ᒨᓯᓯ ᐂᑉᐸᖏᑦ 2:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐊᕐᕌᒍᐃᓪᓗ ᐅᓄᕐᑐᑦ ᐊᓂᒍᕐᓯᒪᓕᕐᑎᓪᓗᒋᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦ ᑐᖁᕗᖅ. ᑭᓯᐊᓂᓕ ᓱᓕ ᐃᓴᕆᐊᓕᒥᐅᑦ ᐃᓖᔭᕆᔭᐅᓂᕐᒥᖕᓂᒃ ᓂᓪᓕᐊᑦᔪᑎᒌᓐᓇᓚᐅᕐᐹᑦ ᐃᑲᔪᕐᑕᐅᔪᒪᓪᓗᑎᒃ, ᕿᓄᓂᖓᓪᓗ ᒎᑎᒧᑦ ᑐᓴᕐᑕᐅᕗᖅ.

ᒨᓯᓯ ᐂᑉᐸᖏᑦ 2:23 Iomraidhean Croise

ᒨᓯᓯ ᓯᕗᓪᓖᑦ 16:11

ᐊᑕᓂᐅᓪᓗ ᐂᖏᓕᖓᑕ ᐅᖃᐅᑎᕚ: “ᑕᑯᒋᑦ, ᕿᑐᕐᖓᒃᓴᖃᕐᐳᑎᑦ ᐃᕐᓂᕐᑖᓛᕐᐳᑎᓪᓗ; ᑖᓐᓇᓗ ᐊᑦᓯᕈᒫᕐᐸᑦ ᐃᓯᒥᐅᓪᒥᒃ; ᐃᓛᒃ ᐊᑕᓂᐅᑉ ᑐᓴᓚᐅᕐᒪᑎᑦ ᐅᖁᒤᒃᓴᕕᒡᔪᐊᕈᑎᖕᓂᒃ.

ᒨᓯᓯ ᓯᕗᓪᓖᑦ 4:10

ᐊᑕᓂᕐᓗ ᐅᖃᕐᐳᖅ, “ᖃᓄᐃᓕᐅᕐᓂᕐᐲᑦ? ᓄᑲᕐᐱᑦ ᐊᐅᖓ ᐅᕙᓐᓄᑦ ᓂᓪᓕᐊᖕᒪᑦ ᓄᓇᒥᑦ.

ᓂᕼᐃᒤᐊᐅᑉ ᐊᒡᓚᖏᑦ 9:9

ᓯᕗᓕᕗᑦ ᐅᖁᒤᒃᓴᕐᑎᓪᓗᒋᑦ ᑕᑯᓚᐅᕐᐸᑎᑦ ᐄᑦᔨᑉᑎᒥ; ᐃᑲᔪᕐᑕᐅᔪᒪᓂᖏᓐᓂᒡᓗ ᑐᓴᓚᐅᕐᐸᑎᑦ ᐃᒪᕐᒥ ᐊᐅᐸᓗᒃᑕᒥ.

ᔫᐱᐅᑉ ᐊᒡᓚᖏᑦ 35:9

ᐃᓄᐃᑦ ᐅᖁᒤᒃᓴᕐᓂᖏᑦ ᐅᓄᕐᓯᔭᕌᖓᑕ ᓂᐹᓕᕐᐸᒃᐳᑦ; ᐊᔪᒐᖃᖏᑦᑐᒧᑦ ᐃᑲᔪᕐᑕᐅᔪᒪᓪᓗᑎᒃ ᓂᓪᓕᐊᓕᖃᑦᑕᕐᐳᑦ.

ᐃᓐᖏᕈᑎᑦ 102:1

ᐊᑕᓃᖅ, ᑐᒃᓯᐊᕐᓂᕋ ᑐᓴᓚᐅᕈᒃ, ᓂᓪᓕᐊᓂᕋ ᐃᓕᖕᓄᑦ ᑎᑭᐅᑎᓚᐅᕐᓕ!

ᐃᓐᖏᕈᑎᑦ 102:2

ᑮᓁᑦ ᑕᓕᑎᓐᓂᐊᕐᓇᒍ ᐅᕙᓐᓂᑦ ᐊᑲᐅᓐᖏᓕᐅᕈᑎᖃᓕᕐᑎᓪᓗᖓ! ᓯᐅᑏᑦ ᒪᓂᓚᐅᕈᒃ ᐅᕙᓐᓄᑦ; ᑐᓴᑲᐅᕐᑐᕐᓗᖓᓗ ᑐᒃᓯᐊᓕᕐᑎᓪᓗᖓ!

ᐃᓐᖏᕈᑎᑦ 12:5

“ᐊᔪᕐᓴᕐᑐᑦ ᐅᖁᒤᒃᓴᕐᑎᑕᐅᖕᒪᑕ, ᐱᒃᓴᖃᖏᑦᑐᓪᓗ ᐊᓂᕐᓴᐅᒥᖕᒪᑕ, ᑕᕝᕙ ᒪᑭᓐᓂᐊᓕᕐᐳᖓ,” ᐊᑕᓂᖅ ᐅᖃᕐᐳᖅ: “ᓴᐳᑎᔪᒪᕙᕋ ᓴᐳᑎᔭᐅᔪᒪᓂᖓ ᒪᓕᒡᓗᒍ.”

ᐃᓐᖏᕈᑎᑦ 18:6

ᐃᓗᖏᕐᑐᕐᓂᓐᓂ ᐊᑕᓂᖅ ᓂᓪᓕᐊᕕᒋᕙᕋ, ᓂᐱᖅᑯᕐᑐᕗᖓᓗ ᒎᑎᓐᓄᑦ; ᑐᒃᓯᐊᕐᕕᒡᔪᐊᖁᑎᒥᓂᑦ ᓂᐱᒐ ᑐᓴᕐᐹ, ᓂᐱᖅᑯᕐᑐᓪᓗᖓ ᓂᓪᓕᐊᓂᕋ ᓯᐅᑎᖏᖕᓄᑦ ᑎᑭᑉᐳᑦ.

ᒨᓯᓯ ᐂᑉᐸᖏᑦ 1:14

ᐃᒡᓗᓂᒃ ᓴᓇᑎᓪᓗᓂᑦᔪᒃ ᐱᕈᕐᓰᕕᖕᓂᒡᓗ, ᐊᑦᑕᕆᓚᐅᓐᖏᓔᓪᓗ.

ᒨᓯᓯ ᐂᑉᐸᖏᑦ 4:19

ᐊᑕᓂᕐᓗ ᐅᖃᓚᐅᕆᕗᖅ ᒨᓯᓯᒧᑦ ᒥᑎᐊᓂᒦᑎᓪᓗᒍ, “ᐄᑦᔨᑉᑎᒧᑦ ᐅᑎᓕᕆᑦ; ᐃᓕᖕᓂᒃ ᑐᖁᑦᓯᔪᒪᓚᐅᕐᑐᓕᒫᑦ ᑐᖁᖓᓕᕐᒪᑕ.”

ᒨᓯᓯ ᐂᑉᐸᖏᑦ 6:5

ᒫᓐᓇᓗ ᐃᓴᕆᐊᓕᒥᐅᑦ ᑲᑉᐱᐊᓱᐊᑎᑕᐅᓂᕐᒧᑦ ᐃᓗᖏᕐᓱᐊᓂᕆᔭᖏᑕ ᓂᐱᖏᑦ ᑐᓴᕐᓯᒪᕙᒃᑲ, ᐄᑦᔨᑉᑎᒥᐅᑦ ᓱᒃᑯᔨᐊᕆᓪᓗᒋᑦ ᓯᐊᓛᖃᕐᓂᖏᓐᓄᑦ; ᐊᖏᕈᑎᒋᓯᒪᔭᕋᓗ ᐃᖅᑲᐅᒪᓕᕐᐸᕋ.

ᒨᓯᓯ ᐂᑉᐸᖏᑦ 6:9

ᒨᓯᓯᓗ ᑕᒪᑐᒥᖓ ᐅᖃᐅᓯᖃᕐᐳᖅ ᐃᓴᕆᐊᓕᒥᐅᓄᑦ; ᑖᒃᑯᐊᓕ ᒨᓯᓯᒥᒃ ᓈᓚᓚᐅᓐᖏᓚᑦ, ᐊᓂᕐᓂᕐᒥᒍᑦ ᓯᖁᒥᑕᐅᓯᒪᓂᕐᒧᑦ ᓱᒃᑯᔨᐊᖑᓪᓗᑎᒃ ᐋᓐᓂᕐᓯᕐᑕᐅᖃᑦᑕᕐᓂᕐᒧᑦ.

ᒨᓯᓯ ᐂᑉᐸᖏᑦ 7:7

ᐊᖓᔪᖅᑳᕐᔪᐊᕐᒧᓪᓗ ᐅᖃᓕᕆᐊᕈᑎᒥᖕᓂ ᒨᓯᓯ ᐊᕐᕌᒍᖃᓕᓚᐅᕐᐳᖅ 80ᓂᒃ ᐂᕉᓂᓗ 83ᓂᒃ.

ᐂᓮᐊᓯᐅᑉ ᐊᒡᓚᖏᑦ 19:20

ᓇᓗᓁᒃᑯᑕᐅᔪᒫᐳᕐᓗ ᖃᐅᔨᑎᑦᓯᑦᔪᑕᐅᓗᓂ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓄᑦ ᐄᑦᔨᑉᑎᒥᐅᑦ ᓄᓇᖓᓂ; ᐃᓄᖏᑦ ᐃᑲᔪᕐᑕᐅᔪᒪᓗᑎᒃ ᐊᑕᓂᕐᒧᑦ ᓂᓪᓕᐊᓕᕌᖓᑕ ᐊᑭᕋᑎᒃ ᐱᓪᓗᒋᑦ ᓴᐳᑦᔨᔨᒃᓴᖓᓐᓂᒃ ᑎᓕᓯᕕᒋᖃᑦᑕᕈᒫᕐᐰᑦ, ᓴᐳᑎᓗᒋᑦ ᐱᐅᓕᓗᒋᓪᓗ ᐊᑭᕋᖏᓐᓂᑦ.

ᐂᓮᐊᓯᐅᑉ ᐊᒡᓚᖏᑦ 5:7

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᕔᓂᒃᓴᓕᐅᕐᕕᒋᖕᒪᒋᑦ ᐃᓴᕆᐊᓕᐅᑉ ᑭᖑᕚᖏᑦ; ᔫᑕᐅᓪᓗ ᐃᓄᖏᑦ ᑕᑯᒥᓇᕐᑐᖁᑎᒋᓪᓗᒋᑦ ᐱᕈᕐᓰᕕᖁᑎᒋᕔᑦ; ᓂᕆᐅᒡᕕᒋᓚᐅᕐᐰᑦ ᐊᑦᔨᒌᒃᑎᑦᓯᓂᕐᒥᒃ, ᑭᓯᐊᓂᓕ ᐅᖁᒤᒃᓴᕐᑎᑦᓯᓯᒪᕗᑦ; ᐃᓱᐊᕐᓂᕐᒥᒡᓗ ᓂᕆᐅᒡᕕᒋᓚᐅᕐᐰᑦ, ᕿᐊᔪᓂᒡᓕ ᑐᓵᕗᑦ.

ᒨᓯᓯ ᓯᑕᒪᖏᑦ 20:16

ᐊᑕᓂᕐᒧᓪᓕ ᓂᓪᓕᐊᒐᑦᑕ, ᓂᐱᕗᑦ ᑐᓴᓚᐅᕐᐰᑦ, ᐂᖏᓕᒥᒡᓗ ᑎᓕᓯᓪᓗᓂ ᐊᐅᓪᓚᕐᑎᓚᐅᕐᐹᑎᒍᑦ ᐄᑦᔨᑉᑎᒥᑦ; ᒫᓐᓇᓕ ᑲᑎᓯᒦᑉᐳᒍᑦ, ᐃᒡᓗᒐᓴᖕᓂ ᓄᓇᖁᑎᑦᓯ ᖃᓂᒋᔮᓂ ᓯᓚᑖᓃᑦᑐᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 7:30

“ᐊᕐᕌᒍᑦ 40 ᐊᓂᒍᕐᑎᓪᓗᒋᑦ, ᓴᖅᑭᕝᕕᐅᓚᐅᕐᐳᖅ ᐂᖏᓕᒧᑦ ᐃᓄᖃᖏᑦᑐᒥ ᖃᖅᑲᐅᑉ ᓮᓁᑉ ᓴᓂᐊᓂ, ᐅᕐᐱᒐᕐᓂ ᐃᑯᐊᓚᔪᒥ.

ᒨᓯᓯ ᑕᓪᓕᒪᖏᑦ 24:15

ᖃᐅᑕᒫᓪᓕ ᓯᕿᓂᖅ ᓂᐱᓚᐅᕐᑎᓐᓇᒍ ᐊᑭᓕᖃᑦᑕᕐᑕᒃᓴᕆᕙᓯ ᐅᓪᓗᒥ ᐱᓇᓱᐊᕐᓂᖓᓄᑦ ᐊᑭᓕᐅᑎᐅᔪᓂᒃ ᐱᔭᕆᐊᖃᕐᒪᒋᑦ, ᓯᕿᓂᖅ ᓂᐱᓚᐅᖏᓐᓂᖓᓂ; ᑮᓇᐅᔭᕐᑖᕆᐊᖃᕐᒪᑦ ᐊᒃᓱᕈᕐᓗᓂᓗ ᐱᓇᓱᐊᕐᒪᑦ ᓂᕆᐅᒃᓱᓂᓗ. ᐊᑭᓕᓐᖏᑐᐊᕈᕕᐅᒃ, ᐊᑕᓂᕐᒧᑦ ᓂᓪᓕᐊᓕᕋᔭᕐᒪᑦ ᐃᓕᑦᓯᓐᓂᒃ ᓂᓪᓕᐊᑦᔪᑎᖃᕐᓗᓂ, ᑍᒤᑉᐸᑦ ᐸᓯᔭᒃᓴᐅᓕᕋᔭᕐᐳᓯ ᐊᔪᕐᑐᓕᓗᓯᓗ ᑕᒪᑐᒧᖓ.

ᔧᒥᓯᐅᑉ ᐊᒡᓚᖏᑦ 5:4

ᑕᑯᒋᑦ, ᐱᓇᓱᐊᕐᑐᑦ ᐱᕈᕐᓰᕕᖁᑎᑦᓯᓐᓂ ᐱᕈᕐᑐᓂᒃ ᓇᑲᑎᕆᔪᑦ ᐊᑭᓕᓚᐅᓐᖏᓚᓯ ᑮᓇᐅᔭᒃᓴᖏᓐᓂᒃ, ᓯᓔᕐᕆᒃᓯᓂᒃᑯᑦ, ᓈᒻᒪᒃᓴᕈᓐᓃᕐᓗᑎᒃ ᓂᓪᓕᐊᓂᖏᑦ ᑐᓴᓕᕐᓯᐅᒃ; ᐱᕈᕐᓰᕕᖁᑎᑦᓯᓐᓂ ᓇᑲᑎᕆᔪᑦ ᓂᓪᓕᐊᓂᖏᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᑐᓵᓕᕐᐰᑦ.

ᐃᓗᐊᕐᓮᔩᑦ ᐊᒡᓚᖏᑦ 4:3

ᐃᓴᕆᐊᓕᐅᑦ ᐃᓄᖏᑦ ᐃᓗᖏᕐᓱᓕᓚᐅᕐᐳᑦ ᓂᓪᓕᐊᓪᓗᑎᒃ ᐊᑕᓂᕐᒧᑦ ᐃᑲᔪᕐᑕᐅᔪᒪᓪᓗᑎᒃ; ᔮᐱᓐ ᐱᖃᓚᐅᕐᒪᑦ 900ᓂᒃ ᓴᕕᕋᔭᖕᓂᒃ ᕿᒧᒃᓯᐅᑎᓄᑦ ᐅᓂᐊᕐᑕᐅᓲᓂᒃ ᐊᒃᓴᓗᐊᓕᖕᓂᒃ, ᑲᑉᐱᐊᓱᒃᑎᑦᓯᓪᓗᓂᓗ ᐃᓴᕆᐊᓕᒥᐅᑦ ᐃᓄᖏᓐᓂᒃ ᐊᕐᕌᒍᓂᒃ 20ᓂᒃ ᓂᑲᒋᓇᒋᑦ.

ᓴᒧᐃᓕ ᓯᕗᓪᓖᑦ 12:8

ᔧᑯᒃᑯᑦ ᐃᓚᒌᑦ ᐄᑦᔨᑉᑎᒧᐊᕐᒪᑕ ᐄᑦᔨᑉᑎᒥᐅᓂᑦ ᐊᒃᓱᕈᕐᑎᑕᐅᓚᐅᕐᐳᑦ, ᐊᑕᓂᕐᒧᓪᓗ ᐃᓗᖏᕐᓱᕐᓗᑎ ᑐᒃᓯᐊᕐᒪᑕ ᐃᑲᔪᕐᑕᐅᔪᒪᓪᓗᑎᒃ, ᐊᑕᓂᐅᑉ ᑎᓕᓯᕕᒋᓚᐅᕐᐰᑦ ᒨᓯᓯᒥᒃ ᐂᕉᓂᒥᒡᓗ, ᑖᒃᑯᐊᒃ ᓯᕗᓕᑦᓯᓐᓂᒃ ᐊᐅᓪᓚᕐᑎᑦᓯᓚᐅᕐᐴᒃ ᐄᑦᔨᑉᑎᒥᑦ, ᓄᓇᑖᕐᑎᓪᓗᒋᓪᓗ ᑕᒫᓂ ᓄᓇᒥ.

ᓴᒧᐃᓕ ᓯᕗᓪᓖᑦ 9:16

“ᖃᐅᒃᐸᑦ ᑍᒤᓪᓗᐊᓕᕐᑎᓪᓗᒍ ᑎᓕᓯᕕᒋᔪᒫᕐᐸᒋᑦ ᐊᖑᒻᒥᒃ ᐱᓐᔭᒥᓂᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ; ᑖᓐᓇ ᐅᕐᓱᕐᑎᕈᒫᕐᐸᑦ ᐊᖓᔪᖅᑳᕐᔪᐊᓐᖑᖁᓪᓗᒍ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ. ᑖᑦᓱᒪ ᐃᓄᖁᑎᒃᑲ ᐱᐅᓕᔪᒫᕐᐰᑦ ᐱᓕᔅᑍᓂᒥᐅᓂᑦ; ᐃᓄᖁᑎᒪ ᐅᖁᒤᑦᑐᒦᓐᓂᖏᑦ ᑕᑯᓯᒪᓕᕋᒃᑭᑦ, ᓂᓪᓕᐊᓂᖏᑦ ᐅᕙᓐᓄᑦ ᑎᑭᓯᒪᓕᕐᒪᑕ.”