2 ᐃᓴᕆᐊᓕᒥᐅᑦ ᕆᐱᑎᒥᑦ ᐊᐅᓪᓚᕋᒥᒃ ᖃᖅᑳᓘᑉ ᓮᓁᑉ ᐊᑖᓄᑦ ᑕᖕᒫᕐᑎᕐᐳᑦ,
ᐃᓴᕆᐊᓕᒥᐅᑦ ᓄᓇᖅᑲᑎᒌᓕᒫᑦ ᓄᓇᒋᔭᕋᓗᐊᑎᒃ ᓯᓐᓂ ᕿᒪᒃᐹᑦ, ᐊᐅᓪᓛᕐᓗᑎᒡᓗ ᐊᓯᐊᓄᑦ. ᐊᑕᓂᐅᑉ ᐱᖁᔨᓂᖓ ᒪᓕᒡᓗᒍ. ᑕᖕᒫᕐᐳᓪᓗ ᕆᐱᑎᒥᒃ ᐊᑎᓕᖕᒧᑦ, ᑕᕝᕙᓂᓗ ᐃᒥᕐᑕᖃᓐᖏᓚᖅ ᐃᒥᕐᕕᒃᓴᒥᒃ.
ᐊᒪᓕᖕᒥᐅᓪᓕ ᐃᓴᕆᐊᓕᒥᐅᓄᑦ ᑎᑭᓐᓇᒥᒃ ᐅᓇᑕᓕᕐᐳᑦ ᑖᒃᑯᓄᖓ ᓄᓇᒥ ᕆᐱᑎᒥ.
ᑕᕝᕙ ᔨᑐᕉ ᒨᓯᓯᐅᑉ ᓴᑭᖓ, ᒨᓯᓯᐅᑉ ᐃᕐᓂᖏᖕᓂᒃ ᓄᓕᐊᖓᓂᒡᓗ ᐃᓚᖃᕐᓗᓂ ᑎᑭᓕᕐᐳᖅ ᒨᓯᓯᒃᑯᑦ ᐃᓄᖃᖏᑦᑐᒥ ᑕᖕᒫᕐᓯᒪᑎᓪᓗᒋᑦ ᒎᑎᐅᑉ ᖃᖅᑲᖁᑎᖓᑕ ᑭᒡᓕᖓᓂ.
ᐅᓪᓗᓪᓕ ᐃᓚᖓᓐᓂ ᒨᓯᓯ ᑲᒪᑎᓪᓗᒍ ᓴᑭᒥ ᔨᑐᕉᑉ ᓰᐱᖁᑎᖏᓐᓂᒃ ᑖᑦᓱᒪ ᑐᓂᕐᕈᓯᕐᑎᑦᓯᔨᐅᔫᑉ ᒥᑎᐊᓂᒥ, ᓰᐱᖁᑎᖏᑦ ᓄᓇᖃᕐᕕᐅᖏᑦᑐᒃᑯᑦ ᓯᐅᕌᓗᒃᑯᑦ ᐃᑳᕈᑎᓪᓗᓂᒋᑦ ᖃᖅᑳᓗᖕᒧᐊᕐᐳᖅ ᐃᑦᔪᕐᓁᓐᓂᕋᕐᑕᐅᔪᒧᑦ ᕼᐆᕆᑉᒥᒃ ᐊᑎᓕᖕᒧᑦ, ᒎᑎᐅᑉ ᖃᖅᑲᖁᑎᖓᓄᑦ.
ᒎᑎᐅᓪᓗ ᑭᐅᕙ, “ᐱᖃᑎᒋᓂᐊᕐᐸᒋᑦ, ᐃᓄᐃᓪᓗ ᐄᑦᔨᑉᑎᒥᑦ ᐊᐅᓪᓚᕈᑎᒍᕕᒋᑦ ᑕᕝᕙᓂ ᖃᖅᑲᒥ ᑐᒃᓯᐊᕐᕕᒋᔪᒫᕐᐸᕐᒪ; ᑖᓐᓇ ᓇᓗᓁᒃᑯᑕᐅᓛᕐᒪᑦ ᐅᕙᓐᓄᑦ ᑎᓕᔭᐅᓯᒪᒐᕕᑦ.”
ᐊᑕᓂᕐᓕ ᐅᖃᕐᐳᖅ ᒨᓯᓯᒧᑦ ᓮᓁᒥ ᐃᓄᖃᖏᑦᑐᒥ, ᑐᐱᕐᔪᐊᕐᒦᑎᓪᓗᒍ ᑲᑎᒪᕕᖕᒥ, ᑕᖅᑭᐅᑉ ᐂᑉᐸᖓᑕ ᐅᓪᓗᖓᑕ ᓯᕗᓪᓕᕐᐹᖓᓂ, ᐊᕐᕌᒍᑉ ᐂᑉᐸᕆᓕᕐᑕᖓᓂ ᓄᓇᒥᑦ ᐄᑦᔨᑉᑎᒥᑦ ᐊᐅᓪᓚᓚᐅᕐᑎᓪᓗᒋᑦ, ᐃᒫᒃ ᐅᖃᕐᓗᓂ:
ᕆᐱᑎᒥᓪᓗ ᐊᐅᓪᓚᕋᒥᒃ ᓮᓁᑉ ᐃᓄᖃᖏᑦᑐᖓᓄᑦ ᑕᖕᒫᓛᐅᕐᐳᑦ.
“ᐊᕐᕌᒍᑦ 40 ᐊᓂᒍᕐᑎᓪᓗᒋᑦ, ᓴᖅᑭᕝᕕᐅᓚᐅᕐᐳᖅ ᐂᖏᓕᒧᑦ ᐃᓄᖃᖏᑦᑐᒥ ᖃᖅᑲᐅᑉ ᓮᓁᑉ ᓴᓂᐊᓂ, ᐅᕐᐱᒐᕐᓂ ᐃᑯᐊᓚᔪᒥ.
ᑖᓐᓇ ᒨᓯᓯ ᐃᓴᕆᐊᓕᒥᐅᑦ ᐃᓚᒋᓚᐅᕐᑕᖓᑦ ᐃᓄᖃᖏᑦᑐᒥ; ᓯᕗᓕᕕᓂᑦᑕᓗ ᐃᓚᒋᓚᐅᕐᐹᑦ, ᐂᖏᓕᐅᓪᓗ ᐃᓚᒋᓚᐅᕆᕚ, ᐅᖃᖃᑎᒋᓪᓗᒍ ᖃᖅᑲᒥ ᓮᓁᒥ, ᑐᓂᓯᕕᐅᓚᐅᕐᑐᖅ ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᖃᓄᖅ ᐃᓅᔭᕆᐊᒃᓴᖅ ᖃᐅᔨᑦᔪᑎᒃᓴᓂᒃ ᑐᓂᓯᖁᓪᓗᒍ ᑎᑎᕋᕐᓯᒪᔪᓂᒃ ᐅᕙᑦᑎᓐᓄᑦ.
ᑖᒃᑯᐊᒃ ᑐᑭᓯᑦᔪᑎᒃᓴᐅᔪᓐᓇᕐᐴᒃ: ᐊᕐᓈᒃ ᒪᕐᕉᒃ ᑐᑭᖃᕈᓐᓇᕐᒪᑎᒃ ᐊᖏᕐᓯᒪᓃᖕᓂᒃ ᒪᕐᕉᖕᓂᒃ. ᖃᖅᑲᒥ ᓮᓁᒥ ᐊᖏᖃᑎᒌᒍᑕᐅᓚᐅᕐᑐᒥᒃ ᓴᖅᑭᑎᑦᓯᔪᖅ ᑖᓐᓇ ᕿᑐᕐᖓᕐᑖᕐᓯᒪᕗᖅ ᓯᐊᓛᖑᓪᓗᓂ; ᐂᒐᕐ.
