ᒨᓯᓯ ᐂᑉᐸᖏᑦ 16:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᒨᓯᓯᐅᓪᓕ ᐅᖃᐅᑎᕔᑦ, “ᐊᑕᓂᐅᑉ ᐱᑯᓯᒪᖕᒪᑎᒍᑦ ᖃᐅᒃᐸᑦ ᑕᕾᕐᓯᕐᕕᐅᓂᐊᕐᒪᑦ ᑭᓱᓕᕆᕕᐅᖏᑦᓯᐊᕐᓗᓂ, ᑖᓐᓇ ᐊᑕᓂᐅᑉ ᓴᐸᑎᖁᑎᒋᖕᒪᒍ ᐃᑦᔪᕐᓁᑦᑐᖅ; ᑕᕝᕙᓂ ᐅᓪᓗᒥ ᐆᑎᕆᒋᑦᓯ ᐆᑦᑕᕆᐊᖃᕐᑕᑦᓯᓐᓂᒃ ᐆᔪᓕᐅᕐᓗᓯᓗ ᐆᔪᓕᐅᕆᐊᖃᕐᑕᑦᓯᓐᓂᒃ, ᐊᒥᐊᒃᑯᒋᔭᓯᓗ ᖃᐅᒃᐸᒧᑦ ᖁᒥᐅᑎᒋᓗᒋᑦ.”

ᒨᓯᓯ ᐂᑉᐸᖏᑦ 16:23 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 9:13

ᓮᓁᑉ ᖃᖅᑲᖓᓄᑦ ᐊᖅᑲᓚᐅᕐᐳᑎᑦ ᕿᓚᖕᒥᑦ, ᐃᓄᖁᑎᑎᓪᓗ ᐅᖃᕐᕕᒋᓚᐅᕐᐸᑎᑦ ᕿᓚᖕᒥᑦ, ᐱᖁᔭᓂᒡᓗ ᑐᓂᓯᕕᒋᓚᐅᕐᐸᑎᑦ ᐊᑐᒐᒃᓴᑦᓯᐊᓂᒃ, ᐃᓕᓐᓂᐊᕐᑎᓚᐅᕐᐸᑎᓪᓗ ᐱᐅᔪᓂᒃ ᐱᖁᔭᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 9:14

ᐃᓕᓴᑎᓚᐅᕐᐸᑎᓪᓗ ᓴᐸᑎ ᐃᑦᔪᕐᓁᑎᑕᐅᖁᓪᓗᒍ, ᐱᖁᔨᓚᐅᕐᐳᑎᓪᓗ ᐊᑐᒐᒃᓴᐅᖁᔭᕐᓂᒃ ᒪᓕᒃᑕᐅᖁᔭᕐᓂᒡᓗ ᒪᓕᖁᓪᓗᒋᑦ, ᐱᔨᒃᑯᑦ ᒨᓯᓯᒃᑯᑦ ᐱᖁᔭᓂᒃ ᑐᓂᓯᕕᒋᓚᐅᕐᐸᑎᑦ.

ᒨᓯᓯ ᐂᑉᐸᖏᑦ 16:19

ᒨᓯᓯᐅᓪᓗ ᐅᖃᐅᑎᕔᑦ, “ᓇᓪᓕᐊᑦ ᖃᐅᒃᐸᑦ ᐱᓂᐊᕐᑕᒥᓂᒃ ᐱᓯᒪᔭᕆᐊᖃᓐᖏᓚᖅ.”

ᒨᓯᓯ ᐂᑉᐸᖏᑦ 23:12

“ᐅᓪᓗᓂᒃ ᐱᖓᓲᔪᕐᑐᓂᒃ ᓴᓇᔭᒃᓴᑦᓯᓐᓂᒃ ᓴᓇᔪᒃᓴᐅᕗᓯ, ᐅᓪᓗᓪᓕ 7ᖓᓐᓂ ᑕᕾᕐᓯᕐᑐᒃᓴᐅᕗᓯ; ᐆᒪᔪᖁᑎᓯᓗ ᐊᖑᓴᓪᓗᐃᑦ ᓯᐅᑎᖅᑯᕐᑐᔪᓪᓗ ᑕᕾᕐᓯᕐᑐᒃᓴᐅᒋᕗᑦ, ᓯᐊᓛᓯᓗ ᕿᑐᕐᖓᖏᓪᓗ ᓄᓇᑐᖃᒥᓃᖏᑦᑐᓪᓗ, ᑕᕾᕐᓯᕐᑐᐃᓐᓇᐅᔪᒃᓴᐅᕗᑦ.

ᒨᓯᓯ ᐂᑉᐸᖏᑦ 31:15

ᐅᓪᓗᓂᒃ ᐱᖓᓲᔪᕐᑐᓂᒃ ᐱᓇᓱᐊᕐᑐᒃᓴᐅᕗᓯ, ᐅᓪᓗᓪᓕ 7ᖓᓐᓂ ᓴᐸᑎ ᓇᓪᓕᐅᑎᕗᖅ ᓱᓇᓕᒫᓂᑦ ᑕᕾᕐᓯᕐᕕᒃᓴᖅ, ᐃᑦᔪᕐᓁᑦᑐᖅ ᐊᑕᓂᕐᒧᑦ; ᓇᓪᓕᐊᑦ ᑕᕝᕙᓂ ᐅᓪᓗᒥ ᐱᓇᓱᐊᕐᑐᖅ ᑖᓐᓇ ᑐᖁᑕᐅᔪᒃᓴᐅᕗᖅ.

ᔨᕆᒤᐊᐅᑉ ᐊᒡᓚᖏᑦ 17:22

ᐃᒡᓗᑦᓯᓐᓂᑦ ᐊᒡᔭᕐᓯᓗᓯ ᐊᓂᔪᒃᓴᐅᓐᖏᓚᓯ ᐱᓇᓱᐊᕐᑐᒃᓴᐅᓇᓯᓗ ᓴᐸᑎᒥ, ᓴᐸᑎᓕ ᐃᑦᔪᕐᓁᑎᑕᒃᓴᕆᕙᓯ, ᓯᕗᓕᓯ ᑍᒫᒃ ᐱᖁᓚᐅᕋᒃᑭᑦ.

ᒨᓯᓯ ᐱᖓᔪᖏᑦ 23:3

ᐅᓪᓗᓂᒃ 6ᓂᒃ ᐱᓇᓱᐊᕐᕕᒃᓴᖃᕐᐳᓯ, ᐅᓪᓗᐃᓪᓕ 7ᖓᑦ ᓴᐸᑎᐅᕗᖅ ᑕᕾᕐᓯᕐᕕᒃ, ᐅᓪᓗᖅ ᑖᓐᓇ ᑐᒃᓯᐊᕐᓂᕐᒧᑦ ᑲᑎᒪᕕᒃᓴᐅᕗᖅ. ᓱᓇᒥᒡᓘᓐᓃᑦ ᓴᓇᔪᒃᓴᐅᓐᖏᓚᑎᑦ; ᓇᓂᑐᐃᓐᓇᖅ ᓄᓇᖃᕋᓗᐊᕈᕕᑦ, ᐊᑕᓂᐅᑉ ᓴᐸᑎᒋᖕᒪᒍ.

ᒨᓯᓯ ᓯᑕᒪᖏᑦ 11:7

ᒫᓐᓇᓕ ᐱᕈᕐᑐᑦ ᑰᕆᐊᓐᑐᕆᐅᑉ ᐱᕈᕐᓯᐊᒃᓴᖓᑕ ᐊᑦᔨᑲᓴᒋᓚᐅᕐᐹ, ᒥᑭᔫᑎᐅᓪᓗᓂ ᖃᑯᕈᔪᒃᓗᓂ ᖁᕐᓱᑕᐅᕗᖅ ᑎᓕᐊᒻᑎᑐᑦ.

ᒨᓯᓯ ᓯᑕᒪᖏᑦ 11:8

ᐃᓄᐃᓪᓗ ᑕᒪᑐᒥᖓ ᓄᐊᑦᓯᕙᓚᐅᕐᐳᑦ, ᓯᖃᓪᓕᓪᓗᒍ ᓯᖃᓪᓕᓯᑦᔪᑎᒧᑦ ᐅᔭᕋᕐᒧᑦ ᐅᕝᕙᓘᓐᓃᑦ ᐃᓗᖃᕐᑐᒥ ᓯᖃᓪᓕᑎᑦᓯᔪᑎᒧᑦ, ᓵᑦᑑᔭᐅᑎᒧᑦ ᐃᒐᓪᓗᒍ, ᓂᐊᖂᔭᓕᐊᕆᓪᓗᒍᓗ; ᑎᐱᖓ ᓂᐊᖂᔭᓕᐊᖑᔪᑐᑦ ᑎᐱᖃᓚᐅᕐᐳᖅ ᐅᕐᓱᒧᑦ ᐆᑕᐅᔪᑎᑐᑦ.

ᓘᑲᓯᐅᑉ ᐊᒡᓚᖏᑦ 23:56

ᐊᖏᕐᕋᕋᒥᒃ ᑎᐱᑦᓯᐊᕆᒃᓴᐅᑎᑦ ᒪᒪᕐᓴᐅᑎᓪᓗ ᑎᒥᖓᓄᑦ ᒥᖑᐊᕈᑎᒋᓂᐊᕐᑕᑎᒃ ᐅᐸᓗᖕᒊᔭᕐᐰᑦ. ᓴᐸᑎᒥ ᕿᑲᕐᐳᑦ, ᐱᖁᔭᓂᒃ ᒪᓕᒡᓗᑎᒃ.

ᒨᓯᓯ ᑕᓪᓕᒪᖏᑦ 5:12

“‘ᐅᓪᓗᖅ ᓴᐸᑎᐅᔪᖅ ᑲᒪᒋᑦᓯᐊᕈᒃ, ᐃᑦᔪᕐᓁᑎᓪᓗᒍᓗ, ᐊᑕᓂᐅᑉ ᒎᑎᑦᓯ ᑍᒫᒃ ᐱᖁᓚᐅᕐᒪᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:10

ᐊᑕᓂᐅᓪᓕ ᐅᓪᓗᖓᓂ ᐊᓂᕐᓂᕐᒦᓕᓚᐅᕐᐳᖓ, ᑐᓴᕐᓗᖓᓗ ᑐᓄᓐᓂᑦ ᓂᐱᒥᒃ ᓂᐱᖅᑯᕐᑐᔪᒥᒃ ᑎᑦᑐᓚᐅᑎᑎᑐᑦ.