ᒨᓯᓯ ᐂᑉᐸᖏᑦ 18:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᑖᒃᑯᐊᓗ ᐃᓄᖕᓄᑦ ᐋᖅᑭᒃᓱᐃᔨᒋᔭᐅᓕᓚᐅᕐᐳᑦ ᑍᒤᓕᐅᖏᓐᓇᓕᕐᓗᑎᒡᓗ ᑍᒪᓐᖓᑦ; ᐊᑲᐅᖏᑦᔪᑎᐅᔪᓪᓕ ᐱᔭᕐᓂᖏᑦᑐᑦ ᒨᓯᓯᒧᑦ ᑐᓂᖃᑦᑕᕐᐰᑦ, ᐱᔭᕆᐊᑭᓐᓂᕐᓮᓪᓕ ᐃᒻᒥᖕᓂᒃ ᐱᓇᓱᐊᖃᑦᑕᕐᓗᒋᑦ.

ᒨᓯᓯ ᐂᑉᐸᖏᑦ 18:26 Iomraidhean Croise

ᐊᑕᓃᑦ ᓯᕗᓪᓖᑦ 10:1

ᓰᐸᒥᐅᑦ ᑯᐃᓐᖓ ᑐᓴᐅᒪᓕᕋᒥ ᓲᓗᒨᓂᐅᑉ ᖃᐅᔨᒪᔭᐅᒻᒪᕆᓕᕐᓂᖓᓂᒃ, ᔨᕉᓴᓕᒧᑦ ᐊᐅᓪᓚᕐᐳᖅ ᐆᒃᑐᕈᒪᓪᓗᓂᐅᒃ ᐊᐱᖅᑯᓯᕐᓂᒃ ᐊᔪᕐᓇᕐᑐᓂᒃ.

ᔫᐱᐅᑉ ᐊᒡᓚᖏᑦ 29:16

ᐊᒃᓱᔪᓄᑦ ᐊᑖᑕᒋᔭᐅᓚᐅᕐᐳᖓ, ᖃᐅᔨᒪᓐᖏᑕᓐᓂᒃ ᓈᒻᒪᓐᖏᓕᐅᕐᑐᖃᓕᕐᑎᓪᓗᒍ ᖃᐅᔨᓴᕈᑦᔨᕙᓚᐅᕐᐳᖓ.

ᒨᓯᓯ ᐂᑉᐸᖏᑦ 18:22

ᑖᒃᑯᐊᓗ ᑍᒤᑦᑐᑦ ᐃᓄᖕᓂᒃ ᐋᖅᑭᒃᓱᐃᔨᓐᖑᕐᑎᓚᐅᒃᑭᑦ ᑍᒤᖏᓐᓇᓕᕐᓗᑎᒡᓗ ᑍᒪᓐᖓᑦ, ᐃᕝᕕᓪᓕ ᐱᔭᕐᓂᕆᔭᐅᖏᑦᑐᓂᒃ ᑭᓯᐊᓂ ᑐᓂᓯᕕᐅᖃᑦᑕᓕᕐᓗᑎᑦ, ᑕᒪᒃᑯᐊᓕ ᐱᔭᕆᐊᑭᓐᓂᖏᑦ ᐃᒻᒥᖕᓂᒃ ᐱᓕᕆᐊᕆᔭᒃᓴᕆᕔᑦ; ᑕᒪᓐᓇ ᐃᓕᖕᓄᑦ ᐅᕿᓐᓂᕐᓴᐅᓕᖁᓪᓗᒍ, ᐅᖁᒤᑦᑐᓕᕆᓂᕐᒥᒡᓗ ᐃᓕᖕᓄᑦ ᐱᓇᓱᐊᖃᑕᐅᓕᕋᔭᕐᐳᑦ ᐃᑲᔪᕐᑎᒋᓕᕐᓗᒋᓪᓗ.

ᒨᓯᓯ ᐱᖓᔪᖏᑦ 24:11

ᐊᖑᑦ ᑖᓐᓇ ᐃᓴᕆᐊᓕᒥᐅᑕᕐᒥᒃ ᐊᓈᓇᖃᕐᑐᖅ ᒎᑎᒥᒃ ᐅᖃᕐᓂᕐᓘᑎᖃᕐᐳᖅ ᓱᐊᒃᓗᓂᓗ; ᒨᓯᓯᒧᐊᕐᑕᐅᓚᐅᕐᐳᕐᓗ. (ᑖᑦᓱᒪ ᐊᓈᓇᖓ ᓯᓗᒥᑎᒥᒃ ᐊᑎᖃᕐᐳᖅ, ᑎᑉᕆᐅᑉ ᐸᓂᐊ ᑖᓂᐅᑉ ᑭᖑᕚᖏᑕ ᐃᓚᖓᑦ.)

ᒨᓯᓯ ᑕᓪᓕᒪᖏᑦ 1:17

ᐃᓔᓐᓇᖏᓐᓂᒃ ᑕᑉᐱᕐᓱᐃᓗᓯ ᐱᓇᓱᐊᕐᑐᒃᓴᐅᓐᖏᓚᓯ ᐋᖅᑭᒃᓱᐃᓕᕐᑎᓪᓗᓯ; ᐋᖅᑭᒃᓱᐃᔪᒃᓴᐅᕗᓯᓕ ᐊᑦᔨᒌᒃᑎᑦᓯᓗᓯ, ᑭᓇᑐᐃᓐᓇᐅᒐᓗᐊᕐᐸᑦ. ᓇᓪᓕᐊᓐᓂᒡᓘᓐᓃᑦ ᓯᕘᕋᒋᔭᖃᕐᑐᒃᓴᐅᓐᖏᓚᓯ, ᑐᑭᑖᕆᔭᓯ ᒎᑎᒥᑦ ᐱᖕᒪᑕ. ᐃᓕᑦᓯᓐᓄᓪᓕ ᓱᓇᑐᐃᓐᓇᖅ ᐅᖁᒤᓗᐊᕐᐸᑦ, ᑕᕝᕙ ᐅᕙᓐᓄᑦ ᑐᓂᔭᒃᓴᕆᕙᓯ, ᑕᕝᕙ ᐅᕙᖓ ᑐᑭᑖᕐᕕᒋᓂᐊᕐᐸᒃᑲ.’

ᒨᓯᓯ ᑕᓪᓕᒪᖏᑦ 17:8

“ᐃᓚᖏᓪᓕ ᓄᓇᓕᖕᓂᑦ ᐋᖅᑭᒃᓱᐃᔨᐅᔪᓂᑦ ᐃᓄᑑᑦᔭᐅᓗᑎᒃ ᐅᖁᒤᓗᐊᕐᐸᑕ ᐋᖅᑭᒃᑕᐅᔭᕆᐊᒃᓴᖅ, ᓄᓇᖁᑎᖃᕐᓂᖅ ᓇᓪᓕᐊᑦ ᐱᖃᕆᐊᖃᕐᒪᖔᑦ ᐅᕝᕙᓗ ᑎᒥᒃᑯᑦ ᐋᓐᓂᕐᑕᐅᓯᒪᔪᖃᕐᐸᑦ ᐅᕝᕙᓗ ᑲᒪᔪᖃᕆᐊᖃᕐᐸᑦ ᐱᔮᕆᓗᓂ ᐃᓄᐊᕐᓯᒪᔪᒥᒃ ᑐᖁᑦᓯᓯᒪᔪᒥᒡᓘᓐᓃᑦ. ᑕᒪᒃᑯᐊ ᓇᓪᓕᐊᑦ ᐊᑐᕐᑕᐅᓯᒪᒃᐸᑕ, ᑕᕝᕙ ᑐᒃᓯᐊᕐᕕᖕᒧᐊᕐᑐᒃᓴᐅᕗᓯ ᑲᑎᖃᑦᑕᕐᕕᖕᒧᑦ ᐊᑕᓂᐅᑉ ᒎᑎᑦᓯ ᓂᕈᐊᕐᓯᒪᔭᖓᓄᑦ,