ᒨᓯᓯ ᐂᑉᐸᖏᑦ 20:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᐅᔭᖅᑲᓂᒃ ᑐᓂᕐᕈᓯᕐᕕᓕᐅᕐᓂᐊᕈᕕᑦ ᐅᕙᓐᓄᑦ, ᐃᓚᓐᖔᓯᒪᔪᓂᒃ ᐅᔭᖅᑲᓂᒃ ᑐᓂᕐᕈᓯᕐᕕᓕᐅᕐᑐᒃᓴᐅᓐᖏᓚᑎᑦ; ᓴᓇᕐᕈᑎᒥᒃ ᐃᓚᓐᖔᓯᑦᔪᑎᒥᒃ ᐊᑐᓕᕈᕕᑦ ᐅᔭᖅᑲᓄᑦ ᑕᕝᕙ ᐅᕙᓐᓄᑦ ᓇᕐᕈᓇᕐᓯᓗᓂ ᐊᑐᕐᑐᒃᓴᐅᔪᓐᓃᕐᐳᖅ.

ᒨᓯᓯ ᐂᑉᐸᖏᑦ 20:25 Iomraidhean Croise

ᐊᑕᓃᑦ ᓯᕗᓪᓖᑦ 6:7

ᐃᒡᓗ ᓴᓇᔭᐅᕗᖅ, ᐅᔭᕋᖕᓂᒃ ᓴᓇᔭᐅᔭᕇᕐᓯᒪᔪᓂᒃ ᐅᔭᕋᖕᓂᒃ ᐲᔧᕕᖕᒥ; ᓂᐱᖃᓚᐅᓐᖏᓚᖅ ᑲᑦᔪᒡᕙᓗᒃᑐᒥᒃ ᐅᓕᒪᕐᕙᓗᒃᑐᒥᒡᓘᓐᓃᑦ ᐅᕝᕙᓗ ᓴᓇᕐᕈᑎᓄᑦ ᓴᕕᕋᔭᖕᓄᑦ ᑐᓴᕐᓴᐅᔪᓂᒃ ᑐᒃᓯᐊᕐᕕᒡᔪᐊᖅ ᓴᓇᔭᐅᑎᓪᓗᒍ.

ᒨᓯᓯ ᐂᑉᐸᖏᑦ 20:24

ᓄᓇᒥᓕ ᑐᓂᕐᕈᓯᕐᕕᖕᒥᒃ ᓴᓇᓕᕆᑦᓯ ᐅᕙᓐᓄᑦ; ᑕᕝᕙᓂᓗ ᑐᓂᕐᕈᓯᕐᓗᓯ ᑐᓂᕐᕈᑎᓂᒃ ᐆᑕᒃᓴᓂᒃ ᑐᓂᕐᕈᑎᓂᒡᓗ ᖁᔭᓕᑦᔪᑎᒃᓴᓂᒃ, ᓰᐱᓂᒃ ᐃᒻᒧᒃᓯᐅᒐᓂᒡᓗ ᑐᓂᕐᕈᓯᕐᑐᒃᓴᐅᕗᓯ; ᓇᓂᑐᐃᓐᓇᖅ ᐊᑎᕐᒪ ᐃᖅᑲᐅᒪᔭᐅᑦᔪᑎᒃᓴᖓᓂᒃ ᐱᑎᑦᓯᑐᐊᕈᒪ ᑕᕝᕙ ᑕᕝᕗᖓ ᕾᓂᐊᕐᐳᖓ ᓮᒻᒪᕐᑎᓪᓗᓯᓗ.

ᒨᓯᓯ ᐂᑉᐸᖏᑦ 24:4

ᒨᓯᓯᐅᓪᓗ ᑎᑎᕋᕐᐰᑦ ᐊᑕᓂᐅᑉ ᐱᓂᐊᕐᑕᐅᖁᔭᓕᒫᖏᑦ, ᖃᐅᑎᓪᓗᒍᓗ ᐅᓪᓛᕋᕐᔪᒃᑯᑦ ᑐᓂᕐᕈᓯᕐᕕᒃᓴᒥᒃ ᓴᓇᕗᖅ ᖃᖅᑳᓘᑉ ᐊᑖᓂ. ᓴᓇᕕᒋᓪᓗᓂᐅᒃ ᐅᔭᖅᑲᓂᒃ 12ᓂᒃ ᐅᔭᕋᒃ ᐊᑕᐅᓯᖅ ᑐᕌᖓᑎᓪᓗᓂᐅᒃ ᐃᓅᖃᑎᒌᑦ ᐃᓴᕆᐊᓕᒥᐅᑦ 12ᓕᖅᑲᖓᓂᖏᑦ ᒪᓕᒡᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 40:42

ᓯᑕᒪᓂᒃᑕᐅᖅ ᓵᑕᖃᕆᕗᖅ ᐅᔭᕋᖕᓂᒃ ᓴᓇᓯᒪᔪᓂᒃ ᑐᓂᕐᕈᑎᒃᓴᓄᑦ ᐃᑯᐊᓚᑎᑕᒃᓴᓄᑦ ᐊᑐᕐᑕᐅᔪᒃᓴᓂᒃ, ᐳᕐᑐᓂᖃᕐᑐᓂᒃ ᐃᑎᒑᒃ ᒪᕐᕈᑲᓵᖕᓂᒃ, ᖄᖏᑦ ᑐᑭᒧᓪᓗ ᓴᓂᒧᓪᓗ ᐃᑎᒑᒃ ᒪᕐᕉᒃ ᕿᑎᖅᑲᕐᓗ ᐊᖏᓂᖃᕐᐳᑦ ᓯᒃᑭᑕᓪᓗᐊᖑᓪᓗᑎᒃ, ᑖᒃᑯᓇᓂᓗ ᑐᖁᓮᑦᔪᑎᒃᓴᑦ ᐃᓂᖃᕐᐳᑦ ᑐᓂᕐᕈᑎᒃᓴᑦ ᐃᑯᐊᓚᑎᑕᒃᓴᓪᓗ ᑐᖁᑕᐅᕕᖏᓐᓂ.

ᔮᓱᐊᑉ ᐊᒡᓚᖏᑦ 8:31

ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᓴᓇᖁᔨᓚᐅᕐᓂᖓᓂᒃ ᑲᔪᓯᑎᑦᓯᓪᓗᓂ ᑎᓕᓯᑦᔪᑎᒋᓚᐅᕐᑕᖏᓐᓂᒃ ᐃᓴᕆᐊᓕᒥᐅᓄᑦ, ᑍᒫᒃ ᒨᓯᓯᐅᑉ ᐱᖁᔭᖏᓐᓂ ᑎᑎᕋᕐᓯᒪᖕᒪᑦ: “ᑐᓂᕐᕈᓯᕐᕕᒃ ᓇᑲᑎᕐᑕᐅᓯᒪᖏᑦᑐᓂᒃ ᐅᔭᕋᖃᕆᐊᖃᕐᐳᖅ, ᓴᕕᕋᔭᖕᓄᑦ ᓴᓇᕐᕈᑎᓄᑦ ᐊᒃᑐᕐᑕᐅᓯᒪᖏᓪᓗᑎᒃ.” ᖄᖓᓂ ᑐᓂᕐᕈᓯᓚᐅᕐᐳᖅ ᐃᑯᐊᓚᑎᑦᓯᓪᓗᑎᒃ ᐊᑕᓂᕐᒧᑦ, ᑐᓂᕐᕈᓯᕐᓗᑎᒡᓗ ᓮᒻᒪᕐᑎᑕᐅᓂᕐᒧᑦ ᑐᓂᕐᕈᑎᒥᒃ.