ᒨᓯᓯ ᐂᑉᐸᖏᑦ 20:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ “ᐃᓅᖃᑎᕕᑦ ᐃᒡᓗᖓᓂᒃ ᐃᒃᓯᒎᕐᑐᒃᓴᐅᓐᖏᓚᑎᑦ, ᓄᓕᐊᖓᓂᒡᓘᓐᓃᑦ ᐃᒃᓯᒎᕐᑐᒃᓴᐅᓐᖏᓚᑎᑦ, ᐱᔨᖓᓂᒡᓘᓐᓃᑦ, ᐆᒪᔪᖁᑎᖓᓂᒡᓘᓐᓃᑦ, ᓯᐅᑎᖅᑯᕐᑐᔪᖁᑎᖓᓂᒡᓘᓐᓃᑦ ᓱᓇᑐᐃᓐᓇᕐᒥᒡᓘᓐᓃᑦ ᐃᓅᖃᑎᕕᑦ ᐱᒋᔭᖓᓂᒃ ᐱᔪᒪᕕᒡᔪᐊᕐᑐᒃᓴᐅᓐᖏᓚᑎᑦ.”

ᒨᓯᓯ ᐂᑉᐸᖏᑦ 20:17 Iomraidhean Croise

ᒨᓯᓯ ᓯᕗᓪᓖᑦ 14:23

ᐱᒋᔭᕐᓂᒃ ᓱᓇᒥᒡᓘᓐᓃᑦ ᐱᓂᐊᓐᖏᓚᖓ, ᐃᕙᓗᒃᓴᐅᑎᐅᒐᓗᐊᕐᐸᑦ, ᐃᑎᒐᒍᑎᐅᓪᓘᓐᓃᑦ ᓯᖏᕆᒐᓗᐊᕐᐸᒍ, ᐅᖃᕐᑐᒃᓴᐅᖁᓇᒃ, ‘ᐅᕙᖕᒊᓐᓇ ᐂᑉᕋᒻ ᐊᔪᕐᓴᕈᓐᓃᕐᑎᓯᒪᔭᕋ.’

ᒨᓯᓯ ᓯᕗᓪᓖᑦ 3:6

ᐊᕐᓇᐅᓪᓗ ᐅᑦᔨᕆᑦᓯᐊᓕᕐᐹ ᓇᐹᕐᑑᑉ ᐸᐅᕐᖓᖏᑕ ᓂᕆᔪᒥᓇᕐᓂᖏᑦ, ᑕᑯᒥᓇᕐᓂᖓᓗ, ᓯᓚᑐᓂᕐᑖᕈᒪᓐᓇᕐᓗᓂᓗ, ᑕᕝᕙ ᐸᐅᕐᖓᖏᑕ ᐃᓚᖓᓐᓂᒃ ᑎᒍᓯᓪᓗᓂ ᓂᕆᕗᖅ; ᐅᐃᒥᓄᓪᓗ ᐃᓚᖓ ᑐᓂᓪᓗᒍ, ᑖᑦᓱᒪᓗ ᓂᕆᒋᕚ.

ᒨᓯᓯ ᓯᕗᓪᓖᑦ 34:23

ᐃᒻᒧᒃᓯᐅᒐᖁᑎᖏᑦ ᓄᓇᖁᑎᖏᓪᓗ ᐆᒪᔪᖁᑎᓕᒫᖏᓪᓗ ᐱᒋᓕᕐᓂᐊᓐᖏᓚᕘᑦ? ᐊᖏᖃᑎᒋᒍᑦᑎᒍ ᑭᓯᐊᓂ, ᓄᓇᖅᑲᑎᒋᓕᕐᓂᐊᕋᑦᑎᒍ.”

ᔫᐱᐅᑉ ᐊᒡᓚᖏᑦ 31:1

“ᐊᖏᒻᒪᕆᒡᓗᖓ ᐅᕙᓐᓄᑦ ᐊᖏᕈᑎᖃᕐᓯᒪᕗᖓ; ᐅᐃᒡᒐᓱᖕᒥᒃ ᐃᒃᓯᒎᕐᓗᖓ ᑕᑯᓐᓇᖃᑦᑕᕈᒪᓇᖓ.

ᔫᐱᐅᑉ ᐊᒡᓚᖏᑦ 31:9

ᐆᒻᒪᑎᒐ ᐃᒃᓯᒎᕐᓂᖃᕐᓯᒪᓐᓂᕐᐸᑦ ᐃᓅᖃᑎᒪ ᓄᓕᐊᖓᓄᑦ, ᓯᓚᖅᑲᑎᒪᓗ ᐅᒃᑯᐊᖓᑕ ᓴᓂᐊᓂ ᐃᔨᕐᓯᒪᓗᖓ ᐅᑕᖅᑭᓚᐅᕐᓯᒪᓐᓂᕈᒪ;

ᐃᓐᖏᕈᑎᑦ 10:3

ᐱᐅᖏᑦᑐᓕᔪᑦ ᐆᒻᒪᑎᒥ ᐱᔪᒪᔭᖏᓐᓂᒃ ᐱᐅᔪᕆᑦᔪᑎᖃᕐᐳᑦ; ᐱᔪᒪᑐᓛᕐᑐᑦ ᐱᔪᒪᔭᖏᓐᓂᒃ ᑐᓂᓯᕕᒋᕔᑦ, ᐊᑕᓂᕐᒥᒡᓗ ᓇᕐᕈᒋᔭᖃᕐᓗᑎᒃ.

ᐃᓐᖏᕈᑎᑦ 119:36

ᐃᓕᓮᑦᔪᑎᒋᔭᕐᓂᒃ ᓈᓚᒍᒪᓂᕐᒥᒃ ᐆᒻᒪᑎᓐᓄᐊᕐᓯᒋᑦ, ᐊᔪᕐᓴᕈᓐᓃᕈᒪᓂᐊᓗᑐᐃᓐᓇᕐᒥᒃ ᐱᖁᓇᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:23

ᐆᒻᒪᒻᒥᐅᑕᑎᑦ ᐱᓯᒪᑦᓯᐊᒃᑭᑦ ᐊᔪᐃᓐᓇᕐᓗᑎᑦ, ᑕᕝᕙᓐᖓᑦ ᐃᓅᓯᖃᕐᓇᕐᑐᖅ ᑰᖕᒪᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:29

ᑍᒤᒃᑭᕗᖅ ᐃᓅᖃᑎᒥ ᓄᓕᐊᖓᓂᒃ ᐃᓐᓇᖓᖃᑎᓕᒃ, ᑍᒤᑦᑐᒥᒃ ᐊᒃᑐᐃᔪᖅ ᓱᒋᐊᕐᑕᐅᑦᑍᓕᓂᐊᓐᖏᓚᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 4:8

ᐃᓄᑐᐊᕐᑕᖃᕐᐳᖅ ᐃᓅᖃᑎᖃᕋᓂᓗ: ᐃᕐᓂᖃᓐᖏᓚᖅ ᖃᑕᓐᖑᑎᖃᕋᓂᓗ. ᑭᓯᐊᓂ ᐊᒃᓱᕈᕐᓗᓂ ᓴᓇᓂᖓ ᐃᓱᓕᑦᓱᓐᓇᓐᖏᓚᖅ, ᐃᔨᖏᒡᓗ ᐱᖃᕈᒪᓂᕐᒥᒃ ᓈᒻᒪᒃᓯᔪᓐᓇᓐᖏᓛᒃ. ᐊᐱᕆᓚᐅᕐᓯᒪᓐᖏᓚᕐᓕ, “ᑭᓇᒥᒃ ᓴᓇᒍᑦᔨᕗᖓ? ᓇᖕᒥᓂᕐᓗ ᖁᕕᐊᓱᖕᓂᒃᓴᓐᓂᒃ ᐊᓯᐅᔨᑦᓗᖓ?” ᑕᒪᓐᓇ ᑐᑭᖃᓐᖏᓚᖅ ᐱᓂᐊᕐᓂᕐᓗ ᖁᕕᐊᓇᖏᑦᑑᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 33:15

ᓇᓪᓕᐊᑦ ᓇᓛᒎᕐᑐᒥᒃ ᐃᓅᓯᖃᕐᑐᖅ ᓱᓕᔪᓂᒃ ᐅᖃᐅᓯᖃᕐᐳᖅ, ᐆᒥᓱᒡᓗᓂᓗ ᓵᓚᓯᐊᖃᕐᓂᒃᑯᑦ ᐱᕙᓪᓕᐅᑎᖃᕋᓱᐊᕐᑐᓂᒃ, ᐅᐃᕕᕆᒃᓯᓂᒃᑯᑦ ᐱᓯᒪᔪᓂᒃ ᓱᓇᒥᒃ ᑎᒍᓯᔪᒪᓐᖏᓚᖅ, ᑐᖁᑦᓯᓂᕐᒥᒡᓗ ᑐᓴᕈᒪᓐᖏᓚᖅ ᐊᔪᕐᑐᓕᓂᕐᒥᒃ ᑕᑯᔪᒪᖏᓐᓇᒥ:

ᐂᓮᐊᓯᐅᑉ ᐊᒡᓚᖏᑦ 57:17

ᓂᓐᖓᓚᐅᕋᒪ ᐊᔪᕐᑐᓕᔪᒪᓗᐊᕐᓂᖏᓐᓂᒃ ᐱᑦᔪᑎᖃᕐᓗᖓ, ᓱᒋᐊᓚᐅᕐᐸᒃᑲ, ᐃᔨᕐᓗᖓᓗ ᑖᒃᑯᓇᓐᖓᑦ ᓂᓐᖓᓚᐅᕋᒪ, ᑭᓯᐊᓂᓕ ᑲᑕᒃᐸᓪᓕᐊᑐᐃᓐᓇᓚᐅᕐᐳᑦ ᐊᑐᕈᒪᔭᑐᐃᓐᓇᕐᒥᖕᓂᒃ ᑲᔪᓯᕙᒃᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 22:17

ᑕᐅᑐᒃᑕᓯ ᐃᓱᒪᓯᓗ ᖃᑭᔪᒪᓃᓐᓇᕐᒥᒃ ᐱᔪᒪᔭᑐᐊᖃᒧᑦ ᓯᓔᕐᕆᒃᓯᕐᓗᓯ ᖃᑭᕙᒃᐳᓯ, ᐸᓯᔭᒃᓴᐅᖏᑦᑐᓂᒃ ᑐᖁᑎᑦᓯᕙᒃᓗᓯ, ᐅᖁᒤᑦᑐᒦᑎᑦᓯᕙᒡᓗᓯᓗ ᐃᓄᖁᑎᑦᓯᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 5:8

ᕿᒻᒥᕐᔪᐊᑎᑐᑦ ᓂᕆᑎᑕᐅᑦᓯᐊᖃᑦᑕᕐᑐᑎᑐᑦ ᐱᔪᒪᓂᕾᓐᓇᕐᐳᑦ, ᓯᓚᖅᑲᑎᒥ ᓄᓕᐊᖓᓂᒃ ᐃᒡᓕᒍᓱᓂᖃᕐᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 33:31

ᐃᓄᖁᑎᒃᑲ ᐃᓕᖕᓄᑦ ᕾᕙᒃᐳᑦ ᐊᓯᖏᑎᑐᑦ ᕾᕙᒃᑐᑎᑐᑦ, ᐅᖃᐅᓯᕐᓂᒡᓗ ᑐᓴᕆᐊᕐᑐᕐᓗᑎᒃ ᐃᒃᓯᕚᖃᑦᑕᕐᐳᑦ, ᑐᓴᕋᓗᐊᕋᒥᒡᓕ ᒪᓕᒍᓐᓇᓐᖏᓚᑦ ᐅᖃᐅᓯᕆᔭᕐᓂᒃ; ᓇᒡᓕᒍᓱᒃᑐᐊᓘᔮᕐᓗᑎᒃ ᐅᖃᓪᓚᖃᑦᑕᕐᐳᑦ, ᐆᒻᒪᑎᖏᓪᓕ ᐱᕙᓪᓕᕈᑎᒃᓴᒥᖕᓂᒃ ᑭᓯᐊᓂ ᐱᔪᒪᕗᑦ.

ᒤᑲᐅᑉ ᐊᒡᓚᖏᑦ 2:2

ᐱᕈᕐᓰᕕᖕᓂᒃ ᐱᔪᒪᕕᒃᔪᐊᓕᕌᖓᒥᒃ ᐱᕋᔭᖕᓂᒃᑯᑦ ᐊᕐᓵᕐᓯᕙᒃᐳᑦ, ᐃᒡᓗᑖᕐᐸᒡᓗᑎᒡᓗ ᐊᕐᓵᕐᓯᓪᓗᑎᒃ. ᐅᖁᒤᒃᓴᕐᑎᑦᓯᓪᓗᑎᒡᓗ ᐊᖏᕐᕋᓕᖕᓂᒃ, ᐊᕐᓵᕐᓯᕙᒡᓗᑎᒡᓗ ᑭᖑᕐᖑᑎᔭᒃᓴᕆᔭᐅᔪᓂᒃ.

ᕼᐊᐸᑲᐅᑉ ᐊᒡᓚᖏᑦ 2:9

ᑲᑉᐱᐊᓐᓇᒦᒃ! ᓇᖕᒥᓂᖅ ᐃᓚᖏᑕ ᐊᔪᕐᓴᕈᓐᓁᕈᑎᒃᓴᖏᓐᓂᒃ ᐱᐅᖏᑦᑐᓕᓂᒃᑯᑦ ᐱᑖᕋᓱᐊᕐᑐᖅ, ᐃᓚᒋᔭᓂ ᖁᓪᓕᕐᐹᖑᑎᑦᓱᒪᓪᓗᒋᑦ, ᓴᐳᑎᔭᐅᔪᓐᓇᕈᒪᓗᓂ ᖃᓄᐃᓕᔭᐅᓐᓇᕐᑑᑉ ᐱᔪᓐᓇᕐᓂᖓᓂᑦ!

ᒫᑎᐅᓯᐅᑉ ᐊᒡᓚᖏᑦ 20:15

ᐃᓱᒪᕐᓱᕆᐊᖃᓐᖏᓚᖔ ᓇᖕᒥᓂᖅ ᑮᓇᐅᔭᓐᓂᒃ? ᐅᕝᕙᓗ ᐊᑦᔨᒌᒃᑎᑦᓯᑐᐃᓐᓇᕐᓂᓐᓄᑦ ᐱᑦᓯᐊᕐᑕᐅᓇᓱᒋᔪᓐᓃᕐᐱᓰ?’

ᒫᑎᐅᓯᐅᑉ ᐊᒡᓚᖏᑦ 5:28

ᒫᓐᓇᓕ ᐅᖃᐅᑎᕙᑦᓯ: ᓇᓪᓕᐊᑦ ᐊᕐᓇᒥᒃ ᑕᑯᓐᓈᕐᓗᓂ ᐃᒃᓯᒍᒃᑐᖅ, ᑖᓐᓇ ᓄᓕᐊᕇᖕᓂᕐᒥᒃ ᐊᓯᕈᐃᔭᕇᕐᐳᖅ ᐆᒻᒪᑎᒥᒍᑦ.

ᓘᑲᓯᐅᑉ ᐊᒡᓚᖏᑦ 12:15

ᐃᓄᓕᒫᓄᑦ ᐅᖃᕆᕗᖅ, “ᖃᐅᔨᓴᕆᑦᓯ, ᑲᒪᑦᓯᐊᕐᓗᓯ ᐱᑖᕈᒪᓗᐊᕐᓂᕐᒥᒃ; ᐃᓅᑉ ᐃᓅᓯᖓ ᒪᑭᑕᑎᑕᐅᖏᒻᒪᑦ ᐊᒥᓱᓂᒃ ᐱᖁᑎᖃᕐᓂᕐᒥᓄᑦ.”

ᓘᑲᓯᐅᑉ ᐊᒡᓚᖏᑦ 16:14

ᐹᕆᓯᑦ ᑮᓇᐅᔭᓂᒃ ᐱᓪᓚᕆᖁᑎᖃᕋᒥ, ᑕᒪᑐᒥᖓ ᑐᓴᕋᒥᒃ, ᔩᓱᓯ ᒥᑕᐅᑎᒋᕚᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 20:33

ᑮᓇᐅᔭᓂᒃ ᐊᓐᓄᕌᒃᓴᓂᒡᓘᓐᓃᑦ ᐃᓕᑦᓯᓐᓂᑦ ᕿᓄᓚᐅᓐᖏᓚᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 5:4

ᓂᐅᕕᐊᖑᓚᐅᕐᑎᓐᓇᒍ ᓇᖕᒥᓂᕆᓚᐅᕐᐸᑦ, ᓂᐅᕐᕈᑎᒋᔭᕇᕋᕕᐅᒃ ᑮᓇᐅᔧᑦ ᓇᖕᒥᓂᕆᓚᐅᕐᐸᑎᑦ, ᓱᖕᒪᑦ ᑍᒤᓕᐅᕐᐲᑦ? ᐃᓄᖕᓄᑦ ᓴᒡᓗᓐᖏᓚᑎᑦ, ᒎᑎᒧᓪᓕ.”

ᕉᒪᒥᐅᓄᑦ 13:9

ᐱᖁᔧᑦ ᐅᖃᕐᒪᑕ, “ᓄᓕᐊᕇᖕᓂᕐᒥᒃ ᐊᓯᕈᐃᔪᒃᓴᐅᓐᖏᓚᑎᑦ, ᐱᔮᕆᓗᑎᑦ ᐃᓄᐊᕐᑐᒃᓴᐅᓐᖏᓚᑎᑦ, ᑎᒡᓕᒃᑐᒃᓴᐅᓐᖏᓚᑎᑦ, ᐱᔪᒪᓗᐊᕐᑐᒃᓴᐅᓐᖏᓚᑎᑦ,” ᐊᓯᖏᓪᓗ ᐱᖁᔧᑦ ᑎᑎᕋᕐᓯᒪᔪᑦ ᐆᒧᖓ ᓈᒻᒪᒃᓯᑎᑕᐅᕗᑦ, “ᐃᓅᖃᑎᖕᓂᒃ ᐃᓕᒃᑐᑦ ᓇᒡᓕᒍᓱᒃᑐᒃᓴᐅᕗᑎᑦ.”

ᕉᒪᒥᐅᓄᑦ 7:7

ᖃᓄᕐᓕ ᑍᒪ ᐅᖃᕐᓂᐊᓕᕐᐱᑖ? ᐱᖁᔧᑦ ᐊᔪᕐᓂᐅᓂᕋᕐᓗᒌᑦ? ᑍᒤᑦᑐᓐᓇᖏᓚᖅ! ᐱᖁᔭᖃᓚᐅᖏᑉᐸᑦ, ᐊᔪᕐᓂᖅ ᖃᓄᐃᑦᑑᖕᒪᖔᑦ ᖃᐅᔨᒪᒐᔭᓐᖏᓚᖓ. ᐃᒃᓯᒎᕐᓂᖅ ᖃᓄᐃᑦᑑᖕᒪᖔᑦ ᖃᐅᔨᒪᒐᔭᓐᖏᓚᖓ, ᐱᖁᔭᑦ ᐅᖃᓯᒪᖏᑉᐸᑕ, “ᐃᓅᖃᑎᕕᑦ ᐱᖁᑎᖓᓂᒃ ᐃᒃᖠᒎᕐᑐᒃᓴᐅᓐᖏᓚᑎᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:10

ᑎᒡᓕᒃᐸᒃᑐᑦ, ᐱᔪᒪᕕᒡᔪᐊᕐᑏᑦ, ᐋᖓᔮᕐᑏᑦ, ᐊᓯᒥᖕᓂᒡᓗ ᐅᖃᕐᓂᕐᓗᑎᖃᕐᐸᒃᑐᑦ, ᑎᒡᓕᒐᕐᑏᑦ, ᑕᒪᒃᑯᐊᓕᒫᑦ ᒎᑎᐅᑉ ᐊᑕᓂᐅᕕᖓᓂᒃ ᑭᖑᕐᖑᑦᔨᓂᐊᖏᒻᒪᑕ.

ᐃᐱᓯᒥᐅᓄᑦ 5:3

ᓄᓕᐊᕐᓂᕐᒥᒃ ᐊᑐᕐᓂᕐᓗᒃᑐᒥᒃ ᐱᐅᖏᑦᑐᓕᔨᓂᒡᓗ ᐱᔪᒪᕕᒡᔪᐊᕐᑎᓂᒡᓗ ᐅᖃᐅᓯᐅᔪᒃᓴᐅᔪᓐᓃᕐᐳᓯ, ᐃᑦᔪᕐᓁᑎᑕᐅᓯᒪᔪᑦ ᑍᒫᒃ ᐊᑐᕆᐊᖃᖏᒻᒪᑕ.

ᐃᐱᓯᒥᐅᓄᑦ 5:5

ᖁᓚᕐᓇᖏᑦᑐᒥᒃ ᖃᐅᔨᒪᒐᑦᓯᐅᒃ ᐊᕐᓇᕐᓂᐊᕐᐸᒃᑐᑦ ᐊᖑᓐᓂᐊᕐᐸᒃᑐᓪᓗ ᐱᐅᖏᑦᑐᓕᔪᓪᓘᓐᓃᑦ, ᐱᔪᒪᕕᒃᔪᐊᕐᐸᒃᑐᓪᓗ (ᐱᔪᒪᕕᒃᔪᐊᕐᓂᖅ ᒎᑎᐅᑉ ᐊᓯᐊᓂᒃ ᐱᔨᑦᓯᕐᓂᐅᖕᒪᑦ), ᑕᒪᒃᑯᐊ ᒎᑎᐅᑉ ᙭ᔅᑑᓯᐅᓪᓗ ᐊᑕᓂᐅᕕᖓᓂᒃ ᑭᖑᕐᖑᑦᔨᖃᑕᐅᓂᐊᖏᒻᒪᑕ.

ᒨᓯᓯ ᑕᓪᓕᒪᖏᑦ 5:21

“‘ᐃᓅᖃᑎᕕᑦ ᓄᓕᐊᖓᓂᒃ ᐃᒃᓯᒎᕐᑐᒃᓴᐅᓐᖏᓚᑎᑦ; ᐃᒡᓗᖓᓂᒡᓘᓐᓃᑦ ᐱᔪᒪᔪᒃᓴᐅᓐᖏᓚᑎᑦ, ᓄᓇᖁᑎᖓᓂᒡᓘᓐᓃᑦ, ᐱᔨᖓᓂᒡᓘᓐᓃᑦ, ᐆᒪᔪᖁᑎᖓᓂᒡᓘᓐᓃᑦ, ᓯᐅᑎᖅᑯᕐᑐᔪᖁᑎᖓᓂᒡᓘᓐᓃᑦ, ᓱᓇᑐᐃᓐᓇᕐᒥᒡᓘᓐᓃᑦ ᐃᓅᖃᑎᕕᑦ ᐱᒋᔭᖓᓂᒃ ᐱᔪᒪᓗᐊᕐᑐᒃᓴᐅᓐᖏᓚᑎᑦ.’

ᒨᓯᓯ ᑕᓪᓕᒪᖏᑦ 7:25

ᒎᑎᓐᖑᐊᖏᑦ ᐃᑯᐊᓪᓚᒃᑎᑕᒃᓴᕆᕙᓯ. ᐱᔪᒥᒋᔭᒃᓴᕆᓐᖏᓚᓯᓗ ᑕᕝᕙᓃᑦᑐᑦ ᓯᐅᓪᕕᕇᑦ ᒎᓗᐃᓪᓗ, ᓇᖕᒥᓂᒃᓴᑦᓯᓐᓂᒡᓘᓐᓃᑦ ᐱᑖᕐᕕᒋᔭᒃᓴᕆᓐᖏᓚᓯ. ᑍᒤᑦᑐᓂᒃ ᐱᔪᕕᓂᐅᑐᐊᕈᑦᓯ, ᑕᒪᓐᓇ ᐅᓗᕆᐊᓇᓪᓚᕆᒃᐳᖅ, ᐊᑕᓂᐅᑉ ᒎᑎᑦᓯ ᒎᑎᓐᖑᐊᖃᕐᓂᖅ ᐆᒥᒋᓪᓚᕆᖕᒪᒍ.

ᐱᓕᐱᒥᐅᓄᑦ 3:19

ᑖᒃᑯᐊᓕ ᐃᓱᖃᕈᒫᕐᐳᑦ ᐊᓯᕈᕐᑕᐅᓂᕐᒥᒃ, ᐊᕿᐊᕈᕐᒥᖕᓂᒃ ᒎᑎᖃᕐᒪᑕ, ᖁᕕᐊᓲᑎᖃᕐᓗᑎᒡᓗ ᑲᓐᖑᓲᑎᒃᓴᐅᔪᓂᒃ, ᓄᓇᐅᓪᓗ ᐱᖏᓂᒃ ᐃᓱᒪᑐᐊᖃᕐᓗᑎᒃ ᐃᓅᓪᓗᑎᒃ.

ᑯᓘᓯᐊᒥᐅᓄᑦ 3:5

ᑍᒤᒻᒪᑦ ᓯᓚᕐᔪᐊᕐᒥᐅᑦ ᐱᔪᒪᕕᒡᔪᐊᕐᓂᖏᑦ ᐃᓕᑦᓯᓐᓃᑦᑐᑦ ᑐᖁᓕᕐᓯᒋᒃ ᒪᑯᐊ: ᓄᓕᐊᕐᓃᑦ, ᐃᑦᔪᕐᓇᕐᑐᓕᓃᑦ, ᐃᒃᓯᒎᕐᓃᑦ, ᐱᐅᖏᑦᑐᒥᒃ ᐱᔪᒪᕕᒡᔪᐊᕐᓃᑦ, ᐱᖃᕈᒪᓗᐊᕐᓃᓪᓗ, ᑕᒪᒃᑯᐊ ᒎᑎᐅᑉ ᐊᓯᐊᓂᒃ ᒎᑎᖃᕐᓂᐅᖕᒪᑕ.

ᐄᑉᕈᐃᓄᑦ 13:5

ᐃᓅᓯᓯ ᑮᓇᐅᔭᓂᒃ ᐱᔪᒪᓗᐊᕐᓂᕐᒥᑦ ᓴᐳᑎᓯᒪᓯᐅᒃ, ᐱᒋᔭᓯᓗ ᑕᒫᓂ ᓈᒻᒪᒋᓯᒋᒃ; ᐅᖃᕐᓯᒪᖕᒪᑦ, “ᕿᒪᓚᐅᕐᓯᒪᓂᐊᓐᖏᓚᑦᓯ; ᖁᔭᓈᕐᓂᐊᕐᓇᓯᓗ.”

ᔮᓱᐊᑉ ᐊᒡᓚᖏᑦ 7:21

ᑎᒍᓚᐅᕐᑕᑦᑕ ᐃᓚᖏᓐᓂᒃ ᑕᑯᓚᐅᕐᐳᖓ ᐱᐅᔪᐊᓗᖕᒥᒃ ᐹᐱᓘᓂᒥᐅᑦ ᐅᓕᒡᔪᐊᖓᓂᒃ, ᓯᐅᓪᕕᕆᓂᒡᓗ ᑕᓪᓕᒪᓂᒃ ᐅᖁᒤᓐᓂᓕᖕᒥᒃ, ᒎᓗᒥᒡᓗ ᐊᑕᐅᓯᕐᒥᒃ ᐅᖁᒤᓐᓂᓕᖕᒥᒃ, ᐱᔪᒪᒻᒪᕆᓕᕋᒃᑭᑦ ᑎᒍᓚᐅᕐᐸᒃᑲ; ᑕᑯᒋᓪᓗ, ᓇᓂᔪᓐᓇᕐᐸᓯ ᓴᐅᓯᒪᔪᑦ ᓄᓇᒥ ᑐᐱᕐᒪ ᐊᑖᓂ, ᓯᐅᓪᕕᕇᑦ ᐊᓪᓕᕐᐸᐅᑎᓪᓗᒋᑦ.”

ᓴᒧᐃᓕ ᓯᕗᓪᓖᑦ 12:3

ᒫᓐᓇ ᑕᒫᓃᑉᐳᖓ; ᑕᒻᒪᓚᐅᕈᒪ ᐸᓯᔭᐅᓕᕐᓚᖓ ᐊᑕᓂᐅᑉ ᓵᖓᓂ ᐅᕐᓱᕐᑎᓚᐅᕐᑕᖓᑕᓗ ᓵᖓᓂ. ᑎᒍᓯᓚᐅᐳᖔ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ? ᓯᐅᑎᖅᑯᕐᑐᔪᒥᒡᓘᓐᓃᑦ ᐱᒋᔭᐅᔪᒥᒃ? ᑭᓇᑐᐃᓐᓇᒥᑦ ᐊᑭᓕᕐᑕᐅᓗᖓ ᓴᒡᓗᓂᒃᑯᑦ ᐱᓇᓱᐊᓚᐅᕐᐳᖔ? ᓇᓪᓕᐊᓐᓂᒃ ᐅᑯᒤᒃᓴᕐᑎᑦᓯᓚᐅᕐᐳᖔ? ᑕᒪᒃᑯᓂᖓ ᐱᓇᓱᐊᓚᐅᕈᒪ ᑎᒍᓯᓚᐅᕈᒪᓘᓐᓃᑦ ᐃᓕᑦᓯᓐᓄᑦ ᐅᑎᕐᑎᑦᓱᒪᕙᒃᑲ.”

ᓴᒧᐃᓕ ᓯᕗᓪᓖᑦ 15:19

ᓱᖕᒪᓪᓕ ᓈᓚᓚᐅᓐᖏᓚᑎᑦ ᐊᑕᓂᐅᑉ ᓂᐱᖓᓂᒃ? ᓱᖕᒪᓪᓗ ᐊᓯᕈᕐᑐᒃᓮᑦ ᑎᒍᓚᐅᕐᐱᒋᑦ, ᐊᔪᕐᑐᓕᓪᓗᑎᓪᓗ ᐊᑕᓂᐅᑉ ᓵᖓᓂ?”