ᒨᓯᓯ ᐂᑉᐸᖏᑦ 16:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᐃᓚᖏᓪᓕ ᒨᓯᓯᒥᒃ ᓈᓚᖏᓪᓗᑎᒃ ᐃᓚᖓᓂᒃ ᐊᒥᐊᒃᑯᕗᑦ, ᖃᐅᑎᓪᓗᒍᓕ ᖁᐱᕐᕈᓂᒃ ᑕᑕᓚᐅᕐᐳᑦ ᐃᒍᓇᕐᓂᓕᕐᓗᓂᓗ. ᒨᓯᓯᓗ ᑖᒃᑯᓂᖓ ᐊᑲᐅᒃᓴᓚᐅᓐᖏᓚᖅ.

ᒨᓯᓯ ᐂᑉᐸᖏᑦ 16:20 Iomraidhean Croise

ᒨᓯᓯ ᐂᑉᐸᖏᑦ 16:19

ᒨᓯᓯᐅᓪᓗ ᐅᖃᐅᑎᕔᑦ, “ᓇᓪᓕᐊᑦ ᖃᐅᒃᐸᑦ ᐱᓂᐊᕐᑕᒥᓂᒃ ᐱᓯᒪᔭᕆᐊᖃᓐᖏᓚᖅ.”

ᒨᓯᓯ ᐂᑉᐸᖏᑦ 16:21

ᐅᓪᓛᑕᒫᑦ ᐊᑐᓂᑦ ᑲᑎᑦᓯᕙᓚᐅᕐᐳᑦ ᓈᒻᒪᒋᔭᒥᖕᓂᒃ. ᓯᕿᓂᕐᓗ ᐆᓇᕐᓯᔭᕌᖓᑦ ᒪᓂᖅᑲᒥ ᐊᒥᐊᒃᑰᔪᕕᓃᑦ ᐊᐅᒃᐸᓚᐅᕐᐳᑦ.

ᒨᓯᓯ ᐂᑉᐸᖏᑦ 16:24

ᒨᓯᓯᒧᑦ ᑍᒫᒃ ᐱᖁᔭᐅᓯᒪᒐᒥᒃ, ᐊᒥᐊᒃᑯᒋᔭᒥᖕᓂᒃ ᖃᐅᒃᐸᒧᑦ ᖁᒥᐅᕗᑦ, ᖃᕐᕈᑎᒐᓗᐊᕐᒪᒋᓪᓕ ᓱᒃᑯᑦᑐᖃᓚᐅᓐᖏᓚᑦ ᖁᐱᕐᕈᕐᑕᐅᓯᒪᒐᑎᒡᓗ.

ᒨᓯᓯ ᓯᑕᒪᖏᑦ 12:3

(ᒨᓯᓯᓕ ᐃᓅᓚᐅᕐᐳᖅ ᒥᑭᒡᓕᑎᕐᓯᒪᔪᕐᔪᐊᖑᓪᓗᓂ ᓄᓇᕐᔪᐊᒦᑦᑐᓕᒫᓂᑦ ᒥᑭᒡᓕᑎᕐᓯᒪᓂᕐᐹᖑᓪᓗᓂ.)

ᒨᓯᓯ ᓯᑕᒪᖏᑦ 16:15

ᑕᕝᕙ ᒨᓯᓯ ᐊᒃᓱᐊᓗᒃ ᓂᓐᖓᓚᐅᕐᐳᖅ, ᐊᑕᓂᕐᒧᓪᓗ ᐅᖃᕐᓗᓂ, “ᑐᓂᕐᕈᑎᖏᑦ ᑲᒪᒋᑦᑍᓕᒃᑭᑦ. ᓯᐅᑎᖅᑯᕐᑐᔪᒥᒡᓘᓐᓃᑦ ᐊᑕᐅᓯᕐᒥᒃ ᑖᒃᑯᓇᓐᖓᑦ ᐱᑎᑕᐅᓚᐅᓐᖏᓚᖓ, ᐋᓐᓂᕐᓯᓚᐅᕐᓇᖓᓘᓐᓃᑦ ᓇᓪᓕᐊᓐᓂᒃ.”

ᒫᑎᐅᓯᐅᑉ ᐊᒡᓚᖏᑦ 6:19

“ᓇᖕᒥᓂᖅ ᐊᔪᕐᓴᖏᑦᔪᑎᒃᓴᑦᓯᓐᓂᒃ ᑲᑎᕐᓱᐃᓂᐊᕋᓯ ᑕᒫᓂ ᓄᓇᒥ, ᖁᐱᕐᕈᓄᑦ ᖃᓪᓗᓈᕐᑕᓂᒃ ᓂᕆᓲᓄᑦ, ᒪᓐᖏᕐᑐᕆᒧᓪᓗ ᓱᒃᑯᑕᐅᔪᓐᓇᕐᑐᓂᒃ, ᑎᒡᓕᒃᑎᓄᓪᓗ ᐃᓵᕐᑕᐅᓗᑎᒃ ᑎᒡᓕᒃᑕᐅᔪᓐᓇᕐᑐᓂᒃ.

ᒫᑯᓯᐅᑉ ᐊᒡᓚᖏᑦ 10:14

ᔩᓱᓯᐅᓪᓕ ᑕᒪᓐᓇ ᖃᐅᔨᒐᒥᐅᒃ, ᐊᑲᐅᒃᓴᖏᒻᒪᕆᓕᕐᐳᖅ, ᐃᓕᓐᓂᐊᕐᑎᓂ ᐅᖃᐅᑎᕔᑦ, “ᓄᑕᕋᑯᓗᐃᑦ ᐅᕙᓐᓄᑦ ᕾᓕᑦ, ᐊᒡᕕᐊᖏᓪᓗᓯᐅᒃ; ᑖᒃᑯᐊ ᒎᑎᐅᑉ ᐊᑕᓂᐅᕕᖓᓂᒃ ᐱᖃᕐᒪᑕ.

ᒫᑯᓯᐅᑉ ᐊᒡᓚᖏᑦ 3:5

ᐊᕙᑎᒥᓃᑦᑐᑦ ᑕᑯᓴᕐᐰᑦ ᐊᑲᐅᒃᓴᕈᓐᓃᕐᓗᓂ, ᕿᒃᓵᒍᑎᒋᓪᓗᒋᑦ ᐆᒻᒪᑎᖏᑦ ᓯᑎᔪᐊᓘᖕᒪᑕ, ᐊᖑᒻᒧᑦ ᐅᖃᕐᐳᖅ, “ᐊᒡᒐᑎᑦ ᐃᓵᓚᐅᒃᑭᑦ.” ᑕᕝᕙ ᐃᓵᒃᐰᑦ, ᐋᖅᑭᑦᓯᐊᕐᓗᑎᒃ ᖃᓄᐃᖏᑦᔪᓯᕕᓂᕐᒥᒃᑐᑦ.

ᓘᑲᓯᐅᑉ ᐊᒡᓚᖏᑦ 12:15

ᐃᓄᓕᒫᓄᑦ ᐅᖃᕆᕗᖅ, “ᖃᐅᔨᓴᕆᑦᓯ, ᑲᒪᑦᓯᐊᕐᓗᓯ ᐱᑖᕈᒪᓗᐊᕐᓂᕐᒥᒃ; ᐃᓅᑉ ᐃᓅᓯᖓ ᒪᑭᑕᑎᑕᐅᖏᒻᒪᑦ ᐊᒥᓱᓂᒃ ᐱᖁᑎᖃᕐᓂᕐᒥᓄᑦ.”

ᓘᑲᓯᐅᑉ ᐊᒡᓚᖏᑦ 12:33

ᐱᖁᑎᓯ ᓂᐅᕐᕈᑎᒋᓯᐅᒃ, ᑮᓇᐅᔧᑦ ᑐᓂᓗᒋᑦ ᐊᔪᕐᓴᕐᑐᓄᑦ; ᐴᒃᓴᕐᑖᕆᑦᓯ ᐱᑐᖃᓐᖑᕐᓂᐊᖏᑦᑐᓂᒃ, ᐱᒃᓴᕐᑖᕐᓗᓯᓗ ᕿᓚᖕᒥ ᓄᖑᓐᓂᐊᖏᑦᑐᓂᒃ, ᑎᒡᓕᒃᑎᓄᑦ ᐱᔭᐅᔪᓐᓇᖏᑦᑐᓂᒃ, ᖁᐱᕐᕈᓄᓪᓗ ᖃᓪᓗᓈᕐᑕᓂᒃ ᓂᕆᓲᓄᑦ ᓱᒃᑯᑕᐅᓂᐊᖏᑦᑐᓂᒃ.

ᐃᐱᓯᒥᐅᓄᑦ 4:26

ᓂᓐᖓᒃᑯᑦᓯ ᓂᓐᖓᖕᓂᑦᓯᓐᓄᑦ ᐊᔪᕐᑐᓕᑎᑕᐅᓂᐊᕋᓯ; ᓯᕿᓂᖅ ᓂᐱᑦᓯᐊᕆᓗᒍ ᓂᓐᖓᐅᒪᓂᐊᕋᓯ.

ᐄᑉᕈᐃᓄᑦ 13:5

ᐃᓅᓯᓯ ᑮᓇᐅᔭᓂᒃ ᐱᔪᒪᓗᐊᕐᓂᕐᒥᑦ ᓴᐳᑎᓯᒪᓯᐅᒃ, ᐱᒋᔭᓯᓗ ᑕᒫᓂ ᓈᒻᒪᒋᓯᒋᒃ; ᐅᖃᕐᓯᒪᖕᒪᑦ, “ᕿᒪᓚᐅᕐᓯᒪᓂᐊᓐᖏᓚᑦᓯ; ᖁᔭᓈᕐᓂᐊᕐᓇᓯᓗ.”