ᒨᓯᓯ ᐂᑉᐸᖏᑦ 16:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᓄᓇᓗ ᑕᒪᓐᓇ ᐸᓂᕋᒥ ᓄᓇᐅᑉ ᖄᖓ ᖃᑯᕐᑕᒥᒃ ᐱᑕᖃᓚᐅᕐᐳᖅ ᓯᖃᓕᖕᒥᒃ ᓵᑦᑐᔮᖑᑎᑯᓗᖕᓂᒃ ᒥᑭᔫᑎᓂᒃ, ᐸᑐᒃᑎᑐᑦ ᐊᕿᑎᒋᓪᓗᓂ.

ᒨᓯᓯ ᐂᑉᐸᖏᑦ 16:14 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 9:15

ᑳᓕᕐᑎᓪᓗᒋᓪᓗ, ᓂᐊᖁᔭᒥᒃ ᑐᓂᓯᕕᒋᓚᐅᕐᐸᑎᑦ ᕿᓚᖕᒥᑦ, ᐃᒥᕐᑎᓚᐅᕐᐸᑎᓪᓗ ᕾᕐᓱᒥᑦ ᐃᒥᕈᓱᓕᕐᑎᓪᓗᒋᑦ. ᓄᓇᒥᒃ ᓄᓇᑖᖁᓪᓗᒋᑦ ᐅᖃᐅᑎᓚᐅᕐᐸᑎᑦ, ᐊᖏᕈᑎᒋᓚᐅᕐᑕᕐᓂᒃ ᑐᓂᓂᐊᕐᓂᕋᕐᓗᒋᑦ.

ᐃᓐᖏᕈᑎᑦ 105:40

ᐃᓄᐃᑦ ᑐᒃᓯᕋᕐᒪᑕ ᐊᕿᒡᒋᐅᔮᕐᑐᓄᑦ ᑎᑭᑕᐅᓚᐅᕐᐳᑦ, ᐱᔪᒪᓂᖏᑦ ᓈᒻᒪᒃᓯᑎᓚᐅᕐᐰᑦ ᕿᓚᐅᑉ ᓂᐊᖂᔭᖓᓂᒃ ᑐᓂᓯᕕᒋᓪᓗᒋᑦ.

ᐃᓐᖏᕈᑎᑦ 147:16

ᐊᐳᒻᒥᒃ ᑐᓂᓯᕗᖅ ᓰᐱᐅᑉ ᒥᖅᑯᖏᑎᑐᑦ ᖃᑯᕐᑐᒥᒃ; ᓯᐊᒻᒪᕐᑎᑦᓯᓪᓗᓂᓗ ᓄᓇᒥ ᐸᑐᖕᒥᒃ ᐊᕐᔭᓕᐅᕐᓂᑎᑐᑦ.

ᐃᓐᖏᕈᑎᑦ 78:24

ᓯᓚᓗᒃᑐᑐᑦ ᑲᑕᒐᕐᑎᑦᓯᓚᐅᕐᐳᖅ ᒫᓇᒥᒃ ᓂᕿᒃᓴᖏᓐᓂᒃ, ᑐᓂᓯᕕᒋᓗᒋᓪᓗ ᓂᐊᖂᔭᒥᒃ ᕿᓚᖕᒥᑦ ᐱᔪᒥᒃ.

ᒨᓯᓯ ᐂᑉᐸᖏᑦ 16:31

ᐃᓴᕆᐊᓕᒥᐅᓪᓕ ᑕᒪᒃᑯᐊ ᓂᕿᒃᓴᑦ ᐊᑎᖃᕐᑎᓚᐅᕐᐰᑦ ᒫᓇᒥᒃ; ᑰᕆᐊᓐᑐᕆᐅᑉ ᐱᕈᕐᓯᐊᒃᓴᐅᑉ ᑲᓐᖓᕐᓲᑎᒃᓴᖓᑐᑦ ᑍᒤᑦᑑᕗᖅ ᖃᑯᕐᑕᑯᓘᓪᓗᓂ, ᑎᐱᖃᕐᓗᓂᓗ ᓂᐊᖂᔭᑎᑐᑦ ᓵᑦᑐᑯᓘᓪᓗᑎᒃ ᐸᓂᕐᓯᒪᔪᑎᑐᑦ ᕼᐊᓂᒥᒃ ᐃᓚᓯᒪᔪᑎᑐᑦ.

ᒨᓯᓯ ᑕᓪᓕᒪᖏᑦ 8:3

ᒥᑭᒡᓕᑎᕐᑎᓚᐅᕐᐹᓯ ᑳᓕᕐᑎᓪᓗᓂᓯ ᓂᕆᑎᑦᓱᒪᓪᓗᓂᓯ ᒫᓇᒥᒃ, ᑕᒪᑐᒥᖓ ᖃᐅᔨᒪᓚᐅᓐᖏᑕᑦᓯᓐᓂᒃ, ᓯᕗᓕᕕᓂᑦᓯᓘᓐᓃᑦ ᖃᐅᔨᒪᓚᐅᓐᖏᑕᖓᓂᒃ; ᖃᐅᔨᑎᑦᓱᒪᓪᓗᓂᓯ ᐃᓄᒃ ᓂᐊᖂᔭᑐᐃᓐᓇᕐᒧᑦ ᐃᓅᔪᓐᓇᖏᒻᒪᑦ, ᐊᑕᓂᐅᓪᓕ ᓇᖕᒥᓂᖅ ᐅᖃᐅᓯᖏᑎᒍᑦ ᑭᓯᐊᓂ ᐃᓅᔪᓐᓇᕐᐳᖅ.