ᒨᓯᓯ ᐂᑉᐸᖏᑦ 17:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᑖᓐᓇᓗ ᐊᑦᓯᕐᑕᐅᕗᖅ ᒫᓴᒥᒃ ᒥᕆᐸᒥᒡᓗ. ᐃᓴᕆᐊᓕᒥᐅᑦ ᓈᒻᒪᒃᓴᓚᐅᖏᒻᒪᑕ, ᐊᑕᓂᕐᓗ ᐆᒃᑐᓚᐅᕐᒪᑦᔪᒃ ᐅᖃᕐᓗᑎᒃ, “ᐊᑕᓂᐅᑉ ᐃᓚᒋᕚᑎᒎᑦ? ᐃᓚᖏᓐᖏᓛᑎᒍᓪᓘᓐᓃᑦ?”

ᒨᓯᓯ ᐂᑉᐸᖏᑦ 17:7 Iomraidhean Croise

ᐃᓐᖏᕈᑎᑦ 106:32

ᐃᒪᕐᒥᒃ ᑯᕕᓕᕐᑎᑕᐅᔪᒥ ᒥᕆᐸᒥ ᐊᑕᓂᖅ ᓂᓐᖓᒃᓴᓚᐅᕆᕚᑦ, ᒨᓯᓯ ᐊᑲᐅᓐᖏᓕᐅᕈᑎᖃᓕᓚᐅᕐᐳᖅ ᑖᒃᑯᓄᖓ ᑍᒤᑎᑕᐅᔪᒥᒃ.

ᐃᓐᖏᕈᑎᑦ 78:18

ᒎᑎ ᐆᒻᒪᑎᒥᒃᑎᒍᑦ ᐆᒃᑐᓚᐅᕐᐹᑦ ᓂᕿᒃᓴᒥᒃ ᒪᒪᕆᔭᒥᖕᓂᒃ ᕿᓄᕕᒋᓪᓗᒍ.

ᐃᓐᖏᕈᑎᑦ 81:7

ᐅᖁᒤᑦᑐᒦᓕᕐᑎᓪᓗᑎᑦ ᓂᓪᓕᐊᕕᒋᒐᕕᖓ, ᑕᕝᕙ ᓴᐳᑎᓚᐅᕐᐸᒋᑦ; ᑭᐅᓚᐅᕐᐸᒋᑦ ᐃᓂᒋᔭᓐᓂᑦ ᓯᓚᕐᓂᕐᓗᖕᒥᑦ; ᑕᕝᕙᓂ ᖃᐅᔨᒪᓚᐅᕐᐸᒋᑦ ᒥᕆᐸᐅᑉ ᐃᒪᖓᓂ. ᓰᓚ

ᐃᓐᖏᕈᑎᑦ 81:8

ᐃᓄᖁᑎᒃᑲ, ᑐᓴᓚᐅᕐᓯᓐᖓ, ᐅᓗᕆᐊᒋᔭᐅᖁᔭᓐᓂᒃ ᐅᖃᕐᑎᓪᓗᖓ; ᐃᓴᕆᐊᓕᑎᐅᔪᓯ, ᓈᓚᒍᓐᓇᓚᐅᕐᓯᓐᖓᑐᖅ!

ᐃᓐᖏᕈᑎᑦ 95:8

ᐆᒻᒪᑎᓯ ᓯᑎᔫᑎᓐᓂᐊᕋᓯᒋᒃ, ᑍᑦᓱᒪᓂᑐᑦ ᓄᓇᒥ ᒥᕆᐸᒥ ᓯᑎᔫᑎᑦᓯᓚᐅᕐᑐᑎᑐᑦ, ᒫᓴᒥ ᑍᒤᓕᐅᓚᐅᕐᒪᑕ ᐱᕈᕐᑐᖃᖏᑦᑐᒥ.

ᒨᓯᓯ ᐂᑉᐸᖏᑦ 17:2

ᒨᓯᓯᒧᓪᓗ ᓈᒻᒪᒃᓴᖏᑦᔪᑎᒥᖕᓂᒃ ᐅᖃᕆᐊᕐᑐᕐᐳᑦ ᐅᖃᕐᓗᑎᒡᓗ, “ᐃᒥᒐᒃᓴᑦᑎᓐᓂᒃ ᑐᓂᓯᕕᒋᓚᐅᕐᑎᒍᑦ.” ᒨᓯᓯᐅᓪᓗ ᑭᐅᕔᑦ, “ᓱᖕᒪᑦ ᓈᒻᒪᒃᓴᓐᖏᓚᓰ? ᓱᖕᒪᑦ ᐊᑕᓂᖅ ᐆᒃᑐᕐᐱᓯᐅᒃ?”

ᒨᓯᓯ ᐂᑉᐸᖏᑦ 34:9

ᐅᖃᕐᐳᖅ, “ᐊᑕᓃᖅ ᐅᕙᓐᓂᒃ ᖁᕕᐊᓲᑎᖃᓪᓚᕆᒃᑯᕕᑦ, ᑐᒃᓯᐊᕐᕕᒋᕙᒋᑦ ᐅᕙᑦᑎᓐᓄᑦ ᐃᓚᐅᖁᓪᓗᑎᑦ, ᐅᑯᐊ ᐃᓄᐃᑦ ᓯᑎᔪᐊᓘᒐᓗᐊᕐᑎᓪᓗᒋᑦ, ᓈᒻᒪᖏᑦᑐᓕᓂᑦᑎᓐᓂᑦ ᐊᔪᕐᑐᓕᓂᑦᑎᓐᓂᓪᓗ ᐃᓱᒪᒋᔪᓐᓁᕐᕕᒋᓚᐅᕐᑎᒍᑦ, ᐃᓚᓕᐅᕐᓗᑕᓗ ᐃᓕᖕᓄᑦ ᐃᓄᖁᑎᒋᔭᐅᔪᑎᑐᑦ.”

ᐂᓮᐊᓯᐅᑉ ᐊᒡᓚᖏᑦ 12:6

ᕾᒐᓛᕐᓗᓯ, ᐃᓐᖏᕆᑦᓯ ᖁᕕᐊᓱᒡᓗᓯ, ᐃᓕᑦᓯ ᓮᐅᓂᒥ ᓄᓇᖃᕐᑐᓯ, ᐊᖏᔪᕐᔪᐊᖅ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐊᑯᓐᓇᑦᓯᓐᓃᒻᒪᑦ.”

ᒤᑲᐅᑉ ᐊᒡᓚᖏᑦ 3:11

ᓯᕗᓕᕐᑎᐅᔪᑦ ᐃᖅᑲᕐᑐᐃᖕᒪᑕ ᐊᑭᓕᕐᑕᐅᔪᒪᓂᒃᑯᑦ ᑭᓯᐊᓂ, ᑐᓂᕐᕈᓯᕐᑎᑦᓯᔩᓪᓗ ᐱᖁᔭᓂᒃ ᐃᓕᓮᕙᖕᒪᑕ ᐊᑭᓕᕐᑕᐅᓪᓗᑎᒃ ᑭᓯᐊᓂ, ᓇᓚᐅᑦᑍᔩᓪᓗ ᓇᓚᐅᑦᑍᖕᒪᑕ ᑮᓇᐅᔭᒧᑦ ᑭᓯᐊᓂ, ᐃᓘᓐᓇᑎᒃ ᐊᑕᓂᕐᒧᑦ ᐃᓚᒋᔭᐅᓂᕋᕐᒪᑕ ᐅᖃᕐᐸᖕᒪᑕᓗ, ‘ᐊᑕᓂᐅᑉ ᐃᓚᒋᕚᑎᒍᑦ, ᑲᑉᐱᐊᓇᕐᑐᒧᑦ ᑎᑭᑕᐅᓂᐊᓐᖏᓚᒍᑦ.’

ᒨᓯᓯ ᓯᑕᒪᖏᑦ 14:22

ᐊᖑᑎᑦ ᐅᑯᐊ ᑕᑯᓯᒪᖕᒪᑕ ᐱᓐᓇᕐᓇᕐᓂᓐᓂᒃ ᓇᓗᓁᒃᑯᑕᓂᒡᓗ ᑲᒪᓇᕐᑐᓂᒃ ᐱᓂᐊᕐᓂᕆᓚᐅᕐᑕᓐᓂᒃ ᐄᑦᔨᑉᑎᒥ ᐃᓄᖃᖏᑦᑐᒥᓗ, ᐆᒃᑐᕐᒪᖓᓗ ᒫᓐᓇ ᖁᓕᕕᒡᓗᑎᒃ ᓂᐱᓐᓂᒡᓗ ᓈᓚᓚᐅᕋᑎᒃ,

ᒨᓯᓯ ᓯᑕᒪᖏᑦ 20:13

ᑍᒫᒃ ᐱᔪᖃᓚᐅᕐᐳᖅ ᐃᒪᕐᒥᒃ ᓄᓇᒥ ᒥᕆᐸᒥ, ᐃᓴᕆᐊᓕᒥᐅᑦ ᐂᕙᓚᐅᕐᒪᑕ ᐊᑕᓂᕐᒧᑦ, ᐃᑦᔪᕐᓁᓐᓂᕐᒥᓂᒡᓗ ᓴᖅᑭᑎᑦᓯᓚᐅᕐᒪᑦ ᑖᒃᑯᓄᖓ.

ᒨᓯᓯ ᓯᑕᒪᖏᑦ 20:24

“ᐂᕉᓂ ᐃᓄᖁᑎᒥᓄᑦ ᑲᑎᔭᐅᔭᕆᐊᖃᕐᐳᖅ, ᓄᓇᒧᑦ ᐃᓴᕆᐊᓕᒥᐅᓄᑦ ᐊᖏᕈᑎᒋᓯᒪᔭᓐᓄᑦ ᑎᑭᓐᓂᐊᖏᒻᒪᑦ, ᑕᒪᑦᓯᒃ ᐃᕝᕕᓪᓗ ᑖᓐᓇᓗ ᐱᖁᔭᓐᓂᒃ ᓈᓚᓚᐅᖏᓐᓇᑦᓯᒃ ᒥᕆᐸᒥ ᐃᒥᕐᑎᑕᐅᕕᖕᒥ.

ᒨᓯᓯ ᓯᑕᒪᖏᑦ 27:14

ᐃᓄᖃᖏᑦᑐᒥ ᔨᓐᒥᒃ ᐊᑎᓕᖕᒥ, ᐃᓄᒋᐊᒃᑐᕐᔪᐊᑦ ᐊᑭᕋᕐᑐᕐᑎᓪᓗᒋᑦ, ᐱᖁᔭᓐᓂᒃ ᓈᓚᓚᐅᖏᓐᓇᕕᑦ ᐃᒪᓕᕆᓪᓗᓯ, ᐃᑦᔪᕐᓁᑎᑕᐅᔪᒪᑎᓪᓗᖓ ᐃᓄᐃᑦ ᑕᑯᓐᓇᕐᑎᓪᓗᒋᑦ.” (ᑖᒃᑯᐊ ᐃᒪᐅᕗᑦ ᒥᕆᐸᒥ, ᑲᑎᓯᒥ ᐃᓄᖃᖏᑦᑐᒥ ᐊᑎᖃᕐᑐᒥ ᔨᓐᒥᒃ.)

ᔪᐊᓇᓯᐅᑉ ᐊᒡᓚᖏᑦ 1:14

ᐅᖃᐅᓯᖅ ᑎᒥᑖᓚᐅᕐᐳᖅ ᐃᓅᖃᑎᒋᓕᓚᐅᕐᐸᕗᓪᓗ, ᓂᕐᑐᕐᓇᕐᓂᕐᔪᐊᖓ ᑕᑯᓚᐅᕐᐸᕗᑦ, ᓂᕐᑐᕐᓇᕐᓂᕐᔪᐊᖅ ᐊᑖᑕᒥᑦ ᐱᓯᒪᔭᖓ ᐃᕐᓂᑐᐊᖑᓂᕐᒥᓄᑦ; ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓱᓕᑦᓯᐊᕐᓂᕐᒥᒡᓗ ᑕᑕᑦᑐᖅ.

ᒨᓯᓯ ᑕᓪᓕᒪᖏᑦ 31:17

ᑕᒪᓐᓇ ᐊᑐᓕᕐᐸᑦ, ᑕᕝᕙ ᓂᓐᖓᒃᕕᒋᔪᒫᕐᐸᒃᑲ; ᕿᒪᒍᒫᕐᐸᒃᑲᓗ ᐊᓚᕐᓗᒋᑦ, ᑕᕝᕙ ᓄᖑᑕᐅᔪᒫᕐᐳᑦ; ᐅᓄᕐᑐᓄᑦ ᐱᓂᕐᓗᖕᓇᕐᑐᓄᑦ ᐊᑲᐅᖏᑦᑐᓄᓪᓗ ᑎᑭᑕᐅᔪᒫᕐᐳᑦ, ᑕᕝᕙ ᐅᖃᓕᕈᒫᕐᐳᑦ, ‘ᒪᑯᐊ ᐱᐅᖏᑦᑐᑦ ᐅᕙᑦᑎᓐᓄᑦ ᑎᑭᑉᐳᑦ ᒎᑎᐅᑉ ᐃᓚᒋᔪᓐᓃᕐᒪᑎᒎᑦ?’

ᒨᓯᓯ ᑕᓪᓕᒪᖏᑦ 33:8

ᓕᕔᓪᓕ ᑭᖑᕚᖏᑦ ᐱᑦᔪᑎᒋᓪᓗᒋᑦ ᐅᖃᓚᐅᕐᐳᖅ: “ᓕᕔᑉ ᑭᖑᕚᖏᑦ ᑐᒥᒻᒥᒃ ᑐᓂᓯᕕᒋᒃᑭᑦ, ᔪᕆᒻᑯᓪᓗ ᐃᑦᔪᕐᓁᑦᑐᖁᑎᖕᓄᑦ, ᐆᒃᑐᓚᐅᕋᕕᒋᑦ ᓄᓇᒥ ᒫᓴᒥ; ᐊᑭᒪᖃᑎᒋᓚᐅᕐᑕᑎᓪᓗ ᒥᕆᐸᐅᑉ ᐃᒪᖏᓐᓂ.

ᒨᓯᓯ ᑕᓪᓕᒪᖏᑦ 6:16

“ᐊᑕᓂᕐᓂᒃ ᒎᑎᖕᓂᒃ ᐆᒃᑐᕐᓗᐃᔪᒃᓴᐅᓐᖏᓚᑎᑦ, ᑍᒫᒃ ᐆᒃᑐᕐᓗᐃᓚᐅᕐᓂᑦᓯᑐᑦ ᓄᓇᒥ ᒫᓴᒥ.

ᒨᓯᓯ ᑕᓪᓕᒪᖏᑦ 9:22

“ᐊᒻᒪᑦᑕᐅᖅ ᐊᑕᓂᖅ ᒎᑎᓯ ᓂᓐᖓᒃᑎᓚᐅᕐᐸᓯ ᓄᓇᓕᖕᓂ ᑕᐱᕋᒥ, ᒫᓴᒥ, ᑭᐳᕌᑎ-ᕼᐊᑖᕙᒥ.

ᔮᓱᐊᑉ ᐊᒡᓚᖏᑦ 22:31

ᐱᓂᕼᐋᓯᓗ ᐃᓕᓯᕆᐅᑉ ᑐᓂᕐᕈᓯᕐᑎᑦᓯᔨᐅᑉ ᐃᕐᓂᖓ ᐅᖃᕐᐳᖅ ᑖᒃᑯᓄᖓ ᕉᐱᓂᒃᑯᓐᓄᑦ, “ᐅᓪᓗᒥ ᖃᐅᔨᕗᒍᑦ ᐊᑕᓂᐅᑉ ᐃᓚᒋᖕᒪᑎᒍᑦ, ᐱᓇᓱᐊᕐᓂᑦᓯᒍᓪᓗ ᐊᑕᓂᕐᒥᒃ ᐊᑭᕋᕐᑐᓕᓚᐅᖏᓐᓇᑦᓯ; ᑍᒤᑦᒪᑦ ᒫᓐᓇ ᐃᓴᕆᐊᓕᒥᐅᑦ ᐃᓄᖏᑦ ᐱᐅᓕᓚᐅᕐᐸᓯ ᐊᑕᓂᐅᑉ ᐊᒡᒐᖏᓐᓂᑦ.”