ᒨᓯᓯ ᐂᑉᐸᖏᑦ 15:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᐅᖃᕐᓗᓂᓗ, “ᐊᑕᓂᐅᑉ ᒎᑎᕕᑦ ᓂᐱᖓᓂᒃ ᓈᓚᑦᓯᐊᕐᓂᐊᕈᕕᑦ, ᑖᑦᓱᒪᓗ ᓈᒻᒪᒋᔭᖓᓂᒃ ᐱᓇᓱᐊᕐᓂᐊᕈᕕᑦ, ᐱᖁᔨᓂᕆᔭᓕᒫᖏᓪᓗ ᒪᓕᑦᓯᐊᕐᓂᐊᕈᕕᒋᑦ, ᑕᕝᕙ ᖃᓂᒪᓇᕐᑐᓄᑦ ᑎᑭᑕᐅᑎᓐᓂᐊᓐᖏᓚᒋᑦ ᐄᑦᔨᑉᑎᒥᐅᓄᑦ ᑎᑭᑎᓚᐅᕐᑕᒪ ᐊᑦᔨᖏᓐᓄᑦ; ᐅᕙᖓ ᐊᑕᓂᐅᒐᒪ, ᐃᓕᖕᓂᒃ ᐋᖅᑭᒃᓱᐃᔨ.”

ᒨᓯᓯ ᐂᑉᐸᖏᑦ 15:26 Iomraidhean Croise

ᐊᑕᓃᑦ ᓯᕗᓪᓖᑦ 11:33

ᕿᒤᓯᒪᓕᕐᒪᑦ ᐅᕙᓐᓂᒃ ᑐᒃᓯᐊᖃᑦᑕᓕᕐᓗᓂᓗ ᒎᑎᓐᖑᐊᓄᑦ ᐋᔅᑕᕉᑎᒧᑦ ᓮᑐᓂᒥᐅᑦ ᒎᑎᖓᓐᓄᑦ, ᑭᒧᓯᒧᓪᓗ, ᒧᐊᐱᒥᐅᑦ ᒎᑎᖓᓐᓄᑦ, ᒥᐅᓪᑲᒻᒧᓪᓗ ᐊᒧᓁᑎᑦ ᒎᑎᖓᓐᓄᑦ, ᐊᑐᕐᑕᐅᖁᔭᒃᑲ ᐊᑐᕈᓐᓃᕐᒪᒋᑦ ᐱᐅᔪᓂᒃ ᐱᓇᓱᐊᕈᓐᓃᕐᒪᑦ, ᐊᑖᑕᖓᑕ ᑍᕕᑎᐅᑉ ᒪᓕᑦᓯᐊᓚᐅᕐᑕᖏᓐᓂᒃ.

ᐊᑕᓃᑦ ᓯᕗᓪᓖᑦ 11:38

ᓈᓚᑦᓯᐊᕈᕕᖓ ᐱᖁᔨᑦᔪᑎᒋᔭᒃᑲᓗ ᒪᓕᒃᑯᕕᒋᑦ, ᐊᑐᕐᑕᐅᖁᔭᒃᑲᓗ ᒪᓕᒡᓗᒋᑦ ᐃᓅᓂᐊᕈᕕᑦ, ᓵᓐᓂᓗ ᓇᓛᒎᕐᑐᒥᒃ ᐱᓇᓱᐊᕐᓂᐊᕈᕕᑦ ᐊᑐᕐᑕᐅᖁᔭᒃᑲ ᐱᖁᔭᒃᑲᓗ ᒪᓕᖕᓂᐊᕈᕕᒋᑦ, ᐱᔨᑦᑐᑦ ᑍᕕᑎᑐᑦ, ᓇᔪᕐᓂᐊᕐᐸᒋᑦ, ᐊᖓᔪᖅᑳᕐᔪᐊᓐᖑᕐᑎᓐᓂᐊᕐᐸᒋᑦ ᐃᓴᕆᐊᓕᒧᑦ ᐊᑦᑕᕐᓇᖏᑦᑐᒥᒃ, ᑍᕕᑎᒥᒃ ᐃᑲᔪᓚᐅᕐᓂᕋ ᒪᓕᒡᓗᒍ, ᑍᒫᒃᑕᐅᖅ ᐃᓴᕆᐊᓕ ᐃᓕᖕᓄᑦ ᑐᓂᓂᐊᕐᐸᕋ.

ᐊᑕᓃᑦ ᐂᑉᐸᖏᑦ 2:21

ᑕᕝᕙ ᑰᒐᓛᒧᑦ ᐂᕗᖅ ᓄᓇᐅᑉ ᐃᓗᐊᓂᑦ ᑰᒃᑐᒧᑦ ᑕᕆᐅᕐᓗ ᑰᒐᓛᒧᑦ ᑲᑕᒐᕐᑎᑉᐹ, ᐅᖃᕐᓗᓂᓗ, “ᐃᒫᒃ ᐊᑕᓂᖅ ᐅᖃᕐᐳᖅ, ᐃᒪᖅ ᑕᒪᓐᓇ ᐃᒪᑦᓯᐊᕙᓐᖑᕐᑎᑉᐸᕋ ᑐᖁᑎᑦᓯᖃᑦᑕᒃᑲᓐᓂᕐᓂᐊᕈᓐᓃᕐᐳᖅ ᓄᓇᒥᒡᓗ ᐱᕈᕕᐅᔪᓐᓁᓕᑎᑦᓯᕙᒍᓐᓃᕐᓗᓂ.”

ᐊᑕᓃᑦ ᐂᑉᐸᖏᑦ 20:5

“ᐅᑎᕆᑦ ᕼᐃᓯᑬᐊ ᐅᖃᐅᑎᓗᒍ ᐊᐅᓚᑦᓯᔨᐅᔪᖅ ᐃᓄᖁᑎᓐᓂᒃ ᐅᖃᐅᑎᓗᒍ ᐊᑕᓂᖅ ᓯᕗᓕᕕᓂᕐᐱᑦ ᑍᕕᑎᐅᑉ ᒎᑎᖓ, ᐅᖃᕐᐳᖅ: ᑐᒃᓯᐊᕐᓃᑦ ᑐᓴᕐᐸᕋ, ᖁᕕᐅᕐᓂᑎᓪᓗ ᑕᑯᕙᒃᑲ; ᑕᑯᒋᑦ, ᐋᖅᑭᖕᓂᐊᕐᐸᒋᑦ; ᐅᓪᓗᐃᑦ ᐱᖓᓱᑦ ᐊᓂᒍᕐᐸᑕ ᐊᑕᓂᐅᑉ ᐃᒡᓗᖓᓄᐊᕐᓂᐊᕐᐳᑎᑦ.

ᐊᑕᓃᑦ ᐂᑉᐸᖏᑦ 22:2

ᔫᓮᐊ ᐊᑕᓂᐅᑉ ᓵᖓᓂ ᐱᐅᔪᒥᒃ ᐱᓇᓱᐊᓚᐅᕐᐳᖅ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᐱᓂᐊᕐᓂᖃᓚᐅᕐᐳᕐᓗ ᓯᕗᓕᖓᑕ ᑍᕕᑎᐅᑉ ᐊᖓᔪᖅᑳᕐᔪᐊᑉ ᐱᓂᐊᕐᓂᕆᓚᐅᕐᑕᖏᑎᑐᑦ, ᓴᖑᓚᐅᖏᓚᕐᓗ ᑕᓕᕐᐱᒧᑦ ᓴᐅᒥᒧᓪᓘᓐᓃᑦ.

ᔫᐱᐅᑉ ᐊᒡᓚᖏᑦ 5:18

ᒎᑎ ᑭᓕᕐᓯᒍᓂ, ᒪᑦᑐᓯᕐᓯᓲᖑᕗᖅ; ᐊᒡᒐᖕᒥᓄᑦ ᐋᓐᓂᕐᓯᒍᓂ, ᐊᒡᒐᖕᒥᓄᑦᑕᐅᖅ ᐋᖅᑮᓂᐊᕐᐳᖅ.

ᐃᓐᖏᕈᑎᑦ 103:3

ᑖᑦᓱᒪ ᐊᔪᕐᑐᓕᓂᓕᒫᑎᑦ ᐃᓱᒪᒋᔪᓐᓁᓚᐅᕐᐰᑦ, ᐋᓐᓂᐊᓂᓕᒫᑎᓪᓗ ᐋᖅᑭᓚᐅᕐᐰᑦ,

ᐃᓐᖏᕈᑎᑦ 147:3

ᐆᒻᒪᑎᒥᒍᑦ ᓯᖁᒥᓯᒪᔪᑦ ᒪᒥᑎᑉᐰᑦ, ᒪᑦᑐᓯᕐᑐᕐᓗᒋᓪᓗ ᐃᑭᖏᑦ.

ᐃᓐᖏᕈᑎᑦ 81:9

ᐊᑯᓐᓇᑦᓯᓐᓂ ᐊᑦᔨᐅᖏᑦᑐᓂᒃ ᒎᑎᖃᕐᑐᖃᕐᑐᒃᓴᐅᓐᖏᓚᖅ; ᔫᑎᐅᖏᑦᑐᑦ ᒎᑎᒋᔭᖏᓐᓂᒃ ᓇᓪᓕᐊᓐᓂᒡᓘᓐᓃᑦ ᑐᒃᓯᐊᕐᕕᖃᕐᑐᒃᓴᐅᓐᖏᓚᓯ.

ᒨᓯᓯ ᐂᑉᐸᖏᑦ 12:29

ᐅᓐᓄᐊᓪᓗᐊᖑᓕᕐᑎᓪᓗᒍ ᐊᑕᓂᐅᑉ ᑐᖁᑎᑉᐰᑦ ᐃᕐᓂᕐᑖᕆᐅᕈᑕᐅᓯᒪᔪᓕᒫᑦ ᐄᑦᔨᑉᑎᒥᐅᓄᑦ. ᐊᖓᔪᖅᑳᕐᔪᐊᑉ ᐃᕐᓂᖓᓂᑦ ᐱᒋᐊᕐᓗᓂ, ᑖᓐᓇ ᐊᖓᔪᖅᑳᕐᔪᐊᑉ ᑭᖑᕝᕕᕐᑎᒃᓴᕆᒐᔭᕐᑕᖓ, ᑎᒍᔭᐅᓯᒪᕕᖕᒦᑦᑐᑦ ᐃᕐᓂᑖᕆᐅᕈᑎᕕᓂᖓᑦ ᑎᑭᓪᓗᒍ. ᐆᒪᔪᓪᓗᑦᑕᐅᖅ ᕿᑐᕐᖓᕐᑖᕆᐅᕈᑎᕕᓂᖏᑦ ᑐᖁᑕᐅᒋᕗᑦ.

ᒨᓯᓯ ᐂᑉᐸᖏᑦ 19:5

ᒫᓐᓇᓕ ᑕᕝᕙ, ᐅᕙᓐᓂᒃ ᓈᓚᖕᓂᐊᕈᑦᓯ ᐊᖏᕈᑎᒋᓯᒪᔭᓐᓂᒡᓗ ᒪᓕᒡᓗᓯ, ᑕᕝᕙ ᐅᕙᓐᓄᑦ ᐃᓄᖁᑕᐅᓂᐊᓕᕐᐳᓯ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ; ᓄᓇᕐᔪᐊᖅ ᐃᓘᓐᓇᓂ ᐱᖁᑎᒋᒐᒃᑯ,

ᒨᓯᓯ ᐂᑉᐸᖏᑦ 19:6

ᐊᑕᓂᐅᕕᓐᓂᓗ ᑐᓂᕐᕈᓯᕐᑎᑦᓯᔨᖁᑎᒋᓂᐊᕐᐸᑦᓯ ᐃᓅᖃᑎᒌᒡᔪᐊᖑᓗᓯ ᐃᑦᔪᕐᓁᓪᓗᓯ. ᑕᒪᒃᑯᐊᓗ ᐅᖃᐅᓰᑦ ᐃᓴᕆᐊᓕᒥᐅᑦ ᕿᑐᕐᖓᖏᓐᓄᑦ ᐅᖃᐅᓯᕆᔭᒃᓴᕆᕙᓯ.”

ᒨᓯᓯ ᐂᑉᐸᖏᑦ 20:2

“ᐅᕙᖓ ᐊᑕᓂᐅᕗᖓ ᒎᑎᓯ, ᐅᕙᖓ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᐸᑦᓯ ᑕᕝᕙᓐᖓᑦ ᓱᒃᑯᔨᐊᖑᕕᒋᓚᐅᕐᑕᑦᓯᓐᓂᑦ.

ᒨᓯᓯ ᐂᑉᐸᖏᑦ 23:25

ᐊᑕᓂᖅ ᒎᑎᓯ ᐱᔨᑦᓯᒐᒃᓴᕆᕙᓯ, ᑕᕝᕙ ᓂᕿᒃᓴᓯ ᐃᒥᒃᓴᓯᓗ ᓮᒻᒪᕐᑎᓐᓂᐊᕐᐸᒃᑲ; ᖃᓂᒪᓇᕐᑐᓪᓗ ᐃᓕᑦᓯᓐᓂᑦ ᐲᔭᕐᓂᐊᕐᐸᒃᑲ.

ᐂᓮᐊᓯᐅᑉ ᐊᒡᓚᖏᑦ 55:3

ᓯᐅᑎᓯ ᒪᓂᓗᒋᒃ, ᐅᕙᓐᓄᑦ ᕾᓗᓯ; ᑐᓵᑦᓯᐊᕆᑦᓯ ᑕᕐᓂᓯ ᐃᓅᖁᓪᓗᒋᑦ; ᐊᖏᖃᑎᒋᔪᒪᕙᒋᑦ ᐃᓱᖃᖏᑦᑐᒧᑦ ᐊᑐᕐᓂᐊᕐᑐᒥᒃ, ᑍᕕᑎᒧᑦ ᐊᖏᖃᑎᒌᒍᑎᒋᓚᐅᕐᑕᓐᓂᒃ ᓇᒡᓕᒍᓱᖕᓂᓐᓂᒃ ᓱᖁᓯᕐᓂᐊᖏᑦᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 57:18

ᐱᓂᐊᕐᓂᖏᑦ ᑕᑯᓯᒪᕙᒃᑲ, ᐋᖅᑭᒍᒫᕐᐸᒃᑲᓕ; ᑕᓯᐅᕈᒫᕋᒃᑭᑦ ᐅᑎᕐᑎᑦᓯᕕᒋᓗᒋᓪᓗ ᓮᒻᒪᕐᑎᑕᐅᓂᕐᒥᒃ, ᕿᒃᓵᖕᓂᕆᔭᖏᓐᓂᓪᓗ ᒪᓂᒍᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 11:7

ᑍᒪᓐᖓᑦ ᓯᕗᓕᓯ ᐊᐅᓪᓚᕐᑎᓚᐅᕋᒃᑭᑦ ᐄᑦᔨᑉᑎᒥᑦ ᐅᓪᓗᒥᒧᑦ ᑎᑭᓪᓗᒍ, ᐅᖃᐅᑎᖃᑦᑍᓐᓇᓚᐅᕐᐸᒃᑲ ᐅᓄᕐᑐᐃᓱᕐᓗᒋᑦ ᓂᐱᓐᓂᒃ ᓈᓚᒃᑐᒃᓴᐅᓂᖏᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 17:24

“‘ᓈᓚᑦᓯᐊᕈᑦᓯᓐᖓᓕ, ᐊᑕᓂᖅ ᐅᖃᕐᐳᖅ, ᓴᐸᑎᐅᑎᓪᓗᒍ ᐊᒡᔭᕐᓯᓗᓯ ᐊᕙᒻᒧᒐᕐᑍᓕᓗᓯ ᐃᒡᓗᒐᓴᒡᔪᐊᑦ ᐃᑎᕐᑕᕐᕕᖏᑎᒍᑦ, ᐃᑦᔪᕐᓁᑎᒃᑯᑦᓯᐅᒡᓗ ᓴᐸᑎ ᓴᓇᕕᒋᑦᑍᓕᓗᒍ.

ᔨᕆᒤᐊᐅᑉ ᐊᒡᓚᖏᑦ 30:17

ᐃᓕᑦᓯᓐᓂᒃ ᖃᓄᐃᑦᑐᓐᓃᕐᑎᑦᓯᑦᓯᐊᕐᓂᐊᕆᕗᖓ, ᐃᑭᓯᓗ ᒪᒥᑎᓪᓗᒋᑦ, ᐊᑕᓂᖅ ᐅᖃᕐᐳᖅ, ᐃᒋᑕᐅᓯᒪᔪᓂᒃ ᑍᔭᐅᓕᕋᑦᓯ, ‘ᓮᐅᓂ ᐃᒃᐱᒋᔭᐅᔪᓐᓁᕐᒪᑦ.’”

ᔨᕆᒤᐊᐅᑉ ᐊᒡᓚᖏᑦ 33:6

ᑕᑯᒋᑦ, ᑍᒤᓚᐅᕋᓗᐊᕐᑎᓪᓗᒍ ᐃᒡᓗᒐᓴᒡᔪᐊᑦ ᐃᓄᖏᓪᓗ ᐋᖅᑭᑦᓯᐊᕈᒫᕆᕙᒃᑲ, ᑕᑯᑎᑦᓱᒫᕆᕙᒃᑲᓗ ᐊᔪᕐᓴᕐᓇᖏᑦᑐᕐᔪᐊᒥᒃ ᐃᓅᖃᑎᒋᓕᕐᓗᒋᓪᓗ ᐃᓕᒪᓇᖏᑦᑐᒥ.

ᔨᕆᒤᐊᐅᑉ ᐊᒡᓚᖏᑦ 7:23

ᑭᓯᐊᓂᓕ ᐱᖁᔭᕐᑖᑎᓚᐅᕐᐸᒃᑲ ᐃᒤᓕᔪᒥᒃ, ᓂᐱᒐ ᓈᓚᒃᑕᒃᓴᕆᕙᓯ, ᒎᑎᒋᔭᐅᓂᐊᕋᒪ ᐃᓕᑦᓯᓐᓄᑦ, ᐃᓕᑦᓯᓗ ᐃᓄᖁᑎᒋᓂᐊᕐᐸᑦᓯ, ᐱᖁᔭᒃᑲ ᒪᓕᒡᓗᒋᑦ ᐃᓅᔪᒃᓴᐅᕗᓯ, ᐃᓅᓯᖃᑦᓯᐊᖁᓪᓗᓯ.

ᔨᕆᒤᐊᐅᑉ ᐊᒡᓚᖏᑦ 8:22

ᓄᓇᒥ ᒋᓕᐊᑎᒥᐅᓂ ᐊᓪᓚᕈᑦᔭᒐᕐᑕᖃᓐᖏᓛᖅ? ᐃᓅᓕᓴᐅᑎᒃᓴᒥᒃ? ᐋᓐᓂᐊᓯᐅᑎᑕᖃᕈᓐᓃᕐᒫᑦ ᑍᑲᓂ? ᐃᓄᖁᑎᒪ ᑭᓪᓕᖏᓐᓄᑦ ᐋᖅᑭᒃᑕᐅᓇᕐᑐᕐᑕᖃᕈᓐᓃᕐᐹ?

ᐃᓯᑭᐊᓕᐅᑉ ᐊᒡᓚᖏᑦ 18:5

“ᐃᓄᒃᑕᖃᕐᐸᑦ ᐃᓱᐊᕐᑐᒥᒃ ᐱᓇᓱᐊᑦᓯᐊᕐᑐᒥᒡᓗ ᓈᒻᒪᓈᑦᓯᐊᕐᑐᒥᒃ ᐃᓅᓯᓕᖕᒥᒃ.

ᕼᐆᓯᐊᑉ ᐊᒡᓚᖏᑦ 11:3

ᐃᕗᕅᒥ ᓇᖕᒥᓂᖅ ᐃᓕᓐᓂᐊᕐᑎᓚᐅᕐᐸᕋ ᐱᓱᒋᐅᕐᓴᑎᓪᓗᒍ, ᑕᓕᓐᓄᑦ ᑎᒍᒥᐊᕐᓗᒋᑦ; ᖃᐅᔨᒪᓚᐅᓐᖏᓚᓪᓕ ᐋᖅᑭᓚᐅᕐᒪᖔᒃᑭᑦ.

ᕼᐆᓯᐊᑉ ᐊᒡᓚᖏᑦ 6:1

“ᕾᓗᓯ ᐅᑎᓚᐅᕐᑕ ᐊᑕᓂᕐᒧᑦ; ᑖᑦᓱᒪ ᐋᓐᓂᕐᓯᒪᖕᒪᑎᒍᑦ, ᐋᖅᑭᒍᒪᓪᓗᑕ; ᑖᑦᓱᒪ ᐃᑭᓕᕐᓯᒪᖕᒪᑎᒍᑦ, ᑖᑦᓱᒪᓗ ᒪᑦᑐᓯᕐᓂᐊᕐᐹᑎᒍᑦ.

ᒨᓯᓯ ᐱᖓᔪᖏᑦ 26:13

ᐅᕙᖓ ᐊᑕᓂᐅᒐᒪ ᒎᑎᓯ, ᐅᕙᖓ ᐊᐅᓪᓚᕐᑎᓚᐅᕐᐸᑦᓯ ᐄᑦᔨᑉᑎᒥᑦ ᐃᓖᔭᐅᓪᓗᓯ ᓯᐊᓛᖑᖁᔪᓐᓃᕐᓗᓯ ᐱᔪᓐᓇᕐᓂᖅ ᓯᖁᒥᓚᐅᕐᐸᕋ ᐃᓕᑦᓯᓐᓂᒃ ᐊᔪᓕᕐᑎᑦᓯᓯᒪᓚᐅᕐᑐᖅ ᒪᑭᑕᑦᓯᐊᕐᓗᓯ ᐱᓱᒍᓐᓇᖁᓪᓗᓯ.”

ᒨᓯᓯ ᐱᖓᔪᖏᑦ 26:3

“ᐱᖁᔭᒃᑲ ᒪᓕᒡᓗᒋ ᐃᓅᒍᑦᓯ, ᒪᓕᒐᒃᓴᐅᖁᔭᒃᑲᓗ ᓈᓚᑦᓯᐊᕈᓯᒋᒃ,

ᒨᓯᓯ ᓯᑕᒪᖏᑦ 12:13

ᒨᓯᓯᓗ ᐊᑕᓂᕐᒧᑦ ᓂᓪᓕᐊᓪᓗᓂ, ᐅᖃᕐᐳᖅ, “ᒎᑏ, ᐅᓇ ᐱᔪᓐᓁᕐᑎᓚᐅᕈᒃ, ᑐᒃᓯᐊᕐᐳᖓ ᐃᓕᖕᓄᑦ!”

ᒨᓯᓯ ᑕᓪᓕᒪᖏᑦ 12:25

ᑕᒪᓐᓇ ᐱᖁᔨᑦᔪᑎᐅᔪᖅ ᒪᓕᖕᓂᐊᕈᕕᐅᒃ, ᑕᕝᕙ ᐊᑕᓂᐅᑉ ᖁᕕᐊᒋᓂᐊᕐᐹᑎᑦ, ᐃᓘᓐᓈᒍᓪᓗ ᖃᓄᐃᖏᑦᓯᐊᕐᓂᐊᕐᐳᑎᑦ ᑭᖑᕚᓕᒫᑎᓪᓗ.

ᒨᓯᓯ ᑕᓪᓕᒪᖏᑦ 12:28

ᑕᒪᒃᑯᐊᓗ ᐱᖁᔨᑦᔪᑎᒋᔭᓕᒫᒃᑲ ᐃᒃᐱᒍᓱᑦᓯᐊᕐᓗᑎᑦ ᓈᓚᒃᑕᒃᓴᕆᕙᑎᑦ, ᑕᕝᕙ ᖃᓄᐃᖏᑦᓯᐊᕐᓂᐊᕐᐳᑎᑦ ᑭᖑᕚᓕᒫᑎᓪᓗ ᐃᓱᖃᖏᑦᑐᒧᑦ, ᐱᓇᓱᐊᕋᔭᕋᕕᑦ ᓈᒻᒪᒋᔭᐅᔪᒥᒃ ᐊᑕᓂᐅᓪᓗ ᒎᑎᕕᑦ ᖁᕕᐊᒋᔭᖓᓂᒃ.”

ᒨᓯᓯ ᑕᓪᓕᒪᖏᑦ 13:18

ᐊᑕᓂᐅᑉ ᒎᑎᑦᓯ ᓂᐱᖓ ᓈᓚᖕᓂᐊᕈᑦᓯᐅᒃ, ᐱᖁᔨᑦᔪᑎᖏᓪᓗ ᒪᓕᑦᓯᐊᕐᓂᐊᕈᑦᓯᒋᒃ ᐅᓪᓗᒥ, ᒪᓕᒃᑕᐅᖁᓪᓗᒋᑦ ᐅᖃᐅᓯᕆᔭᒃᑲ, ᐱᓂᐊᕐᓂᖃᖁᓪᓗᓯ ᓈᒻᒪᒋᔭᐅᔪᒥᒃ ᐊᑕᓂᐅᑉ ᒎᑎᑦᓯ ᓵᖓᓂ.”

ᒨᓯᓯ ᑕᓪᓕᒪᖏᑦ 28:27

ᐊᑕᓂᐅᓪᓗ ᐊᔪᐊᕐᑎᑦᓱᒫᕐᐹᓯ ᐄᑦᔨᑉᑎᒥ ᑍᒤᓚᐅᕐᑐᑎᑐᑦ, ᐅᕕᓂᓯ ᐊᖕᒪᕐᑎᕐᓗᑎᒃ ᐊᕿᐊᕈᕐᓗᓕᕐᓗᓯᓗ ᐊᒥᕐᓗᖕᓂᕐᒧᓪᓗ ᑎᒥᓯ ᓈᔭᐅᓯᒪᔪᒫᕐᐳᑦ, ᐅᖏᓚᖕᓇᕐᑐᒧᓪᓗ ᑕᒪᒃᑯᐊ ᐋᖅᑭᒃᑕᐅᑦᔪᑎᒃᓴᖃᕈᒫᓐᖏᓚᑦ.

ᒨᓯᓯ ᑕᓪᓕᒪᖏᑦ 28:58

“ᒎᑎᐅᑉ ᐊᔪᕆᕐᑐᐃᑦᔪᑎᒋᓯᒪᔭᖏᓐᓂᒃ ᐅᕙᓂ ᐊᒡᓚᖕᓂ ᑎᑎᕋᕐᑕᐅᓯᒪᔪᓕᒫᓂᒃ ᓈᓚᖕᓂᐊᖏᒃᑯᑦᓯ ᓱᖁᓯᔪᐃᑦᑑᓂᐊᖏᒃᑯᑦᓯᓗ ᐊᑕᓂᐅᓪᓗ ᒎᑎᕕᑦ ᐊᑎᖓ ᐅᐱᓐᓇᕐᓯᑎᓐᓂᐊᖏᒃᑯᕕᐅᒃ ᐱᐅᓂᕐᐹᖑᔪᖅ ᑲᒪᓇᕐᓂᕐᐸᐅᔪᕐᓗ,

ᒨᓯᓯ ᑕᓪᓕᒪᖏᑦ 28:60

ᑎᑭᑎᑦᓯᒃᑲᓐᓂᕈᒫᕆᕗᖅ ᐊᑲᐅᖏᑦᑐᒻᒪᕆᐊᓗᖕᓂᒃ ᐋᓐᓂᐊᓇᕐᑑᓚᐅᕐᑐᓕᒫᓂᒃ ᐄᑦᔨᑉᑎᒥ ᐊᑐᕐᑕᐅᖃᑦᑕᓚᐅᕐᑐᓂᒃ, ᑲᑉᐱᐊᒋᓚᐅᕐᑕᑦᓯᓐᓂᒃ; ᑕᒪᒃᑯᐊᓗ ᐃᓕᑦᓯᓐᓄᑦ ᓂᐱᓐᖓᔪᒫᕐᐳᑦ.

ᒨᓯᓯ ᑕᓪᓕᒪᖏᑦ 32:39

ᒫᓐᓇ ᑕᑯᓕᕆᑦᓯ ᐅᕙᖓᐅᒐᒪ, ᑖᓐᓇᑐᐊᑦᓯᐊᖑᓪᓗᖓ ᒎᑎᐅᒐᒪ; ᐊᓯᓐᓂᒃ ᓴᓂᒃᑯᑦ ᒎᑎᑕᖃᓐᖏᓚᖅ; ᑐᖁᑦᓯᕙᒡᓗᖓ ᐃᓅᑎᑦᓯᕙᒃᐳᖓ; ᐃᑭᓕᕐᑎᑦᓯᓲᖑᓪᓗᖓᓗ ᒪᒥᑎᑦᓯᕙᒃᐳᖓ, ᑭᓇᓘᓐᓃᑦ ᐱᔪᓐᓇᕐᓂᓐᓂᒃ ᕿᒫᔪᓐᓇᓐᖏᓚᖅ.

ᒨᓯᓯ ᑕᓪᓕᒪᖏᑦ 5:1

ᒨᓯᓯᐅᑉ ᐃᓄᓕᒫᑦ ᑲᑎᖁᕔᑦ ᐅᖃᐅᑎᓪᓗᒋᓪᓗ, “ᐃᓴᕆᐊᓕᒥᐅᑦ ᐃᓄᖏᑦ, ᐅᓪᓗᒥ ᓈᓚᓚᐅᕐᓯᓐᖓ ᐱᖁᔭᓂᒃ ᐅᖃᐅᓯᖃᕐᑎᓪᓗᖓ ᐃᓕᑦᓯᓐᓄᑦ. ᑖᒃᑯᐊ ᐃᓕᓐᓂᐊᕐᑕᒃᓴᕆᕙᓯ ᓈᓚᑦᓯᐊᕐᓗᒋᓪᓗ.

ᒨᓯᓯ ᑕᓪᓕᒪᖏᑦ 7:15

ᐊᑕᓂᐅᓪᓗ ᖃᓂᒪᓐᓇᕐᑐᓕᒫᑦ ᐃᓕᑦᓯᓐᓂᑦ ᐲᔭᕐᓂᐊᕐᐰᑦ; ᖃᓂᒪᓇᕐᑐᐃᓪᓗ ᐱᐅᖏᑦᑐᐊᓗᐃᑦ ᐄᑦᔨᑉᑎᒥ ᖃᐅᔨᕙᓚᐅᕐᑕᓯ, ᐃᓕᑦᓯᓐᓄᑦ ᑎᑭᑦᑐᖃᕐᓂᐊᓐᖏᓚᑦ, ᐊᑭᕋᕐᑐᕐᑎᓕᒫᑦᓯᓐᓄᓪᓕ ᑕᒪᒃᑯᐊ ᑎᑭᑎᖔᕐᓂᐊᕐᐰᑦ.