ᒨᓯᓯ ᐂᑉᐸᖏᑦ 19:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐊᑕᓂᐅᕕᓐᓂᓗ ᑐᓂᕐᕈᓯᕐᑎᑦᓯᔨᖁᑎᒋᓂᐊᕐᐸᑦᓯ ᐃᓅᖃᑎᒌᒡᔪᐊᖑᓗᓯ ᐃᑦᔪᕐᓁᓪᓗᓯ. ᑕᒪᒃᑯᐊᓗ ᐅᖃᐅᓰᑦ ᐃᓴᕆᐊᓕᒥᐅᑦ ᕿᑐᕐᖓᖏᓐᓄᑦ ᐅᖃᐅᓯᕆᔭᒃᓴᕆᕙᓯ.”

ᒨᓯᓯ ᐂᑉᐸᖏᑦ 19:6 Iomraidhean Croise

ᐊᑕᓃᑦ ᓯᕗᓪᓖᑦ 3:8

ᐱᔩᓪᓗ ᐃᓄᖁᑎᕕᑦ ᐊᑯᕐᖓᓐᓃᑉᐳᖅ ᓂᕈᐊᕆᓚᐅᕐᑕᕕᑦ, ᐃᓄᒋᐊᒃᑐᕐᔪᐊᑦ, ᐊᒡᓛᑦ ᐅᓄᓗᐊᕐᓂᖏᓐᓄᑦ ᓈᓴᕐᑕᐅᔪᓐᓇᖏᑦᑐᑦ.

ᐊᑕᓃᑦ ᓯᕗᓪᓖᑦ 8:53

ᑖᒃᑯᐊ ᓂᕈᐊᕐᓗᒋᑦ ᓴᓂᕐᕙᒃᓯᒪᒐᕕᒋᑦ ᐃᓄᓕᒫᑦ ᓄᓇᕐᔪᐊᕐᒥᐅᑦ ᐊᑯᕐᖓᓐᓂᑦ, ᓇᖕᒥᓂᖅ ᐱᒋᔪᒪᓪᓗᒋᑦ, ᑍᒫᒃ ᐅᖃᓚᐅᕋᕕᑦ ᐱᔨᒃᑯᑦ ᒨᓯᓯᒃᑯᑦ, ᑍᑦᓱᒪᓂ ᓯᕗᓪᓕᕕᓂᕗᑦ ᐊᓂᑎᓕᕋᕕᒋᑦ ᐄᑦᔨᑉᑎᒥᑦ, ᐊᑕᓃᖅ ᒎᑏ.”

ᑯᕉᓂᑲ ᓯᕗᓪᓖᑦ 17:22

ᐃᓴᕆᐊᓕᒥᐅᑉ ᐃᓄᖁᑎᑖᕆᓚᐅᕋᕕᒋᑦ ᓇᖕᒥᓂᖅ ᐃᓄᖁᑎᒋᔪᒪᓪᓗᒋᑦ ᐃᓱᖃᖏᑦᑐᒧᑦ; ᐃᕝᕕᓪᓗ ᐊᑕᓃᖅ, ᑖᒃᑯᓄᖓ ᒎᑎᒋᔭᐅᓕᕐᓗᑎᑦ.

ᐃᓐᖏᕈᑎᑦ 114:2

ᔫᑕ ᐊᑕᓂᐅᑉ ᐃᑦᔪᕐᓁᑦᑐᕕᖁᑎᑖᕆᓚᐅᕐᐹ, ᐃᓴᕆᐊᓕᓗ ᐊᖓᔪᖅᑳᖃᕐᕕᒋᓕᕐᓱᓂᐅᒃ.

ᒨᓯᓯ ᐂᑉᐸᖏᑦ 15:26

ᐅᖃᕐᓗᓂᓗ, “ᐊᑕᓂᐅᑉ ᒎᑎᕕᑦ ᓂᐱᖓᓂᒃ ᓈᓚᑦᓯᐊᕐᓂᐊᕈᕕᑦ, ᑖᑦᓱᒪᓗ ᓈᒻᒪᒋᔭᖓᓂᒃ ᐱᓇᓱᐊᕐᓂᐊᕈᕕᑦ, ᐱᖁᔨᓂᕆᔭᓕᒫᖏᓪᓗ ᒪᓕᑦᓯᐊᕐᓂᐊᕈᕕᒋᑦ, ᑕᕝᕙ ᖃᓂᒪᓇᕐᑐᓄᑦ ᑎᑭᑕᐅᑎᓐᓂᐊᓐᖏᓚᒋᑦ ᐄᑦᔨᑉᑎᒥᐅᓄᑦ ᑎᑭᑎᓚᐅᕐᑕᒪ ᐊᑦᔨᖏᓐᓄᑦ; ᐅᕙᖓ ᐊᑕᓂᐅᒐᒪ, ᐃᓕᖕᓂᒃ ᐋᖅᑭᒃᓱᐃᔨ.”

ᒨᓯᓯ ᐂᑉᐸᖏᑦ 22:31

“ᐅᕙᖓ ᐃᓄᖁᑎᒋᒐᑦᓯ ᐃᑦᔪᕐᓁᑦᑐᒃᓴᐅᕗᓯ, ᑍᒤᒻᒪᑦ ᐱᕈᕐᓰᕕᖕᒥ ᐆᒪᔪᓄᑦ ᓄᔪᐊᕐᑐᓄᑦ ᐅᒋᐊᕐᑕᐅᔪᕕᓂᕐᓂᒃ ᐆᒪᔪᓂᒃ ᓂᕆᔪᒃᓴᐅᓐᖏᓚᓯ; ᑍᒤᑦᑐᓪᓕ ᕿᒻᒥᓄᑦ ᑐᓂᔭᒃᓴᕆᕙᓯ.”

ᒨᓯᓯ ᐂᑉᐸᖏᑦ 28:36

“ᖃᐅᕐᒥᐅᑕᒃᓴᒥᒃ ᑕᑯᒥᓇᕐᑐᒥᒃ ᓴᓇᔪᒃᓴᐅᕗᑎᑦ ᒎᓗᒥᒃ ᐊᓯᐊᓂᒃ ᐃᓚᖃᖏᑦᑐᒥᒃ ᑕᕝᕘᓇᓗ ᑎᑎᕋᕐᕕᒋᓯᒪᓗᒍ ᓲᕐᓗ ᐊᑎᓕᐅᕈᑎᑐᑦ ᓇᕿᑦᔪᑎᑐᑦ ‘ᐊᑕᓂᕐᒧᑦ ᐃᑦᔪᕐᓁᑦᑎᑕᐅᓯᒪᔪᖅ.’

ᐂᓮᐊᓯᐅᑉ ᐊᒡᓚᖏᑦ 43:4

ᐃᓪᓕᕐᓇᕐᑐᐊᓘᒐᕕᑦ ᑕᑯᓪᓗᑎᑦ, ᐅᐱᓐᓇᕐᓗᑎᑦ, ᓇᒡᓕᒋᓪᓗᑎᓪᓗ; ᑍᒤᒻᒪᑦ ᐃᓄᐃᑦ ᑐᓂᓂᐊᕐᐸᒃᑲ ᐃᓕᖕᓄᑦ, ᐃᓄᐃᓪᓗ ᑕᐅᕐᓯᐅᑎᓗᒋᑦ ᐃᓅᓯᕐᓄᑦ.

ᐂᓮᐊᓯᐅᑉ ᐊᒡᓚᖏᑦ 61:6

ᑍᔭᐅᔪᒫᕐᐳᓯᓗ ᐊᑕᓂᐅᑉ ᑐᓂᕐᕈᓯᕐᑎᑦᓯᔨᖁᑎᖏᓐᓂᒃ, ᐅᖃᐅᓯᐅᔪᒫᕐᐳᓯᓗ ᒎᑎᑦᑕ ᐱᔨᑦᓯᕐᑎᖁᑎᖏᓐᓂᒃ; ᓂᕿᖃᕈᒫᕐᐳᓯ ᐊᒃᓗᐃᑦᑐᑦ ᐃᓅᖃᑎᒌᒡᔪᐊᑦ ᓂᕿᖁᑎᖏᓐᓂᒃ, ᐊᒡᓗᐃᑦᔪᑎᖏᓐᓂᒡᓗ ᐱᓐᓇᕐᓇᐅᑎᖃᕈᒫᕐᐳᓯ.

ᐂᓮᐊᓯᐅᑉ ᐊᒡᓚᖏᑦ 62:12

ᑖᒃᑯᐊ ᑍᔭᐅᔪᒫᕐᐳᑦ ᐃᓄᖕᓂᒃ ᐃᑦᔪᕐᓁᑦᑐᓂᒃ, ᐊᑕᓂᐅᑉ ᐃᒻᒥᓄᑦ ᐅᑎᕐᑎᓯᒪᔭᖏᓐᓂᒃ; ᐃᓕᑦᓯᓕ ᑍᔭᐅᔪᒫᕐᐳᓯ, ᓇᓂᔭᐅᓂᑯᓂᒃ, ᕿᒪᒃᑕᐅᓂᑰᖏᑦᑐᓂᒃ ᐃᒡᓗᒐᓴᒡᔪᐊᓂᒃ.

ᐂᓮᐊᓯᐅᑉ ᐊᒡᓚᖏᑦ 66:21

ᐃᓚᖏᓪᓗ ᑐᓂᔪᒫᕐᐸᒃᑲ ᑐᓂᕐᕈᓯᕐᑎᑦᓯᔨᓄᑦ ᓕᕔᑎᓄᓪᓗ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 13:11

ᑍᒫᒃᑕᐅᖅ ᐊᖑᑦ ᕿᑎᕈᓯᓲᖑᖕᒪᑦ ᕿᓚᒃᓱᒍ, ᐃᓴᕆᐊᓕᒥᐅᓕᒫᑦ ᔫᑕᒥᐅᓕᒫᓪᓗ ᐅᕙᓐᓄᑦ ᕿᓚᒃᓱᕈᒫᕆᕙᒃᑲ, ᐊᑕᓂᖅ ᐅᖃᕐᐳᖅ, ᐃᓄᖁᑎᒋᔪᒪᓪᓗᒋᑦ ᓇᖕᒥᓂᕆᓗᒋᑦ ᓂᕐᑐᕐᑕᐅᑦᔪᑎᒋᓗᒋᓪᓗ, ᐅᐱᒋᔭᐅᑦᔪᑎᒋᓗᒋᓪᓗ, ᐅᕙᓐᓂᒡᓕ ᓈᓚᒍᒪᓚᐅᓐᖏᓚᑦ.”

ᔨᕆᒤᐊᐅᑉ ᐊᒡᓚᖏᑦ 2:3

ᐃᓴᕆᐊᓕ ᐃᑦᔪᕐᓁᓚᐅᕐᐳᖅ ᐊᑕᓂᕐᒧᑦ; ᓯᕗᓪᓕᕐᐸᐅᕗᖅ ᐸᐅᕐᖓᓂ ᐱᕈᕐᑐᓂᑦ ᑲᑎᕐᓱᐃᕕᖕᒥ, ᓂᕆᔪᓕᒪᑦ ᐸᓯᔭᒃᓴᐅᓕᕐᐳᑦ; ᐱᐅᖏᑦᑐᓄᑦ ᑎᑭᑕᐅᕗᑦ, ᐅᕙᖓ ᐊᑕᓂᐅᔪᖓ ᐅᖃᕐᐳᖓ.”

ᔨᕆᒤᐊᐅᑉ ᐊᒡᓚᖏᑦ 7:23

ᑭᓯᐊᓂᓕ ᐱᖁᔭᕐᑖᑎᓚᐅᕐᐸᒃᑲ ᐃᒤᓕᔪᒥᒃ, ᓂᐱᒐ ᓈᓚᒃᑕᒃᓴᕆᕙᓯ, ᒎᑎᒋᔭᐅᓂᐊᕋᒪ ᐃᓕᑦᓯᓐᓄᑦ, ᐃᓕᑦᓯᓗ ᐃᓄᖁᑎᒋᓂᐊᕐᐸᑦᓯ, ᐱᖁᔭᒃᑲ ᒪᓕᒡᓗᒋᑦ ᐃᓅᔪᒃᓴᐅᕗᓯ, ᐃᓅᓯᖃᑦᓯᐊᖁᓪᓗᓯ.

ᒨᓯᓯ ᐱᖓᔪᖏᑦ 19:2

“ᐃᓴᕆᐊᓕᒥᐅᓕᒫᑦ ᐃᒫᒃ ᐅᖃᐅᑎᒃᑭᑦ, ᐃᑦᔪᕐᓁᒋᑦᓯ, ᐅᕙᖓ, ᐊᑕᓂᖅ ᒎᑎᓯ, ᐃᑦᔪᕐᓁᓐᓇᒪ.

ᒨᓯᓯ ᐱᖓᔪᖏᑦ 20:24

ᐃᓕᑦᓯᓕ ᐅᖃᐅᑎᕙᑦᓯ ᓄᓇ ᐱᑖᕆᓂᐊᕋᓯᐅᒃ; ᐃᓕᑦᓯᓐᓄᑦ ᑐᓂᓂᐊᕋᒃᑯ, ᓄᓇ ᐊᔪᕐᓴᕐᓇᖏᑦᑐᖅ ᐱᕈᕐᕕᐅᑦᓯᐊᕈᓐᓇᕐᑐᕐᓗ ᐱᑖᕆᓂᐊᕋᑦᓯᐅᒃ. ᐅᕙᖓ ᐊᑕᓂᐅᒐᒪ ᒎᑎᓯ, ᓴᓂᕐᕙᒃᑎᓯᒪᒐᑦᓯ ᐃᓅᖃᑎᒌᒡᔪᐊᓂᑦ.

ᒨᓯᓯ ᐱᖓᔪᖏᑦ 20:26

ᐃᓕᑦᓯᓐᓂᒃ ᐃᑦᔪᕐᓁᑎᒋᑦᓯ ᐅᕙᖓ ᐊᑕᓂᐅᒐᒪ ᐃᑦᔪᕐᓁᑦᑐᖅ. ᐃᓅᖃᑎᒌᒡᔪᐊᓂᑦ ᑎᒍᓚᐅᕋᑦᓯ ᓇᖕᒥᓂᕆᔪᒪᓪᓗᓯ.

ᒨᓯᓯ ᐱᖓᔪᖏᑦ 21:23

ᑎᒥᒥᒍᑦ ᐱᐅᓯᕐᓘᑎᖃᕋᒥ, ᐃᑦᔪᕐᓁᑦᑐᕕᐅᑉ ᑕᓗᕐᔪᐊᖓᓄᑦ ᖃᒡᓕᔭᕆᐊᖃᓐᖏᓚᖅ, ᑐᓂᕐᕈᓯᕐᕕᒡᓘᓐᓃᑦ ᐅᐸᒋᐊᖃᓐᖏᓛ, ᓈᓚᖏᒃᑯᓂ ᐃᑦᔪᕐᓁᑦᑐᕕᖁᑎᒐ ᐃᑦᔪᕐᓇᓯᑎᓐᓂᐊᕐᐹ. ᐅᕙᖓ ᐊᑕᓂᐅᒐᒪ, ᑖᒃᑯᓂᖓᓗ ᐃᑦᔪᕐᓁᑎᑦᓯᕗᖓ.’”

ᐂᒨᓯᐅᑉ ᐊᒡᓚᖏᑦ 3:2

“ᐃᓚᒌᒃᑐᓕᒫᓂᑦ ᓄᓇᕐᔪᐊᒥ ᖃᓂᒋᔭᑐᐊᕆᓯᒪᕙᑦᓯ; ᑍᒤᒻᒪᑦ ᐊᔪᕐᑐᓕᓂᓯ ᒪᓕᒡᓗᒋᑦ ᓱᒋᐊᕐᓂᐊᕐᐸᑦᓯ.”

ᕼᐊᒊᑉ ᐊᒡᓚᖏᑦ 2:5

‘ᑕᒪᓐᓇ ᐊᖏᕈᑎᒋᓚᐅᕋᒃᑯ ᐃᓕᑦᓯᓐᓄᑦ ᐄᑦᔨᑉᑎᒥᑦ ᐊᐅᓪᓚᕐᑎᓪᓗᓯ, ᐊᓂᕐᓂᕋ ᓱᓕ ᐃᓕᑦᓯᓐᓃᒻᒪᑦ; ᑍᒤᒻᒪᑦ ᑲᑉᐱᐊᓱᒃᑍᓕᒋᑦᓯ!’

ᒨᓯᓯ ᓯᑕᒪᖏᑦ 16:3

ᑲᑎᓪᓗᑎᒃ ᐊᑭᕋᕐᑐᓕᕐᐳᑦ ᒨᓯᓯᒥᒃ ᐂᕉᓂᒥᒡᓗ, ᑖᒃᑯᖕᓄᖓ ᐅᖃᕐᓗᑎᒃ, “ᐃᓕᑦᓯᓐᓂᒃ ᐊᖓᔪᖅᑳᖑᑎᓗᐊᕋᑦᓯᒃ, ᐃᓅᖃᑎᒌᒡᔪᐊᑦ ᐃᑦᔪᕐᓁᑦᑑᖕᒪᑕ, ᑕᒪᕐᒥᑦᓯᐊᖅ, ᐊᑕᓂᐅᓪᓗ ᐃᓚᒋᖕᒪᒋᑦ. ᓱᖕᒪᑦ ᐃᓕᑦᓯᓐᓂᒃ ᐊᖏᔫᑎᓗᐊᕐᐱᓯᒃ ᐊᑕᓂᐅᑉ ᑲᑎᒪᔪᕐᔪᐊᖁᑎᖏᓐᓄᑦ?”

ᕉᒪᒥᐅᓄᑦ 12:1

ᑍᒤᒻᒪᑦ ᐃᓇᑉᐸᑦᓯ ᐃᓅᖃᑎᒃᑳ, ᒎᑎᐅᑉ ᓂᑲᒍᓱᖕᓂᕐᔪᐊᖓ ᐱᑦᔪᑎᒋᓗᒍ, ᑎᒥᓯ ᑐᓂᓯᒋᒃ ᑐᓂᕐᕈᑎᒃᓴᑐᑦ; ᐆᒪᓗᓯᓕ, ᐃᑦᔪᕐᓁᑦᑐᑐᑦ ᒎᑎᒧᓪᓗ ᖁᕕᐊᒋᔭᐅᔪᑐᑦ, ᑍᒤᓕᐅᕈᑦᓯ ᒎᑎ ᓱᓕᑦᓯᐊᕐᑐᒥᒃ ᐱᔨᑦᓯᕐᓂᐊᕐᐸᓯ ᐊᓂᕐᓂᒃᑯᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:17

ᓇᓪᓕᐊᑦ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓᓂᒃ ᐊᓯᕈᐃᔪᖅ, ᒎᑎᐅᑉ ᐊᓯᕈᕈᒫᕆᕚ. ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᐃᑦᔪᕐᓁᒻᒪᑦ, ᐃᓕᑦᓯ ᑕᕝᕙ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᒋᕚᓯ.

ᒨᓯᓯ ᑕᓪᓕᒪᖏᑦ 14:21

“ᓂᕐᔪᑎᓂᒃ ᐃᒻᒥᖕᓂᒃ ᑐᖁᔪᕕᓂᕐᓂᒃ ᓂᕆᔪᒃᓴᐅᓐᖏᓚᓯ; ᓄᓇᖃᑎᑐᖃᕆᓐᖏᑕᑦᓯᓐᓄᑦ ᓄᓇᑦᓯᓐᓃᑦᑐᒧᑦ ᑐᓂᔪᓐᓇᕐᐸᓯ ᓂᕆᔭᐅᖁᓪᓗᒋᑦ ᑖᒃᑯᓄᖓ, ᐅᕝᕙᓗ ᓄᓇᖃᑎᒋᓐᖏᑕᑦᓯᓐᓄᑦ ᐊᓯᑦᓯᓐᓃᑦᑐᓄᑦ ᓂᐅᕐᕈᑎᒋᔪᓐᓇᕐᐸᓯ; ᐃᓕᑦᓯᓕ ᐊᑕᓂᕐᒧᑦ ᒎᑎᑦᓯᓐᓄᑦ ᐃᓄᖁᑕᐅᕗᓯ ᐃᑦᔪᕐᓁᑦᑑᓪᓗᓯ. “ᒎᑦᓰᑦ ᓄᕐᕋᖓᓂᒃ ᐆᔪᓕᐅᕐᑐᒃᓴᐅᓐᖏᓚᓯ ᐊᓈᓇᖓᑕ ᐃᒻᒧᖓᓄᑦ.”

ᒨᓯᓯ ᑕᓪᓕᒪᖏᑦ 26:19

ᐱᓐᖑᕐᑎᓯᒪᔭᓕᒫᒥᓂᓪᓗ ᐃᓅᖃᑎᒌᒡᔪᐊᓕᒫᓂᑦ ᐊᔪᖏᓐᓂᕐᓴᐅᑎᓐᓂᐊᕐᐹᓯ, ᑖᓐᓇᓗ ᓂᕐᑐᕐᓇᕐᓯᑎᓐᓂᐊᕐᐸᓯ ᐊᑎᖓᓗ ᐅᐱᓐᓇᕐᓯᑎᓪᓗᒍ. ᑖᑦᓱᒪᓗ ᓇᖕᒥᓂᕆᓗᓂᓯ ᐃᓄᖁᑎᒋᓂᐊᕐᐹᓯ, ᑕᒪᓐᓇ ᐊᖏᕈᑎᒋᓯᒪᖕᒪᒍ.”

ᒨᓯᓯ ᑕᓪᓕᒪᖏᑦ 28:9

“ᐊᑕᓂᖅ ᒎᑎᓯ ᓈᓚᖕᓂᐊᕈᑦᓯᐅᒃ ᑖᑦᓱᒪᓗ ᐱᖁᔨᓂᓕᒫᖏᑦ ᒪᓕᖕᓂᐊᕈᑦᓯᒋᒃ, ᑕᕝᕙ ᐃᓄᖁᑎᑖᕆᓂᐊᕐᐹᓯ ᓇᖕᒥᓂᕐᑖᕆᓗᓂᓯ, ᑕᒪᓐᓇ ᐅᖃᕕᒍᑎᒋᓯᒪᖕᒪᒍ.

ᒨᓯᓯ ᑕᓪᓕᒪᖏᑦ 7:6

ᑍᒤᓕᐅᕐᑐᒃᓴᐅᕗᓯ ᐃᓕᑦᓯ ᐊᑕᓂᐅᑉ ᒎᑎᑦᓯ ᐃᓄᖁᑎᒋᖕᒪᓯ ᐃᑦᔪᕐᓁᑎᑕᐅᔪᑦ ᑖᑦᓱᒧᖓ. ᐊᑕᓂᐅᑉ ᒎᑎᑦᓯ ᓂᕈᐊᕐᓯᒪᖕᒪᓯ ᓇᖕᒥᓂᖅ ᐃᓄᖁᑎᒋᓗᓂᓯ ᑖᑦᓱᒧᖓ ᐱᒋᔭᐅᖁᓪᓗᓯ, ᓯᓚᕐᔪᐊᕐᒥᐅᑦ ᐃᓄᓕᒫᖏᓐᓂᑦ ᓂᕈᐊᕐᑕᐅᓯᒪᒐᑦᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:27

ᐃᓇᒻᒪᕆᒃᐸᑦᓯ ᐊᑕᓂᐅᑉ ᐱᔪᓐᓇᕐᓂᖃᕐᑎᑦᓯᓂᖓᒍᑦ ᑖᒃᑯᐊ ᑎᑎᖅᑲᑦ ᐊᑐᐊᕐᑕᐅᖁᓪᓗᒋᑦ ᖃᑕᓐᖑᑎᒌᓕᒫᓄᑦ.

ᐲᑦᑐᕉᓯ ᓯᕗᓪᓖᑦ 2:5

ᐃᓕᑦᓯᑦᑕᐅᖅ, ᐅᔭᕋᒃᑎᑐᑦ ᐆᒪᔪᑎᑐᑦ, ᐃᒡᓗᓕᐊᖑᓕᕐᐳᓯ ᐊᓂᕐᓂᒃᑯᑦ ᐃᒡᓗᓕᐊᕆᔭᐅᔪᒧᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᐃᑦᔪᕐᓁᑦᑑᓗᓯ, ᐊᓂᕐᓂᒃᑯᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᒎᑎᒧᑦ ᓈᒻᒪᒋᔭᐅᔪᒥᒃ ᔩᓱᓯ ᙭ᔅᑑᓯᒃᑯᑦ.

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:6

ᑐᓂᕐᕈᓯᕐᑎᑦᓯᔨᓐᖑᕐᑎᑉᐹᑎᒍᓪᓗ ᐊᑕᓂᐅᕕᖕᒥᓂ ᐱᔨᑦᓯᖁᓪᓗᑕ ᒎᑎᖓᓂᒃ ᐊᑖᑕᖓᓂᒡᓗ, ᑖᑦᓱᒪ ᐱᓐᓇᕐᓇᕐᓂᕐᔪᐊᖅ ᐱᒋᓕᐅᒃ ᐊᖓᔪᖅᑲᐅᓂᕐᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒦᓐ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:6

ᖁᕕᐊᓇᕐᐳᖅ ᐃᑦᔪᕐᓁᑦᑑᓪᓗᓂᓗ ᒪᑭᓐᓂᕐᒥᒃ ᓯᕗᓪᓕᕐᒥᒃ ᒪᑭᖃᑕᐅᔪᓄᑦ! ᑐᖂᑉ ᐂᑉᐸᖓᓄᑦ ᐱᔪᓐᓇᕐᓂᖃᕐᕕᐅᔪᓐᓃᕐᒪᑕ ᑭᖑᓂᖓᒍᑦ, ᒎᑎᐅᑉ ᙭ᔅᑑᓯᐅᓪᓗ ᑐᓂᕐᕈᓯᕐᑎᑦᓯᔨᒋᓂᐊᓕᕐᒪᒋᑦ, ᐊᐅᓚᑦᓯᖃᑎᒋᓂᐊᕐᐹᓪᓗ ᐊᕐᕌᒍᓂᒃ 1,000ᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:10

ᑐᓂᕐᕈᓯᕐᑎᑦᓯᔨᓐᖑᕐᑎᑉᐸᑎᓪᓗ ᐊᑕᓂᐅᕕᖕᒥ ᒎᑎᑦᑎᓐᓄᑦ, ᐊᐅᓚᑦᓯᔨᐅᖁᓪᓗᒋᓪᓗ ᓄᓇᕐᔪᐊᕐᒥ.”