1 ᒎᑎᐅᓪᓗ ᐅᖃᐅᓰᑦ ᐅᑯᐊ ᐅᖃᐅᓯᕆᓚᐅᕐᐰᑦ, ᐅᖃᕐᓗᓂ,
ᓮᓁᑉ ᖃᖅᑲᖓᓄᑦ ᐊᖅᑲᓚᐅᕐᐳᑎᑦ ᕿᓚᖕᒥᑦ, ᐃᓄᖁᑎᑎᓪᓗ ᐅᖃᕐᕕᒋᓚᐅᕐᐸᑎᑦ ᕿᓚᖕᒥᑦ, ᐱᖁᔭᓂᒡᓗ ᑐᓂᓯᕕᒋᓚᐅᕐᐸᑎᑦ ᐊᑐᒐᒃᓴᑦᓯᐊᓂᒃ, ᐃᓕᓐᓂᐊᕐᑎᓚᐅᕐᐸᑎᓪᓗ ᐱᐅᔪᓂᒃ ᐱᖁᔭᓂᒃ.
ᑕᕝᕙ ᒨᓯᓯ ᖃᖅᑲᒥᑦ ᐊᒻᒧᐊᒃᐳᖅ ᐃᓄᖕᓄᑦ ᐅᖃᐅᑎᓪᓗᒋᓪᓗ ᐊᑕᓂᐅᑉ ᐅᖃᐅᓯᕆᓚᐅᕐᑕᖏᓐᓂᒃ.
“ᐅᕙᖓ ᐊᑕᓂᐅᕗᖓ ᒎᑎᓯ, ᐅᕙᖓ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᐸᑦᓯ ᑕᕝᕙᓐᖓᑦ ᓱᒃᑯᔨᐊᖑᕕᒋᓚᐅᕐᑕᑦᓯᓐᓂᑦ.
ᑖᓐᓇ ᒨᓯᓯ ᐃᓴᕆᐊᓕᒥᐅᑦ ᐃᓚᒋᓚᐅᕐᑕᖓᑦ ᐃᓄᖃᖏᑦᑐᒥ; ᓯᕗᓕᕕᓂᑦᑕᓗ ᐃᓚᒋᓚᐅᕐᐹᑦ, ᐂᖏᓕᐅᓪᓗ ᐃᓚᒋᓚᐅᕆᕚ, ᐅᖃᖃᑎᒋᓪᓗᒍ ᖃᖅᑲᒥ ᓮᓁᒥ, ᑐᓂᓯᕕᐅᓚᐅᕐᑐᖅ ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᖃᓄᖅ ᐃᓅᔭᕆᐊᒃᓴᖅ ᖃᐅᔨᑦᔪᑎᒃᓴᓂᒃ ᑐᓂᓯᖁᓪᓗᒍ ᑎᑎᕋᕐᓯᒪᔪᓂᒃ ᐅᕙᑦᑎᓐᓄᑦ.
ᐃᓕᑦᓯ ᐱᖁᔭᓂᒃ ᐱᑎᑕᐅᓚᐅᕐᑐᓯ ᐂᖏᓖᑎᒍᑦ ᑐᓂᔭᐅᔪᓂᒃ, ᑖᒃᑯᓂᖓ ᒪᓕᓚᐅᓐᖏᓚᓯ.”
ᑕᕝᕙ ᐊᑕᓂᐅᑉ ᑖᒃᑯᐊᒃ ᐅᔭᕌᒃ ᑎᑎᕋᕐᕕᒋᓚᐅᕐᐰᑦ ᐅᖃᐅᓯᕐᓂᒃ ᑖᒃᑯᓂᖓᑦᓮᓐᓇᖅ ᑎᑎᕋᓚᐅᕐᑕᒥᑐᑦ ᑎᑎᕋᕐᓗᒋᑦ, ᐱᖁᔭᓂᒃ ᖁᓕᓂᒃ ᑍᑦᓱᒪᓂ ᐃᑯᒪᒦᓪᓗᓂ ᐃᓕᑦᓯᓐᓄᑦ ᑐᓂᓚᐅᕐᑕᒥᓂᒃ ᖃᖅᑲᐅᑉ ᑭᒡᓕᖓᓂ ᑲᑎᒪᑎᓪᓗᓯ. ᑖᒃᑯᐊᒡᓗ ᐊᑕᓂᐅᑉ ᐅᕙᓐᓄᑦ ᑐᓂᓚᐅᕐᐰᑦ.
ᐃᓄᖕᓂᒃ ᐆᒪᔪᓐᓇᕐᑐᖃᕐᓯᒪᕚ ᒎᑎᐅᑉ ᓂᐱᖓᓂᒃ ᐃᑯᒪᒥᓐᖔᕐᑐᒥᒃ ᐅᖃᓪᓚᒃᑐᖃᕐᑎᓪᓗᒍ ᑐᓵᓯᒪᔪᓂᒃ, ᐃᓕᑦᓯᑎᑐᑦ?
ᓂᐱᒥᓂᒡᓗ ᕿᓚᖕᒥᑦ ᑐᓴᕈᓐᓇᕐᑎᓚᐅᕐᐹᓯ ᒪᓕᒐᒃᓴᑦᓯᓐᓂᒃ ᐅᖃᐅᑎᔪᒪᓪᓗᓂᓯ; ᑕᕝᕙᓂᓗ ᓄᓇᕐᔪᐊᕐᒥ ᐃᑯᒪᖁᑎᒥᓂᒃ ᐃᑦᔪᕐᓁᑦᑐᒥᒃ ᑕᑯᑎᓚᐅᕐᐹᓯ, ᑕᕝᕙᓐᖓᓪᓗ ᐅᖃᓪᓚᒡᕕᒋᓪᓗᓂᓯ.
“ᑖᒃᑯᐊ ᑕᕝᕙ ᐊᑕᓂᐅᑉ ᐃᓕᑦᓯᓐᓄᑦ ᑐᓂᓚᐅᕐᑕᖏᑦ ᖃᖅᑲᒥ ᑲᑎᒪᑎᓪᓗᓯ. ᑍᑦᓱᒪᓂ ᐅᖃᓪᓚᒃᑎᓪᓗᒍ ᓂᐱᕐᔪᐊᕐᒧᑦ ᐃᑯᒪᒥᑦ ᐱᔪᒧᑦ ᓄᕗᔭᒥᓪᓗ, ᑖᒃᑯᐊᓗ ᐊᓯᖃᕐᑎᓐᓇᒋᑦ ᑐᓂᓚᐅᕐᐰᑦ. ᐅᔭᕌᖕᓄᓪᓗ ᒪᕐᕉᖕᓄᑦ ᑎᑎᕋᓚᐅᕐᓗᒋᑦ ᐅᕙᓐᓄᑦ ᑐᓂᓚᐅᕐᐰᑦ.”
ᑕᕝᕙᓂ ᖃᖅᑲᒥ ᐊᑕᓂᖅ ᓇᖕᒥᓂᓪᓚᕆᒃ ᐅᖃᖃᑎᖃᓚᐅᕐᒪᑦ ᐃᓕᑦᓯᓐᓂᒃ ᐃᑯᒪᒥᑦ ᑐᓴᕐᓴᐅᓪᓗᓂ.
‘ᐅᕙᖓ ᐊᑕᓂᐅᕗᖓ ᒎᑎᓯ, ᐅᕙᖓ ᐄᑦᔨᑉᑎᒥᑦ ᓴᐳᑎᓚᐅᕐᐸᑦᓯ, ᑕᕝᕙᓐᖓᑦ ᓱᒃᑯᔨᐊᖑᕕᒋᓚᐅᕐᑕᑦᓯᓐᓂᑦ.
