ᒨᓯᓯ ᐂᑉᐸᖏᑦ 19:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐅᓪᓗᓪᓕ ᐱᖓᔪᖓᑦᑕ ᐅᓪᓛᕆᔭᖓᓂ ᑲᓪᓕᕐᐳᖅ ᖃᐅᒻᒪᓪᓛᓪᓗᓂᓗ, ᓄᕗᔭᓗ ᐃᒻᒥᒎᕐᑐᖅ ᓴᖅᑭᑉᐳᖅ ᖃᖅᑳᓘᑉ ᖄᖓᒍᑦ. ᑎᑦᑐᓚᐅᑎᐅᓪᓗ ᓂᐱᖓ ᓂᐱᑑᓪᓗᓂ ᑐᓴᕐᑕᐅᕗᖅ, ᐃᓄᓕᒫᓪᓗ ᓄᓇᓕᖕᓃᑦᑐᑦ ᑲᑉᐱᐊᓱᓕᕐᐳᑦ ᖁᐊᕐᓵᕐᓗᑎᒡᓗ.

ᒨᓯᓯ ᐂᑉᐸᖏᑦ 19:16 Iomraidhean Croise

ᓴᒧᐃᓕ ᐂᑉᐸᖏᑦ 22:10

ᕿᓔᑦ ᐊᖕᒪᕐᓗᒋᑦ ᐊᖅᑲᓚᐅᕐᐳᖅ, ᓄᕗᔭ ᑖᕐᑐᖅ ᐃᑎᒐᖏᑕ ᐊᑖᓃᑎᓪᓗᒍ.

ᑯᕉᓂᑲ ᐂᑉᐸᖏᑦ 5:14

ᑐᓂᕐᕈᓯᕐᑎᑦᓯᔩᑦ ᑕᕝᕙ ᓇᖏᕈᓐᓁᓪᓕᕗᑦ ᐱᓇᓱᐊᕈᓐᓁᓪᓕᓪᓗᑎᒡᓗ ᓄᕗᔭᒧᑦ ᑎᑭᑕᐅᒐᒥᒃ; ᐊᑕᓂᐅᑉ ᓂᕐᑐᕐᓇᕐᓂᕐᔪᐊᖓᑕ ᑕᑕᒻᒪᒍ ᒎᑎᐅᑉ ᐃᒡᓗᖓ.

ᔫᐱᐅᑉ ᐊᒡᓚᖏᑦ 38:25

ᑭᓇ ᐃᑎᕐᓴᓕᐅᓚᐅᕐᐸ ᓯᓚᓘᑉ ᑯᕕᕕᒃᓴᖓᓂᒃ? ᑭᐊᓗ ᖃᐅᒻᒪᓪᓚᒃ ᓯᓚᕐᓂᕐᓗᒡᓗ ᐊᖅᑯᓯᕐᐸᐅᒃ?

ᐃᓐᖏᕈᑎᑦ 50:3

ᒎᑎᕗᑦ ᕾᔪᒫᕐᐳᖅ, ᓂᐰᑦᑑᓂᐊᕋᓂᓗ; ᐃᑯᒪ ᓄᖒᑦᓯᔪᕐᔪᐊᖅ ᓵᖓᓃᑦᓱᒫᕐᐳᖅ, ᐊᕙᑖᓂᓗ ᓯᓚᕐᓂᕐᓗᒡᔪᐊᖃᕈᒫᕐᐳᖅ.

ᐃᓐᖏᕈᑎᑦ 77:18

ᐃᒃᑐᓚᐅᖁᑎᕕᑦ ᓂᐱᖓ ᐊᓄᕆᒥ ᐅᓚᔪᔨᕋᕐᒦᑉᐳᖅ; ᖃᐅᒻᒪᓪᓛᔪᖁᑎᕕᓪᓗ ᓄᓇᕐᔪᐊᖅ ᖃᐅᒻᒪᒃᑎᑉᐹᑦ; ᑕᕝᕙ ᓄᓇᕐᔪᐊᖅ ᓴᔪᓕᕐᐳᖅ ᐊᐅᓚᓕᕐᓗᓂᓗ.

ᐃᓐᖏᕈᑎᑦ 81:8

ᐃᓄᖁᑎᒃᑲ, ᑐᓴᓚᐅᕐᓯᓐᖓ, ᐅᓗᕆᐊᒋᔭᐅᖁᔭᓐᓂᒃ ᐅᖃᕐᑎᓪᓗᖓ; ᐃᓴᕆᐊᓕᑎᐅᔪᓯ, ᓈᓚᒍᓐᓇᓚᐅᕐᓯᓐᖓᑐᖅ!

ᐃᓐᖏᕈᑎᑦ 97:4

ᑖᑦᓱᒪ ᖃᐅᒻᒪᓪᓚᖁᑎᖏᑕ ᓄᓇᕐᔪᐊᖅ ᖃᐅᒻᒪᒃᑎᑉᐹ; ᓄᓇᕐᔪᐊᖅ ᑕᒪᑐᒥᖓ ᑕᑯᒐᒥ ᓴᔪᓕᕐᐳᖅ.

ᒨᓯᓯ ᐂᑉᐸᖏᑦ 19:11

ᐅᓪᓗᓪᓗ ᐱᖓᔪᒋᓕᕐᐸᒍ ᐅᐸᓗᖎᕐᓯᒪᔪᒃᓴᐅᕗᑦ; ᐅᓪᓗᒥ ᑕᕝᕙᓂ ᖃᖅᑲᒧᑦ ᓮᓁᒧᑦ ᐊᑕᓂᖅ ᐊᖅᑲᕐᓂᐊᕐᒪᑦ, ᐃᓄᓕᒫᑦ ᑕᑯᓐᓇᕐᑎᓪᓗᒋᑦ.

ᒨᓯᓯ ᐂᑉᐸᖏᑦ 19:15

ᐃᓄᖕᓄᓪᓗ ᐅᖃᕐᐳᖅ, “ᐅᓪᓗᑦ ᐱᖓᔪᐊᓐᓂ ᐊᑐᐃᓐᓇᐅᔪᒃᓴᐅᕗᓯ; ᒫᓐᓇᒥᑦ ᐱᒋᐊᕐᓗᒍ ᐊᕐᓇᒥᒃ ᐊᒃᑐᐃᔪᒃᓴᐅᓐᖏᓚᓯ.”

ᒨᓯᓯ ᐂᑉᐸᖏᑦ 19:17

ᒨᓯᓯᐅᓪᓗ ᐃᓄᐃᑦ ᑕᕝᕙᓐᖓᑦ ᑕᖕᒫᕐᓯᒪᕕᖕᒥᖕᓂᑦ ᓅᑎᑉᐰᑦ ᒎᑎᒥᒃ ᑲᑎᓯᔭᕐᑐᖁᓪᓗᒋᑦ, ᖃᖅᑳᓘᓪᓗ ᐊᑖᓂ ᑭᒡᓕᖓᓃᓕᕐᐳᑦ.

ᒨᓯᓯ ᐂᑉᐸᖏᑦ 19:9

ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ, “ᑕᑯᒋᑦ ᐃᓕᖕᓄᑦ ᕾᓂᐊᕐᐳᖓ ᓄᕗᔭᒥ ᐃᓛᒃᑰᕐᑐᒦᓪᓗᖓ, ᐃᓄᐃᑦ ᑐᓵᔪᓐᓇᖁᓪᓗᒋᑦ ᐃᓕᖕᓄᑦ ᐅᖃᓪᓚᒃᑎᓪᓗᖓ, ᐃᓕᖕᓂᒡᓗ ᐅᒃᐱᕈᓱᓕᖁᓪᓗᒋᑦ ᑍᒪᓐᖓᑦ.” ᒨᓯᓯᐅᓪᓗ ᐃᓄᐃᑦ ᐅᖃᐅᓯᖏᑦ ᐊᑕᓂᕐᒧᑦ ᐅᖃᐅᓯᕆᕔᑦ.

ᒨᓯᓯ ᐂᑉᐸᖏᑦ 20:18

ᐃᓄᐃᓪᓗ ᑲᓪᓕᖅ ᑎᑦᑐᓚᐅᓪᓗ ᓂᓪᓕᕐᑐᖅ ᑐᓴᕋᒥᑦᔪᒃ, ᖃᐅᒻᒪᓪᓚᒃᑐᕐᓗ ᑕᑯᓪᓗᒍ, ᖃᖅᑳᓗᒡᓗ ᐳᔫᕐᑐᖅ ᓴᔪᓕᕐᐳᑦ ᑲᑉᐱᐊᓱᖕᓂᕐᒧᑦ ᐅᖓᓯᒋᔮᓂᓗ ᓇᖏᕐᓗᑎᒃ.

ᒨᓯᓯ ᐂᑉᐸᖏᑦ 20:21

ᐃᓄᐃᓪᓕ ᓱᓕ ᐅᖓᓯᒃᑐᒥ ᓇᖏᑐᐃᓐᓇᓕᕐᐳᑦ, ᒨᓯᓯᓕ ᑭᓯᒥ ᓄᕗᔮᓗᖕᒧᑦ ᕿᕐᓂᕐᑕᒧᑦ ᒎᑎᐅᑉ ᓇᔪᕐᑕᖓᓄᑦ ᖃᒡᓕᔪᓐᓇᕐᑐᑑᓚᐅᕐᐳᖅ.

ᒨᓯᓯ ᐂᑉᐸᖏᑦ 40:34

ᑕᕝᕙ ᑐᐱᖅ ᓄᕗᔭᐅᑉ ᐅᓕᒃᐹ ᐊᑕᓂᐅᓪᓗ ᓇᔫᑎᓂᖓᑕ ᖃᐅᒪᓂᖓᓄᑦ ᑐᐱᐅᑉ ᐃᓗᐊ ᓇᔪᕐᑕᐅᓕᕐᐳᖅ.

ᒨᓯᓯ ᐂᑉᐸᖏᑦ 9:23

ᑕᕝᕙ ᒨᓯᓯᐅᑉ ᐊᔭᐅᑉᐱᐊᖅ ᕿᓚᖕᒧᑦ ᐃᓴᐅᑎᕚ; ᐊᑕᓂᕐᓗ ᖃᐅᒻᒪᓪᓚᖕᒥᒃ ᓇᑕᖅᑯᕐᓇᓂᒡᓗ ᑎᑭᑎᑦᓯᕗᖅ, ᐃᑯᒤᓪᓗ ᓄᓇᒧᑦ ᑲᑕᒐᓕᕐᐳᑦ. ᐊᑕᓂᕐᓗ ᐄᑦᔨᑉᑎᐅᑉ ᓄᓇᖓᓄᑦ ᓇᑕᖅᑯᕐᓇᕐᓂᒃ ᑲᑕᒐᓕᕐᑎᑦᓯᕗᖅ;

ᔨᕆᒤᐊᐅᑉ ᐊᒡᓚᖏᑦ 5:22

ᐅᕙᓐᓃᒃ ᓯᕘᕋᔪᒃᓴᐅᓐᖏᓚᓰ? ᐊᑕᓂᖅ ᐅᖃᕐᐳᖅ, ᓴᔪᒃᑐᒃᓴᐅᓐᖏᓚᓰ ᓵᓐᓂ? ᓯᐅᕋᖅ ᑭᒡᓕᒋᔭᐅᑎᓐᓇᒃᑯ ᑕᕆᐅᕐᒧᑦ: ᑕᕆᐅᖅ ᖄᖏᓚᐅᕐᓯᒪᓂᐊᕈᓐᓃᕐᑎᓪᓗᒍ ᐃᓱᖃᖏᑦᑐᒧᑦ, ᒪᓪᓕᕐᑕᐅᖃᑦᑕᕐᓂᐊᕋᓗᐊᕐᐳᖅ ᑭᓯᐊᓂᓕ ᓄᖅᑲᕐᑕᕐᕕᒌᓐᓇᐅᔭᕐᓂᐊᕐᐹ ᒪᓕᐊᓗᐃᑦ ᓯᒡᔭᒧᑦ ᒥᕿᑦᑕᕐᐸᖕᓂᐊᕋᓗᐊᕐᐳᑦ ᑭᓯᐊᓂᓕ ᐅᖓᑖᓄᐊᕈᓐᓇᕐᓂᐊᓐᖏᓚᑦ ᐃᒪᐅᑉ ᑎᑭᑦᑕᕆᐊᖃᓐᖏᑕᖓᓄᑦ.

ᓇᕼᐅᒥᐅᑉ ᐊᒡᓚᖏᑦ 1:3

ᐊᑕᓂᖅ ᕿᓄᐃᑉᐳᖅ ᐱᒃᓴᕐᑐᓂᓕᒡᔫᓪᓗᓂᓗ, ᓱᒋᐊᕐᓯᑦᑍᓕᓐᖏᓚᕐᓗ ᖃᕿᐊᓕᕐᓂᖃᖏᑦᑐᓂᒃ. ᐊᑕᓂᖅ ᐃᓂᖃᕐᐳᖅ ᐅᓚᔪᔭᕐᒥ ᐊᖅᑯᓇᕐᔪᐊᒥᓗ, ᐃᑎᒐᖏᑕᓗ ᓄᕗᔧᑦ ᐳᔪᕋᕆᕔᑦ.

ᒫᑎᐅᓯᐅᑉ ᐊᒡᓚᖏᑦ 24:31

ᑕᕝᕙ ᑎᑦᑐᓚᐅᑎᕐᔪᐊᑦ ᓂᐱᖏᑦ ᓂᓪᓕᕈᒫᕐᐳᑦ, ᐂᖏᓕᖁᑎᓂ ᑎᓕᔪᒫᕐᐰᑦ ᓄᓇᕐᔪᐊᓕᒫᒧᑦ ᓄᓇᐅᑉ ᐊᓄᕌᕐᕕᒋᓲᖏᓐᓄᑦ ᓯᑕᒪᓄᑦ, ᑖᒃᑯᐊ ᑲᑎᕐᓯᔪᒫᕐᐳᑦ ᑖᑦᓱᒪ ᓂᕈᐊᕐᓯᒪᔭᖏᓐᓂᒃ ᓄᓇᐅᑉ ᐃᓱᐊᓂᑦ ᐃᓱᐊᓄᑦ.”

ᒨᓯᓯ ᑕᓪᓕᒪᖏᑦ 5:5

ᑍᑦᓱᒪᓂᐅᑎᓪᓗᒍ ᐊᑕᓂᐅᓪᓗ ᐃᓕᑦᓯᓗ ᐊᑯᓐᓂᑦᓯᓐᓂ ᓇᖏᓚᐅᕐᐳᖓ ᐅᖄᓪᓗᖓ ᑖᑦᓱᒪ ᐅᖃᐅᓯᕆᔭᖏᓐᓂᒃ ᐃᓕᑦᓯᓐᓄᑦ, ᑲᑉᐱᐊᓱᓕᓚᐅᕋᑦᓯ ᐃᑯᒪᒥᒃ ᖃᖅᑲᒧᓪᓗ ᒪᔪᕋᕈᒪᔪᓐᓁᕐᓗᓯ. “ᐊᑕᓂᖅ ᐅᖃᓚᐅᕐᐳᖅ,

ᐄᑉᕈᐃᓄᑦ 12:21

ᑕᑯᔭᖏᓪᓗ ᑲᑉᐱᐊᓇᕐᑐᐊᓘᖕᒪᑕ ᒨᓯᓯ ᐅᖃᓚᐅᕐᐳᖅ, “ᑲᑉᐱᐊᓱᖕᓂᕐᒧᑦ ᓴᔪᓕᕐᐳᖓ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:10

ᐊᑕᓂᐅᓪᓕ ᐅᓪᓗᖓᓂ ᐊᓂᕐᓂᕐᒦᓕᓚᐅᕐᐳᖓ, ᑐᓴᕐᓗᖓᓗ ᑐᓄᓐᓂᑦ ᓂᐱᒥᒃ ᓂᐱᖅᑯᕐᑐᔪᒥᒃ ᑎᑦᑐᓚᐅᑎᑎᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:19

ᑕᕝᕙ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᕿᓚᖕᒦᑦᑐᖅ ᐅᒃᑯᐃᕐᑕᐅᕗᖅ, ᐊᖏᖃᑎᒌᖕᓂᐅᓪᓗ ᐃᒃᖠᕐᕕᖓ ᑕᕝᕙᓂ ᓴᖅᑭᔮᕐᐳᖅ ᑐᒃᓯᐊᕐᕕᒡᔪᐊᒥ; ᑕᕝᕙᓂᓗ ᖃᐅᒻᒪᓪᓚᒃᑐᖃᕐᐳᖅ, ᓂᐱᖃᕐᑐᖃᕐᐳᕐᓗ, ᐃᒃᑐᓚᐅᕐᑐᖃᕐᓗᓂᓗ, ᓄᓇᓗ ᓴᔪᒃᐱᓗᒃᐳᖅ, ᓇᑕᖅᑯᕐᓇᕐᓗᓂᓗ ᐊᖏᔫᑎᕐᔪᐊᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:1

ᑕᒪᑐᒪ ᑭᖑᓂᖓᒍᑦ ᑕᑯᒋᕗᖓ, ᑕᑯᒋᑦ, ᐅᒃᑯᐊᒥᒃ ᐅᒃᑯᐃᓐᖔᕐᑐᒥᒃ ᕿᓚᖕᒧᑦ! ᓂᓪᓕᕐᑐᖃᕐᐳᕐᓗ, ᑐᓴᓚᐅᕐᑕᓐᓂᒃ ᐅᕙᓐᓄᑦ ᐅᖃᕐᑐᒥᒃ ᑎᑦᑐᓚᐅᑎᑎᑐᑦ ᓂᐱᖅᑯᑐᑎᒋᔪᒥᒃ, ᐅᖃᕐᐳᖅ, “ᒪᐅᖓ ᕾᒋᑦ, ᑕᑯᑎᓐᓂᐊᕋᒃᑭᑦ ᓇᓪᓕᐅᑎᔪᒫᕐᑐᓂᒃ ᑕᒪᑐᒪ ᑭᖑᓂᖓᒍᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:5

ᐃᒃᓯᕙᐅᑕᕐᔪᐊᕐᒥᓪᓗ ᖃᐅᒻᒫᓪᓚᒃᑐᖃᖃᑦᑕᕐᐳᖅ, ᑐᓴᕐᓴᐅᔪᖃᕐᐳᕐᓗ ᑲᓪᓕᕐᒥᒃ ᐃᒃᑑᓕᔮᒥᒡᓗ, ᐃᒃᓯᕙᐅᑕᕐᔪᐊᓪᓗ ᓯᕗᕌᓃᑦᑐᖃᕐᐳᖅ ᖃᐅᒻᒪᖅᑯᑎᓂ 7ᓂᒃ ᐃᑯᒪᔪᓂᒃ, ᑖᒃᑯᐊ ᑕᕝᕙ ᒎᑎᐅᑉ ᐊᓂᕐᓂᖏᑦ 7.

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:5

ᑕᕝᕙ ᐂᖏᓕᐅᑉ ᐳᔪᕐᑎᑦᓯᕕᐅᑉ ᐃᓂᖓ ᑎᒍᓪᓗᒍ ᐃᓗᓪᓕᕐᓱᕐᐹ ᐃᑯᒪᓂᒃ ᑐᓂᕐᕈᓯᕐᕕᖕᒥᑦ ᐱᔪᓂᒃ ᐃᒋᓪᓗᒋᓪᓗ ᓄᓇᕐᔪᐊᕐᒧᑦ; ᑕᕝᕙ ᓂᐱᕐᔪᐊᕐᑕᖃᓕᕐᐳᖅ ᐃᒃᑐᓚᐅᕐᑐᒥᒃ, ᑲᓪᓕᕐᕙᓗᒃᑐᒥᒡᓗ, ᖃᐅᒻᒪᓪᓚᖕᒥᒡᓗ, ᓄᓇᐅᓪᓗ ᓴᔪᒃᐱᓪᓚᖕᓂᖓᓂᒃ.