ᒨᓯᓯ ᐂᑉᐸᖏᑦ 16:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐊᑕᓂᖅ ᒨᓯᓯᒧᑦ ᐅᖃᕐᐳᖅ, “ᓂᕿᒃᓴᑦᓯᓐᓂᒃ ᕿᓚᖕᒥᑦ ᑲᑕᒐᕐᑎᑦᓯᓂᐊᕋᒪ ᓯᓚᓗᒃᑐᑎᑐᑦ. ᐃᓄᐃᑦ ᖃᐅᑕᒫᑦ ᐅᓪᓗᒧᑦ ᐊᑕᐅᓯᕐᒧᑦ ᓂᕿᒃᓴᒥᖕᓂᒃ ᑲᑎᑦᓯᔭᕐᑐᖃᑦᑕᕆᐊᖃᕐᓂᐊᕐᐳᑦ, ᑍᒤᓕᐅᕐᑎᓪᓗᒋᑦ ᖃᐅᔨᓴᕈᓐᓇᕐᓂᐊᕐᐸᒃᑲ ᐱᖁᔭᓐᓂᒃ ᐊᑐᕐᓯᔪᓐᓇᕐᓂᐊᕐᒪᖔᑕ.

ᒨᓯᓯ ᐂᑉᐸᖏᑦ 16:4 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 11:23

ᑖᒃᑯᐊ ᐊᖓᔪᖅᑳᕐᔪᐊᕐᒥᑦ ᒪᓕᒐᖃᓚᐅᕐᐳᑦ ᓇᓗᓁᕐᓯᓯᒪᔪᓂᒃ, ᖃᓄᖅ ᑖᒃᑯᐊ ᑭᖑᕚᕇᑦ ᓇᓪᓕᐅᑎᖃᑦᑕᕐᓗᑎᒃ ᐃᓐᖏᕐᓂᕐᒥᒃ ᑕᓯᐅᕐᑎᐅᖃᑦᑕᖁᓪᓗᒋᑦ, ᖃᐅᑕᒫᑦ ᐊᑐᕐᑕᐅᔭᕆᐊᖃᕐᑐᑦ ᐱᑦᔪᑎᒋᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 9:15

ᑳᓕᕐᑎᓪᓗᒋᓪᓗ, ᓂᐊᖁᔭᒥᒃ ᑐᓂᓯᕕᒋᓚᐅᕐᐸᑎᑦ ᕿᓚᖕᒥᑦ, ᐃᒥᕐᑎᓚᐅᕐᐸᑎᓪᓗ ᕾᕐᓱᒥᑦ ᐃᒥᕈᓱᓕᕐᑎᓪᓗᒋᑦ. ᓄᓇᒥᒃ ᓄᓇᑖᖁᓪᓗᒋᑦ ᐅᖃᐅᑎᓚᐅᕐᐸᑎᑦ, ᐊᖏᕈᑎᒋᓚᐅᕐᑕᕐᓂᒃ ᑐᓂᓂᐊᕐᓂᕋᕐᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 9:20

ᐊᓂᕐᓂᕐᐱᓪᓗ ᐱᐅᓂᖓᓄᑦ ᑕᓯᐅᖃᑦᑕᓚᐅᕐᐸᑎᑦ, ᐅᖃᐅᑎᓪᓗᒋᑦ ᖃᓄᐃᓕᐅᕐᑐᒃᓴᐅᓂᖏᓐᓂᒃ; ᓂᕆᑎᓚᐅᕐᐸᑎᑦ ᒫᓇᒥᒃ, ᐃᒥᕐᑎᓚᐅᕋᕕᒋᓪᓗ ᐃᒥᕈᓕᕐᑎᓪᓗᒋᑦ.

ᐃᓐᖏᕈᑎᑦ 105:40

ᐃᓄᐃᑦ ᑐᒃᓯᕋᕐᒪᑕ ᐊᕿᒡᒋᐅᔮᕐᑐᓄᑦ ᑎᑭᑕᐅᓚᐅᕐᐳᑦ, ᐱᔪᒪᓂᖏᑦ ᓈᒻᒪᒃᓯᑎᓚᐅᕐᐰᑦ ᕿᓚᐅᑉ ᓂᐊᖂᔭᖓᓂᒃ ᑐᓂᓯᕕᒋᓪᓗᒋᑦ.

ᐃᓐᖏᕈᑎᑦ 78:23

ᑭᓯᐊᓂ ᐱᖁᔨᓚᐅᕐᐳᖅ ᐹᓃᑦᑐᓂᒃ ᓄᕗᔭᓂᒃ, ᕿᓚᐅᓪᓗ ᐅᒃᑯᐊᖏᑦ ᒪᑐᐃᕐᓗᒋᑦ,

ᒨᓯᓯ ᐂᑉᐸᖏᑦ 15:25

ᒨᓯᓯᓗ ᐊᒃᓱᕈᕐᓗᓂ ᑐᒃᓯᐊᓕᕐᐳᖅ ᐊᑕᓂᕐᒧᑦ; ᐊᑕᓂᐅᓪᓕ ᑕᑯᑎᑉᐹ ᓇᐹᕐᑑᑉ ᐃᓚᖓᓂᒃ, ᑖᓐᓇᓗ ᒨᓯᓯᐅᑉ ᐃᒫᓄᐊᕐᐹ, ᐃᒪᖅ ᑕᕝᕙ ᐃᒥᒐᒃᓴᐅᑦᓯᐊᓕᕐᐳᖅ. ᑕᕝᕙᓂᓗ ᐊᑕᓂᐅᑉ ᐃᓅᑦᔪᑎᒃᓴᖏᓐᓂᒃ ᒪᓕᒐᒃᓴᓂᒃ ᑐᓂᓯᕕᒋᕔᑦ, ᖁᓚᖏᑦᔪᑎᒃᓴᖏᓐᓂᒡᓗ ᑐᓂᓯᕕᒋᓪᓗᒋᑦ,

ᒨᓯᓯ ᐂᑉᐸᖏᑦ 16:15

ᐃᓴᕆᐊᓕᒥᐅᓪᓗ ᑕᑯᒐᒥᑦᔪᒃ ᑭᓲᖕᒪᖔᑦ ᓇᓗᕚᑦ, ᐃᒻᒥᖕᓄᓪᓗ ᐊᐱᕆᖃᑦᑕᐅᑎᓕᕐᐳᑦ, “ᓱᓇ ᒪᓐᓇ?” ᒨᓯᓯᐅᑉ ᐅᖃᐅᑎᕔᑦ, “ᑕᒪᑦᔭ ᐊᑕᓂᐅᑉ ᑐᓂᓯᒪᔭᖓ ᓂᕿᒃᓴᕆᔭᐅᖁᓪᓗᓂᐅᒃ ᐃᓕᑦᓯᓐᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:8

ᓱᓕᖏᓐᓂᖅ ᓴᒡᓗᓂᕐᓗ ᐅᕙᓐᓂᑦ ᐲᕐᓗᒋᑦ ᐅᖓᓯᒃᑎᒃᑭᑦ; ᐊᔪᕐᓴᓕᕐᑎᓐᓂᐊᕐᓇᖓ ᐊᒃᓱᐃᓕᑎᓐᓂᐊᕐᓇᖓᓗ; ᓂᕆᑎᓐᖓᓕ ᓂᕿᒥᒃ ᐱᔭᕆᐊᖃᕐᑕᓐᓂᒃ,

ᒫᑎᐅᓯᐅᑉ ᐊᒡᓚᖏᑦ 6:11

ᐅᓪᓗᒥ ᓂᕿᒃᓴᑦᑎᓐᓂᒃ ᑐᓂᓯᕕᒋᑎᒍᑦ.

ᓘᑲᓯᐅᑉ ᐊᒡᓚᖏᑦ 11:3

ᖃᐅᑕᒫᑦ ᓂᕿᒃᓴᑦᑎᓐᓂᒃ ᑐᓂᓯᕕᒋᑎᒍᑦ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:3

ᑕᒪᕐᒥᒡᓗ ᐊᑦᔨᒌᒥᒃ ᓂᕆᓚᐅᕐᐳᑦ ᐊᓂᕐᓂᕐᒥᑦ ᐱᔪᒥᒃ.

ᒨᓯᓯ ᑕᓪᓕᒪᖏᑦ 8:16

ᓱᓇᖃᖏᑦᑐᒥ ᓂᕆᑎᓚᐅᕐᐹᓯ ᓂᕿᒃᓴᒥᒃ ᒫᓇᒥᒃ ᓯᕗᓕᑦᓯ ᖃᐅᔨᓚᐅᕐᓯᒪᓐᖏᑕᖏᓐᓂᒃ, ᒥᑭᒡᓕᑎᕈᓐᓇᖁᓪᓗᓯ ᖃᐅᔨᓴᕈᒪᓪᓗᓂᓯᓗ, ᑕᒪᓐᓇ ᐊᓂᒍᕐᐸᑦ ᓮᒻᒪᕐᑎᑦᓱᒪᓪᓗᓂᓯ ᐱᕙᓪᓕᐅᑎᒃᓴᑦᓯᓂᒡᓗ ᐱᑎᑦᓱᒪᓪᓗᓂᓯ.

ᒨᓯᓯ ᑕᓪᓕᒪᖏᑦ 8:2

ᐃᖅᑲᐅᒪᔪᒃᓴᐅᕗᓯᑦᑕᐅᖅ ᐊᑕᓂᐅᑉ ᒎᑎᑦᓯ ᖃᓄᖅ ᑕᓯᐅᓚᐅᕐᒪᖔᓯ ᐊᕐᕌᒍᓂᒃ 40ᓂᒃ ᐃᓄᖃᖏᑦᑐᒃᑯᑦ, ᐃᓕᑦᓯᓐᓂᒃ ᒥᑭᒡᓕᑎᕈᓐᓇᕐᓯᖁᓪᓗᓯ, ᖃᐅᔨᓴᕈᒪᓪᓗᓯᓗ ᖃᓄᖅ ᐆᒻᒪᒻᒥᐅᑕᖃᕐᒪᖔᑦᓯ, ᐱᖁᔭᖏᓐᓂᒡᓗ ᓈᓚᒍᒪᓂᐊᕐᒪᖔᑦᓯ, ᓈᓚᒍᒪᓂᐊᖏᒻᒪᖔᑦᓯᓗ.

ᔮᓱᐊᑉ ᐊᒡᓚᖏᑦ 24:15

ᐊᑕᓂᕐᓕ ᐱᔨᑦᓯᕈᒪᓂᐊᖏᒃᑯᑦᓯᐅᒃ, ᐅᓪᓗᒥ ᑐᑭᑖᓕᕆᑦᓯ ᑭᓇᒥᒃ ᐱᔨᑦᓯᕐᓂᐊᕐᒪᖔᑦᓯ, ᓯᕗᓕᓯ ᒎᑎᒋᓚᐅᕐᑕᒋᓐᓂᒃ ᑐᒃᓯᐊᕐᕕᒋᖃᑦᑕᓚᐅᕐᑕᖏᓪᓗ ᑰᑉ ᐊᑭᐊᓂ, ᐅᕝᕙᓗ ᐊᒧᕅᒥᐅᑦ ᒎᑎᖏᓐᓂᒃ, ᒫᓐᓇ ᑖᒃᑯᐊ ᓄᓇᖓᓂ ᓄᓇᖃᓕᕋᑦᓯ; ᐅᕙᖓᓕ ᐃᒡᓗᒥᐅᖃᑎᒃᑲᓗ, ᐊᑕᓂᖅ ᐱᔨᑦᓯᕐᓂᐊᕐᐸᕗᑦ.”