ᒨᓯᓯ ᐂᑉᐸᖏᑦ 16:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐅᖃᕐᓗᑎᒡᓗ, “ᐄᑦᔨᑉᑎᒦᑎᓪᓗᑕ ᐊᑕᓂᐅᑉ ᑐᖁᑎᓐᓂᕐᐸᑎᒍᑦ ᐊᑲᐅᓂᕐᓴᐅᑲᓴᖕᓂᕐᐳᖅ, ᑍᑲᓂᓕ ᓂᕿᑐᕈᓐᓇᖃᑦᑕᓚᐅᕋᑦᑕ ᐊᓯᖏᓐᓂᒡᓗ ᓂᕆᔪᒪᔭᓕᒫᑦᑎᓐᓂᒃ, ᒪᐅᖓᓕ ᓯᐅᕅᓐᓈᓗᖕᒧᑦ ᑕᒪᑦᑕ ᑳᖕᓂᕐᒧᑦ ᐱᕐᓕᕐᑎᒋᐊᕐᑐᕐᓂᕐᐱᑎᒎᑦ?”

ᒨᓯᓯ ᐂᑉᐸᖏᑦ 16:3 Iomraidhean Croise

ᓴᒧᐃᓕ ᐂᑉᐸᖏᑦ 18:33

ᑕᕝᕙ ᐊᖓᔪᖅᑳᕐᔪᐊᖅ ᑎᑭᑕᐅᕗᖅ ᕿᒃᓵᖕᓂᕐᔪᐊᕐᒧᑦ, ᐃᒡᓗᕈᓯᕐᒧᐊᕐᐳᕐᓗ ᐃᑎᕐᑕᕐᕕᐅᑉ ᖁᓛᓄᑦ ᕿᐊᓕᕐᓗᓂ; ᕿᐊᓪᓗᓂᓗ ᐅᖃᕐᐳᖅ, “ᐃᕐᓃᒃ! ᐃᕐᓃᒃ ᐋᑉᓴᓚᒻ! ᐋᑉᓴᓚᒻ, ᐃᕐᓃᒃ! ᑐᖁᖔᓚᐅᕈᒪᓕ ᑐᖁᓐᖏᖔᕐᑎᓪᓗᑎᑦ, ᐃᕐᓃᒃ! ᐋᑉᓴᓚᒻ, ᐃᕐᓃᒃ!”

ᔫᐱᐅᑉ ᐊᒡᓚᖏᑦ 3:1

ᑕᒪᑐᒪ ᑭᖑᓂᖓᒍᑦ ᔫᐱ ᓂᓪᓕᕐᐳᖅ ᐃᓅᓕᕐᕕᓂ ᐅᖃᕐᓂᕐᓘᑎᒋᓪᓗᓂᐅᒃ.

ᔫᐱᐅᑉ ᐊᒡᓚᖏᑦ 3:10

ᐊᓈᓇᒪ ᐃᒡᓕᐊᖓᑕ ᐅᒃᑯᐊᖓ ᐅᒃᑯᐊᓚᐅᖏᒻᒪᒍ, ᐊᑲᐅᖏᑦᔪᑎᒃᓴᖃᕐᓃᓪᓗ ᐃᔨᓚᐅᖏᒻᒪᒋᑦ ᐃᔨᓐᓄᑦ ᑕᑯᖁᓇᖓ.

ᔫᐱᐅᑉ ᐊᒡᓚᖏᑦ 3:20

ᓱᖕᒪᑦ ᐃᓄᒃ ᐃᓅᑎᑉᐸᒃᐱᐅᒃ ᖁᕕᐊᓇᖏᑦᑐᒥ? ᓱᖕᒪᓪᓗ ᐃᓅᓯᖃᕐᑎᑉᐱᒋᑦ ᑕᕐᓂᕐᓄᑦ ᕿᒃᓵᖕᓇᕐᑐᓂᒃ?

ᐃᓐᖏᕈᑎᑦ 107:5

ᑳᒡᓗᑎᒃ ᐃᒥᕈᒃᓗᑎᒡᓗ, ᑕᕐᓂᖏᑦ ᐱᕐᓕᓕᕐᓗᑎᒃ ᓄᑮᕈᑎᓚᐅᕐᐳᑦ.

ᐃᓐᖏᕈᑎᑦ 78:19

ᐃᓛᒃ, ᓂᓪᓕᐊᓚᐅᕐᐳᑦ ᒎᑎᒥᒃ ᓈᒻᒪᒃᓴᕋᑎᒃ: ᐅᖃᕐᓗᑎᒃ, “ᒎᑎ ᓂᕆᔭᒃᓴᓂᒃ ᐊᑐᐃᓐᓇᕈᐃᔪᓐᓇᕐᐹ ᐃᓄᖃᖏᑦᑐᒥ?

ᐃᓐᖏᕈᑎᑦ 78:25

ᐃᓄᐃᑦ ᓂᕆᓚᐅᕐᐳᑦ ᐂᓐᖏᓖᑦ ᓂᕿᖏᓐᓂᒃ, ᑐᓂᓯᕕᒋᓪᓗᒋᑦ ᓂᕿᒃᓴᓂᒃ ᐊᒥᒐᖏᑦᑐᓂᒃ.

ᒨᓯᓯ ᐂᑉᐸᖏᑦ 14:11

ᒨᓯᓯᒧᓪᓗ ᐅᖃᕐᓗᑎᒃ, “ᐄᑦᔨᑉᑎᒥᐅᑦ ᓄᓇᖓᓐᓂ ᐃᓗᕕᕐᓯᕕᒃᓴᖃᖏᓐᓂᖓᓄᑦ ᒪᐅᖓ ᐃᓄᖃᖏᑦᑐᓕᐊᕈᑎᕕᑎᒎᑦ ᑐᖁᑕᐅᔭᕐᑐᖁᓪᓗᑖ? ᑕᒪᐅᓐᖓᐅᑦᔨᓚᐅᕐᓂᕐᓄᑦ ᑕᑯᒋᑦ ᐃᒤᑦᑑᒦᓕᕐᐳᒍᑦ!

ᒨᓯᓯ ᐂᑉᐸᖏᑦ 17:3

ᐃᓄᐃᓪᓗ ᐃᒥᕈᕕᒡᔪᐊᕋᒥᒃ ᒨᓯᓯᒧᑦ ᐊᑲᐅᒃᓴᖏᑦᔪᑎᒥᖕᓂᒃ ᐅᖃᐅᓯᕾᓐᓇᕐᐳᑦ ᐅᖃᕐᓗᑎᒡᓗ, “ᖃᓄᐃᒻᒪᑦ ᐄᑦᔨᑉᑎᒥᑦ ᐊᐅᓪᓚᕈᑎᓚᐅᕐᐱᑎᒎᑦ? ᕿᑐᕐᖓᕗᓪᓗ ᐆᒪᔪᖁᑎᕗᓪᓗ ᖀᓐᓂᕐᒧᑦ ᑐᖁᑦᓱᒪᓪᓗᑖ?”

ᒨᓯᓯ ᐂᑉᐸᖏᑦ 2:23

ᐊᕐᕌᒍᐃᓪᓗ ᐅᓄᕐᑐᑦ ᐊᓂᒍᕐᓯᒪᓕᕐᑎᓪᓗᒋᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦ ᑐᖁᕗᖅ. ᑭᓯᐊᓂᓕ ᓱᓕ ᐃᓴᕆᐊᓕᒥᐅᑦ ᐃᓖᔭᕆᔭᐅᓂᕐᒥᖕᓂᒃ ᓂᓪᓕᐊᑦᔪᑎᒌᓐᓇᓚᐅᕐᐹᑦ ᐃᑲᔪᕐᑕᐅᔪᒪᓪᓗᑎᒃ, ᕿᓄᓂᖓᓪᓗ ᒎᑎᒧᑦ ᑐᓴᕐᑕᐅᕗᖅ.

ᒨᓯᓯ ᐂᑉᐸᖏᑦ 5:21

ᐅᖃᕐᐳᓪᓗ, “ᐊᑕᓂᐅᑉ ᑕᑯᓐᓇᕐᐹᓯᒃ ᐊᑭᓂᐊᕐᓕᓯᒡᓗ ᖃᓄᐃᓕᐅᕐᑕᐅᑎᑦᓯᓂᑦᓯᖕᓂᒃ, ᐰᕉᒧᑦ ᐱᔨᒋᔭᖏᓐᓄᓪᓗ ᐊᑭᕋᕐᑐᕐᑕᐅᓕᕐᑎᑦᓯᒐᑦᓯᒃ ᐅᕙᑦᑎᓐᓂᒃ, ᑖᒃᑯᓄᖓᓗ ᑐᖁᑕᐅᑦᔪᑎᒃᓴᑦᑎᓐᓂᒃ ᐋᖅᑭᒃᓯᓯᒪᕗᓯ.”

ᔨᕆᒤᐊᐅᑉ ᐊᒡᓚᖏᑦ 2:6

ᐅᖃᓚᐅᓐᖏᓚᓪᓘᓐᓃᑦ, ᐊᑕᓂᖅ ᓇᓃᒻᒪᖔᑦ, ᑭᓇᒧᓪᓗ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᓚᐅᕐᒪᖔᕐᒥᒃ; ᑭᓇᒧᓪᓗ ᐃᓄᖃᖏᑦᑐᒃᑯᑦ ᑕᓯᐅᕐᑕᐅᓚᐅᕐᒪᖔᕐᒥᒃ, ᓄᓇᒃᑯᑦ ᓯᐅᕋᒃᑯᑦ ᑭᕕᓐᓇᕐᑐᓕᒃᑯᓪᓗ, ᓄᓇᒃᑯᓪᓗ ᑳᖕᓇᕐᑐᖃᕐᑐᒃᑯᑦ ᑲᑉᐱᐊᓇᕐᑐᖃᕐᑐᒃᑯᓪᓗ, ᓄᓇᒃᑯᑦ ᐊᐅᓚᕝᕕᐅᕙᖏᑦᑐᒃᑯᑦ ᓄᓇᖃᕐᕕᐅᕙᖏᑦᑐᒃᑯᓪᓗ.

ᔨᕆᒤᐊᐅᑉ ᐊᒡᓚᖏᑦ 42:14

ᐅᖃᓕᕐᓗᓯᓗ, ‘ᐋᒃᑲᓕ ᐄᑦᔨᑉᑎᒥ ᓄᓇᖃᕆᐊᕐᑐᖔᕐᓂᐊᕐᐳᒍᑦ, ᐅᓇᑕᕐᑐᓂᒃ ᑕᑯᕙᖕᓂᐊᕈᓐᓃᕋᑦᑕ, ᐅᓇᑕᕆᐊᓕᕐᑐᓪᓗ ᑎᑦᑐᓚᐅᑎᖏᓐᓂᒃ ᑐᓵᕙᒍᓐᓃᕐᓗᑕ, ᑳᒃᐸᒍᓐᓃᕐᓗᑕᓗ ᑍᑲᓂ ᓄᓇᖃᕐᓂᐊᕐᐳᒍᑦ.’

ᔨᕆᒤᐊᐅᑉ ᐊᒡᓚᖏᑦ 44:17

ᐊᖏᕈᑎᒋᓚᐅᕐᑕᓕᒫᑦᑎᓐᓂᒃ ᐱᓇᓱᐊᕐᓂᐊᕐᐳᒍᑦ, ᐆᓯᒪᔪᓂᒃ ᑐᓂᕐᕈᓯᖃᑦᑕᕐᓂᐊᕐᐳᒍᑦ ᕿᓚᐅᑉ ᑯᐃᖓᓄᑦ, ᑯᕕᓯᕕᒋᕙᒡᓗᒍᓗ ᑐᓂᕐᕈᑎᓂᒃ ᐃᒥᕐᑕᐅᔪᒃᓴᓂᒃ; ᓲᕐᓗᑦᑕᐅᖅ ᓯᕗᓕᕕᓂᕗᑦ ᐊᖓᔪᖅᑳᕐᔪᐊᕆᔭᕗᓪᓗ ᐊᖓᔪᖅᑳᖁᑎᕗᓪᓗ ᑍᒤᓕᐅᕐᐸᓚᐅᕐᒪᑕ ᔫᑕᒥ ᔨᕉᓴᓕᒥᓗ, ᑍᑦᓱᒪᓂ ᓂᕿᒃᓴᖃᑦᓯᐊᕐᐸᓚᐅᕐᐳᒍᑦ ᐊᔪᕐᓴᕐᓇᕐᑐᕐᓯᐅᕋᑕᓗ ᐱᐅᖏᑦᑐᓂᒡᓗ ᑕᑯᓚᐅᕐᓇᑕ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:9

ᐅᓇᑕᕐᑐᓂ ᑐᖁᔪᑦ ᐱᐅᓂᕐᓴᐅᕗᑦ ᑭᖑᓂᖓᓂ ᑐᖁᔪᕕᓂᕐᓂᑦ ᐱᕐᓕᕐᓗᑎᒃ ᓱᒃᑬᑦᑐᒥᒃ ᑐᖁᕙᓪᓕᐊᔪᓂᑦ ᓂᕿᒃᓴᖃᖏᓐᓂᕐᒥᓄᑦ.

ᒨᓯᓯ ᓯᑕᒪᖏᑦ 11:15

ᑍᒫᒃ ᐱᑎᓐᓂᐊᕈᕕᖓ, ᐊᑏ ᒫᓐᓇ ᐅᕙᓂ ᑐᖁᓕᓐᖓ, ᐃᓕᖕᓄᑦ ᖁᕕᐊᒋᔭᐅᒍᒪ, ᐊᔪᓕᓕᕐᓂᕐᒥᒃ ᑕᑯᑎᑦᑍᓕᓐᖓ!”

ᒨᓯᓯ ᓯᑕᒪᖏᑦ 11:20

ᑕᖅᑭᓕᒫᒥᒡᓕ, ᓱᕐᓗᑦᓯᓐᓂᑦ ᓂᕿ ᐊᓂᐊᓕᕐᐸᑦ ᑭᓯᐊᓂ, ᐃᓕᑦᓯᓗ ᐊᕆᐅᒍᑦᓯᐅᒃ, ᐊᑕᓂᖅ ᐊᑯᓐᓇᑦᓯᓐᓃᑦᑐᖅ ᓇᕐᕈᒋᓚᐅᕋᑦᓯᐅᒃ, ᓵᖓᓂᓗ ᕿᐊᓪᓗᓯ ᐅᖃᕐᓗᓯᓗ, ‘ᓱᖕᒪᑦ ᐄᑦᔨᑉᑎᒥᑦ ᐊᐅᓪᓚᓚᐅᕐᐱᑕ?’”

ᒨᓯᓯ ᓯᑕᒪᖏᑦ 14:2

ᐃᓴᕆᐊᓕᒥᐅᓕᒫᓪᓗ ᓈᒻᒪᒃᓴᕋᑎᒃ ᓂᓪᓕᐊᓚᐅᕐᐳᑦ ᒨᓯᓯᒧᑦ ᐂᕉᓂᒧᓪᓗ, ᐃᓴᕆᐊᓕᒥᐅᓪᓗ ᑖᒃᑯᖕᓄᖓ ᐅᖃᕐᓗᑎᒃ, “ᑍᒪᓕ ᐄᑦᔨᑉᑎᐅᑉ ᓄᓇᖓᓂ ᑐᖁᓚᐅᕈᑦᑕ! ᐅᕝᕙᓘᓐᓃᑦ ᐃᓄᖃᖏᑦᑐᒥ ᑐᖁᓚᐅᕈᑦᑕ!

ᒨᓯᓯ ᓯᑕᒪᖏᑦ 14:3

ᓱᖕᒪᑦ ᐊᑕᓂᐅᑉ ᑕᒪᐅᖓ ᓄᓇᒧᑦ ᑎᑭᑎᑉᐹᑎᒍᑦ ᓴᕕᒡᔪᐊᒧᑦ ᑐᖁᑕᐅᖁᓪᓗᑕ, ᓄᓕᐊᕗᓪᓗ ᕿᑐᕐᖓᕗᓪᓗ ᑐᖁᖃᓯᐅᑎᓗᑎᒃ? ᐱᐅᓂᕐᓴᐅᓕᓐᖏᓛᖅ ᐅᑎᕈᑦᑕ ᐄᑦᔨᑉᑎᒧᑦ?”

ᒨᓯᓯ ᓯᑕᒪᖏᑦ 16:13

ᐃᓕᖕᓄᑦ ᒥᑭᓗᐊᕐᐹ ᓄᓇᒥᑦ ᐱᕈᕐᑐᖃᑦᓯᐊᕐᑐᒥᑦ ᐊᔪᕐᓴᕐᓇᖏᑦᑐᒥᓪᓗ ᐊᐅᓪᓚᕐᑎᓚᐅᕋᑦᑎᒍᑦ, ᐃᓄᖃᖏᑦᑐᒥ ᑐᖁᖁᓪᓗᑖ, ᐊᖓᔪᖅᑳᕐᔪᐊᓪᓗ ᐃᕐᓂᖓᑐᑦ ᑍᒤᑦᓱᒪᓪᓗᑎᑦ ᐅᕙᑦᑎᓐᓄᑦ?

ᒨᓯᓯ ᓯᑕᒪᖏᑦ 16:41

ᖃᐅᑎᓪᓗᒍ ᐃᓴᕆᐊᓕᒥᐅᑦ ᐃᓄᒋᐊᒃᑐᕐᔪᐊᓕᒫᑦ ᓈᒻᒪᒃᓴᕋᑎᒃ ᓂᓪᓕᐊᓚᐅᕐᐳᑦ ᒨᓯᓯᒧᑦ ᐂᕉᓂᒧᓪᓗ, ᐅᖃᕐᓗᑎᒃ, “ᑐᖁᑦᓯᔪᓯᒃ ᐊᑕᓂᐅᑉ ᐃᓄᖁᑎᖏᓐᓂᒃ.”

ᒨᓯᓯ ᓯᑕᒪᖏᑦ 21:5

ᐃᓄᐃᓪᓗ ᓈᒻᒪᒃᓴᖏᓐᓂᕐᒥᒃ ᓂᓪᓕᐊᕗᑦ ᒎᑎᒧᑦ ᒨᓯᓯᒧᓪᓗ ᐅᖃᕐᓗᑎᒃ: “ᓱᖕᒪᑦ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᐱᑎᒍᑦ ᑐᖁᖁᓪᓗᑖ ᐃᓄᖃᖏᑦᑐᒥ? ᑕᒫᓂ ᓂᕿᒃᓴᖃᖏᒻᒪᑦ, ᐃᒪᖃᕋᓂᓗ, ᓂᕿᕗᓪᓗ ᐃᕿᐊᓐᖑᕐᐸᕗᑦ ᓂᕿᑐᕾᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 26:29

ᐸᐅᓗᓯᐅᑉ ᑭᐅᕚ, “ᕿᓚᒻᒥᐅᒐᓗᐊᕐᐸᑦ, ᐊᑯᓂᐅᒐᓗᐊᕐᐸᓪᓘᓐᓃᑦ, ᒎᑎ ᑐᒃᓯᐊᕐᕕᒋᕙᕋ ᐃᕝᕕᑐᐊᖑᖏᑦᑐᖅ ᓈᓚᒃᑐᓪᓕᑕᐅᖅ ᐅᑯᐊ ᐅᕙᑦᑐᑦ ᑍᒤᓕᖁᒐᓗᐊᕐᐸᑦᓯ, ᕿᓚᒃᓱᕐᑕᐅᓯᒪᖏᓪᓗᑎᒡᓕ ᐅᑯᑎᑐᓇᖅ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:8

ᒫᓐᓇᓕ ᐱᔪᒪᔭᓕᒫᓯ ᐱᓯᒪᓕᕐᐸᓯ, ᑕᒤᓐᓂᒃ ᐊᔪᕐᓴᕈᓐᓃᕐᓗᓯ! ᐅᕙᒍᑦ ᑍᒤᓚᐅᕐᑎᓐᓇᑕ ᐊᖓᔪᖅᑳᕐᔪᐊᑎᑐᑦ ᑍᒤᓕᕐᐳᓯ! ᐊᖓᔪᖅᑳᕐᔪᐊᓐᖑᖁᕙᑦᓯ, ᐊᐅᓚᑦᓯᔨᐅᖃᑎᒌᖕᓂᐊᕋᑦᑕ!

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:1

ᓯᓔᑦᑐᑎᑐᑦ ᐃᓕᖅᑯᓯᖃᑬᓐᓇᕐᑎᓪᓗᖓ ᕿᓄᐃᓵᕈᑎᒋᓚᐅᕐᓯᓐᖓ, ᓇᓗᓐᖏᓚᖓ ᕿᓄᐃᓵᕈᑎᒋᓂᐊᕋᑦᓯᓐᖓ.

ᒨᓯᓯ ᑕᓪᓕᒪᖏᑦ 28:67

ᐅᓪᓛᒃᑯᑦ ᐅᖃᖃᑦᑕᕈᒫᕐᐳᓯ ‘ᐅᓐᓄᓚᐅᕐᒥᓕᑐᖅ!’ ᐅᓐᓄᒃᑯᓪᓗ ᐅᖃᕐᐸᖕᒥᓗᓯ ‘ᐅᓪᓛᓐᖑᓚᐅᕐᒥᓕᑐᖅ’ ᐆᒻᒪᑎᓯ ᑲᑉᐱᐊᓱᒃᑐᐊᓘᔪᒫᕐᒪᑕ, ᑕᑯᔭᓯ ᐱᑦᔪᑎᒋᓗᒋᑦ.

ᒨᓯᓯ ᑕᓪᓕᒪᖏᑦ 8:3

ᒥᑭᒡᓕᑎᕐᑎᓚᐅᕐᐹᓯ ᑳᓕᕐᑎᓪᓗᓂᓯ ᓂᕆᑎᑦᓱᒪᓪᓗᓂᓯ ᒫᓇᒥᒃ, ᑕᒪᑐᒥᖓ ᖃᐅᔨᒪᓚᐅᓐᖏᑕᑦᓯᓐᓂᒃ, ᓯᕗᓕᕕᓂᑦᓯᓘᓐᓃᑦ ᖃᐅᔨᒪᓚᐅᓐᖏᑕᖓᓂᒃ; ᖃᐅᔨᑎᑦᓱᒪᓪᓗᓂᓯ ᐃᓄᒃ ᓂᐊᖂᔭᑐᐃᓐᓇᕐᒧᑦ ᐃᓅᔪᓐᓇᖏᒻᒪᑦ, ᐊᑕᓂᐅᓪᓕ ᓇᖕᒥᓂᖅ ᐅᖃᐅᓯᖏᑎᒍᑦ ᑭᓯᐊᓂ ᐃᓅᔪᓐᓇᕐᐳᖅ.

ᔮᓱᐊᑉ ᐊᒡᓚᖏᑦ 7:7

ᔮᓱᐊᓗ ᐅᖃᕐᐳᖅ, “ᐊᔪᒐᖃᖏᑦᑐᑎᑦ ᐊᑕᓃᖅ ᒎᑏ! ᓱᖕᒪᑦ ᐃᑳᕐᑎᓚᐅᕐᐱᑎᒎᑦ ᔪᐊᕐᑕᓂᐅᑉ ᑰᖓᓂᒃ? ᐊᒧᕅᑎᒥᐅᓄᑦ ᑐᓂᔪᒪᓪᓗᑖ? ᐊᓯᕈᕈᒪᓪᓗᑕᓘ? ᐱᐅᓂᕐᓴᐅᒐᔭᓚᐅᓐᖏᓛᖅ ᔪᐊᕐᑕᓂᐅᑉ ᑰᖓᑕ ᐊᑭᐊᓃᑐᐃᓐᓇᓚᐅᕈᑦᑕ?