ᒨᓯᓯ ᐂᑉᐸᖏᑦ 18:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᒨᓯᓯᐅᓪᓗ ᓴᑭᓂ ᐅᓂᒃᑲᐅᑎᓕᕐᐹ ᐊᑕᓂᐅᑉ ᐱᓇᓱᐊᓚᐅᕐᑕᓕᒫᖏᓐᓂᒃ ᐰᕉᒧᑦ ᐄᑦᔨᑉᑎᒥᐅᓄᓪᓗ ᐃᓴᕆᐊᓕᒥᐅᑦ ᐱᑦᔪᑎᒋᓪᓗᒋᑦ, ᐅᓂᒃᑲᐅᑎᒋᓪᓗᓂᐅᒡᓗ ᐃᓴᕆᐊᓕᒥᐅᑦ ᖃᓄᖅ ᐅᖁᒤᑦᑐᒃᑰᕐᓯᒪᓂᖏᓐᓂᒃ ᐃᖏᕐᕋᓕᕐᑎᓪᓗᒋᑦ ᖃᓄᕐᓗ ᐊᑕᓂᕐᒧᑦ ᓴᐳᑎᔭᐅᓯᒪᓂᕐᒥᖕᓂᒃ.

ᒨᓯᓯ ᐂᑉᐸᖏᑦ 18:8 Iomraidhean Croise

ᒨᓯᓯ ᓯᕗᓪᓖᑦ 44:34

ᖃᓄᕐᓕ ᐊᑖᑕᓐᓄᑦ ᐅᑎᕈᓐᓇᕋᔭᕐᐳᖔ ᐃᓅᓱᒃᑐᖅ ᓇᒃᓴᖏᓪᓗᒍ? ᓯᕘᕋᕗᖓ ᑕᑯᔭᕆᐊᒃᓴᖅ ᐱᐅᖏᑦᑐᒥᒃ ᐊᑖᑕᒐ ᑎᑭᑕᐅᑎᓪᓗᒍ.”

ᓂᕼᐃᒤᐊᐅᑉ ᐊᒡᓚᖏᑦ 9:32

ᒎᑏᒃ, ᒎᑎᕗᑦ ᐊᖏᔪᕐᔪᐊᖑᕗᑎᑦ ᐊᔪᒐᖃᖏᑦᑐᕐᔪᐊᖑᓪᓗᑎᓪᓗ! ᑲᑉᐱᐊᓇᕐᑐᐊᓘᓪᓗᑎᑦ, ᐱᔪᓐᓇᕐᓂᕐᔪᐊᖃᕐᐳᑎᑦ! ᓇᒡᓕᒍᓱᖕᓂᕐᔪᐊᕐᓄᑦ ᐊᖏᖃᑎᒌᒍᑎᒋᓚᐅᕐᑍᑦ ᑲᔪᓯᑎᒃᑲᕕᐅᒃ: ᑍᑦᓱᒪᓐᖓᒥᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖏᑕ ᐅᖁᒤᒃᓴᕐᑎᓚᐅᕐᒪᑎᒍᑦ ᒫᓐᓇᒧᑦ ᐊᒡᓛᑦ ᐊᒃᓱᕈᕐᐳᒍᑦ. ᐊᖓᔪᖅᑳᕐᔪᐊᕗᑦ, ᓯᕗᓕᕐᑎᕗᑦ, ᑐᓂᕐᕈᓯᕐᑎᑦᓯᔨᕗᑦ, ᐅᖃᕐᑎᕗᓪᓗ, ᓯᕗᓕᕗᓪᓗ, ᐃᓅᖃᑎᓕᒫᕗᓪᓗ ᐊᒃᓱᕈᕐᑎᑕᐅᓯᒪᕗᑦ, ᐃᖅᑲᐅᒪᓚᐅᕆᑦ ᐊᒃᓱᕈᕐᑎᑕᐅᓯᒪᓂᑦᑎᓐᓂᒃ ᑕᒪᓐᓇᓗ ᒥᑭᔫᑎᑦᑍᓕᓗᒍ!

ᐃᓐᖏᕈᑎᑦ 106:10

ᐱᐅᓕᓚᐅᕐᐰᑦ ᐆᒥᒋᔨᖏᑕ ᐱᓇᓱᐊᕐᓂᖏᓐᓂᑦ, ᓴᐳᑎᓪᓗᒋᓪᓗ ᐊᑭᕋᕐᑐᕐᑎᖏᑕ ᐱᔪᓐᓇᕐᓂᖏᓐᓂᑦ.

ᐃᓐᖏᕈᑎᑦ 106:8

ᓱᓕᓕ ᐱᐅᓕᓚᐅᕐᐰᑦ ᐊᑎᓂ ᐱᑦᔪᑎᒋᓪᓗᒍ, ᐱᔪᓐᓇᕐᓂᕐᔪᐊᓂ ᖃᐅᔨᔭᐅᑎᑦᓱᒪᓪᓗᒍ.

ᐃᓐᖏᕈᑎᑦ 107:2

ᐊᑕᓂᐅᑉ ᐱᐅᓕᓯᒪᔭᖏᑦ ᑍᒫᒃ ᐅᖃᕐᓕᑦ, ᐊᑭᕋᕐᑐᕐᑎᖏᓐᓂᑦ ᐱᐅᓕᓚᐅᕐᑕᖏᑦ;

ᐃᓐᖏᕈᑎᑦ 66:16

ᕾᒋᑦᓯ ᑐᓵᔭᕐᑐᕐᓗᓯ, ᑕᒪᑦᓯ ᒎᑎᒥᒃ ᓯᕘᕋᔪᓯ, ᐅᖃᐅᑎᓂᐊᕋᑦᓯ ᖃᓄᖅ ᑕᕐᓂᓐᓂᒃ ᐱᓯᒪᖕᒪᖔᑦ.

ᐃᓐᖏᕈᑎᑦ 81:7

ᐅᖁᒤᑦᑐᒦᓕᕐᑎᓪᓗᑎᑦ ᓂᓪᓕᐊᕕᒋᒐᕕᖓ, ᑕᕝᕙ ᓴᐳᑎᓚᐅᕐᐸᒋᑦ; ᑭᐅᓚᐅᕐᐸᒋᑦ ᐃᓂᒋᔭᓐᓂᑦ ᓯᓚᕐᓂᕐᓗᖕᒥᑦ; ᑕᕝᕙᓂ ᖃᐅᔨᒪᓚᐅᕐᐸᒋᑦ ᒥᕆᐸᐅᑉ ᐃᒪᖓᓂ. ᓰᓚ

ᒨᓯᓯ ᐂᑉᐸᖏᑦ 15:16

ᓯᕘᕋᓂᕐᒧᑦ ᑲᑉᐱᐊᓇᕐᑐᒧᓪᓗ ᑎᑭᑕᐅᕗᑦ; ᑕᓕᕐᐱᑦ ᐱᔪᓐᓇᕐᓂᕐᔪᐊᖓ ᐱᑦᔪᑎᒋᓪᓗᒍ, ᐅᔭᖅᑲᑎᑐᑦ ᕿᑲᑐᐃᓐᓇᓕᕐᐳᑦ ᐊᐅᓚᑦᔭᒍᓐᓁᓪᓕᓪᓗᑎᒃ, ᐃᓄᖁᑎᖕᓄᑦ ᐊᑕᓃᖅ ᓴᓂᖅᑯᑕᐅᓚᐅᖏᓐᓂᕐᒥᖕᓂ ᑖᒃᑯᓇᓐᖓᑦ ᐃᓄᖁᑎᖕᓂᑦ ᓯᐊᓛᖑᕕᖕᒥᑦ ᐊᓂᑎᓚᐅᕐᑕᕐᓂᑦ.

ᒨᓯᓯ ᐂᑉᐸᖏᑦ 15:6

ᐊᑕᓃᖅ ᐊᒡᒐᑎᑦ ᑕᓕᕐᐲᑦ, ᐱᔪᓐᓇᕐᓂᕐᔪᐊᖃᕐᐳᑦ, ᐊᑕᓃᖅ ᐊᒡᒐᑎᑦ ᑕᓕᕐᐲᑦ, ᐊᑭᕋᕐᑐᕐᑎᓂᒃ ᓯᖁᒥᑦᑎᕗᑦ.

ᒨᓯᓯ ᐂᑉᐸᖏᑦ 16:3

ᐅᖃᕐᓗᑎᒡᓗ, “ᐄᑦᔨᑉᑎᒦᑎᓪᓗᑕ ᐊᑕᓂᐅᑉ ᑐᖁᑎᓐᓂᕐᐸᑎᒍᑦ ᐊᑲᐅᓂᕐᓴᐅᑲᓴᖕᓂᕐᐳᖅ, ᑍᑲᓂᓕ ᓂᕿᑐᕈᓐᓇᖃᑦᑕᓚᐅᕋᑦᑕ ᐊᓯᖏᓐᓂᒡᓗ ᓂᕆᔪᒪᔭᓕᒫᑦᑎᓐᓂᒃ, ᒪᐅᖓᓕ ᓯᐅᕅᓐᓈᓗᖕᒧᑦ ᑕᒪᑦᑕ ᑳᖕᓂᕐᒧᑦ ᐱᕐᓕᕐᑎᒋᐊᕐᑐᕐᓂᕐᐱᑎᒎᑦ?”

ᒨᓯᓯ ᐂᑉᐸᖏᑦ 18:1

ᒨᓯᓯᐅᑉ ᓴᑭᖓ ᔨᑐᕉ, ᑐᓂᕐᕈᓯᕐᑎᑦᓯᔨᐅᔪᖅ ᒥᑎᐊᓂᒥ, ᑐᓴᕋᒥ ᖃᓄᖅ ᒎᑎᐅᑉ ᐱᓇᓱᐊᕐᓯᒪᓂᖓᓂᒃ ᒨᓯᓯᒧᑦ ᐃᓴᕆᐊᓕᒥᐅᓪᓗ ᐃᓄᖏᓐᓄᑦ, ᖃᓄᕐᓗ ᐊᑕᓂᖅ ᐃᓴᕆᐊᓕᒥᐅᓂᒃ ᐄᑦᔨᑉᑎᒥᑦ ᐊᐅᓪᓚᕐᑎᑦᓯᓚᐅᕐᓂᖓᓂᒃ.

ᒨᓯᓯ ᐂᑉᐸᖏᑦ 2:25

ᐃᓴᕆᐊᓕᒥᐅᓪᓗ ᐃᓖᔭᕆᔭᐅᓂᖏᑦ ᒎᑎᐅᑉ ᑕᑯᒐᒥᖏᑦ ᐃᓱᒪᒋᒻᒪᕆᓕᕐᐰᑦ.

ᒨᓯᓯ ᐂᑉᐸᖏᑦ 23:23

ᐂᖏᓕᖁᑎᒐ ᓯᕗᓂᑦᓯᓐᓄᑦ ᑎᓕᓂᐊᕐᐸᕋ, ᑖᑦᓱᒪ ᑕᓯᐅᕐᓂᐊᕐᐹᓯ ᐊᒧᕅᑎᒥᐅᓄᑦ, ᕼᐃᑍᑎᒥᐅᓄᓪᓗ, ᐱᕆᔧᑎᒥᐅᓄᓪᓗ, ᑬᓇᓂᒥᐅᓄᓪᓗ, ᕼᐃᕔᑎᓄᓪᓗ, ᔨᐳᓮᑎᒥᐅᓄᓪᓗ, ᑖᒃᑯᐊᓗ ᓄᖑᑎᓐᓂᐊᕐᐸᒃᑲ.

ᒨᓯᓯ ᐂᑉᐸᖏᑦ 4:23

ᐅᖃᐅᑎᕙᒋᓪᓗ, ᐃᕐᓂᕋ ᐊᐅᓪᓚᕈᓐᓇᕐᑎᓚᐅᕈᒃ ᐱᔨᑦᓯᕈᓐᓇᖁᓪᓗᒍ ᐅᕙᓐᓂᒃ. ᐊᐅᓪᓚᖁᓂᐊᖏᒃᑯᕕᐅᒃ, ᑕᕝᕙ ᐊᖓᔪᒃᓯᕐᐹᖁᑏᑦ ᐃᕐᓃᑦ ᑐᖁᑎᓐᓂᐊᕐᐸᕋ.’”

ᒨᓯᓯ ᐂᑉᐸᖏᑦ 7:4

ᑕᕝᕙ ᓂᑲᒋᖏᓪᓗᒋᑦ ᐄᑦᔨᑉᑎᒥᐅᑦ ᓱᒋᐊᕐᓂᐊᕐᐸᒃᑲ ᐃᓅᖃᑎᒌᒃᑐᓪᓗ ᐃᓄᖁᑎᒃᑲ ᐃᓴᕆᐊᓕᐅᑉ ᑭᖑᕚᖏᑦ ᐊᐅᓪᓚᕐᑎᓐᓂᐊᕐᐸᒃᑲ ᓄᓇᖓᓐᓂᑦ.

ᒨᓯᓯ ᐂᑉᐸᖏᑦ 7:5

ᐄᑦᔨᑉᑎᒥᐅᓪᓗ ᖃᐅᔨᓕᕐᓂᐊᕐᐳᑦ ᐊᑕᓂᐅᓂᓐᓂᒃ ᓱᒋᐊᕈᒃᑭᑦ ᐃᓴᕆᐊᓕᒥᐅᓪᓗ ᓄᓇᖓᓐᓂᑦ ᐊᐅᓪᓚᕐᑎᒃᑯᒃᑭᑦ.”

ᒨᓯᓯ ᓯᑕᒪᖏᑦ 20:14

ᒨᓯᓯᓗ ᑎᓕᓯᕗᖅ ᐅᖃᕆᐊᕐᑐᕐᑐᓂᒃ ᓄᓇᒥᑦ ᑲᑎᓯᒥᑦ ᐄᑐᒥᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐃᒫᒃ, “ᐃᓴᕆᐊᓕᒥᐅᑦ ᖃᑕᓐᖑᑎᑎᑦ ᐃᒫᒃ ᐅᖃᕐᐳᑦ: ‘ᖃᐅᔨᒪᕗᓯ ᐅᖁᒤᑦᑐᑎᒍᑦ ᐊᑐᕐᓯᒪᒐᑦᑕ,