ᒨᓯᓯ ᐂᑉᐸᖏᑦ 2:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᓂᓪᓕᐊᓂᖓᑦ ᐃᓖᔭᕆᔭᐅᓂᕐᒧᑦ ᒎᑎᐅᑉ ᑐᓴᕋᒥᐅᑉ ᐊᖏᖃᑎᒌᒍᑎᒋᓚᐅᕐᑕᓂ ᐂᑉᕋᕼᐋᒧᑦ, ᐂᓴᑭᒧᓪᓗ, ᔧᑯᒧᓪᓗ ᐃᖅᑲᕐᐹ.

ᒨᓯᓯ ᐂᑉᐸᖏᑦ 2:24 Iomraidhean Croise

ᒨᓯᓯ ᓯᕗᓪᓖᑦ 15:13

ᑕᕝᕙ ᐊᑕᓂᐅᑉ ᐂᑉᕋᒻ ᐅᖃᐅᑎᕚ, “ᓱᓕᔪᒥᒃ ᖃᐅᔨᑦᓯᐊᕆᑦ ᑭᖑᕚᑎᑦ ᓂᐅᕐᕈᐊᖑᔪᒫᕐᐳᑦ ᓄᓇᒥ ᓄᓇᒋᓐᖏᑕᒥᖕᓂ; ᑕᕝᕙᓂᓗ ᓄᓇᒥ ᓯᐊᓛᕆᔭᐅᔪᒫᕐᐳᑦ, ᐅᖁᒤᒃᓴᕐᑎᑕᐅᔪᒫᕐᓗᑎᒡᓗ ᐊᕐᕌᒍᓂᒃ 400ᓂᒃ;

ᒨᓯᓯ ᓯᕗᓪᓖᑦ 16:11

ᐊᑕᓂᐅᓪᓗ ᐂᖏᓕᖓᑕ ᐅᖃᐅᑎᕚ: “ᑕᑯᒋᑦ, ᕿᑐᕐᖓᒃᓴᖃᕐᐳᑎᑦ ᐃᕐᓂᕐᑖᓛᕐᐳᑎᓪᓗ; ᑖᓐᓇᓗ ᐊᑦᓯᕈᒫᕐᐸᑦ ᐃᓯᒥᐅᓪᒥᒃ; ᐃᓛᒃ ᐊᑕᓂᐅᑉ ᑐᓴᓚᐅᕐᒪᑎᑦ ᐅᖁᒤᒃᓴᕕᒡᔪᐊᕈᑎᖕᓂᒃ.

ᒨᓯᓯ ᓯᕗᓪᓖᑦ 17:7

“ᐊᖏᖃᑎᒌᒍᑎᒋᔭᕋᓗ ᐅᕙᓐᓂᑦ ᐃᓕᖕᓄᑦ ᑭᖑᕚᒃᓴᕐᓄᓪᓗᑦᑕᐅᖅ ᑭᖑᓂᕐᓂ ᑭᖑᕚᕇᖑᔪᒫᕐᑐᓄᓪᓗ ᐃᓱᖃᖏᑦᑐᒧᑦ ᑐᕌᖓᓂᐊᕐᐳᖅ, ᐃᓕᖕᓄᑦ ᒎᑎᒋᔭᐅᓂᐊᕐᐳᖓ ᑭᖑᕚᒃᓴᕐᓄᓪᓗ ᒎᑎᒋᔭᐅᔪᒫᕆᕗᖓ.

ᒨᓯᓯ ᓯᕗᓪᓖᑦ 18:18

ᖃᐅᔨᒪᒐᒪ ᐂᑉᕋᕼᐋᒻ ᑭᖑᕚᒃᓴᖏᑦ ᐃᓄᒐᓴᒡᔪᐊᓐᖑᕈᒫᕐᒪᑕ ᐱᔪᓐᓇᕐᑐᕐᔪᐊᖑᓗᑎᒡᓗ, ᑖᑦᓱᒨᓇᓗ ᐃᓅᖃᑎᒌᒡᔪᐊᑦ ᓮᒻᒪᕐᑎᑦᓱᒫᕐᐸᒃᑲ.

ᒨᓯᓯ ᓯᕗᓪᓖᑦ 22:16

ᐅᖃᕐᓗᓂᓗ, “ᐅᕙᖓᐅᓂᕋ ᐊᑐᕐᓗᒍ ᐅᖃᕕᓚᐅᕐᐳᖓ, ᐊᑕᓂᖅ ᐅᖃᕐᐳᖅ, ᑍᒤᓕᐅᓚᐅᕐᓂᕐᓄᑦ, ᐃᕐᓃᓪᓗ ᐊᓐᓂᕆᓚᐅᖏᓐᓇᕕᐅᒃ, ᐃᕐᓂᑐᐊᑦ,

ᒨᓯᓯ ᓯᕗᓪᓖᑦ 26:2

ᐊᑕᓂᖅ ᓴᖅᑭᓚᐅᕐᒪᑦ ᐂᓴᑭᒧᑦ ᐅᖃᕐᓗᓂ, “ᐄᑦᔨᑉᑎᒧᐊᕐᓂᐊᕐᓇᒃ; ᓇᔪᕐᑕᐅᖁᔭᓐᓂ ᐅᖃᐅᑎᓂᐊᕐᐸᒋᑦ ᓄᓇᒋᓂᐊᕐᑕᕐᓂᒃ.

ᒨᓯᓯ ᓯᕗᓪᓖᑦ 26:24

ᑕᒪᑐᒪᓂᓗ ᐅᓐᓄᐊᒥ ᐊᑕᓂᖅ ᓴᖅᑭᑉᐳᖅ ᑖᑦᓱᒧᖓ ᐅᖃᕐᓗᓂᓗ, “ᐊᑖᑕᕕᑦ ᐂᑉᕋᕼᐋᒻ ᒎᑎᒋᕚᖓ; ᑲᑉᐱᐊᓱᖕᓂᐊᕐᓇᒃ, ᐃᓚᒋᕙᒋᑦ ᓮᒻᒪᕐᑎᓐᓂᐊᕐᐸᒋᓪᓗ ᑭᖑᕚᑎᓪᓗ ᐅᓄᕐᓯᑎᑦᓱᒫᕐᐸᒃᑲ ᐱᔨᒐ ᐂᑉᕋᕼᐋᒻ ᐱᑦᔪᑎᒋᓪᓗᒍ.”

ᒨᓯᓯ ᓯᕗᓪᓖᑦ 26:3

ᑕᒫᓂ ᓄᓇᖃᑬᓐᓇᓕᕆᑦ, ᐃᓚᒋᓂᐊᕐᐸᒋᑦ, ᓮᒻᒪᕐᑎᓪᓗᑎᓪᓗ; ᐃᓕᖕᓄᑦ ᑭᖑᕚᕐᓄᓪᓗ ᓄᓁᑦ ᑕᒪᒃᑯᐊ ᑐᓂᔪᒫᕋᒃᑭᑦ, ᐊᖏᕈᑎᒋᓯᒪᔭᕋᓗ ᑲᔪᓯᑎᑦᓱᒫᕐᐸᕋ ᐊᑖᑕᖕᓄᑦ ᐂᑉᕋᕼᐋᒧᑦ ᐅᖃᕕᒍᑎᒋᓚᐅᕐᑕᕋ.

ᒨᓯᓯ ᓯᕗᓪᓖᑦ 32:28

ᐊᖑᑎᐅᑉ ᐅᖃᐅᑎᕚ, “ᒫᓐᓇᒥᑦ ᐱᒋᐊᕐᓗᒍ ᔧᑯᒥᒃ ᐊᑎᖃᕐᓂᐊᕈᓐᓃᕐᐳᑎᑦ, ᐃᓴᕆᐊᓕᐅᓂᐊᓕᕐᐳᑎᑦ, ᒎᑎᒥᒃ ᐅᓇᑕᖃᑎᖃᕐᓯᒪᒐᕕᑦ ᓵᓚᖃᕐᓱᑎᑦ ᐃᓄᖕᓂᒡᓗ ᓵᓚᖃᕆᓪᓗᑎᑦ.”

ᒨᓯᓯ ᓯᕗᓪᓖᑦ 35:11

ᒎᑎᐅᓪᓗ ᐅᖃᐅᑎᕚ, “ᐅᕙᖓ ᒎᑎᐅᕗᖓ ᐊᔪᒐᖃᖏᑦᑐᖅ; ᐅᓄᕐᑐᓂᒃ ᕿᑐᕐᖏᐅᕆᑦᓯ ᐅᓄᕐᓯᕙᓪᓕᐊᓗᓯᓗ; ᐃᓅᖃᑎᒌᒡᔪᐊᑦ ᐃᓅᖃᑎᒌᒐᓴᒡᔪᐊᓪᓗ ᐃᓕᖕᓂᑦ ᐱᔪᒫᕐᐳᑦ, ᐊᖓᔪᖅᑳᕐᔪᐊᓂᒡᓗ ᑭᖑᕚᖃᕈᒫᕐᐳᑎᑦ.

ᒨᓯᓯ ᓯᕗᓪᓖᑦ 35:12

ᓄᓇ ᑐᓂᓚᐅᕐᑕᕋ ᐂᑉᕋᕼᐋᒻᒧᑦ ᐂᓴᑭᒧᓪᓗ ᑐᓂᓂᐊᕆᕙᕋ ᐃᓕᖕᓄᑦ, ᑭᖑᕚᒃᓴᕐᓄᓪᓗᑦᑕᐅᖅ ᑐᓂᔪᒫᕆᕙᕋ ᑭᖑᓂᕐᓂ.”

ᒨᓯᓯ ᓯᕗᓪᓖᑦ 8:1

ᒎᑎᐅᓪᓕ ᐃᖅᑲᐅᒪᓚᐅᕐᐰᑦ ᓄᐊᒃᑯᑦ ᐆᒪᔪᓪᓗ ᐆᒪᔪᖁᑏᓪᓗ ᐅᒥᐊᕐᔪᐊᕐᒦᖃᑎᖏᑦ. ᒎᑎᓗ ᐊᓄᕌᓕᕐᑎᑦᓯᕗᖅ ᓄᓇᕐᔪᐊᕐᒥ, ᐃᒪᕐᓗ ᑎᓂᑉᐸᓪᓕᐊᓯᓪᓗᓂ.

ᐊᑕᓃᑦ ᐂᑉᐸᖏᑦ 13:23

ᐊᑕᓂᐅᑉ ᐱᑦᓯᐊᕐᕕᒋᓚᐅᕐᐰᑦ ᐃᓚᑦᓱᒋᓪᓗᒋᑦ ᐃᓱᒪᒋᑦᓯᐊᓚᐅᕐᐰ ᐊᖏᖃᑎᒌᒍᑎᓕᐅᕐᓯᒪᓂᓂ ᐱᑦᔪᑎᒋᓪᓗᒍ ᐂᑉᕋᕼᐋᒧᑦ, ᐂᓴᑭᒧᑦ, ᔧᑯᒧᓪᓗ. ᐅᓪᓗᒥ ᑎᑭᓪᓗᒍ ᓱᓕ ᐊᓯᕈᕐᑕᐅᖁᓐᖏᓔᑦ ᕿᒪᒍᒪᓇᒋᓪᓗ ᓇᔪᐃᓐᓇᕈᒪᓚᐅᕐᐰᑦ.

ᐃᓐᖏᕈᑎᑦ 102:2

ᑮᓁᑦ ᑕᓕᑎᓐᓂᐊᕐᓇᒍ ᐅᕙᓐᓂᑦ ᐊᑲᐅᓐᖏᓕᐅᕈᑎᖃᓕᕐᑎᓪᓗᖓ! ᓯᐅᑏᑦ ᒪᓂᓚᐅᕈᒃ ᐅᕙᓐᓄᑦ; ᑐᓴᑲᐅᕐᑐᕐᓗᖓᓗ ᑐᒃᓯᐊᓕᕐᑎᓪᓗᖓ!

ᐃᓐᖏᕈᑎᑦ 102:20

ᑐᓵᕗᖅ ᑎᒍᔭᐅᓯᒪᔪᑦ ᓂᐹᕙᓗᖏᓐᓂᒃ, ᐊᓂᑎᑦᓯᓪᓗᓂᓗ ᑐᖁᑕᒃᓴᕈᕐᑎᑕᐅᓯᒪᔪᓂᒃ;

ᐃᓐᖏᕈᑎᑦ 105:42

ᐃᖅᑲᐅᒪᒐᒥ ᐊᖏᕈᑎᒋᓚᐅᕐᑕᒥᓂᒃ ᐃᑦᔪᕐᓁᑦᑐᒥᒃ, ᐅᖃᐅᓯᕆᓚᐅᕐᑕᒥᓂᒃ ᐱᔨᒥᓄᑦ ᐂᑉᕋᕼᐋᒧᑦ.

ᐃᓐᖏᕈᑎᑦ 106:45

ᑖᒃᑯᐊ ᐱᑦᔪᑎᒋᓪᓗᒋᑦ ᐊᖏᖃᑎᖃᕐᓯᒪᓂᓂ ᐃᖅᑲᐅᒪᓚᐅᕐᐹ, ᓇᒡᓕᒍᓱᖕᓂᕐᔪᐊᓂ ᐱᑦᔪᑎᒋᓪᓗᒍ ᖃᕿᐊᓕᕐᕕᒋᓚᐅᕐᐰᑦ.

ᐃᓐᖏᕈᑎᑦ 138:3

ᓂᓪᓕᐊᕕᒋᒐᒃᑭᑦ ᑕᕝᕙ ᑭᐅᓚᐅᕐᐸᕐᒪ, ᓯᕘᕋᔪᓐᓃᕐᑎᓪᓗᖓ ᑕᕐᓂᕋᓗ ᓲᖑᓯᑎᓪᓗᒍ.

ᐃᓐᖏᕈᑎᑦ 22:24

ᖁᔭᓈᕐᓯᖏᒻᒪᑦ ᓇᕐᕈᓇᓂᓗ ᑲᑉᐱᐊᓱᒃᑎᑕᐅᔪᑦ ᑲᑉᐱᐊᓱᒃᑎᑕᐅᓂᖏᓐᓂᒃ; ᑮᓇᓂᓗ ᐃᔨᓚᐅᓐᖏᓛ ᑖᒃᑯᓇᓐᖓᑦ; ᓂᓪᓕᐊᓕᕐᐸᑕᓕ ᑐᓴᕐᐰᑦ.

ᐃᓐᖏᕈᑎᑦ 22:5

ᓂᓪᓕᐊᖕᒪᑕ ᐃᓕᖕᓄᑦ, ᓴᐳᑎᓚᐅᕐᐸᑎᑦ; ᐃᓕᖕᓂᒃ ᑕᑎᖃᓚᐅᕐᒪᑕ, ᑲᓐᖑᓱᒃᑎᑕᐅᓚᐅᓐᖏᓚᑦ.

ᐃᓐᖏᕈᑎᑦ 79:11

ᑎᒍᔭᐅᓯᒪᔪᑦ ᓂᐹᓂᖏᑦ ᐃᓕᖕᓄᑦ ᑎᑭᐅᑎᓚᐅᕐᓕᑦ; ᐱᔪᓐᓇᕐᓂᕐᔪᐊᑦ ᒪᓕᒡᓗᒍ ᑐᖁᑕᒃᓴᕈᕐᑎᑕᐅᓯᒪᔪᑦ ᓴᐳᑎᓚᐅᒃᑭᑦ!

ᒨᓯᓯ ᐂᑉᐸᖏᑦ 6:5

ᒫᓐᓇᓗ ᐃᓴᕆᐊᓕᒥᐅᑦ ᑲᑉᐱᐊᓱᐊᑎᑕᐅᓂᕐᒧᑦ ᐃᓗᖏᕐᓱᐊᓂᕆᔭᖏᑕ ᓂᐱᖏᑦ ᑐᓴᕐᓯᒪᕙᒃᑲ, ᐄᑦᔨᑉᑎᒥᐅᑦ ᓱᒃᑯᔨᐊᕆᓪᓗᒋᑦ ᓯᐊᓛᖃᕐᓂᖏᓐᓄᑦ; ᐊᖏᕈᑎᒋᓯᒪᔭᕋᓗ ᐃᖅᑲᐅᒪᓕᕐᐸᕋ.

ᒨᓯᓯ ᓯᑕᒪᖏᑦ 20:16

ᐊᑕᓂᕐᒧᓪᓕ ᓂᓪᓕᐊᒐᑦᑕ, ᓂᐱᕗᑦ ᑐᓴᓚᐅᕐᐰᑦ, ᐂᖏᓕᒥᒡᓗ ᑎᓕᓯᓪᓗᓂ ᐊᐅᓪᓚᕐᑎᓚᐅᕐᐹᑎᒍᑦ ᐄᑦᔨᑉᑎᒥᑦ; ᒫᓐᓇᓕ ᑲᑎᓯᒦᑉᐳᒍᑦ, ᐃᒡᓗᒐᓴᖕᓂ ᓄᓇᖁᑎᑦᓯ ᖃᓂᒋᔮᓂ ᓯᓚᑖᓃᑦᑐᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 7:34

ᑕᑯᓯᒪᕗᖓ ᐃᓄᖁᑎᒪ ᐃᓖᔭᕆᔭᐅᓂᖏᓐᓂᒃ ᐄᑦᔨᑉᑎᒥ, ᓴᐳᑎᔭᐅᔪᒪᓂᖏᑦ ᐃᓖᔭᕐᓱᐃᔨᒋᔭᒥᖕᓂᑦ ᑐᓴᕋᒃᑭᑦ, ᓂᓪᓕᐊᓂᖏᓪᓗ ᑐᓴᕐᐸᒃᑲ, ᒫᓐᓇ ᐊᖅᑲᕐᐳᖓ ᓴᐳᑎᔭᕐᑐᕐᓗᒋᑦ. ᒫᓐᓇ ᕾᓕᕆᑦ, ᐄᑦᔨᑉᑎᒧᑦ ᑎᓕᔪᒪᒐᒃᑭᑦ.’

ᐃᓗᐊᕐᓮᔩᑦ ᐊᒡᓚᖏᑦ 2:18

ᐊᑕᓂᐅᑉ ᐃᓴᕆᐊᓕᒥᐅᑉ ᐃᓱᐊᕐᓮᔨᓂᒃ ᑐᓂᑐᐊᕐᒪᒋᑦ ᐊᑕᓂᐅᑉ ᐃᓚᒋᖃᑦᑕᓚᐅᕐᐰᑦ ᐃᓗᐊᕐᓮᔩᑦ, ᐃᓄᖕᓂᒡᓗ ᐱᐅᓕᒃᓯᓚᐅᕐᐳᖅ ᐊᑭᕋᖏᓐᓂᑦ, ᐃᓗᐊᕐᓮᔩᑦ ᐃᓅᓂᖏᓐᓂ ᐊᑕᓂᐅᑉ ᓈᒃᑭᒋᓚᐅᕐᐰᑦ ᐊᓂᕐᓴᐅᒥᓂᖃᓚᐅᕐᒪᑕ ᐅᑯᒤᒃᓴᕐᓂᕐᒥᖕᓂᒃ ᐊᒃᓱᕈᕐᑎᑕᐅᓂᕐᒥᖕᓂᒡᓗ.

ᓴᒧᐃᓕ ᓯᕗᓪᓖᑦ 9:16

“ᖃᐅᒃᐸᑦ ᑍᒤᓪᓗᐊᓕᕐᑎᓪᓗᒍ ᑎᓕᓯᕕᒋᔪᒫᕐᐸᒋᑦ ᐊᖑᒻᒥᒃ ᐱᓐᔭᒥᓂᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ; ᑖᓐᓇ ᐅᕐᓱᕐᑎᕈᒫᕐᐸᑦ ᐊᖓᔪᖅᑳᕐᔪᐊᓐᖑᖁᓪᓗᒍ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ. ᑖᑦᓱᒪ ᐃᓄᖁᑎᒃᑲ ᐱᐅᓕᔪᒫᕐᐰᑦ ᐱᓕᔅᑍᓂᒥᐅᓂᑦ; ᐃᓄᖁᑎᒪ ᐅᖁᒤᑦᑐᒦᓐᓂᖏᑦ ᑕᑯᓯᒪᓕᕋᒃᑭᑦ, ᓂᓪᓕᐊᓂᖏᑦ ᐅᕙᓐᓄᑦ ᑎᑭᓯᒪᓕᕐᒪᑕ.”