ᒨᓯᓯ ᐂᑉᐸᖏᑦ 18:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᒨᓯᓯᓗ ᓂᕈᐊᕐᐳᖅ ᐊᖑᑎᓂᒃ ᐱᔪᓐᓇᑦᓯᐊᕐᑐᓂᒃ ᐃᓴᕆᐊᓕᒥᐅᓂᑦ, ᐃᓄᖕᓄᓪᓗ ᑕᓯᐅᕐᑎᓐᖑᕐᑎᓪᓗᒋᑦ, ᐃᓚᖏᑦ 1,000ᓄᑦ, ᐃᓚᖏᓪᓗ 100ᓄᑦ, ᐃᓚᖏᓪᓗ 50ᓄᑦ ᐃᓚᖏᓪᓗ 10ᓄᑦ.

ᒨᓯᓯ ᐂᑉᐸᖏᑦ 18:25 Iomraidhean Croise

ᒨᓯᓯ ᓯᕗᓪᓖᑦ 47:6

ᑕᕝᕙ ᐄᑦᔨᑉᑎᐅᑉ ᓄᓇᖓ ᐃᓕᖕᓄᑦ ᒪᓂᕗᖅ; ᐊᑖᑍᑦ ᐊᖓᔪᑎᓪᓗ ᓄᓇᑖᕐᑎᓚᐅᒃᑭᑦ ᓄᓇᐅᑉ ᐱᐅᓂᕐᐹᖓᓂ; ᓄᓇᒥ ᒎᓯᓂᒥ ᓄᓇᑖᕐᑎᓚᐅᒃᑭᑦ; ᖃᐅᔨᒪᔭᖃᕈᕕᓪᓗ ᑖᒃᑯᓇᓂ ᐱᔪᓐᓇᑦᓯᐊᕐᑐᓂᒃ, ᐆᒪᔪᖁᑎᓐᓄᑦ ᑲᒪᔨᐅᔪᓄᑦ ᐊᖓᔪᖅᑳᓐᖑᕐᑎᑦᓯᓂᐊᕐᐳᑎᑦ.”

ᓴᒧᐃᓕ ᐂᑉᐸᖏᑦ 18:1

ᐊᖓᔪᖅᑳᕐᔪᐊᑉ ᑍᕕᑎᐅᑉ ᐃᓄᖁᑎᓕᒫᓂ ᑲᑎᖁᓚᐅᕐᐰᑦ, ᐊᕕᒃᑐᓚᐅᕐᐰᓪᓗ 1,000ᓄᑦ ᐊᖓᔪᖅᑳᖑᓂᐊᕐᑐᑦ, 100ᓄᓪᓗ.

ᒨᓯᓯ ᐂᑉᐸᖏᑦ 18:21

ᐃᓄᖕᓂᓪᓕ ᓂᕈᐊᕐᑐᒃᓴᐅᕗᑎᑦ ᐱᔪᓐᓇᑦᓯᐊᕐᑐᓂᒃ, ᒎᑎᒥᒡᓗ ᓈᓚᑦᓯᐊᕐᑐᓂᒃ, ᐅᒃᐱᕆᔭᒃᓴᐅᑦᓯᐊᕐᑐᓂᒃ ᓯᓔᕐᕆᔭᐅᔭᖏᑦᑐᓂᒡᓗ; ᑍᒤᑦᑐᑦ ᑕᓯᐅᕐᑎᓐᖑᕐᑎᓚᐅᒃᑭᑦ ᐃᓄᖕᓄᑦ 1,000ᓄᑦ, ᐃᓚᖏᑦ 100ᓄᑦ, ᐃᓚᖏᓪᓗ 50ᓄᑦ, ᐃᓚᖏᓪᓗ 10ᓄᑦ.

ᒨᓯᓯ ᐂᑉᐸᖏᑦ 18:24

ᒨᓯᓯᐅᓪᓗ ᓴᑭᒥ ᐅᖃᐅᓯᕆᔭᖏᑦ ᐃᓚᓕᐅᕐᐰᑦ, ᐱᓇᓱᐊᕈᑎᒋᓕᕐᓗᒋᓪᓗ ᐃᓱᒻᒥᕐᑐᐃᑦᔪᑎᒋᔭᖏᑦ.

ᒨᓯᓯ ᓯᑕᒪᖏᑦ 1:16

ᑖᒃᑯᐊ ᑕᕝᕙ ᓂᕈᐊᕐᑕᐅᓚᐅᕐᑐᑦ ᐃᓅᖃᑎᒌᒡᔪᐊᓂᑦ, ᑭᖑᕚᖑᖃᑎᒌᓄᑦ ᐊᖓᔪᖅᑳᑦ, ᐃᓴᕆᐊᓕᒥᐅᑦ ᐊᕕᒃᑐᕐᓯᒪᓂᖏᓐᓂ ᓯᕗᓕᕐᑎᐅᔪᑦ.

ᒨᓯᓯ ᓯᑕᒪᖏᑦ 1:4

ᐊᖑᑎᓂᒃ ᐃᓚᖃᕐᓗᓯ ᑭᖑᕚᖑᖃᑎᒌᓂᑦ ᐊᑐᓂᑦ ᐱᓯᒪᔪᓂᒃ, ᓯᕗᓕᕐᒥᖕᓂᑦ ᐊᐅᓚᑦᓯᔨᐅᔪᓂᒃ ᐊᑐᓂᑦ.

ᒨᓯᓯ ᓯᑕᒪᖏᑦ 11:16

ᐊᑕᓂᐅᑉ ᒨᓯᓯ ᐅᖃᕐᕕᒋᕚ, ᐅᖃᕐᓗᓂ: “ᑲᑎᑎᑦᓯᓚᐅᕆᑦ ᓵᓐᓄᑦ ᐊᖑᑎᓂᒃ 70ᓂᒃ, ᐃᓴᕆᐊᓕᒥᐅᑦ ᐊᖓᔪᖅᑳᖏᓐᓂᒃ, ᐊᖓᔪᖅᑲᐅᔪᓐᓇᕐᑐᓪᓗ ᖃᐅᔨᒪᔭᑎᑦ; ᑐᐱᕐᔪᐊᒧᓪᓗ ᑲᑎᒪᕕᖕᒧᑦ ᑲᑎᑎᓪᓗᒋᑦ ᐃᓕᖕᓂᒃ ᑕᕝᕙᓂ ᓇᖏᖃᑎᖃᖁᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 6:5

ᐅᒃᐱᕐᑑᖃᑎᒌᓕᒫᑦ ᐋᐴᓯᑕᓖᑦ ᐅᖃᐅᓯᖏᓐᓂᒃ ᐊᑲᐅᒃᓴᓚᐅᕐᐳᑦ, ᓂᕈᐊᓚᐅᕐᐳᑦ ᓯᑎᐹᓇᓯᒥᒃ, ᐅᒃᐱᕐᓂᖃᑦᓯᐊᕐᑐᒥᒃ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᓯᒪᔪᒥᒃ, ᐱᓕᑉᐴᓯᒥᒡᓗ, ᐳᕈᑯᕉᓯᒥᒡᓗ, ᓁᑲᓄᐊᕆᒥᒡᓗ, ᑍᒨᓂᒥᒡᓗ, ᐸᕐᒥᓈᓯᒥᒡᓗ, ᓂᑯᓚᓯᒥᒡᓗ, ᑖᓐᓇ ᔫᑎᓐᖑᕐᑎᑕᐅᓯᒪᔪᖅ ᐊᓐᑎᐅᑭᐊᒥᐅᖅ.

ᒨᓯᓯ ᑕᓪᓕᒪᖏᑦ 1:15

ᑕᕝᕙ ᐃᓕᑦᓯᓐᓂᑦ ᓯᓚᑐᔪᓂᒃ ᖃᐅᔨᒪᑦᓯᐊᕐᑐᓂᒡᓗ ᑕᓯᐅᕐᑎᐅᓂᐊᕐᑐᓂᒃ ᓂᕈᐊᓚᐅᕐᐳᓯ ᑭᖑᕚᕇᖑᔪᓂᑦ ᐱᓯᒪᔪᓂᒃ, ᑖᒃᑯᐊᓗ ᐃᓕᑦᓯᓐᓄᑦ ᐊᖓᔪᖅᑳᕈᕐᑎᓚᐅᕐᐸᒃᑲ. ᐃᓚᖏᑦ ᑲᒪᓂᐊᓕᕐᓗᑎᒃ ᐃᓄᖕᓄᑦ 1,000ᓄᑦ, ᐃᓚᖏᓪᓗ 100ᓄᑦ ᐃᓚᖏᓪᓗ 50ᓄᑦ, ᐃᓚᖏᓪᓗ 10ᓄᑦ. ᐊᓯᖏᓐᓂᒃᑕᐅᖅ ᐊᖓᔪᖅᑳᖑᓂᐊᕐᑐᓂᒃ ᑭᖑᕚᕇᓂ ᑎᓕᓯᓚᐅᕆᕗᖓ.