ᒨᓯᓯ ᐂᑉᐸᖏᑦ 2:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐃᔨᕐᓯᒪᔪᓐᓁᓪᓕᓕᕋᒥᐅᒡᓕ, ᐃᕕᐅᔭᕐᒥᒃ ᐴᓕᐊᕆᓯᒪᔪᒥᒃ ᐱᕗᖅ ᓯᓚᑖ ᐃᒻᒪᒌᒃᑯᑎᒥᒃ ᒥᖑᐊᕐᓗᒍ ᐃᒻᒪᑦᔧᕐᐹ. ᓄᑕᕋᓂᓗ ᐃᓗᐊᓄᐊᕐᓗᒍ ᑰᑉ ᓯᓈᓄᐊᕐᐹ ᑕᑭᔫᑎᓂᒃ ᐃᕕᒃᓱᒐᖃᕐᓂᖓᓄᑦ.

ᒨᓯᓯ ᐂᑉᐸᖏᑦ 2:3 Iomraidhean Croise

ᒨᓯᓯ ᓯᕗᓪᓖᑦ 11:3

ᐃᒻᒥᖕᓄᓪᓗ ᐅᖃᕐᐳᑦ, “ᐅᔭᕋᓕᐅᓚᐅᕐᑕ ᐆᓪᓗᒋᑦ ᓯᑎᒃᑎᑎᑉᐸᒡᓗᒋᑦ.” ᐅᔭᕋᓕᐅᕐᓯᒪᓕᕋᒥᒃ ᓯᒃᑭᑕᓂᒃ ᓂᐱᐅᑎᒃᓴᖓᓂᒡᓗ ᑖᓚᒥᒃ ᓴᓇᕗᑦ.

ᒨᓯᓯ ᓯᕗᓪᓖᑦ 14:10

ᑕᒪᓐᓇᓗ ᓇᕐᓴᖅ ᓯᑎᒻ ᒪᕐᕆᓐᓇᕐᑐᓂᒃ ᐅᓄᕐᑐᓂᒃ ᐃᑎᕐᓴᖃᐅᓚᐅᕐᐳᖅ; ᓱᑑᒪᒥᐅᓪᓗ ᒍᒨᕋᒥᐅᓪᓗ ᐊᖓᔪᖅᑳᕐᔪᐊᖏᑦ ᐅᓇᑕᕐᓂᕐᒥᑦ ᕿᒫᓇᓱᐊᕐᓗᑎᒃ, ᒪᕐᕆᓐᓇᕐᑐᓄᑦ ᑲᑕᖃᑦᑕᓚᐅᕐᐳᑦ; ᐊᓯᖏᓪᓕ ᐊᖓᔪᖅᑳᕐᔪᐊᑦ ᐊᓐᓇᓚᐅᕐᐳᑦ ᖃᖅᑲᓄᑦ ᕿᒫᓪᓗᑎᒃ.

ᒨᓯᓯ ᓯᕗᓪᓖᑦ 6:14

ᐅᒥᐊᕐᔪᐊᓕᐅᕆᑦ ᕿᔪᒥᒃ ᒎᕙᒥᒃ ᑍᔭᐅᔪᓂᒃ; ᐅᒥᐊᕐᔪᐊᖅ ᐃᒡᓗᕈᓯᓕᐅᕐᓗᒍ, ᖄᖓᒍᓪᓗ ᐃᓗᐊᒍᓪᓗ ᐅᑦᓯᒃᓴᐅᓯᕐᓗᒍ ᑖᓚᒥᒃ.

ᒨᓯᓯ ᐂᑉᐸᖏᑦ 1:22

ᐊᓱᐃᓛᒃ ᐊᖓᔪᖅᑳᕐᔪᐊᖅ ᐃᓄᖁᑎᒥᓄᑦ ᐊᑐᕐᑕᐅᖁᔭᒥᓂᒃ ᑐᓴᕐᑎᑦᓯᓕᕐᐳᖅ ᐃᒫᒃ, “ᐄᑉᕉᒥᐅᑦ ᕿᑐᕐᖓᕐᑖᕌᖓᑕ ᓄᑲᑉᐱᐊᓂᒃ ᑰᖕᒧᑦ ᓁᓕᒧᑦ ᐃᒋᖃᑦᑕᕐᓂᐊᕐᐸᓯ, ᐊᕐᓇᐅᓂᖏᓪᓕ ᑕᒪᕐᒥᒃ ᐆᒪᑎᖃᑦᑕᕐᓗᒋᑦ.”

ᐂᓮᐊᓯᐅᑉ ᐊᒡᓚᖏᑦ 18:2

ᑍᑲᓐᖓᑦ ᑎᓕᓯᕙᒃᑐᑦ ᑰᒃᑯᑦ ᓁᓕᒃᑯᑦ, ᐅᒥᐊᖃᕐᓗᑎᒃ ᓱᓪᓗᓕᕐᔪᐊᓂᒃ ᐅᒥᐊᓕᐊᕆᓯᒪᔪᓂᒃ! ᐂᓕᕆᑦᓯ ᓱᑲᑦᑑᔪᓯ ᐅᖃᕆᐊᕐᑐᕐᑎᐅᓪᓗᓯ. ᐃᓅᖃᑎᒌᒡᔪᐊᓄᑦ ᐊᖏᔫᑎᐅᓪᓗᑎᒃ ᕾᕋᑦᑐᓂᒃ ᐅᕕᓂᖃᕐᑐᓄᑦ, ᐃᓄᖕᓄᑦ ᑲᑉᐱᐊᒋᔭᐅᔪᓄᑦ ᖃᓂᑦᑐᒦᑦᑐᓄᑦ ᐅᖓᓯᒃᑐᒦᑦᑐᓄᓪᓗ, ᐃᓅᖃᑎᒌᒡᔪᐊᓄᑦ ᐊᔪᖏᑦᑐᕐᔪᐊᓄᑦ ᓵᓚᖃᕐᐸᒃᑐᓄᑦ, ᓄᓇᖏᑦ ᑰᖕᓄᑦ ᑭᒡᓕᓕᐅᕐᑕᐅᓯᒪᔪᓄᑦ.

ᐂᓮᐊᓯᐅᑉ ᐊᒡᓚᖏᑦ 19:6

ᑰᖕᒥ ᐅᒥᐊᕐᔪᐊᓄᑦ ᐊᖅᑯᑎᓕᐊᕆᓯᒪᔪᑦ ᑎᐱᓗᓕᕈᒫᕐᐳᑦ, ᐄᑦᔨᑉᑎᐅᑉ ᑰᖓᓂ ᓁᓕᒥ ᐊᕙᓚᖓᔪᑦ ᒥᑭᔫᓕᕈᒫᕐᐳᑦ ᓴᓗᐊᕐᓗᑎᒡᓗ, ᐃᒫᓂ ᐱᕈᕐᑐᑦ ᐃᕕᒃᓱᒊᑦ ᓱᓪᓗᓕᕐᔪᐊᓪᓗ ᐸᓂᕐᓂᕐᒧᑦ ᑐᖁᓕᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 35:7

ᓯᐅᕅᓐᓇᖅ ᐃᒪᖃᖏᓐᓂᕐᒧᑦ ᐆᓇᓚᐅᕐᑐᖅ ᑕᓯᐅᓕᕈᒫᕐᐳᖅ, ᓄᓇᓗ ᐹᓂᕐᓂᑰᓕᓚᐅᕐᑐᖅ ᓄᓇᐅᑉ ᐃᓗᐊᓂᑦ ᑯᕕᔪᓂᒃ ᐃᒪᕐᑕᖃᓕᕈᒫᕐᐳᖅ; ᑎᕆᒐᓂᐊᖑᔮᕐᑐᓄᓪᓗ ᓄᓇᒋᔭᐅᓕᓚᐅᕐᑐᖅ ᐃᒪᕐᓲᓕᕐᓗᓂ, ᐱᕈᕐᕕᐅᓕᕈᒫᕐᐳᖅ ᐃᕕᒃᓱᒐᕐᓄᑦ ᓱᓪᓗᓕᖕᓄᑦ ᐃᕕᒃᓱᒐᕐᔪᐊᓄᓪᓗ ᑕᑭᔪᓄᑦ.

ᒫᑎᐅᓯᐅᑉ ᐊᒡᓚᖏᑦ 2:13

ᐊᐅᓪᓚᕐᒪᑕ, ᑕᑯᒋᑦ, ᐊᑕᓂᐅᑉ ᐂᖏᓕᖓᑕ ᔫᓯᐱ ᓴᖅᑭᕝᕕᒋᕚ ᓯᓐᓇᒃᑑᒪᒃᑯᑦ, ᐅᖃᕐᓗᓂ, “ᐃᕉᑕᓯ ᓄᑕᕋᑯᓗᖕᒥᒃ ᕿᓂᕐᓂᐊᓕᕐᒪᑦ ᑐᖁᑦᓯᔪᒪᓗᓂ. ᑍᒤᒻᒪᑦ ᒪᑭᓕᕆᑦ, ᓄᑕᕋᑯᓗᒃ ᐊᓈᓇᖓᓗ ᓇᒃᓴᕐᓗᒋᒃ ᕿᒫᓕᕆᑦ ᐄᑦᔨᑉᑎᒧᑦ, ᑍᑲᓃᓐᓂᐊᕐᐳᑎᑦ ᐅᕙᓐᓄᑦ ᓅᖁᔭᐅᓕᓚᐅᖏᓐᓂᕐᓂ.”

ᒫᑎᐅᓯᐅᑉ ᐊᒡᓚᖏᑦ 2:16

ᐃᕉᑕᓯ ᖃᐅᔨᓕᕋᒥ ᐅᓪᓗᕆᐊᓂᒃ ᐃᓕᓯᒪᔪᓄᑦ ᓴᒡᓗᕿᑕᐅᓂᕐᒥᓂᒃ, ᓂᓐᖓᕕᒃᔪᐊᕐᐳᖅ, ᐱᖁᔨᓕᕐᐳᖅ ᓄᑕᕅᑦ ᓄᑲᑉᐱᐊᖑᒃᐸᑕ ᐱᑦᓕᐊᒦᑦᑐᑦ ᖃᓂᒋᔮᓃᑦᑐᓪᓗ ᑕᒪᕐᒥᒃ ᑐᖁᕋᕐᑕᐅᖁᓪᓗᒋᑦ, ᒪᕐᕉᖕᓂᒃ ᐊᕐᕌᒍᓖᑦ ᓄᑲᕐᖠᓪᓗ, ᑍᒤᓕᐅᓚᐅᕐᐳᖅ ᑖᒃᑯᐊ ᐅᓪᓗᕆᐊᖓᓂᒃ ᑕᑯᓚᐅᕐᑐᑦ ᑐᑭᓯᕕᒋᑦᓯᐊᓚᐅᕋᒥᒋᑦ ᖃᖓᐅᑎᓪᓗᒍ ᓴᖅᑭᓚᐅᕐᒪᖔᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:19

ᑖᑦᓱᒪ ᓯᕗᓕᕕᓂᕗᑦ ᓯᓔᕐᕆᕔᑦ, ᓱᒃᑯᔨᐊᕆᓪᓗᒋᑦ, ᕿᑐᕐᖓᕐᑖᖏᑦ ᐊᖏᕐᕋᖏᓐᓂᑦ ᐊᓂᑕᐅᑎᑉᐰᑦ ᑐᖁᖁᓪᓗᒋᑦ.