅᒥᐅᑉ ᐊᒡᓚᖏᑦ 1:2

ᐊᑕᓂᖅ ᒎᑎᐅᕗᖅ ᐊᓯᒥᓅᖁᔨᖏᑦᑐᖅ ᐊᑭᓂᐊᕐᑎᐅᓪᓗᓂᓗ; ᐊᑕᓂᖅ ᐊᑭᓂᐊᕐᐳᖅ ᓂᓐᖓᐅᒪᓕᕐᓗᓂᓗ; ᐊᑕᓂᐅᑉ ᐊᑭᕋᕐᑐᕐᑎᓂ ᐊᑭᓂᐊᕐᐰᑦ, ᐆᒥᒋᔨᒥᓄᓪᓗ ᓂᓐᖓᖕᓂᓂ ᐃᓕᖓᑎᑉᐹ.

ᒨᓯᓯ ᓯᑕᒪᖏᑦ 14:18

‘ᐊᑕᓂᖅ ᓂᓐᖓᒃᓴᕅᓐᖏᓚᖅ, ᓇᒡᓕᒍᓱᖕᓂᖓᓗ ᐊᒥᒐᕋᓂ, ᐱᐅᖏᑦᑐᓕᓂᕐᒥᒃ ᑕᒻᒪᕐᓂᕐᒥᒡᓗ ᐃᓱᒪᒋᔪᓐᓁᕐᕕᖃᕐᐳᖅ; ᐸᓯᔭᒃᓴᐅᔪᓂᒡᓕ ᓱᒋᐊᕐᓯᑦᑍᓕᓐᖏᓚᖅ, ᐊᑖᑕᐅᔪᑦ ᐱᐅᖏᑦᑐᓕᓂᖏᑦ ᑎᑭᑦᓱᓐᓇᕐᒪᒋᑦ ᐃᕐᓂᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.’

ᒨᓯᓯ ᓯᑕᒪᖏᑦ 14:33

ᐃᕐᓂᓯᓗ ᓰᐱᓂᒃ ᑲᒪᔨᐅᔪᒫᕐᐳᑦ ᐃᓄᖃᖏᑦᑐᒥ ᐊᕐᕌᒍᓂᒃ 40ᓂᒃ, ᐅᖁᒤᑦᔪᑎᓂᒃ ᐊᑐᕐᓗᑎᒃ ᓈᓚᖏᓐᓂᕆᓚᐅᕐᑕᑦᓯᓐᓂᒃ, ᑎᒥᓯ ᐃᓄᖃᖏᑦᑐᒥ ᐅᕐᕈᓚᐅᖅᑳᕐᑎᓐᓇᒋᑦ.

ᒨᓯᓯ ᓯᑕᒪᖏᑦ 25:11

“ᐱᓂᕼᐋᓯ ᐃᓕᓯᕆᐅᑉ ᐃᕐᓂᖓᑕ, ᑐᓂᕐᕈᓯᕐᑎᑦᓯᔨᐅᑉ ᐂᕉᓂᐅᑉ ᐃᕐᖑᑕᖓᑕ, ᐃᓴᕆᐊᓕᒥᐅᓄᑦ ᓂᓐᖓᐅᒪᓂᕋ ᓄᖅᑲᕐᑎᑉᐹ, ᐊᒃᓱᕈᕐᓗᓂ ᓴᐳᑦᔨᔪᒪᓪᓚᕆᖕᒪᑦ ᐅᕙᑦᑐᑦ ᐅᐱᒋᔭᐅᓂᕋ ᐃᓄᖕᓄᑦ ᐱᓪᓗᒍ, ᐃᓴᕆᐊᓕᒥᐅᓂᒃ ᓴᐳᑦᔨᔪᒪᓪᓗᓂ ᓄᖒᑦᓯᖁᓇᖓ ᑖᒃᑯᓂᖓ ᑲᔪᓯᔪᒪᓂᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 4:9

ᐅᖃᐅᑎᓪᓗᒍ, “ᑕᒪᒃᑯᐊᓕᒫᑦ ᑐᓂᓂᐊᕐᐸᒃᑲ ᐃᓕᖕᓄᑦ, ᓵᓐᓄᑦ ᓰᖅᑯᕐᓗᑎᑦ ᑐᒃᓯᐊᕐᕕᒋᒍᕕᖓ.”

ᔪᐊᓇᓯᐅᑉ ᐊᒡᓚᖏᑦ 15:18

“ᓯᓚᕐᔪᐊᕐᒥᐅᑦ ᐆᒥᒋᒃᐸᓯ, ᖃᐅᔨᒪᒋᑦᓯ ᐆᒥᒋᖅᑳᕐᒪᖓ ᐃᓕᑦᓯᓐᓂᑦ.

ᔪᐊᓇᓯᐅᑉ ᐊᒡᓚᖏᑦ 7:7

ᓯᓚᕐᔪᐊᕐᒥᐅᑦ ᐆᒥᒋᔪᓐᓇᓐᖏᓛᓯ, ᐅᕙᖓᓕ ᐆᒥᒋᔭᐅᕗᖓ ᐱᐅᖏᑦᑐᒧᑦ ᐊᐅᓚᑕᐅᓂᖏᓐᓂᒃ ᓇᓗᓁᕐᓯᖃᑦᑕᕐᓂᕋ ᐱᑦᔪᑎᒋᓪᓗᒍ.

ᔪᐊᓇᓯᐅᑉ ᐊᒡᓚᖏᑦ 9:2

ᐃᓕᓐᓂᐊᕐᑎᖏᑕᓗ ᐊᐱᕆᕚᑦ, “ᐊᔪᕆᕐᑐᐃᔩ, ᓇᓪᓕᐊᑦᑕ ᐊᔪᕐᑐᓕᓂᖓᓄᑦ ᑖᓐᓇ ᑕᐅᑐᖕᓇᓂ ᐃᕐᓂᐊᖑᓯᒪᕚ ᓇᖕᒥᓂᕐᓘᓐᓃᑦ ᐊᔪᕐᑐᓕᓂᕐᒥᓄᑦ? ᐊᖓᔪᖅᑳᖏᑕᓘᓐᓃᑦ ᐊᔪᕐᑐᓕᓂᖏᓐᓄᑦ?”

ᕉᒪᒥᐅᓄᑦ 1:30

ᐅᖃᕐᓂᕐᓗᖃᑦᑕᐅᑎᕗᑦ, ᒎᑎᒥᒃ ᐆᒥᓱᒃᐳᑦ, ᓂᓐᖓᐅᒪᓪᓗᑎᒃ ᐅᖃᐅᓯᕾᓐᓇᕐᐳᑦ, ᐱᐅᔪᕆᕗᑦ, ᐅᓇᖕᒥᓁᔭᕐᐳᑦ, ᐱᐅᖏᑦᑐᓕᐅᕈᑎᒃᓴᓂᒃ ᐋᖅᑭᒃᓱᐃᕗᑦ, ᐊᖓᔪᖅᑳᒥᖕᓂᒃ ᓈᓚᒍᓐᓇᓐᖏᓚᑦ.

ᕉᒪᒥᐅᓄᑦ 8:7

ᐃᓱᒪ ᑎᒥᐅᑉ ᐱᔪᒪᔭᖓᓂᒃ ᓈᓚᒃᑐᖅ ᒎᑎᒥᒃ ᐊᑭᕋᕐᑐᕐᒪᑦ; ᐃᒻᒥᓂᒃ ᑐᓂᔪᒪᓐᖏᓚᖅ ᒎᑎᐅᑉ ᐱᖁᔭᖏᓐᓄᑦ; ᐊᓱᐃᓛᒃ ᐊᔪᓪᓚᕆᒃᐳᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:22

ᐊᑕᓂᕐᒥᒃ ᓂᓐᖓᒃᑎᑦᓯᓇᓱᐊᕐᐱᑖ? ᑖᑦᓱᒪᖓᑦ ᐱᔪᓐᓇᕐᓂᕐᓴᐅᕕᑖ?

ᒨᓯᓯ ᑕᓪᓕᒪᖏᑦ 32:21

ᒎᑎᓐᖑᐊᖏᓐᓄᑦ ᓂᓐᖓᒃᑎᑕᐅᕗᖓ ᓯᖕᓇᕗᖓ ᒎᑎᐅᓂᕋᕐᑕᖏᓐᓄᑦ ᓱᓕᖏᑦᑐᓄᑦ, ᒎᑎᓪᓚᕆᐅᖏᑦᑐᓂᒃ ᒎᑎᖃᕋᓱᖕᒪᑕ. ᑍᒤᒻᒪᑦ ᐃᓅᖃᑎᒌᒡᔪᐊᓂᒃ ᐊᑐᕐᓗᖓ ᓂᓐᖓᒃᓴᕐᓂᐊᕐᐸᒃᑲ; ᐃᓅᖃᑎᒌᒡᔪᐊᓄᑦ ᓯᓔᑦᑐᓄᑦ ᓯᖕᓇᓕᕐᑎᓐᓂᐊᕐᐸᒃᑲ.

ᒨᓯᓯ ᑕᓪᓕᒪᖏᑦ 32:41

ᓴᕕᒡᔪᐊᕋ ᕿᓪᓚᕆᒃᑐᖅ ᐃᐱᒃᓴᕈᒃᑯ, ᑎᒍᒥᐊᓕᕐᓗᖓᓗ ᐃᖅᑲᕐᑐᐃᓂᕐᒧᑦ, ᐊᑭᕋᕐᑐᕐᑎᒃᑲ ᐊᑭᓂᐊᕐᕕᒋᓂᐊᕐᐸᒃᑲ ᓱᒋᐊᕐᓂᐊᕐᓗᒋᓪᓗ ᐅᕙᓐᓂᒃ ᐆᒥᓱᒃᑐᑦ.

ᒨᓯᓯ ᑕᓪᓕᒪᖏᑦ 4:24

ᐊᑕᓂᖅ ᒎᑎᓯ ᐃᑯᒪᑎᑐᑦ ᐃᑯᐊᓚᔪᑎᑐᑦ ᑍᒤᒻᒪᑦ; ᐊᓯᒥᓂᒃ ᒎᑎᖃᖁᔨᖏᒻᒪᕆᒃᑐᖅ.

ᒨᓯᓯ ᑕᓪᓕᒪᖏᑦ 5:10

ᐅᕙᓐᓂᒡᓕ ᓇᒡᓕᒍᓱᒃᑐᓄᑦ ᓇᒡᓕᒍᓱᖕᓂᓐᓂᒃ ᑕᑯᑎᑦᓯᓂᐊᕐᐳᖓ ᐱᖁᔭᓐᓂᒡᓗ ᓈᓚᒃᑐᓄᑦ ᑭᖑᕚᕇᑦ 1,000ᓗᐊᕐᑐᑦ ᑎᑭᓪᓗᒋᑦ.

ᒨᓯᓯ ᑕᓪᓕᒪᖏᑦ 5:9

ᐹᒻᒪᒃᑎᕐᕕᖃᕐᑐᒃᓴᐅᓐᖏᓚᓯ ᒎᑎᓐᖑᐊᓕᐊᕆᓯᒪᔪᒥᒃ ᑐᒃᓯᐊᕐᕕᖃᕋᓱᐊᕐᑍᓕᓗᓯᓗ ᑍᒤᑦᑐᓂᒃ, ᐅᕙᖓ ᐊᑕᓂᖅ ᒎᑎᒋᕙᑦᓯᓐᖓ ᐊᓯᓐᓂᒃ ᐱᑕᖃᖏᒻᒪᑦ. ᓱᒋᐊᕐᓯᓂᐊᕐᐳᖓ ᐅᕙᓐᓂᒃ ᖀᒥᒍᓱᒃᑐᓂᒃ ᑭᖑᕚᖏᓐᓂᒡᓗ, ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.

ᒨᓯᓯ ᑕᓪᓕᒪᖏᑦ 6:15

ᑖᓐᓇ ᐊᑕᓂᖅ ᒎᑎᒋᔭᓯ ᐃᓕᑦᓯᓐᓃᑦᑐᖅ ᐃᓕᑦᓯᓐᓂᒃ ᓯᖕᓇᑐᔫᖕᒪᑦ, ᐊᑕᓂᐅᑉ ᒎᑎᑦᓯ ᓂᓐᖓᐅᓯᖓᓄᑦ ᑎᑭᕝᕕᐅᖁᓇᓯ, ᐃᑯᒪᔪᒧᑦ ᓄᖑᑕᐅᔪᑎᑐᑦ ᑍᒤᖁᓇᓯ ᑕᕝᕙᓂ ᓄᓇᑦᓯᓐᓂ.

ᒨᓯᓯ ᑕᓪᓕᒪᖏᑦ 7:10

ᓱᒋᐊᕐᑍᓕᓂᐊᓐᖏᓔᓪᓕ ᑖᑦᓱᒥᖓ ᐆᒥᓱᒃᑐᑦ, ᓄᖑᓪᓗᒋᑦ; ᓄᖅᑲᖓᑎᑦᓯᓂᐊᓐᖏᓚᖅ ᓱᒋᐊᕐᓯᓂᒃᓴᒥᓂᒃ ᑖᑦᓱᒥᖓ ᐆᒥᓱᒃᑐᓂᒃ.

ᔧᒥᓯᐅᑉ ᐊᒡᓚᖏᑦ 4:4

ᐊᓯᓐᓂᐊᕐᑎᐅᔪᓯ! ᖃᐅᔨᒪᓐᖏᓚᓰ ᓯᓚᕐᔪᐊᕐᒥᒃ ᐃᓚᓐᓈᖃᕐᓂᖅ ᒎᑎᒥᒃ ᐊᑭᕋᕐᑐᕐᓂᐅᖕᒪᑦ? ᑍᒤᒻᒪᑦ ᓇᓪᓕᐊᑦ ᓯᓚᕐᔪᐊᕐᒥᒃ ᐃᓚᓐᓈᖃᕈᒪᔪᖅ ᑖᓐᓇ ᒎᑎᒥᒃ ᐊᑭᕋᕐᑐᓕᕐᐳᖅ?

ᔮᓱᐊᑉ ᐊᒡᓚᖏᑦ 23:16

ᐊᖏᖃᑎᒌᒍᑎᒋᓚᐅᕐᑕᓯ ᑲᔪᓯᑎᖏᒃᑯᑦᓯᐅᒃ, ᐊᑕᓂᐅᑉ ᒎᑎᑦᓯ ᑎᓕᓯᑦᔪᑎᒋᓚᐅᕐᑕᖓ ᐃᓕᑦᓯᓐᓄᑦ, ᐱᔨᑦᓯᓕᕈᑦᓯᓗ ᒎᑎᐅᑉ ᐊᓯᐊᓂᒃ ᐹᒻᒪᒃᑎᕐᕕᒋᓕᕐᓗᒋᓪᓗ. ᑕᕝᕙ ᐊᑕᓂᐅᑉ ᓂᓐᖓᐅᓯᕐᒥᓄᑦ ᓱᒋᐊᕈᒫᕐᐹᓯ, ᐊᑯᓂᐅᖏᑦᑐᕐᓗ ᑕᒫᓃᑦᓱᓐᓁᕈᒫᕐᐳᓯ ᓄᓇᒥ ᐱᐅᔪᒥ ᑐᓂᓚᐅᕐᑕᖓᓂ ᐃᓕᑦᓯᓐᓄᑦ.”

ᔮᓱᐊᑉ ᐊᒡᓚᖏᑦ 23:7

ᐃᓅᖃᑎᒌᒡᔪᐊᓂᓗ ᐊᒥᐊᒃᑰᓯᒪᔪᓂᒃ ᐂᑉᐸᕐᑖᕐᑐᒃᓴᐅᓐᖏᓚᓯ, ᐅᖃᐅᓯᕆᑦᑍᓕᓗᒋᓪᓗ ᒎᑎᖏᑕ ᐊᑎᖏᑦ, ᐊᑎᖏᓪᓘᓐᓃᑦ ᐊᖏᕈᑎᒋᓂᐊᕋᓯᐅᒃ, ᒎᑎᖏᓪᓗ ᑐᒃᓯᐊᕐᕕᒋᔭᒃᓴᕆᓐᖏᓚᓯ, ᐹᒻᒪᒡᕕᒋᓂᐊᕐᓇᒋᓪᓗ.

ᔮᓱᐊᑉ ᐊᒡᓚᖏᑦ 24:19

ᔮᓱᐊᓪᓕ ᐃᓄᐃᑦ ᐅᖃᐅᑎᕔᑦ, “ᐊᑕᓂᕐᒥᒡᓕ ᐱᔨᑦᓯᕈᓐᓇᕐᓂᐊᓐᖏᓚᓯ; ᐃᑦᔪᕐᓁᑦᑑᓪᓗᓂ ᒎᑎᐅᖕᒪᑦ; ᓯᖕᓇᑐᔫᓪᓗᓂ ᒎᑎᐅᕗᖅ; ᐃᓱᒪᒋᔪᓐᓁᕐᓂᐊᓐᖏᓛᓯᓗ ᐊᔪᕐᑐᓕᓂᑦᓯᓐᓂᑦ ᐊᔪᕐᓂᑦᓯᓐᓂᓪᓗ.

ᐃᓗᐊᕐᓮᔩᑦ ᐊᒡᓚᖏᑦ 2:19

ᐃᓱᐊᕐᓮᔨᓕ ᑐᖁᑐᐊᕐᒪᑦ, ᐃᓄᐃᑦ ᐅᑎᖃᑦᑕᓚᐅᕐᐳᑦ ᐱᐅᓯᑐᖃᕐᒥᖕᓄᑦ ᐱᐅᖏᓐᓂᕐᓴᐅᓕᕐᐸᒡᓗᑎᒡᓗ ᓯᕗᓕᕆᓚᐅᕐᑕᒥᖕᓂᑦ. ᒎᑎᐅᑉ ᐊᓯᖏᓐᓂᒃ ᒎᑎᖃᖃᑦᑕᓚᐅᕐᒪᑕ, ᐱᔨᑦᓯᕐᓗᒋᑦ ᑐᒃᓯᐊᕐᕕᒋᓪᓗᒋᓪᓗ; ᐱᓂᐊᕐᓂᕐᒥᖕᓂᒡᓗ ᓴᒃᑯᓚᐅᓐᖏᓚᑦ.