ᒨᓯᓯ ᐂᑉᐸᖏᑦ 19:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ, “ᐃᓄᐃᑦ ᐅᐸᒡᓗᒋᑦ ᐅᖃᐅᑎᒃᑭᑦ ᐅᓪᓗᒥ ᖃᐅᒃᐸᓪᓗ ᐅᐸᓗᖎᔭᖁᓪᓗᒋᑦ ᐃᒻᒥᖕᓂᒃ ᑐᒃᓯᐊᕐᓂᒃᑯᑦ ᓴᓗᒻᒪᕐᓴᕐᓗᑎᒃ, ᐊᓐᓄᕌᒥᖕᓂᒡᓗ ᐅᐊᓴᕐᓗᑎᒃ,

ᒨᓯᓯ ᐂᑉᐸᖏᑦ 19:10 Iomraidhean Croise

ᒨᓯᓯ ᓯᕗᓪᓖᑦ 35:2

ᑕᕝᕙ ᔧᑯ ᓇᖕᒥᓂᕐᒥᓄᑦ ᐃᓚᒋᔭᓕᒫᒥᓄᓪᓗ ᐅᖃᕐᐳᖅ, “ᐃᓅᖃᑎᑐᖃᕆᓐᖏᑕᑦᑕ ᒎᑎᓐᖑᐊᖏᑦ ᐱᓯᒪᔭᓯ ᐃᒋᓚᐅᕐᓯᐅᒃ; ᐃᓕᑦᓯᓐᓂᒃ ᓴᓗᒻᒪᕐᓴᕆᑦᓯ, ᐊᓯᖏᓐᓂᒡᓗ ᐊᓐᓄᕌᕐᓗᓯ.

ᓴᒧᐃᓕ ᐂᑉᐸᖏᑦ 19:24

ᒥᐱᐳᓴᑎᑦᑕᐅᖅ, ᓴᐅᓕᐅᑉ ᐃᕐᖑᑕᖓ, ᐂᓚᐅᕆᕗᖅ ᑲᑎᓯᒋᐊᕐᑐᓪᓗᓂ ᐊᖓᔪᖅᑳᕐᔪᐊᕐᒥᒃ; ᐃᑎᒐᒥᓂᒃ ᐅᐊᓴᓚᐅᖏᑦᑐᖅ, ᐅᓐᖏᔭᓚᐅᕋᓂᓗ, ᐊᓐᓄᕌᒥᓂᒡᓗ ᐅᐊᓴᓚᐅᖏᑦᑐᖅ, ᑍᒪᓐᖓᓂᑦ ᐊᖓᔪᖅᑳᕐᔪᐊᖅ ᐊᐅᓪᓚᓚᐅᕐᑎᓪᓗᒍ ᔨᕉᓴᓕᒥᑦ ᐅᑎᓚᐅᖏᓐᓂᖓᓂ ᐊᑦᑕᕐᓇᕐᑐᒦᑦᓱᓐᓃᕐᓗᓂ.

ᑯᕉᓂᑲ ᐂᑉᐸᖏᑦ 29:34

ᑐᓂᕐᕈᓯᕐᑎᑦᓯᔩᓪᓕ ᐅᓄᓐᖏᓗᐊᕐᒪᑕ ᑐᖁᕅᔪᓐᓇᓚᐅᓐᖏᓚᑦ ᑐᓂᕐᕈᑎᒃᓴᓕᒫᓂᒃ ᐃᑯᐊᓪᓚᒋᐊᓕᖕᓂᒃ; ᑍᒤᒻᒪᑦ ᐃᓅᖃᑎᖏᑕ ᐃᓚᖏᑦ ᓕᕔᑏᑦ ᐃᑲᔪᓕᓚᐅᕐᐳᑦ ᐱᔭᕇᓚᐅᕐᑎᓐᓇᒋᑦ ᑐᓂᕐᕈᓯᕐᑎᑦᓯᔩᑦ ᐊᓯᖏᑦ ᐃᒻᒥᖕᓂᒃ ᐃᑦᔪᕐᓁᓕᑎᓚᐅᖏᓐᓂᖏᓐᓂ, ᓕᕔᑏᑦ ᐊᔪᐃᓐᓇᕐᓂᕐᓴᐅᓚᐅᕐᒪᑕ ᐃᑦᔪᕐᓁᑎᑕᐅᓯᒪᓂᕐᓴᐅᓚᐅᕐᐳᑦ ᐆᒻᒪᑎᒥᒃᑎᒍᑦ ᑐᓂᕐᕈᓯᕐᑎᑦᓯᔨᓂᑦ ᐃᒻᒥᖕᓂᒃ ᐃᑦᔪᕐᓁᓕᑎᑦᓴᕆᐊᓕᖕᓂᑦ.

ᑯᕉᓂᑲ ᐂᑉᐸᖏᑦ 29:5

ᐅᖃᐅᑎᓪᓗᒋᓪᓗ, “ᓈᓚᒃᓯᓐᖓ, ᓕᕔᑎᐅᔪᓯ! ᐃᓕᑦᓯᓐᓂᒃ ᐃᑦᔪᕐᓁᑎᓕᕆᑦᓯ, ᐊᑕᓂᐅᓪᓗ ᓯᕗᓕᑦᓯ ᒎᑎᖓᑕ ᐃᒡᓗᖓ ᐃᑦᔪᕐᓁᓯᑎᓪᓗᓯᐅᒃ, ᓴᓗᒪᖏᑦᑐᓪᓗ ᐃᒋᓪᓗᒋᑦ ᐃᑦᔪᕐᓁᑦᑐᕕᖕᒥᑦ.

ᔫᐱᐅᑉ ᐊᒡᓚᖏᑦ 1:5

ᐅᓪᓛᑕᒫᓪᓗ ᓂᕆᕕᒡᔪᐊᕐᓂᐅᑉ ᑭᖑᓂᖓᒍᑦ, ᔫᐱ ᐅᓪᓛᕌᕐᔪᒃᑯᑦ ᑐᐸᒃᐸᓚᐅᕐᐳᖅ ᑐᓂᕐᕈᓯᕈᒪᓪᓗᓂ ᑐᖁᑕᒃᓴᒥᒃ ᕿᑐᕐᖓᓂ ᐊᑐᓂᑦ ᐱᑦᔪᑎᒋᓪᓗᒋᑦ ᐊᔪᕐᑐᓕᓂᕐᒧᑦ ᐸᓯᔭᒃᓴᐅᔪᖃᖁᓇᒍ. ᑍᒤᓕᐅᖏᓐᓇᕐᐸᓚᐅᕐᐳᕐᓗ ᐃᓱᒪᖃᕐᓗᓂ ᕿᑐᕐᖓᖏᑕ ᓇᓪᓕᐊᓐᓂᒃ ᒎᑎᒧᑦ ᐱᔮᖅᑯᑕᐅᖏᑦᑐᒥᒃ ᐊᑭᕋᕐᑐᕐᑐᖃᑐᐃᓐᓇᕆᐊᖃᕋᓱᒋᓪᓗᓂᒋᑦ.

ᒨᓯᓯ ᐱᖓᔪᖏᑦ 11:25

ᓇᓪᓕᐊᑦ ᑎᒍᓯᔪᖅ ᖁᐱᕐᕈᒥᒃ ᑐᖁᖓᔪᒥᒃ ᓇᕐᕈᓇᕐᑐᒥᒃ ᐊᓐᓄᕌᓂ ᐃᕐᕈᕐᑐᕆᐊᖃᕐᐰᑦ, ᓴᓗᒤᑦᑑᓂᐊᕐᐳᕐᓗ ᐅᓐᓄᒃ ᑎᑭᓪᓗᒍ.

ᒨᓯᓯ ᐱᖓᔪᖏᑦ 15:5

ᑭᓇᑐᐃᓐᓇᐅᑉ ᒪᕐᓴᕐᑑᑉ ᐃᒡᓕᖓ ᐊᒃᑐᕐᐸᒍ, ᐊᒃᑐᐃᔫᑉ ᐊᓐᓄᕌᓂ ᐅᐊᓴᕆᐊᖃᕐᐰᑦ ᐅᕕᓂᓕᒫᒥᓂᒡᓗ ᐅᐊᓴᕐᓗᓂ ᐃᒥᕐᒧᑦ, ᑖᓐᓇ ᓴᓗᒤᑦᑑᓂᐊᕐᐳᖅ ᐅᓐᓄᒃ ᑎᑭᓪᓗᒍ.

ᒨᓯᓯ ᓯᑕᒪᖏᑦ 11:18

ᐃᓄᐃᑦ ᐅᖃᐅᑎᔭᕆᐊᖃᕐᐸᑎᑦ, ᐃᓕᑦᓯᓐᓂᒃ ᓴᓗᒻᒪᕐᑎᓕᕆᑦᓯ ᖃᐅᒃᐸᐅᓂᐊᕐᑐᖅ ᐱᓪᓗᒍ, ᓂᖅᑭᓪᓚᕆᖕᒥᒃ ᓂᕆᔪᒫᓕᕋᑦᓯ, ᕿᐊᓂᕆᔭᓯ ᐊᑕᓂᐅᑉ ᑐᓴᓚᐅᕐᒪᒋᑦ, ᐅᖃᕐᑎᓪᓗᓯ, ‘ᑭᐊ ᓂᕿᓪᓚᕆᖕᒥᒃ ᓂᕆᑎᓂᐊᕐᐹᑎᒍᑦ? ᐄᑦᔨᑉᑎᒥ ᓂᕿᑦᓯᐊᕙᖕᓂᒃ ᓂᕆᕙᓚᐅᕐᓂᑦᑎᑐᑦ.’ ᑍᒤᒻᒪᑦ ᐊᑕᓂᐅᑉ ᓂᕿᓪᓚᕆᖕᒥᒃ ᑐᓂᓯᕕᒋᓂᐊᕐᐹᓯ ᓂᕆᖁᓪᓗᓯ.

ᒨᓯᓯ ᓯᑕᒪᖏᑦ 19:19

ᐃᓄᒃ ᓴᓗᒤᓕᓯᒪᖏᑦᑐᖅ ᓴᓗᒤᑦᑐᒥᒃ ᓯᕐᐸᕐᓴᕐᓯᔭᕆᐊᖃᕐᐳᖅ ᐅᓪᓗᐃᑦ ᐱᖓᔪᐊᓐᓂᒃ ᐅᓪᓗᐃᓪᓗ 7ᖓᓂᒃ; ᐅᓪᓗᐃᓪᓕ 7ᖓᓂ ᐃᓄᒃ ᓴᓗᒻᒪᕐᓴᕐᑕᐅᔪᖅ ᓇᖕᒥᓂᖅ ᓴᓗᒻᒪᕐᓴᕆᐊᖃᓕᕐᐳᖅ, ᐊᓐᓄᕌᓂ ᐅᐊᓴᕐᓗᒋᑦ, ᐃᒥᕐᒧᓪᓗ ᐅᕕᓂᖕᓂᐊᕐᓗᓂ; ᐅᓐᓄᒃᐸᑦ ᓴᓗᒻᒪᕐᓂᐊᕐᐳᖅ.

ᒨᓯᓯ ᓯᑕᒪᖏᑦ 31:23

ᓱᓇᑐᐃᓐᓁᑦ ᐃᑯᒪᒧᑦ ᓄᖑᑕᐅᔪᓐᓇᖏᑦᑐᑦ, ᐃᑯᐊᓚᔪᒃᑰᕐᑎᑦᓴᕆᐊᖃᕐᐸᓯ, ᓴᓗᒻᒪᕐᓂᐊᕐᒪᑕ; ᓴᓗᒻᒪᕐᓴᕐᓂᐊᕐᐳᑦ ᐃᒥᕐᒧᑦ ᓴᓗᒻᒪᕐᓴᐅᑎᓕᐊᕆᓯᒪᔪᒧᑦ. ᐊᓯᖏᓪᓕ ᐃᑯᒪᒧᑦ ᓄᖑᑕᐅᔪᓐᓇᕐᑐᑦ ᐃᒪᕐᒧᑦ ᓴᓗᒻᒪᕐᓴᕆᐊᖃᕐᐸᓯ.

ᒨᓯᓯ ᓯᑕᒪᖏᑦ 31:24

ᐊᓐᓄᕌᓯ ᐅᐊᓴᕆᐊᖃᕐᐸᓯ ᐅᓪᓗᐃᑦ 7ᖓᓂ ᓴᓗᒻᒪᕐᓗᓯᓗ, ᑭᖑᓂᖓᒍᑦ ᑕᖕᒫᕐᓯᒪᔪᓄᑦ ᐃᑎᕈᓐᓇᕐᓯᓂᐊᕐᐳᓯ.”

ᒨᓯᓯ ᓯᑕᒪᖏᑦ 8:21

ᓕᕔᑎᑦ ᐃᒻᒥᖕᓂᒃ ᓴᓗᒻᒪᕐᓴᓚᐅᕐᐳᑦ ᐊᓐᓄᕌᑎᒡᓗ ᐅᐊᓴᕐᓗᒋᑦ; ᐂᕉᓂᐅᓪᓗ ᑐᓂᕐᕈᑎᒋᕔᑦ ᐃᓵᒃᑕᕈᑎᔭᐅᔪᑐᑦ ᐊᑕᓂᐅᑉ ᓵᖓᓂ, ᐂᕉᓂᐅᑉ ᐃᓱᒪᒋᔪᓐᓁᕐᑕᐅᑦᔪᑎᒥᒃ ᑐᓂᕐᕈᓯᐅᑎᕔᑦ ᓴᓗᒻᒪᕐᑕᐅᖁᓪᓗᒋᑦ.

ᒨᓯᓯ ᓯᑕᒪᖏᑦ 8:7

ᐃᒫᒃ ᐱᓂᐊᕐᐳᑎᑦ ᑖᒃᑯᓂᖓ ᓴᓗᒻᒪᕐᓮᓗᑎᑦ, ᐃᒥᕐᒧᑦ ᓯᕐᐸᕐᓴᕐᓗᒋᑦ ᓴᓗᒻᒪᕐᓮᑦᔪᑎᒋᓗᒍ, ᑎᒥᓕᒫᑎᒃ ᒥᖅᑯᐃᔭᕆᐊᖃᕐᐰᑦ, ᐊᓐᓄᕌᑎᒡᓗ ᐅᐊᓴᕐᓗᒋᑦ, ᐃᒻᒥᖕᓂᒃ ᓴᓗᒪᑦᓯᐊᓕᖁᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:11

ᐃᓚᓯ ᐃᓚᖏᑦ ᑍᒤᑦᑑᓚᐅᕆᕗᑦ. ᐊᔪᕐᓂᕐᒥᓪᓕ ᓴᓗᒻᒪᕐᑕᐅᓯᒪᓕᕐᐳᓯ, ᐃᑦᔪᕐᓁᑎᑕᐅᓪᓗᓯ, ᐸᓯᔭᒃᓴᐅᔪᓐᓃᕐᑎᑕᐅᕗᓯ ᐊᑕᓂᑦᑎᓐᓄᑦ ᔩᓱᓯ ᙭ᔅᑑᓯᒧᑦ ᒎᑎᑦᑕᓗ ᐊᓂᕐᓂᖓᓄᑦ.

ᐄᑉᕈᐃᓄᑦ 10:22

ᑍᒤᒻᒪᑦ ᒎᑎᒧᑦ ᖃᒡᓕᓕᕐᑕ ᐆᒻᒪᑎᑦᑎᒍᑦ ᓱᓕᓂᖃᑦᓯᐊᕐᓗᑕ ᐅᒃᐱᕐᓂᖃᑦᓯᐊᕐᓗᑕ, ᐆᒻᒪᑎᕗᑦ ᓯᕐᐸᕐᓴᕐᕕᐅᓗᑎᒃ ᓴᓗᒻᒪᕐᑕᐅᖁᓪᓗᒋᑦ ᐃᓱᒪᒃᑯᑦ ᐱᐅᖏᑦᑐᒥᑦ ᐸᓯᔭᐅᓂᖃᕐᓂᕐᒥᑦ ᑎᒥᕗᓪᓗ ᐅᐊᓴᕐᑕᐅᓗᑎᒃ ᐃᒥᕐᒧᑦ ᓴᓗᒪᑦᓯᐊᕐᑐᒧᑦ.

ᔮᓱᐊᑉ ᐊᒡᓚᖏᑦ 3:5

ᔮᓱᐊᓪᓗ ᐃᓄᐃᑦ ᐅᖃᐅᑎᕔᑦ, “ᐃᓕᑦᓯᓐᓂᒃ ᐃᑦᔪᕐᓁᑎᓕᕆᑦᓯ; ᖃᐅᒃᐸᑦ ᐊᑕᓂᖅ ᑲᒪᓇᕐᑐᒥᒃ ᐱᓇᓱᐊᕐᓂᐊᕐᒪᑦ ᐃᓕᑦᓯᓐᓂ.”

ᔮᓱᐊᑉ ᐊᒡᓚᖏᑦ 7:13

ᒪᑭᓕᕆᑦ! ᐃᓄᐃᑦ ᐃᑦᔪᕐᓁᓕᑎᓕᒃᑭᑦ, ᐅᖃᐅᑎᓗᒋᓪᓗ, ‘ᖃᐅᒃᐸᑦ ᐃᑦᔪᕐᓁᓕᕐᑎᑦᑐᒃᓴᐅᕗᓯ; ᐊᑕᓂᖅ, ᐃᓴᕆᐊᓕᒥᐅᑦ ᒎᑎᖓ ᑍᒫᒃ ᐅᖃᕐᒪᑦ, “ᐱᖁᑎᓂᒃ ᐱᓯᒪᒐᑦᓯ ᐊᓯᕈᕐᑕᐅᖁᓚᐅᕐᑕᓐᓂᒃ! ᐃᓴᕆᐊᓕᒥᐅᑦ; ᐊᑭᒪᔪᓐᓇᕐᓂᐊᓐᖏᓐᓇᑦᓯ ᐊᑭᕋᑦᓯᓐᓂᒃ ᐱᖁᔭᐅᓚᐅᖏᑦᑐᓂᒃ ᐱᓯᒪᓂᓯ ᑕᒪᓐᓇ ᑲᒪᒋᔭᐅᓚᐅᖅᑳᕐᑎᓐᓇᒍ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:14

ᓮᒪᓇᕐᑐᒦᐳᑦ ᐊᓐᓄᕌᒥᖕᓂᒃ ᓴᓗᒻᒪᕐᓮᓯᒪᔪᑦ, ᓂᕆᔪᓐᓇᕐᑎᑕᐅᕐᒪᑕ ᓇᐹᕐᑐᒥᑦ ᐆᒪᓐᓇᕐᑐᒥᑦ ᐃᒡᓗᒐᓴᒡᔪᐊᓪᓗ ᐃᑎᕐᑕᕐᕕᖏᑎᒍᑦ ᐃᑎᕈᓐᓇᕐᑎᑕᐅᓂᐊᕐᒪᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:14

ᑭᐅᕙᕋᓗ, “ᐊᖓᔪᖅᑳᖅ, ᐃᕝᕕᑦ ᖃᐅᔨᒪᕙᑎᑦ.” ᐅᖃᐅᑎᕚᖓᓗ, “ᑖᑯᐊ ᑕᕝᕙ ᑲᑉᐱᐊᓇᕐᑐᕐᔪᐊᕐᒥᒃ ᐊᓂᒍᐃᔪᑦ; ᐊᓐᓄᕌᒥᖕᓂᒃ ᓴᓗᒻᒪᕐᓮᓯᒪᕗᑦ ᖃᑯᕐᓯᑎᓪᓗᒋᒡᓗ ᓄᕐᕋᐅᔭᐅᑉ ᐊᐅᖓᓄᑦ.

ᓴᒧᐃᓕ ᓯᕗᓪᓖᑦ 16:5

ᑖᓐᓇ ᐅᖃᕐᐳᖅ, “ᓮᒪᓂᒃᑯᑦ ᑎᑭᑉᐳᖓ; ᑐᓂᕐᕈᓯᕆᐊᕐᑐᕐᐳᖓ ᐊᑕᓂᕐᒧᑦ; ᐃᑦᔪᕐᓁᑎᓕᕆᑦᓯ ᐃᓕᑦᓯᓐᓂᒃ, ᕾᓗᓯᓗ ᑐᓂᕐᕈᓯᖃᑎᒋᔭᕐᑐᕐᓗᖓ.” ᔨᓯᓗ ᐃᕐᓂᖏᓪᓗ ᐃᑦᔪᕐᓁᓕᑎᑉᐰᑦ, ᕾᖁᓪᓗᒋᓪᓗ ᑐᓂᕐᕈᓯᕆᐊᕐᑐᖁᓪᓗᒋᑦ.