ᒨᓯᓯ ᐂᑉᐸᖏᑦ 20:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐃᓄᐃᓪᓗ ᑲᓪᓕᖅ ᑎᑦᑐᓚᐅᓪᓗ ᓂᓪᓕᕐᑐᖅ ᑐᓴᕋᒥᑦᔪᒃ, ᖃᐅᒻᒪᓪᓚᒃᑐᕐᓗ ᑕᑯᓪᓗᒍ, ᖃᖅᑳᓗᒡᓗ ᐳᔫᕐᑐᖅ ᓴᔪᓕᕐᐳᑦ ᑲᑉᐱᐊᓱᖕᓂᕐᒧᑦ ᐅᖓᓯᒋᔮᓂᓗ ᓇᖏᕐᓗᑎᒃ.

ᒨᓯᓯ ᐂᑉᐸᖏᑦ 20:18 Iomraidhean Croise

ᒨᓯᓯ ᓯᕗᓪᓖᑦ 15:17

ᓯᕿᓂᕐᓕ ᓂᐱᓯᒪᓕᕐᑎᓪᓗᒍ ᑖᕐᓯᖕᒪᑦ, ᑕᑯᒋᑦ, ᐃᑯᒪᔪᒥᒃ ᐳᔫᕐᑐᒥᒡᓗ ᐃᑯᐊᓚᔪᒥᒃ ᓇᓂᕈᐊᕐᒥᒃ ᓴᖅᑭᑦᑐᖃᕐᐳᖅ ᐆᒪᔪᕕᓃᓪᓗ ᐊᒡᒍᕐᓯᒪᔪᑦ ᖁᓛᑦᑎᒎᕐᓗᓂ.

ᒨᓯᓯ ᓯᕗᓪᓖᑦ 3:10

ᐊᖑᓪᓗ ᑭᐅᕗᖅ, “ᑐᓴᕋᒪ ᐱᕈᕐᓰᕕᖕᒦᓐᓂᕐᓂᒃ, ᑲᑉᐱᐊᓱᒧᑦ ᐊᓐᓄᕌᖃᖏᓐᓂᓐᓂᒃ; ᐃᔨᕐᓯᒪᕗᖓ.”

ᐃᓐᖏᕈᑎᑦ 81:7

ᐅᖁᒤᑦᑐᒦᓕᕐᑎᓪᓗᑎᑦ ᓂᓪᓕᐊᕕᒋᒐᕕᖓ, ᑕᕝᕙ ᓴᐳᑎᓚᐅᕐᐸᒋᑦ; ᑭᐅᓚᐅᕐᐸᒋᑦ ᐃᓂᒋᔭᓐᓂᑦ ᓯᓚᕐᓂᕐᓗᖕᒥᑦ; ᑕᕝᕙᓂ ᖃᐅᔨᒪᓚᐅᕐᐸᒋᑦ ᒥᕆᐸᐅᑉ ᐃᒪᖓᓂ. ᓰᓚ

ᔨᕆᒤᐊᐅᑉ ᐊᒡᓚᖏᑦ 23:23

“ᖃᓂᑦᑐᓄᑦ ᑭᓯᐊᓂ ᒎᑎᒋᔭᐅᓇᓱᒋᕕᓯᓐᖔ? ᐅᖓᓯᒃᑐᒥᐅᓄᓪᓗ ᒎᑎᒋᔭᐅᓇᖓ ᐊᑕᓂᖅ ᐅᖃᕐᐳᖅ.

ᒨᓯᓯ ᑕᓪᓕᒪᖏᑦ 18:16

“ᑍᑦᓱᒪᓂ ᐃᒫᒃ ᐱᖁᔨᓚᐅᕐᐳᓯ ᐊᑕᓂᕐᒥᒃ ᒎᑎᑦᓯᓐᓂᒃ ᖃᖅᑲᒥ ᕼᐆᕆᑉᒥ ᑲᑎᒪᑎᓪᓗᓯ, ᐅᖃᓚᐅᕐᓯᒪᒐᑦᓯ, ‘ᐅᖃᓪᓚᒃᑎᓪᓗᒍ ᑐᓵᒃᑲᓐᓂᕈᒪᔪᓐᓃᕐᐳᒍᑦ ᐊᑕᓂᐅᑉ ᒎᑎᑦᑕ ᓂᐱᖓᓂᒃ, ᐃᑯᐊᓚᔪᕐᔪᐊᖁᑎᖓᓂᒡᓘᓐᓃᑦ ᑕᑯᓐᓇᕈᒪᔪᓐᓁᕐᐳᒍᑦ, ᑐᖁᖁᓇᑕ.’

ᒨᓯᓯ ᑕᓪᓕᒪᖏᑦ 4:36

ᓂᐱᒥᓂᒡᓗ ᕿᓚᖕᒥᑦ ᑐᓴᕈᓐᓇᕐᑎᓚᐅᕐᐹᓯ ᒪᓕᒐᒃᓴᑦᓯᓐᓂᒃ ᐅᖃᐅᑎᔪᒪᓪᓗᓂᓯ; ᑕᕝᕙᓂᓗ ᓄᓇᕐᔪᐊᕐᒥ ᐃᑯᒪᖁᑎᒥᓂᒃ ᐃᑦᔪᕐᓁᑦᑐᒥᒃ ᑕᑯᑎᓚᐅᕐᐹᓯ, ᑕᕝᕙᓐᖓᓪᓗ ᐅᖃᓪᓚᒡᕕᒋᓪᓗᓂᓯ.

ᒨᓯᓯ ᑕᓪᓕᒪᖏᑦ 5:23

“ᖃᖅᑲᓕᒫᖅ ᐃᑯᒪᒧᑦ ᐊᒃᑐᐊᔭᐅᓕᕐᒪᑦ ᓂᐱᒥᒡᓗ ᑕᕝᕙᓐᖓᑦ ᑖᕐᑐᒥᑦ ᑐᓵᓕᕋᑦᓯ, ᓯᕗᓕᕐᑎᓯ ᑭᖑᕚᕇᓪᓗ ᐊᖓᔪᖅᑳᖏᑦ ᐅᕙᓐᓄᑦ ᕾᓚᐅᕐᐳᑦ

ᒨᓯᓯ ᑕᓪᓕᒪᖏᑦ 5:25

ᓱᖕᒪᓪᓕ ᑐᖁᑐᐃᓐᓇᕆᐊᖃᕐᓇᕐᑐᒧᑦ ᓱᓕ ᐱᓇᓱᐊᕐᑐᓱᒃᓴᐅᕕᑖ? ᑖᑦᓱᒪ ᐃᑯᒪᕐᔪᐊᑉ ᓄᖑᑐᐃᓐᓇᕆᐊᖃᕐᐹᑎᒍᑦ. ᑐᖁᑐᐃᓐᓇᕆᐊᖃᓪᓚᕆᒃᐳᒍᑦ ᐊᑕᓂᐅᑉ ᒎᑎᑦᑕ ᓂᐱᖓᓂᒃ ᓱᓕ ᑐᓴᒃᑲᓐᓂᕐᓂᐊᑐᐊᕈᑦᑕ.

ᒨᓯᓯ ᑕᓪᓕᒪᖏᑦ 5:27

ᒨᓯᓰ ᐅᐸᒡᓗᒍ ᓈᓚᒋᐊᕐᑐᓚᐅᕈᒃ ᐊᑕᓂᐅᑉ ᒎᑎᑦᑕ ᐅᖃᐅᓯᕆᔪᒪᔭᓕᒫᖏᑦ. ᑕᕝᕙ ᐅᕙᑦᑎᓐᓄᑦ ᐅᑎᕐᓗᑎᑦ ᐅᖃᕐᓂᐊᕐᐳᑎᑦ ᖃᓄᖅ ᐃᓕᖕᓄᑦ ᐅᖃᐅᓯᖃᕐᒪᖔᑦ. ᐅᕙᒍᑦ ᑕᕝᕙ ᓈᓚᖕᓂᐊᕐᐳᒍᑦ ᒪᓕᒡᓗᑕᓗ.’

ᒨᓯᓯ ᑕᓪᓕᒪᖏᑦ 5:5

ᑍᑦᓱᒪᓂᐅᑎᓪᓗᒍ ᐊᑕᓂᐅᓪᓗ ᐃᓕᑦᓯᓗ ᐊᑯᓐᓂᑦᓯᓐᓂ ᓇᖏᓚᐅᕐᐳᖓ ᐅᖄᓪᓗᖓ ᑖᑦᓱᒪ ᐅᖃᐅᓯᕆᔭᖏᓐᓂᒃ ᐃᓕᑦᓯᓐᓄᑦ, ᑲᑉᐱᐊᓱᓕᓚᐅᕋᑦᓯ ᐃᑯᒪᒥᒃ ᖃᖅᑲᒧᓪᓗ ᒪᔪᕋᕈᒪᔪᓐᓁᕐᓗᓯ. “ᐊᑕᓂᖅ ᐅᖃᓚᐅᕐᐳᖅ,